၂၀၂၀ ပြည့်နှစ် ပါတီစုံဒီမိုကရေစီ အထွေထွေရွေးကောက်ပွဲတွင် ဖြစ်ပွားခဲ့သည့် မဲမသမာမှုနှင့် တရားမဲ့ပြုကျင့်မှုများအပေါ် စုံစမ်းစစ်ဆေးတွေ့ရှိချက်များ

Submitted by Anonymous (not verified) on Wed, 2025-01-22 18:33

၂၀၂၀ ပြည့်နှစ် ပါတီစုံဒီမိုကရေစီ အထွေထွေရွေးကေက်ပွဲတွင် ဖြစ်ပွားခဲ့သည့် မဲမသမာမှုနှင့် တရားမဲ့ပြုကျင့်မှုများ အပေါ် စုံစမ်းစစ်ဆေးတွေ့ရှိချက်များနှင့် စပ်လျဉ်း၍ ပြည်တွင်း/ပြည်ပမှ လေ့လာလိုသူများအနေဖြင့် ပြည်ထောင်စု ရွေးကောက်ပွဲကော်မရှင်က လွှင့်တင်ထားသည့် Website https://2020election.uec.gov.mm/ တွင်လည်းကောင်း၊ Mobile Application ကို အဆိုပါ Website တွင် Download ရယူ၍လည်းကောင်း လေ့လာဖတ်ရှုနိုင်ပါသည်။

Pages

သတင်းနှင့်ကြေငြာချက်များ

နေပြည်တော်ကောင်စီနယ်မြေ/ တိုင်းဒေသကြီး/ ပြည်နယ်၊ သစ်တောဦးစီးဌာနများမှ ဖမ်းဆီးရမိမှု

နေပြည်တော်ကောင်စီနယ်မြေ/ တိုင်းဒေသကြီး/ ပြည်နယ်၊ သစ်တောဦးစီးဌာနများမှ ပေးပို့လာ သော စာရင်းများအရ တရားမဝင် ကျွန်း(၁၄၅.၀၅၀၆)တန်၊ သစ်မာ(၅၀.၀၈၇၈)တန်၊ အခြား (၉၄.၀၁၈၀)တန်၊ စုစုပေါင်း(၂၈၉.၁၅၆၄)တန်၊ တရားခံ(၃၅)ဦး၊ ယာဉ်/ယန္တရား(၃၃)စီး ဖမ်းဆီးရမိခဲ့ပါသည်။ဖမ်းဆီးရမိမှုများအနက်များဆုံးဖမ်းဆီးရမိမှုမှာ ၂၉-၇-၂၀၁၉ ရက်နေ့တွင် ပဲခူးတိုင်းဒေသကြီး၊ ပြည်ခရိုင်၊ ပန်းတောင်းမြို့နယ်၊ သံလယ်ကြီးဘိနယ်၊ ရေကျော်ပေါက်၊ မိုင်တိုင် (၁၄၀/၄)မှ အနောက်ဘက်(၁)မိုင်ခန့်အကွာ၊ သနီချောင်းဘေးမှ တရားမဝင် ကျွန်း/ပိတောက်ခွဲသား (၂၉၈) ချောင်း (၅၀.၅၄၉၄)တန်အား ပိုင်ရှင်မဲ့ ဖမ်းဆီးရမိမှုဖြစ်ပါသည်။

မြန်မာနိုင်ငံရှိ သဘာဝနယ်မြေများ ရေရှည်တည်တံ့စေရေး စီမံအုပ်ချုပ်မှုမြှင့်တင်ခြင်း လုပ်ငန်းစီမံကိန်း(GEF-5) ၏ စီမံကိန်းဘုတ်အဖွဲ့ (၅)ကြိမ်မြောက်အစည်းအဝေး” နှင့် “GEF-6(R2R) စီမံကိန်း၏ တတိယအကြိမ်မြောက် စီမံကိန်းဘုတ်အဖွဲ့ အစည်းအဝေး ကျင်းပ

သစ်တောဦးစီးဌာန၊ ကုလသမဂ္ဂဖွံ့ဖြိုးရေးအစီအစဉ်(UNDP)နှင့် သားငှက်ထိန်းသိမ်းရေး အဖွဲ့(WCS)တို့သည် ၂၃-၆-၂၀၁၅ ရက်နေ့မှ ၂-၆-၂၀၂၀ ရက်နေ့အထိ (၅)နှစ်သက်တမ်းရှိသည့် Project Document လက်မှတ်ရေးထိုး၍ ကမ္ဘာ့ပတ်ဝန်းကျင်ထိန်းသိမ်းရေး (Global Environmental Facility-GEF)၏ အထောက်အပံ့ဖြင့် အကောင်အထည်ဖော်ဆောင်ရွက်နေ သည့် မြန်မာနိုင်ငံရှိ သဘာဝနယ်မြေများ ရေရှည်တည်တံ့ရေး စီမံအုပ်ချုပ်မှုမြှင့်တင်ခြင်း လုပ်ငန်း(GEF-5) စီမံကိန်းကို ပူးပေါင်းအကောင်အထည်ဖော် ဆောင်ရွက်လျက်ရှိပါသည်။ စီမံကိန်းလုပ်ငန်းများ အကောင်အထည်ဖော်ဆောင်ရွက်မှု၊ ပြီးစီးခဲ့သည့် အစည်းအဝေး ဆုံးဖြတ်ချက်များအား အကောင်အထည်ဖော်ဆောင်ရွက်မှု အခြေအနေများနှင့် ရန်ပုံငွေသုံးစွဲ မှုများအား ကြီးကြပ်လမ်းညွှန်ဆွေးနွေးနိုင်ရန်အတွက် “မြန်မာနိုင်ငံရှိ သဘာဝနယ်မြေများ ရေရှည်တည်တံ့စေရေး စီမံအုပ်ချုပ်မှုမြှင့်တင်ခြင်းလုပ်ငန်းစီမံကိန်း(GEF-5) ၏ စီမံကိန်းဘုတ် အဖွဲ့ (၅)ကြိမ်မြောက်အစည်းအဝေး” နှင့် “GEF-6(R2R) စီမံကိန်း၏ တတိယအကြိမ်မြောက် စီမံကိန်းဘုတ်အဖွဲ့ အစည်းအဝေး” တို့ကို ၃၀-၇-၂၀၁၉ ရက်နေ့တွင် နိုဗိုတယ်ဟိုတယ်l၊ ရန်ကုန်မြို့၌ ကျင်းပပြုလုပ်ခဲ့ပါသည်။

သပိတ်ကျင်းမြို့နယ်၊ ဧရာဝတီမြစ်အတွင်းတရားမဝင်ကျွန်းသစ်များဖမ်းဆီးရမိ

ပြည်သူလူထုပူးပေါင်းပါဝင်မှုဖြင့် လူထုအခြေပြုစောင့်ကြပ်ကြည့်ရှု့ သတင်းပို့စနစ်-CMRS ဖြင့် သတင်းပေးပို့ချက်အရ ၄-၈-၂၀၁၉ ရက်နေ့တွင် မန္တလေးတိုင်းဒေသကြီး၊ ပြင်ဦးလွင်ခရိုင်၊ သပိတ်ကျင်းမြို့နယ်၊ ဦးစီးအရာရှိ ဦးဆောင်သော သစ်တောဦးစီးဌာနမှ သစ်တောဝန်ထမ်းများ၊ ကျေးရွာအုပ်ချုပ်ရေးအဖွဲ့ဝင်များပါဝင်သော ပူးပေါင်းအဖွဲ့သည် သပိတ်ကျင်းမြို့နယ်၊ ဧရာဝတီမြစ် အနောက်ဘက်ကမ်း၊ ဇင်းချောင်းချောင်းဝနေရာ၌ တရားမဝင် ကျွန်းသစ်(၁၃၃)လုံး (၂၁.၉၀၂၀)တန်အား ပိုင်ရှင်မဲ့ ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်း ရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိပါသည်။

ပုသိမ်ကြီးမြို့နယ်၊ ကျောက်ချောရွာမှရဲရွာရေအား လျှပ်စစ်သွားလမ်းတွင် မော်တော်ယာဉ်(၂)စီးနှင့် တရားမဝင်သစ်များဖမ်းဆီးရမိ

၃-၈-၂၀၁၉ ရက်နေ့တွင် မန္တလေးတိုင်းဒေသကြီး၊ မန္တလေးခရိုင်၊ ပုသိမ်ကြီးမြို့နယ်၊ သစ်တောဦးစီးဌာနမှ သစ်တောဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့ဝင်များ၊ ကျေးရွာအုပ်ချုပ်ရေးအဖွဲ့ဝင်များ ပါဝင်သော ပူးပေါင်းအဖွဲ့သည် ပုသိမ်ကြီးမြို့နယ်၊ ကျောက်ချောရွာမှရဲရွာရေအား လျှပ်စစ်သွားလမ်းဘေး၊ ကျောက်ချောကျေးရွာအနီးတွင် မော်တော်ယာဉ်အမှတ်(9C/5281) Lifan (၆)ဘီး ယာဉ်နှင့် မော်တော်ယာဉ်အမှတ်(MDY 2F/6582) Mitsubishi Canter (၆)ဘီး ယာဉ်(၂)စီးပေါ်မှ တရားမဝင်ကျွန်းသစ်/ခွဲသား(၃၁)လုံး/ချောင်း (၅.၄၉၄၂)တန်အားဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်းရှာဖွေဖော်ထုတ်၍ ဥပဒေနှင့်အညီ ထိရောက်စွာအရေးယူနိုင်ရေး စီစဉ်ဆောင်ရွက်လျက် ရှိပါသည်။

ပဲခူးရိုးမစိမ်းလန်းစိုပြည်ရေးဧရိယာအတွင်းမှ တရားမဝင်သစ်များဖမ်းဆီးရမိ

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာန အနေဖြင့် မြန်မာ့ကျွန်း သစ်မူရင်းဒေသဖြစ်သော ပဲခူးရိုးမအတွင်း ၂၀၁၆-၁၇ ဘဏ္ဍာနှစ်မှစ၍ တရားဝင်သစ်ထုတ်လုပ်ခြင်းလုပ်ငန်း အား (၁၀)နှစ်ရပ်နားထားပြီး သစ်တောပြုစုထိန်း သိမ်းခြင်းလုပ်ငန်းများအား အရှိန်အဟုန်မြှင့်ဆောင်ရွက်နေ လျှက်ရှိသည့်အပြင် တရားမဝင်သစ်ခိုးထုတ်ခြင်း၊ တရားမဝင်တောရိုင်းတိရစ္ဆာန်များ သတ်ဖြတ်ခြင်းနှင့် ကျူးကျော်အခြေချနေထိုင်ခြင်းများအား ပြည်သူပူးပေါင်းပါဝင်မှုဖြင့် စီမံချက်ချအကောင် အထည်ဖော် ဆောင်ရွက်နေလျှက်ရှိပါသည်။ ပဲခူးရိုးမစိမ်းလန်းစိုပြည်ရေး ဧရိယာအတွင်းမှ (၂၉-၇-၂၀၁၉)ရက်နေ့မှ (၄-၈-၂၀၁၉) ရက်နေ့ထိ တစ်ပတ်တာကာ လအတွင်း တရားမဝင်ကျွန်း၊ သစ်မာ၊အခြား စုစုပေါင်း (၅၁.၄၀၇၀)တန်ဖမ်းဆီးရမိခဲ့ပါသည်။

တရုတ်နိုင်ငံ၊ယူနန်ပြည်နယ်၊ကူမင်းမြို့တွင်APFNetမှဦးဆောင်ကျင်းပသည့်အလုပ်ရုံဆွေးနွေးပွဲရလဒ်အဖြစ်ထုတ်ဝေခဲ့သည့်Degraded Forest Rehabilitation and Sustainable Management in the Asia-PacificRegionစာတမ်းပါနိုင်ငံအလိုက်သုတေသနစာတမ်းများအားဘာသာပြန်ဆိုရှင်းလင်းပွဲ

၂၀၁၄ ခုနှစ်၊ တရုတ်နိုင်ငံ၊ ယူနန်ပြည်နယ်၊ ကူမင်းမြို့တွင် APFNet မှ ဦးဆောင်ကျင်းပသည့် အလုပ်ရုံဆွေးနွေးပွဲ၏ ရလဒ်အဖြစ် ထုတ်ဝေခဲ့သည့် Degraded Forest Rehabilitation and Sustainable Management in the Asia-Pacific Region စာတမ်းပါ နိုင်ငံအလိုက် သုတေသနစာတမ်းများအား သက်ဆိုင်ရာအခန်းအလိုက် ဘာသာပြန်ဆို ရှင်းလင်းပွဲ အခမ်းအနားအား သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာန အင်ကြင်းခန်းမတွင် ၅-၈-၂၀၁၉ ရက်နေ့၊ နံနက် ( ၉ : ၃၀ ) နာရီတွင် ကျင်းပပြုလုပ်ပါသည်။ စာတမ်းဖတ်ပွဲတွင် စာတမ်းအား ဘာသာပြန်ဆိုသူ ( ၁၄ ) ဦးတို့မှ မိမိတို့နှင့် သက်ဆိုင်သော စာတမ်းများအား အသီးသီးဖတ်ကြား တင်ပြကြပါသည်။ အခမ်းအနားသို့ သစ်တောဦးစီးဌာန ညွှန်ကြားရေးမှူးချုပ် ဒေါက်တာညီညီကျော်၊ ဒုတိယညွှန်ကြားရေးမှူးချုပ် (စီမံ) ဦးဇော်မင်း၊ ဒုတိယညွှန်ကြားရေးမှူးချုပ် ( မူဝါဒနှင့်စီမံကိန်း) ဦးကျော်ကျော်လွင် နှင့် သစ်တောဦးစီးဌာန/ သစ်တောသုနေသနဌာန မှ အရာရှိများ တက်ရောက်ကြပါသည်။

ပြည်ထောင်စုနယ်မြေ၊ နေပြည်တော် ၊ ဥတ္တရခရိုင် ၊ ဥတ္တရသီရိမြို့နယ်၊ ငလိုက်ကြိုးဝိုင်းအကွက်အမှတ် (၂၉၊၃၀) အတွင်း ၂၀၁၉ ခုနှစ် စိမ်းလန်းစိုပြည်ရေးစိုက်ခင်း( ၁၀၀) ဧကတွင်သစ်ပင်စိုက်ပျိုးပွဲကျင်းပ

ပြည်ထောင်စုနယ်မြေ၊ နေပြည်တော် ၊ ဥတ္တရခရိုင် ၊ ဥတ္တရသီရိ မြို့နယ်၊ ငလိုက်ကြိုးဝိုင်းအကွက်အမှတ် (၂၉၊၃၀) အတွင်း မြန်မာနိုင်ငံ ကျောက်မျက်ရတနာ လုပ်ငန်းရှင်များအသင်း လှူဒါန်းငေွဖြင့် တည်ထောင်သည့် ၂၀၁၉ ခုနှစ် စိမ်းလန်းစိုပြည်ရေးစိုက်ခင်း( ၁၀၀) ဧကတွင် (၃-၈-၂၀၁၉) နေ့ နံနက် (၈:၀၀) အချိန် က သစ်တောဦးစီးဌာနညွှန်ကြားရေးမှူးချုပ်ရုံး ၊ ဒုတိယညွှန်ကြားရေးမှူးချုပ် (စီမံခန့်ခွဲရေး) ဦးဇော်မင်း နှင့် ညွှန်ကြားရေးမှူးများ ၊ အရာထမ်း၊ အမှူထမ်းများ နေပြည်တော်ကောင်စီနယ်မြေသစ်တောဦးစီးဌာနမှ ညွှန်ကြားရေးမှူးနှင့် အရာထမ်း အမှုထမ်းများ လယ်ဝေးမြို့နယ်မှ အရာထမ်း အမှုထမ်းများ မြန်မာနိုင်ငံ သစ်တောကျောင်း ပြင်ဦးလွင် မှ ဒုတိယနှစ်သင်တန်းသားများသည် ပိတောက်ပင် (၅၀၀) ခန့်ကို ုပေါင်းစိုက်ပျိုးခဲ့ကြပါသည်။

သယံဇာတများရေရှည်တည်တံ့နိုင်စေရန် စီမံအုပ်ချုပ်နိုင်ရေး စွမ်းဆောင်ရည်မြှင့်တင်ခြင်းစီမံကိန်း ၏ လုပ်ငန်းစဉ်(၂)ဖြစ်သော(အင်းလေးကန်ရေဝေရေလဲဒေသဘက်စုံစီမံအုပ်ချုပ်လုပ်ကိုင်ခြင်း) ဆိုင်ရာလုပ်ငန်းများစတင်ဆောင်ရွက်ခြင်းအစည်းအဝေးကျင်းပ

သယံဇာတများရေရှည်တည်တံ့နိုင်စေရန် စီမံအုပ်ချုပ်နိုင်ရေး စွမ်းဆောင်ရည်မြှင့်တင်ခြင်း စီမံကိန်း ( Project for Capacity Building for Sustainable Natural Resource Management - FDSNR ) ၏ လုပ်ငန်းစဉ် (၂) ဖြစ်သော ( အင်းလေးကန် ရေဝေရေလဲဒေသ ဘက်စုံစီမံ အုပ်ချုပ်လုပ်ကိုင်ခြင်း ) ဆိုင်ရာလုပ်ငန်းများ စတင်ဆောင်ရွက်ခြင်း အစည်းအဝေး အား ၂ - ၈ - ၂၀၁၉ ရက်နေ့ နေ့လယ် ( ၁၃ : ၀၀ ) နာရီတွင် ခေါင်တိုင် ( ဟူပင်ဟိုတယ် ) ညောင်ရွှေမြို့တွင် ကျင်းပပြုလုပ်ရာ ရှမ်းပြည်နယ်အစိုးရအဖွဲ့ သယံဇာတနှင့် သဘာဝ ပတ်ဝန်းကျင်ထိန်းသိမ်းရေးဝန်ကြီး ဒေါက်တာ ညီညီအောင်က အဖွင့်နှုတ်ခွန်း ဆက်စကားပြောကြားပြီး ရှမ်းပြည်နယ်အစိုးရအဖွဲ့ အင်းလေးတိုင်းရင်းသား ရေးရာဝန်ကြီး ဒေါက်တာထွန်းလှိုင်က အဖွင့်အမှာစကား ပြောကြားပါသည်။ အခမ်းအနားသို့ ရှမ်းပြည်နယ် အစိုးရအဖွဲ့မှ ဖိတ်ကြားထားသော ဧည့်သည်တော်များ၊ သယံဇာတနှင့် သဘာဝပတ်ဝန်းကျင်ထိန်းသိမ်းရေး ဝန်ကြီးဌာန၊ သစ်တောဦးစီးဌာန၊ ဒုတိယညွှန်ကြားရေးမှူးချုပ် ( မူဝါဒနှင့်စီမံကိန်း ) ဦးကျော်ကျော်လွင်နှင့် သစ်တောဦးစီးဌာန၊ ညွှန်ကြားရေးမှူးချုပ်ရုံးမှ အရာရှိများ၊ ရှမ်းပြည်နယ် သစ်တောဦးစီးဌာနမှ အရာရှိများ၊ FDSNR ၏ JCC Committee မှ တာဝန်ရှိသူများနှင့် ဖိတ်ကြားထားသော ဧည့်သည်တော်များ တက်ရောက်ကြပါသည်။

Pages

more