သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

၂၆-၇-၂၀၁၉ ရက်နေ့တွင် ရန်ကုန်တိုင်းဒေသကြီး၊ မြောက်ပိုင်းခရိုင်၊ ထန်းတပင်မြို့နယ်၊ သစ်တောဦးစီးဌာနမှ သစ်တောဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ ကျေးရွာအုပ်ချုပ်ရေး အဖွဲ့ဝင်များပါဝင်သော ပူးပေါင်းအဖွဲ့သည် ထန်းတပင်မြို့နယ်၊ ရန်ကုန်-ပုသိမ် ကားလမ်း၊ ထန်းတပင် သီတာအေး တာဆုံ စုပေါင်းစစ်ဆေးရေးဂိတ်တွင် မော်တော်ယာဉ်အမှတ် (1Q 4729) Nissan Diesel (ဖြူ စိမ်း ကြား) (၆) ဘီးယာဉ်အား တရားမဝင် တောင်သရက်ခွဲသား (၃၂)ချောင်း (၃.၅၅၆၄)တန်ကိုတရားခံ (၂) ဦး တို့နှင့်အတူဖမ်းဆီးရမိခဲ့ပြီး တရားခံများအား သစ်တောဥပဒေနှင့် အညီ အရေးယူနိုင်ရေးစီစဉ်ဆောင်ရွက်လျက်ရှိပါသည်။

၂၀၁၉ ခုနှစ်၊ ဇူလိုင်လ (၂၂) ရက်နေ့မှ (၂၄) ရက်နေ့အထိ တရုတ်ပြည်သူ့သမ္မတနိုင်ငံ၊ ချီဖိန်းမြို့၊ အာရှ-ပစိဖိတ် သစ်တောများစဉ်ဆက်မပြတ် စီမံအုပ်ချုပ်ရေးနှင့် ပြန်လည်တည်ထောင် ရေးကွန်ယက်(APFNet)သင်တန်းကျောင်းတွင်ကျင်းပသော အာရှ-ပစိဖိတ် သစ်တောကဏ္ဍ ပူးပေါင်းဆောင်ရွက်မှုဆိုင်ရာ ဆွေးနွေးပွဲသို့ သယံဇာတနှင့် သဘာဝပတ်ဝန်းကျင်ထိန်းသိမ်းရေး ဝန်ကြီးဌာန ဒုတိယဝန်ကြီး ဒေါက်တာရဲမြင့်ဆွေ တက်ရောက်၍ အဖွင့်မိန့်ခွန်းပြောကြားခဲ့ပါသည်။အဖွင့်မိန့်ခွန်းပြောကြားရာတွင် အာရှ-ပစိဖိတ် သစ်တောများစဉ်ဆက်မပြတ် စီမံအုပ်ချုပ် ရေးနှင့် ပြန်လည်တည်ထောင်ရေးကွန်ယက် (APFNet)၏ President ဖြစ်သူ Mr.Shucong Zhao ၊ Executive Director ဖြစ်သူ Dr. Lu De တို့နှင့် တွေ့ဆုံ၍ သစ်တောများပြန်လည်တည်ထောင်ရေး လုပ်ငန်းများ၊ ဂေဟစနစ်ပြည်လည်တည်ထောင်ရေး လုပ်ငန်းများ၊ စဉ်ဆက်မပြတ် သစ်တောစီမံ အုပ်ချုပ်မှုလုပ်ငန်းများနှင့် ကျေးလက်ဒေသဖွံ့ဖြိုးတိုးတက်ရေးလုပ်ငန်းများတွင် ပိုမိုပူးပေါင်း ဆောင်ရွက်ရေး၊ မဟာသိပ္ပံနှင့် ပါရဂူဘွဲ့ပညာသင်ဆုများ အထောက် အပံ့ရရှိရေး၊ စဉ်ဆက်မပြတ် သစ်တောစီမံအုပ်ချုပ်ခြင်းဆိုင်ရာ လူ့စွမ်းအားအရင်းအမြစ် ဖွံ့ဖြိုးတိုးတက်ရေးလုပ်ငန်းများတွင် ပိုမိုပူးပေါင်းဆောင်ရွက်နိုင်ရေးကိစ္စရပ်များ ဆွေးနွေးခဲ့ကြောင်း၊

၂၇-၇-၂၀၁၉ ရက်နေ့၌ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာန၊ ဒုတိယညွှန်ကြားရေးမှူးချုပ် (မူဝါဒနှင့်စီမံကိန်း) ဦးကျော်ကျော်လွင်ဦးဆောင်၍ သစ်တောဦးစီးဌာနမှ အရာထမ်းများ၊ အမှုထမ်းများ၊ သစ်တောနှင့် ပတ်ဝန်းကျင်ဆိုင် ရာတက္ကသိုလ်မှ ဆရာ/ဆရာမများနှင့် တတိယနှစ်၊ စတုတ္ထနှစ်၊ နောက်ဆုံးနှစ် ကျောင်းသူ/ကျောင်းသားများ ပါဝင်၍ မိတ္ထီလာခရိုင်၊ ဝမ်းတွင်းမြို့နယ်၊ ရိုးစုံကျေးရွာရှိ ဦးအုန်းညွန့်ပါ (၁၂၀)ဦး၏ ရိုးစုံဒေသခံပြည်သူအစုအဖွဲ့ပိုင်သစ်တော(၅၅၀)ဧကသို့ ကွင်းဆင်းလေ့လာခဲ့ကြသည်။ ဆက်လက်၍ မန္တလေးတိုင်းဒေသကြီး၊ မိတ္ထီလာခရိုင်၊ သာစည်မြို့နယ်ရှိ ရွှေနတ်တောင်အဆိုပြုကြိုးပြင်ကာကွယ်တောအတွင်း အပူပိုင်းဒေ သစိမ်းလန်းစိုပြည်ရေးဦးစီးဌာနမှ ဆောင်ရွက်လျက်ရှိသော ၂/၂၀၁၈ အခြားစိုက်ခင်း (၂၅)ဧက အားလေ့လာခဲ့ပါသည်။ ဆက်လက်၍ ကျောင်းသား/ကျောင်းသူများသည် မန္တလေးတိုင်းဒေသကြီး၊ မိတ္ထီလာခရိုင်၊ ဝမ်းတွင်းမြို့နယ်ရှိ မယ်ညိုတောင်ကြိုးဝိုင်း အတွင်း အပူပိုင်းဒေသစိမ်းလန်း စိုပြည်ရေးဦးစီးဌာနမှ Asian Development Bank (ADB)နှင့် Nippon Koei Co.,Ltd တို့ဖြင့် ပူးပေါင်းဆောင်ရွက်လျက်ရှိသည့် Rural Productivity and Ecosystem Services Enhanced in Central Dry Zone Forest စီမံကိန်း၏ လုပ်ငန်းဆောင်ရွက်နေမှုများအား လေ့လာခဲ့ပါသည်။