၂၀၂၀ ပြည့်နှစ် ပါတီစုံဒီမိုကရေစီ အထွေထွေရွေးကောက်ပွဲတွင် ဖြစ်ပွားခဲ့သည့် မဲမသမာမှုနှင့် တရားမဲ့ပြုကျင့်မှုများအပေါ် စုံစမ်းစစ်ဆေးတွေ့ရှိချက်များ

Submitted by Anonymous (not verified) on Wed, 2025-01-22 18:33

၂၀၂၀ ပြည့်နှစ် ပါတီစုံဒီမိုကရေစီ အထွေထွေရွေးကေက်ပွဲတွင် ဖြစ်ပွားခဲ့သည့် မဲမသမာမှုနှင့် တရားမဲ့ပြုကျင့်မှုများ အပေါ် စုံစမ်းစစ်ဆေးတွေ့ရှိချက်များနှင့် စပ်လျဉ်း၍ ပြည်တွင်း/ပြည်ပမှ လေ့လာလိုသူများအနေဖြင့် ပြည်ထောင်စု ရွေးကောက်ပွဲကော်မရှင်က လွှင့်တင်ထားသည့် Website https://2020election.uec.gov.mm/ တွင်လည်းကောင်း၊ Mobile Application ကို အဆိုပါ Website တွင် Download ရယူ၍လည်းကောင်း လေ့လာဖတ်ရှုနိုင်ပါသည်။

Pages

သတင်းနှင့်ကြေငြာချက်များ

(၁၁)ကြိမ်မြောက် မဲခေါင်ဒေသခွဲ နယ်စပ်ဖြတ်ကျော် မီးခိုးမြူငွေ့ဆိုင်ရာ လုပ်ငန်းအဖွဲ့ အစည်းအဝေးကျင်းပခြင်းသတင်း (၁၉-၈-၂၀၁၅ ၊ နေပြည်တော်)

ပတ်ဝန်းကျင်ထိန်းသိမ်းရေးနှင့် သစ်တောရေးရာဝန်ကြီးဌာန၊ အာဆီယံအတွင်းရေးမှူးချုပ်ရုံး (ASEAN Secretariat) တို့ပူးပေါင်း၍ (၁၁)ကြိမ်မြောက် မဲခေါင်ဒေသခွဲ နယ်စပ်ဖြတ်ကျော် မီးခိုး မြူငွေ့ဆိုင်ရာ လုပ်ငန်းအဖွဲ့အစည်းအဝေးကို ၂၀၁၅ ခုနှစ်၊ သြဂုတ်လ (၁၉)ရက်နေ့၊ နံနက် (၀၉:၀၀) နာရီတွင် နေပြည်တော်၊ The Hotel Royal ACE ၌ ကျင်းပရာ ပတ်ဝန်းကျင်ထိန်းသိမ်းရေးနှင့် သစ်တောရေးရာဝန်ကြီးဌာန၊ပတ်ဝန်းကျင်ထိန်းသိမ်းရေးဦးစီးဌာန၊ ညွှန်ကြားရေးမှူးချုပ် ဦးနေအေး တက်ရောက်၍ အဖွင့်အမှာစကားပြောကြားခဲ့ပါသည်။

ပတ်ဝန်းကျင်ထိန်းသိမ်းရေးနှင့်သစ်တောရေးရာဝန်ကြီးဌာန၊ပြည်ထောင်စုဝန်ကြီး ဦးဝင်းထွန်းအား အစ္စရေးနိုင်ငံ သံအမတ်ကြီး H.E. Mr. Daniel Zohar Zonshine နှင့် CEO of Greenforest Consulting Limited and Former National Forest Commissioner Dr.Nir Atzmon လာရောက်တွေ့ဆုံ

(နေပြည်တော်၊ ၁၈-၈-၂၀၁၅)
ပတ်ဝန်းကျင်ထိန်းသိမ်းရေးနှင့် သစ်တောရေးရာဝန်ကြီးဌာန ပြည်ထောင်စုဝန်ကြီး ဦးဝင်းထွန်းအား အစ္စရေးနိုင်ငံ သံအမတ်ကြီး H.E. Mr. Daniel Zohar Zonshine နှင့် CEO of Greenforest Consulting Limited and Former National Forest Commissioner, Dr. Nir Atzmon တို့မှ ယနေ့ ၁၈-၈-၂၀၁၅ ရက်နေ့၊ နေ့လည် ၁၄:၀၀ နာရီတွင် ပြည်ထောင်စုဝန်ကြီးရုံး ဧည့်ခန်းမ၌ လာရောက်တွေ့ဆုံဆွေးနွေးသည်။

ကျေးလက်ဒေသဖွံ့ဖြိုးရေးနှင့်သဘာဝဘေးအန္တရာယ်ကြိုတင်ကာကွယ်ရေး ကျေးလက်ဒေသနေပြည်သူများနှင့် တွေ့ဆုံ ကွင်းဆင်းဆောင်ရွက် သြဂုတ် ၈ ရက်၊ နေပြည်တော်

ပတ်ဝန်းကျင်ထိန်းသိမ်းရေးနှင့် သစ်တောရေးရာဝန်ကြီးဌာန၊ ဒုတိယဝန်ကြီး ဦးအေးမြင့်မောင်သည် သြဂုတ်လ ၇ ရက်နေ့တွင် ဘိုကလေးမြို့နယ်၊ အမျိုးသားလွှတ်တော်ကိုယ်စားလှယ်၊ မြို့နယ်အထွေထွေ အုပ်ချုပ်ရေးမှူး၊ မြို့နယ်ဖွံ့ဖြိုးတိုးတက်မှုအထောက်အကူပြုကော်မတီဝင်များ၊ သစ်တောဦးစီးဌာနနှင့် မြန်မာ့သစ်လုပ်ငန်းတို့မှ တာဝန်ရှိပုဂ္ဂိုလ်များလိုက်ပါလျက် ဘိုကလေးမြို့နယ်၊ ပြင်ဒရယ်ကြိုးဝိုင်အတွင်း နာဂစ်မုန်တိုင်းဒဏ်ခံစားခဲ့ရသော ဝေးလံခေါင်ဖြာဒေသတစ်ခုဖြစ်သည့် ထော်ပိုင်ကျေးရွာအုပ်စု၊ အေးချမ်းသာယာကျေးရွာသို့သွားရောက်၍ ကျေးလက်ဒေသနေပြည်သူလူထုနှင့်တွေ့ဆုံကာ ကျေးလက် ဒေသဖွံ့ဖြိုးရေးနှင့် သဘာဝဘေးအန္တရာယ်ကြိုတင်ကာကွယ်ရေးတို့နှင့် ပတ်သက်၍ ဆွေးနွေးမှာကြား ခဲ့ကြောင်းသိရသည်။

မြန်မာနိုင်ငံရှိ သစ်တောသယံဇာတများအား ဆန်းစစ်လေ့လာခြင်းဆိုင်ရာ နိုင်ငံအဆင့် အလုပ်ရုံဆွေးနွေးပွဲ ဖွင့်ပွဲအခမ်းအနားအား ပတ်ဝန်းကျင် ထိန်းသိမ်းရေးနှင့် သစ်တောရေးရာဝန်ကြီးဌာန ပြည်ထောင်စုဝန်ကြီး ဦးဝင်းထွန်း တက်ရောက်

အခမ်းအနားသို့ ပတ်ဝန်းကျင်ထိန်းသိမ်းရေးနှင့် သစ်တော ရေးရာဝန်ကြီးဌာနမှ ဒုတိယဝန်ကြီးများနှင့် ဌာနဆိုင်ရာ အကြီးအကဲများ၊ ကိုရီးယားသစ်တောဌာန (KFS) နှင့် အာဆီယံ-ကိုရီးယား သစ်တောပူးပေါင်း ဆောင်ရွက်မှု စီမံကိန်း (AFoCo) မှ တာဝန်ရှိပုဂ္ဂိုလ်များ၊ ဆက်စပ်ဌာနများ မှ ကိုယ်စားလှယ်များ၊ အစိုးရမဟုတ်သော အဖွဲ့အစည်းများနှင့် အရပ်ဘက် လူမှု အဖွဲ့အစည်းများမှ ကိုယ်စားလှယ်များနဲ့ ဖိတ်ကြားထားသော ဧည့်သည် များ တက်ရောက်ခဲ့ကြောင်း သတင်းရရှိပါသည်။

မြန်မာတစ်နိုင်ငံလုံးရှိ အခြေခံပညာအထက်တန်း၊ အလယ်တန်း၊ မူလတန်းကျောင်းများ၊ ဘုန်းတော်ကြီးသင်ပညာရေး ကျောင်းများ၏ စာသင်ခုံများ ထုတ်လုပ်ပေးသွင်းခြင်းလုပ်ငန်းအား သတ်မှတ်ကာလအတွင်း အချိန်မီပြီးစီးအောင် ဆောင်ရွက်နိုင်ရေးညှိနှိုင်းအစည်းအဝေးကျင်းပ

နိုင်ငံတော်သမ္မတကြီး၏ လမ်းညွှန်ချက်နှင့်အညီ ပညာရေးကဏ္ဍဘက်စုံဖွံ့ဖြိုး တိုးတက်စေရေး အတွက် ပတ်ဝန်းကျင်ထိန်းသိမ်းရေးနှင့် သစ်တောရေးရာဝန်ကြီးဌာနနှင့် ပညာရေးဝန်ကြီးဌာန တို့မှ ပူးပေါင်း၍ မြန်မာတစ်နိုင်ငံလုံးရှိ အခြေခံပညာအထက်တန်း၊ အလယ်တန်း၊ မူလတန်းကျောင်းများ၊ ဘုန်းတော်ကြီးသင်ပညာရေး ကျောင်းများ၏ စာသင်ခုံများ ထုတ်လုပ်ပေးသွင်းခြင်းလုပ်ငန်းအား သတ်မှတ်ကာလအတွင်း အချိန်မီပြီးစီးအောင် ဆောင်ရွက်နိုင်ရေး ညှိနှိုင်းအစည်းအဝေးအား ယနေ့ ၁၁-၈-၂၀၁၅ ရက်နေ့ ၊ သစ်တောဦးစီးဌာနရုံးအမှတ် (၃၉)တွင် ကျင်းပပြုလုပ်ခဲ့ပြီး၊ ပတ်ဝန်းကျင် ထိန်းသိမ်းရေးနှင့်သစ်တောရေးရာဝန်ကြီးဌာန၊ ဒုတိယဝန်ကြီး ဦးအေးမြင့်မောင် နှင့် ပညာရေးဝန်ကြီးဌာနမှ တာဝန်ရှိသူများ၊ သစ်တောဦးစီဌာနမှ တာဝန်ရှိသူများ၊ လုပ်ငန်းရှင်များ တက်ရောက်ခဲ့ကြောင်း သတင်းရရှိပါသည်။

ရေဘေးသင့်ဒေသများသို့ အကူအညီပေးနိုင်ရေး နှိုးဆော်ခြင်း

ရေဘေးသင့်ဒေသများသို့ သစ်တောဦးစီးဌာနမှတဆင့် ပါဝင်လှူဒါန်းလိုပါက တိုးချဲ့ပညာပေးရေးဌာန၊ တယ်လီဖုန်းအမှတ် 067-405113 သို့ဆက်သွယ် လှူဒါန်းနိုင်ပါသည်။
သစ်တောဦးစီးဌာန၊ နေပြည်တော်

မြန်မာနိုင်ငံ အမျိုးသားသစ်တောသယံဇာ ထိန်းသိမ်းကြီးကြပ်သည့်စနစ် အားကောင်းလာစေရန် မြေအသုံးချ ဆန်းစစ်ခြင်းနှင့် လူ့စွမ်းအားအရင်းအမြစ် စွမ်းဆောင်ရည်မြှင့်တင်ခြင်း လုပ်ငန်းစီမံကိန်းအတွက် ကျွမ်းကျင်ပညာရှင်များနှင့် တွေ့ဆုံ

ပတ်ဝန်းကျင်ထိန်းသိမ်းရေးနှင့် သစ်တောရေးရာဝန်ကြီးဌာန၊ သစ်တောဦးစီးဌာန ဒုတိယညွှန်ကြားရေးမှူးချုပ် ဦးကျော်ကျော်လွင်သည် မြန်မာနိုင်ငံအမျိုးသားသစ်တောသယံဇာတ ထိန်းသိမ်းကြီးကြပ်သည့်စနစ် အားကောင်းလာစေရန် မြေအသုံးချ ဆန်းစစ်ခြင်းနှင့် လူ့စွမ်းအားအရင်းအမြစ် စွမ်းဆောင်ရည်မြှင့်တင်ခြင်း လုပ်ငန်းစီမံကိန်း(TCP/MYA/3501)မှ နည်းပညာဆိုင်ရာ ကျွမ်းကျင်ပညာရှင် FAO Lead Technical Officer Mr. Kenichi Shono ဦးဆောင်သောကိုယ်စားလှယ်အဖွဲ့အား ၂၉-၇-၂၀၁၅ ရက်နေ့ မွန်းလွဲ (၂:၃၀)နာရီတွင် သစ်တောဦးစီးဌာန၊ အစည်းအဝေးခန်းမတွင် လက်ခံတွေ့ဆုံဆွေးနွေးခဲ့ကြကြောင်း သတင်းရရှိပါသည်။

ပတ်ဝန်းကျင်ထိန်းသိမ်းရေးနှင့်သစ်တောရေးရာဝန်ကြီးဌာန၊ ၂၀၁၅ ခုနှစ် မိုးရာသီ သစ်ပင်စိုက်ပွဲ အခမ်းအနားကျင်းပခြင်းသတင်း (၂၃-၇-၂၀၁၅ ၊ နေပြည်တော်)

ပတ်ဝန်းကျင်ထိန်းသိမ်းရေးနှင့်သစ်တောရေးရာဝန်ကြီးဌာန၊ ၂၀၁၅ ခုနှစ်၊ မိုးရာသီ သစ်ပင်စိုက်ပွဲ အခမ်းအနားကို ယနေ့(၂၃.၇.၂၀၁၅)ရက်နေ့ ၊ နံနက်(၈:၃၀)နာရီတွင် နေပြည်တော်ကောင်စီနယ်မြေ၊ ပုဗ္ဗသီရိမြို့နယ်တွင် တည်ထားကိုးကွယ်သည့် ဥပ္ပါတသန္တိ စေတီတော်အရှေ့ဘက် ဆင်ဖြူတော်ဆောင်အနီးတွင် ကျင်းပပြုလုပ်ရာ ပြည်ထောင်စု ဝန်ကြီး ဦးဝင်းထွန်းနှင့်ဇနီး ဒေါ်ဆွေဆွေချစ် တို့ တက်ရောက်၍ ကံ့ကော်ပင်ကို စိုက်ပျိုး ပေးပါသည်။

Pages

more