Welcome to Forest Department
No front page content has been created yet.
သတင်းနှင့်ကြေငြာချက်များ
၁၈.၂.၂၀၁၉ရက်နေ့၊ (၁၅း၃၀)နာရီတွင် ကျောက်မဲခရိုင် သစ်တောဦးစီးဌာနမှ လက်ထောက်ညွန်းကြားရေးမှူး ဦးဆောင်သော သစ်တောဝန်ထမ်းများအဖွဲ့မှ မဘိမ်းမြို့နယ်အတွင်း နယ်မြေရှင်းလင်းဆောင်ရွက်ခဲ့ရာ ကွန်းချောင်းကြိုးဝိုင်း/ ကြိုးပြင်(IX) တို့မှ တရားမဝင် ကျွန်းသစ်လုံး စုစုပေါင်း (၇၅)လုံး (၁၃.၉၀၂)တန်အား ပိုင်ရှင်မဲ့ ဖမ်းဆီးရမိခဲ့ပြီး၊ တရားခံများအား စုံစမ်းဖေါ်ထုတ်၍ တရားဥပဒေနှင့်အညီ အရေးယူနိုင်ရေး ဆောင်ရွက်လျက်ရှိပါသည်။
၁၇.၂.၂၀၁၉ ရက်နေ့တွင် ဖားဆောင်မြို့နယ် သစ်တောဦးစီးဌာနမှ မြို့နယ်ဦးစီးမှူးနှင့် သစ်တောဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ မြန်မာ့သစ်လုပ်ငန်းမှ ဝန်ထမ်းများ၊ အထွေထွေအုပ်ချုပ်ရေးဦးစီးဌာနမှ ဝန်ထမ်းများ၊ ကျေးရွာအုပ်ချုပ်ရေးအဖွဲ့ဝင်များ ပါဝင်သောပူးပေါင်း အဖွဲ့သည် ဖားဆောင်းမြို့နယ်၊ ဗဟန်းလော့ကျေးရွာတောင်ဘက် (၁.၅)မိုင်ခန့်အကွာနေရာမှ တရားမဝင် ကျွန်းသစ်/ပိတောက်သစ် (၄၉)လုံး (၉.၂၄၈၂)တန် အားပိုင်ရှင်မဲ့ ဖမ်းဆီးရမိခဲ့ပြီး၊ တရားခံများအား စုံစမ်းဖေါ်ထုတ်၍ ဥပဒေနှင့်အညီ အရေးယူနိုင်ရေး ဆောင်ရွက်လျက် ရှိပါသည်။
၁၆.၂.၂၀၁၉ရက်နေ့၊ သစ်တောဦးစီးဌာနမှ တောအုပ်ကြီးနှင့်အဖွဲ့၊ မြန်မာနိုင်ငံရဲတပ်ဖွဲ့ဝင်များ၊ ရပ်မိရပ်ဖ များပါဝင်သော ပူးပေါင်းအဖွဲ့သည် ပဲခူးမြို့နယ်၊ ရန်ကုန်-မန္တလေးအမြန်လမ်း၊ မိုင်တိုင်အမှတ်(၄၆/၆)နှင့် (၄၆/၇)ကြားတွင် ယာဉ်အမှတ် MDY-7L/4753 (Mitsubishi ၄ဘီး အဖြူရောင်)ယာဉ်ပေါ်နှင့် ယာဉ်အနီးမှ တရားမဝင် ကျွန်းခွဲသား (၂၃)ချောင်း (၁.၇၄၆၆)တန် နှင့်အတူ တရားခံ(၃)ဦး ဖမ်းဆီးရမိခဲ့ပြီး၊ တရားခံများအား ဥပဒေနှင့်အညီ အရေးယူနိုင်ရေး သက်ဆိုင်ရာရဲစခန်းတွင် အမှုဖွင့် ဆောင်ရွက်လျက် ရှိပါသည်။
လှည်းကူးမြို့နယ်၊ သစ်တောဦးစီးဌာနမှ ဦးစီးအရာရှိဦးဆောင်သော သစ်တောဝန်ထမ်းများနှင့် သစ်တော လုံခြုံရေးရဲတပ်ဖွဲ့ဝင်များသည် ရန်ကုန်-မန္တလေး အမြန်လမ်းမကြီးအားအသုံးပြု၍ ရန်ကုန်မြို့တွင်းသို့ တရားမဝင်သစ်နှင့် သစ်တောထွက်ပစ္စည်းများ ဝင်ရောက်မှုမရှိစေရေးအတွက် စောင့်ကြည့်စစ်ဆေးခြင်း လုပ်ငန်းများဆောင်ရွက်လျက်ရှိရာ ၁၇.၂.၂၀၁၉ ရက်နေ့(၀၉:၂၇)နာရီအချိန်၌ အမြန်လမ်းမိုင်တိုင်အမှတ်(၂၀/၃)နှင့် (၂၀/၄)ကြား၌ တရားမဝင်ကျွန်းခွဲသား (၃၆)ချောင်း (၄.၁၅၈၆)တန် တင်ဆောင်ထားသော 1M/8751 Canter ၆ဘီး အဖြူရောင်တစ်စီးအား ဖမ်းဆီးရမိခဲ့ပါသည်။ တရားမဝင်သစ်တင်ယာဉ်များအား ဖမ်းဆီးရာ တွင် အခြားယာဉ်များမှ ဖမ်းဆီးရေးယာဉ်များအား လိုက်လံနှောက်ယှက်ခြင်း၊ ရန်ကုန်ပြုတိုက်ခိုက်ခြင်း၊ တရားခံထွက်ပြေးခြင်းများ မကြာခဏဖြစ်ပေါ်နေ၍ သက်ဆိုင်ရာဆက်စပ်အဖွဲ့အစည်းများ၏ ပိုမိုပူးပေါင်း ပါဝင်မှုဖြင့် လုံခြုံရေးဂရုစိုက်ဆောင်ရွက်နိုင်စေရေး စီစဉ်ဆောင်ရွက်လျက်ရှိပါသည်။
သစ်တောဦးစီးဌာန ဦးစီးအရာရှိများ စွမ်းဆောင်ရည်မြင့်မားရေး မွမ်းမံသင်တန်း၊ သင်တန်းဆင်းပွဲ အခမ်းအနားကို ၁၆-၂-၂၀၁၉ ရက်နေ့၌ သစ်တောသုတေသနဌာန၊ စုဝေးခန်းမတွင်ကျင်းပခဲ့ပြီး သစ်တောဦးစီးဌာန၊ ဒုတိယညွှန်ကြားရေးမှူးချုပ်၊ ဦးကျော်ကျော်လွင်မှ သင်တန်းဆင်း အမှာစကားပြောကြားခဲ့ပါသည်။
၁၆.၂.၂၀၁၉ရက်နေ့၊(၁၅း၀၀) အချိန်တွင် မိုးမိတ်မြို့နယ်အတွင်း ခလရ(၃၄၈)တပ်နှင့် သစ်တောဝန်ထမ်း များပါဝင်သောပူးပေါင်းအဖွဲ့မှ မိုင်းနင်း ကျေးရွာ၏အရှေ့တောင်ဘက် (၄)မိုင်ခန့်အကွာနေရာတွင်- ကျွန်းသစ်/ခွဲသား (၁၁၇)လုံး/ချောင်း၊ (၁၂.၇၁၁၀)တန်နှင့် တရုတ်အင်ဂျင်(၁)လုံးတို့အား ပိုင်ရှင်မဲ့ဖမ်းဆီးရမိခဲ့ပြီး၊ ဖမ်းဆီးရမိပစ္စည်းများအား လုံခြုံရာသို့ သယ်ယူခြင်းနှင့် တရားခံများအား စုံစမ်းဖေါ်ထုတ်၍ ဥပဒေနှင့်အညီ အရေးယူနိုင်ရေး ဆောင်ရွက်လျက်ရှိပါသည်။
၁၃-၂-၂၀၁၉ ရက်နေ့တွင် ကသာခရိုင်၊ သစ်တောဦးစီးဌာနမှ ဦးစီးအရာရှိများ ဦးဆောင်သောဝန်ထမ်းများ၊ မြန်မာ့သစ်လုပ်ငန်းမှ ဝန်ထမ်းများ၊ ကျေးရွာအုပ်ချုပ်ရေးအဖွဲ့ဝင်များ ပါဝင်သောပူးပေါင်းအဖွဲ့သည် ထီးချိုင့် မြို့နယ်၊ ဆူးပုတ်ကုန်းရွာအနောက်နေရာများမှ တရားမဝင် ကျွန်း/အင်ကြင်း သစ်လုံး/ခွဲသားစုစုပေါင်း (၂၇၃)လုံး/ချောင်း (၁၄.၇၀၈၂)တန်၊ အင်ဂျင်(၂)လုံး၊ လွှဝိုင်း(၂)ဝိုင်းနှင့်ဆက်စပ်ပစ္စည်းများ ဖမ်းဆီးရမိခဲ့ပြီး၊ တရားခံများအား စုံစမ်းဖေါ်ထုတ်၍ ဥပဒေနှင့်အညီ ထိရောက်စွာအရေးယူနိုင်ရေး ဆောင်ရွက်လျက် ရှိပါသည်။
ပြည်သူလူထုပူးပေါင်းပါဝင်မှုဖြင့် လူထုအခြေပြု စောင့်ကြပ်ကြည့်ရှုသတင်းပို့စနစ် CMRS ဖြင့် သတင်းပေးပို့ချက်အရ ၁၄-၂-၂၀၁၉ ရက်နေ့တွင် ပဲခူးတိုင်းဒေသကြီး၊ တောင်ငူခရိုင်၊ လက်ထောက်ညွှန်ကြားရေးမှူး၊ ရေတာရှည်မြို့နယ် ဦးစီးအရာရှိနှင့် သစ်တောဝန်ထမ်းများ၊ သစ်တောရဲတို့ပါဝင်သော ခရိုင်စစ်ကြောင်းပူးပေါင်းအဖွဲ့သည် အုတ်တွင်း-တောင်ငူ ဆက်စပ်နေရာ များအား ရှင်းလင်းဆောင်ရွက်ရာ ခပေါင်းကြိုးဝိုင်းအတွင်း နေရာ(၆)နေရာမှ စုစုပေါင်း တရားမဝင် ကျွန်းသစ်လုံး/ခွဲသား/ခွဲခြမ်း (၁၆၀)လုံး/ချောင်း/ခြမ်း၊ (၄၅.၆၄၂၄)တန်အား ပိုင်ရှင်မဲ့ ဖမ်းဆီးရမိခဲ့ပြီး လုံခြုံရာသို့ သယ်ယူပြီးပါကြောင်း တင်ပြအပ်ပါသည်။