၂၀၂၀ ပြည့်နှစ် ပါတီစုံဒီမိုကရေစီ အထွေထွေရွေးကောက်ပွဲတွင် ဖြစ်ပွားခဲ့သည့် မဲမသမာမှုနှင့် တရားမဲ့ပြုကျင့်မှုများအပေါ် စုံစမ်းစစ်ဆေးတွေ့ရှိချက်များ

Submitted by Anonymous (not verified) on Wed, 2025-01-22 18:33

၂၀၂၀ ပြည့်နှစ် ပါတီစုံဒီမိုကရေစီ အထွေထွေရွေးကေက်ပွဲတွင် ဖြစ်ပွားခဲ့သည့် မဲမသမာမှုနှင့် တရားမဲ့ပြုကျင့်မှုများ အပေါ် စုံစမ်းစစ်ဆေးတွေ့ရှိချက်များနှင့် စပ်လျဉ်း၍ ပြည်တွင်း/ပြည်ပမှ လေ့လာလိုသူများအနေဖြင့် ပြည်ထောင်စု ရွေးကောက်ပွဲကော်မရှင်က လွှင့်တင်ထားသည့် Website https://2020election.uec.gov.mm/ တွင်လည်းကောင်း၊ Mobile Application ကို အဆိုပါ Website တွင် Download ရယူ၍လည်းကောင်း လေ့လာဖတ်ရှုနိုင်ပါသည်။

Pages

သတင်းနှင့်ကြေငြာချက်များ

ဂွမြို့နယ်အတွင်း တရားမဝင်သစ်များ ဖမ်းဆီးရမိ

၁၈.၉.၂၀၁၉ ရက်နေ့နှင့် ၁၉-၉-၂၀၁၉ ရက်နေ့တို့တွင် ရခိုင်ပြည်နယ်၊ သံတွဲခရိုင်၊ သစ်တောဦးစီးဌာန ၊ လက်ထောက်ညွှန်ကြားရေးမှူး ကြီးကြပ်ဦးဆောင်၍ ဂွမြို့နယ် သစ်တောဦးစီးဌာန မှ ဦးစီးအရာရှိနှင့် ဝန်ထမ်းများ ၊ မြန်မာနိုင်ငံရဲတပ်ဖွဲ့ဝင်များ၊ အထွေထွေအုပ်ချုုပ်ရေးဦးစီးဌာနမှ ဝန်ထမ်းများ နှင့်ကျေးရွာအုပ်ချုပ်ရေး အဖွဲ့ဝင်များပါဝင်ပူးပေါင်းအဖွဲ့ဖြင့် ဂွမြို့နယ်အတွင်း တရားမဝင်သစ်နှင့်သစ်တောထွက်ပစ္စည်းများ ရှာဖွေဖော်ထုတ်ဖမ်းဆီးခြင်းဆောင်ရွက်ရာ ၁၈-၉-၂၀၁၉ ရက်နေ့တွင် မွေးလွန်းချောင်း ပတ်ဝန်းကျင် တောတွင်းနေရာများမှ တရားမဝင် ကညင်၊ ကညောင်း၊ တောင်ပိန္နဲ၊ တောင်သရက် သစ်လုံး/ခွဲသား စုစုပေါင်း (၂၁၉)လုံး/ချောင်း၊ (၁၂၂.၄၈၉၄)တန် အား လည်းကောင်း ၁၉.၉.၂၀၁၉ ရက်နေ့တွင် လိပ်ပုတ်ချောင်းနှင့် ငထွးချောင်း ပတ်ဝန်းကျင် တောတွင်းနေရာများ မှ တရားမဝင် ကညင်၊ ကညောင်း၊ တောင်သရက်၊ မကျည်းပွေးခွဲသား(၃၀၀)ချောင်း၊ (၄၆.၉၃၆၈)တန် အားလည်ကောင်း စုစုပေါင်း(၁၆၉.၄၂၆၂)တန်အား ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား ရှာဖွေဖော်ထုတ်၍ ဥပဒေနှင့်အညီအရေးယူနိုင်ရေးစီစဉ် ဆောင်ရွက်လျက် ရှိပါသည်။

မိုးမောက်မြို့နယ်၊ မိုးမောက်-လွယ်ဂျယ်ကားလမ်း မော်တော်ယာဉ် (၃)စီးနှင့် တရားမဝင်သစ်များ ဖမ်းဆီးရမိ

၁၈-၉-၂၀၁၉ ရက်နေ့တွင် ကချင်ပြည်နယ်၊ မိုးမောက်မြို့နယ် သစ်တောဦးစီးဌာနမှ မြို့နယ်ဦးစီးဌာနမှူး ဦးဆောင်သော သစ်တောဝန်ထမ်းများအဖွဲ့၊ ရတ ခလရ(၂၇၆)တပ်မှ ဗိုလ်ကြီးနှင့်အဖွဲ့ဝင်များ၊ မြန်မာနိုင်ငံရဲတပ်ဖွဲ့ဝင်များ ပါဝင်သော ပူးပေါင်းအဖွဲ့သည် မိုးမောက်မြို့နယ်၊ မိုးမောက်-လွယ်းဂျယ် ကားလမ်းတစ်လျှောက်နယ်မြေရှင်းလင်းခြင်းဆောင်ရွက်ရာ ပန်မူကျေးရွာအနီး စိန်လုံ-ပန်မူသွားတောလမ်း ဘေး၊ စိန်လုံကျေးရွာအရှေ့ဘက်မိုင်တိုင်အမှတ်(၂၂)၊(၂၃)နှင့်အနီးဝန်းကျင် နေရာတို့တွင် တရားမဝင်သစ် တင်ယာဉ် (၃)စီးနှင့် တရားမဝင် ကျွန်း/ပိတောက်ခွဲသားဆိုဒ်စုံ (၂၅၂)ချောင်း (၆.၅၅၈၀)တန်အား ပိုင်ရှင်မဲ့ ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်း ရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိပါသည်။

မံစီမြို့နယ်၊ နမ့်မဲကြိုးဝိုင်းအကွက်(၆၀)အတွင်း တရားမဝင်ကညင်သစ်လုံးများ ဖမ်းဆီးရမိ

ပြည်သူလူထုပူးပေါင်းပါဝင်မှုဖြင့် လူထုအခြေပြုစောင့်ကြပ်ကြည့်ရှု့ သတင်းပို့စနစ်-CMRS ဖြင့် သတင်းပေးပို့ချက်အရ ၁၈-၉-၂၀၁၉ ရက်နေ့တွင် ကချင်ပြည်နယ်၊ ဗန်းမော်ခရိုင်၊ မံစီမြို့နယ် သစ်တောဦးစီးဌာနမှ ဦးစီးအရာရှိ ဦးဆောင်သော သစ်တောဝန်ထမ်းများ၊ ရပ်ကွက်အုပ်ချုပ်ရေး အဖွဲ့ဝင်များပါဝင်သော ပူးပေါင်းအဖွဲ့သည် မံစီမြို့နယ်၊ စီကော်ကျေးရွာ အရှေ့မြောက်ဘက် (၅)မိုင်ခန့် အကွာ၊ နမ့်မဲကြိုးဝိုင်း၊ အကွက်အမှတ် (၆၀)အတွင်းမှ တရားမဝင် ကညင်သစ်လုံး(၁၀၂)လုံး (၄၈.၇၈၈၀)တန်အား ပိုင်ရှင်မဲ့ ဖမ်းဆီးရမိခဲ့ပြီး သစ်များအား လုံခြုံရာအရောက် သယ်ယူနိုင်ရေးနှင့် ဆက်စပ်ပတ်သက်သော တရားခံများအား စုံစမ်း ရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိပါသည်။

ကော့ကရိတ်မြို့နယ်၊ လှိုင်ဝစစ်ဆေးရေးဂိတ် ယာဉ်(၁)စီးပေါ်မှ တရားမဝင်ပိတောက်ခွဲသားဆိုဒ်စုံများ ဖမ်းဆီးရမိ

၁၇-၉-၂၀၁၉ ရက်နေ့တွင် ကရင်ပြည်နယ်၊ ကော့ကရိတ်ခရိုင်၊ ကော့ကရိတ်မြို့နယ် သစ်တောဦးစီးဌာနမှ လက်ထောက်ညွှန်ကြားရေးမှူး ဦးဆောင်သော သစ်တောဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ ပါဝင်သော ပူပေါင်းအဖွဲ့သည် ကော့ကရိတ်မြို့နယ် လှိုင်ဝစစ်ဆေးရေးဂိတ်တွင် မော်တော်ယာဉ် အမှတ် (BGO-1M/9887) NISSAN (၆)ဘီး၊ အဖြူရောင် ယာဉ်ပေါ်မှ တရားမဝင် ပိတောက်ခွဲသားဆိုဒ်စုံ (၅၃၂၂)ချောင်း (၅.၂၉၀၆)တန်အား တရားခံ(၅)ဦးနှင့်အတူ ဖမ်းဆီးရမိခဲ့ပြီး တရားခံအား ဥပဒေနှင့်အညီ ထိရောက်စွာ အရေးယူနိုင်ရေး သက်ဆိုင်ရာရဲစခန်းတွင် အမှုဖွင့်လှစ်ဆောင်ရွက်လျက် ရှိပါသည်။

ပေါက်မြို့နယ်၊ ကျောက်ထု-ပေါက်-ပခုက္ကူကားလမ်းအနီးတွင် တရားမဝင်ပိတောက်ခွဲသားများ ဖမ်းဆီးရမိ

၁၇-၉-၂၀၁၉ ရက်နေ့တွင် မကွေးတိုင်းဒေသကြီး၊ ပခုက္ကူခရိုင်၊ ပေါက်မြို့နယ်၊ သစ်တောဦးစီးဌာနမှ သစ်တောဝန်ထမ်းများအဖွဲ့၊ မြန်မာနိုင်ငံရဲတပ်ဖွဲ့ဝင်များ၊ ကျေးရွာအုပ်ချုပ်ရေးအဖွဲ့ဝင်များ ပါဝင်သော ပူးပေါင်းအဖွဲ့သည် ပေါက်မြို့နယ်၊ ကျောက်ထု-ပေါက်-ပခုက္ကူကားလမ်း၊ မိုင်တိုင်အမှတ်(၅၉/၂)၏ မြောက်ဘက်(၁)မိုင်ခန့်အကွာ၊ ကျောက်မဲတောင်တောတိုက်၊ က.ပ.စ(၂၄)နယ်နိမိတ်အစပ်တောတွင်း နေရာမှ တရားမဝင် ပိတောက်ခွဲသား(၃၄)ချောင်း (၂.၈၃၄၄)တန်အား ဖမ်းဆီးရမိခဲ့ပြီး ဆက်စပ်ပတ်သက် သော တရားခံများအား စုံစမ်းရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိပါသည်။

အင်းစိန်မြို့နယ်၊ ဘိုခြံမှတ်တိုင်အနီးတွင် မော်တော်ယာဉ်(၁)စီးနှင့် တရားမဝင်သစ်များ ဖမ်းဆီးရမိ

၁၉-၉-၂၀၁၉ ရက်နေ့တွင် ရန်ကုန်တိုင်းဒေသကြီး၊ မြောက်ပိုင်းခရိုင်၊ အင်းစိန်မြို့နယ်၊ သစ်တောဦးစီးဌာနမှ သစ်တောဝန်ထမ်းများအဖွဲသည် ရန်ကုန်-ပြည်လမ်းတစ်လျှောက် တရားမဝင်သစ်နှင့်သစ်တောထွက် ပစ္စည်းများ ရှာဖွေဖော်ထုတ်ဖမ်းဆီးခြင်းဆောင်ရွက်ရာ အင်းစိန်မြို့နယ်၊ ဘိုခြံမှတ်တိုင်အနီးတွင် ရပ်တန့်ထားသော မော်တော်ယာဉ်အမှတ်(SHN 5P/1782) အား မသင်္ကာဖွယ်တွေ့ရှိ၍ ဖွင့်ဖောက်စစ်ဆေးရာ တရားမဝင်ကျွန်းခွဲသား/ခွဲခြမ်းမျာဖမ်းဆီးရမိခဲ့ပြီး တိုင်းတာစစ်ဆေးခြင်းများဆောင်ရွက်လျှက်ရှိပြီး ဆက်စပ် ပတ်သက်သော တရားခံများအား စုံစမ်း ရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိပါသည်။

ပဲခူးမြို့နယ်၊ မြို့ရှောင်လမ်းတွင်မော်တော်ယာဉ်(၁)စီးနှင့်တရားမဝင်သစ်များဖမ်းဆီးရမိ

၁၆-၉-၂၀၁၉ ရက်နေ့တွင် ပဲခူးတိုင်းဒေသကြီး၊ ပဲခူးခရိုင်၊ ပဲခူးမြို့နယ် အကောက်ခွန်ဦးစီးဌာန ညွှန်ကြားရေးမှူး ဦးဆောင်သော အဖွဲ့မှ ပဲခူးမြို့နယ်၊ မြို့ရှောင်လမ်း ယာဉ် (၁)စီးပေါ်မှ တရားမဝင် ကျွန်းခွဲသားဆိုဒ်စုံ (၁၅၀)ချောင်း (၃.၈၅၁၄)တန်အား ဖမ်းဆီးရမိခဲ့ပြီး တရားမဝင်သစ်များအား သစ်တောဦးစီးဌာနသို့ အပ်နှံ၍ ယာဉ်အား အမှတ်(၁)နယ်မြေရဲစခန်းတွင် အပ်နှံကာ ဆက်စပ်ပတ်သက်သော တရားခံများအား စုံစမ်း ရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိပါသည်။

အမျိုးသားအဆင့်ဘူမိဥယျာဉ်ဆိုင်ရာကော်မတီပထမအကြိမ်အစည်းအဝေးကျင်းပ

အမျိုးသားအဆင့် ဘူမိဥယျာဉ်ဆိုင်ရာ ကော်မတီ ပထမအကြိမ် အစည်းအဝေးအား ၁၈-၉-၂၀၁၉ရက်နေ့၊ နံနက်(၀၉:၀၀)နာရီတွင် သစ်တောဦးစီးဌာန၊ ညွှန်ကြားရေးမှူးချုပ်ရုံး၊ အစည်းအဝေးခန်းမ၊ နေပြည်တော်၌ ကျင်းပပြုလုပ်ရာ အမျိုးသားအဆင့် ဘူမိဥယျာဉ်ဆိုင်ရာ ကော်မတီ ဥက္ကဌ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန ပြည်ထောင်စု ဝန်ကြီး ဦးအုန်းဝင်း တက်ရောက်၍ အဖွင့်အမှာစကားပြောကြားပါသည်။ အမှာစကားပြောကြားရာတွင် မြန်မာနိုင်ငံသည် ယဉ်ကျေးမှုနှင့် သဘာဝအမွေအနှစ် များပေါကြွယ်ဝသည့် နိုင်ငံတစ်နိုင်ငံဖြစ်ပြီး နောက်မျိုးဆက်သစ်များအတွက် လက်ဆင့်ကမ်း ပေးနိုင်ရေး ဦးစားပေးလုပ်ငန်းတစ်ခုအနေဖြင့် ဆောင်ရွက်ရမှာဖြစ်ကြောင်း၊ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာနအနေဖြင့် သဘာဝသယံဇာတများအား ရေရှည် တည်တံ့စေရန် ထိန်းသိမ်းကာကွယ်၊ စီမံအုပ်ချုပ်၊ စနစ်တကျ အသုံးပြုခြင်းတို့ကို ဆောင်ရွက် လျက်ရှိကြောင်း၊ ဇီဝမျိုးစုံမျိုးကွဲများ၊ ဂေဟစနစ်များနှင့် ထူးခြားသည့် ဘူမိသွင်ပြင်များကို သဘာဝထိန်းသိမ်းရေးနယ်မြေအဖြစ် သတ်မှတ်ပြီး ကာကွယ်ထိန်းသိမ်းထားပါကြောင်း၊ အာဆီယံ ဒေသအဆင့်တွင် သတ်မှတ်သည့် အာဆီယံအမွေအနှစ်ဥယျာဉ် (ASEAN Heritage Park)၊ ကမ္ဘာ့ အဆင့်တွင် သတ်မှတ်သည့် ကမ္ဘာ့အမွေအနှစ် (World Heritage)၊ ရမ်ဆာရေဝပ်ဒေသ (Ramsar Site)၊ လူသားနှင့် ဇီဝအဝန်းနယ်မြေ (Man and Biosphere Reserve) စသည့် နိုင်ငံတကာနှင့် ဒေသအဆင့် အသိအမှတ်ပြု ထိန်းသိမ်းရေးနယ်မြေများ သတ်မှတ်ခံရရန် ကြိုးပမ်းနေပါကြောင်း၊

Pages

more