Welcome to Forest Department
No front page content has been created yet.
သတင်းနှင့်ကြေငြာချက်များ
၅.၃.၂၀၁၉ ရက်နေ့တွင် သစ်တောဦးစီးဌာနမှ သစ်တောဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ တပ်မတော်တပ်ဖွဲ့ဝင်များ ပါဝင်သောပူးပေါင်းအဖွဲ့မှ မဘိမ်းမြို့နယ်အတွင်း နယ်မြေရှင်းလင်းစဉ် မိုင်းသာကြိုးဝိုင်းအတွင်းမှ တရားမဝင် ကျွန်းခွဲသား (၁၀၀၀)ချောင်း (၁၀.၄၁၆၆)တန် ပိုင်ရှင်မဲ့ ဖမ်းဆီးရမိခဲ့ပြီး၊ တရားခံများအား စုံစမ်းဖေါ်ထုတ်၍ ဥပဒေနှင့်အညီ ထိရောက်စွာအရေးယူနိုင်ရေး ဆောင်ရွက်လျက်ရှိပါသည်။
၆.၃.၂၀၁၉ရက်နေ့ ၀၂း၁၅နာရီအချိန်တွင် ကံမမြို့နယ်သစ်တောဦးစီးဌာနမှ သစ်တောဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ ပါဝင်သော ပူးပေါင်း အဖွဲ့သည် နယ်မြေရှင်းလင်းခြင်းဆောင်ရွက်ရာ ပုသိမ်-မုံရွာကားလမ်း၊ မိုင်တိုင်အမှတ် ၁၈၈/၄ဖာလုံ၏ အရှေ့ဘက်တစ်မိုင်ခွဲခန့် အကွာ ဒေသအခေါ် ပေါက်တောကွင်းနေရာမှ ယာဉ်အမှတ်မပါ Hinoကား ခေါင်းစိမ်း (၆)ဘီးကားပေါ်မှ တရားမဝင်ပျဉ်းကတိုးခွဲသား (၄၀)ချောင်း (၃.၁၄၂၀)တန်အား ပိုင်ရှင်မဲ့ဖမ်းဆီးရမိခဲ့ပြီး၊ တရားခံအား ဥပဒေနှင့်အညီ အမှုဖွင့်အရေးယူဆောင်ရွက်သွားမည်ဖြစ်ပါသည်။
၄.၃.၂၀၁၉ ရက်နေ့ (၂၁:၁၀)နာရီအချိန်တွင် မဟာအောင်မြေမြို့နယ်၊ သစ်တောဦးစီးဌာနမှ ဦးစီးအရာရှိ ဦးဆောင်သော ဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ ကျေးရွာအုပ်ချုပ်ရေး အဖွဲ့ဝင်များ ပါဝင်သောပူးပေါင်းအဖွဲ့သည် မဟာအောင်မြေမြို့နယ်၊ စစ်ကိုင်းတံတားမှ မြစ်ငယ်သွား လမ်း၊ မိုင်တိုင်အမှတ်(၄/၃)နေရာ၌ ယာဉ်အမှတ်X/7550 (NISSAN DIESEL ၆ဘီး ခေါင်းဖြူ/စိမ်းကြား)ယာဉ်ပေါ်မှ တရားမဝင် အင်ခွဲသား (၄၉)ချောင်း (၂.၁၉၂၆)တန်အား တရားခံ (၁)ဦးနှင့်တူ ဖမ်းဆီးရမိခဲ့ပြီး၊ ဥပဒေနှင့်အညီ ထိရောက်စွာအရေးယူနိုင်ရေး အမရပူရမြို့နယ် ရဲစခန်းတွင် အမှုဖွင့်ဆောင်ရွက်လျက်ရှိပါသည်။
၃.၃.၂၀၁၉ ရက်နေ့ (၁၇:၃၀)နာရီအချိန်တွင် သစ်တောဦးစီးဌာနမှ လက်ထောက်ညွှန်ကြားရေးမှူး ဦးဆောင်သော ဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ ပါဝင်သောပူးပေါင်းအဖွဲ့သည် ဘောလခဲ မြို့နယ်၊ ရွာသစ်မြို့နယ်ခွဲ၊ စွတ်ပိုင်ဒေသ၏ မြောက်ဘက်(၄)မိုင်ခန့်အကွာမှ တရားမဝင် ကျွန်း/ပိတောက် သစ်လုံး (၃၀)လုံး (၁၀.၁၇၉၀)တန်အား ပိုင်ရှင်မဲ့ ဖမ်းဆီးရမိခဲ့ပြီး၊ တရားခံများ အား စုံစမ်းဖေါ်ထုတ်၍ ဥပဒေနှင့်အညီ ထိရောက်စွာအရေးယူနိုင်ရေး ဆောင်ရွက်လျက်ရှိပါသည်။
တိရစ္ဆာန်ဥယျာဉ် (နေပြည်တော်) ပင်ဂွင်းပြကွက်တွင် မွေးမြူပြသထားသော ပင်ဂွင်း အထီး(၆)ကောင်၊ အမ(၃)ကောင်၊ စုစုပေါင်း(၉)ကောင်ရှိသည့်အနက် ပင်ဂွင်း EBISU (အထီး) နှင့် ပင်ဂွင်း HIMAWARI(အမ) တို့မှ (၂၆-၁-၂၀၁၉) ရက်နေ့တွင် ပင်ဂွင်းငှက်ငယ်(၁)ကောင် နှင့် (၂၉-၁-၂၀၁၉) ရက်နေ့ တွင် (၁)ကောင်၊ ပင်ဂွင်း KAWASE (အထီး) နှင့် ပင်ဂွင်း MUROTO (အမ) တို့မှ ၁၄-၂-၂၀၁၉ ရက်နေ့တွင် (၁) ကောင်၊စုစုပေါင်း ပင်ဂွင်းငှက်ငယ်(၃) ကောင်ပေါက်ပွားခဲ့ပါသည်။ ပင်ဂွင်းသားပေါက်(၃)ကောင်မှာ လသားအရွယ်ဖြစ်သဖြင့် အထီး/ အမ ခွဲခြား၍မရနိုင်သေးပါကြောင်း၊ မိခင်ပင်ဂွင်းငှက် နှင့် ကလေးငယ်များမှာ ကျန်းမာရေး ကောင်းမွန်လန်းဆန်းလျှက်ရှိပါသည်။
ပြည်သူပူးပေါင်းပါဝင်မှုဖြင့် လူထုအခြေပြု စောင့်ကြပ်ကြည့်ရှုသတင်းပို့စနစ်-CMRS ဖြင့် သတင်းပေပို့အချက်အရ ၅-၃-၂၀၁၉ ရက်နေ့ ( ၂၀ : ၃၀ ) နာရီအချိန်ခန့်တွင် မင်းတုန်းမြို့နယ် ၊ သစ်တောဦးစီးဌာနမှ ဦးစီးအရာရှိ နှင့်ဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ တိုင်းဒေသကြီးလွှတ်တော်ကိုယ်စားလှယ် နှင့်အဖွဲ့၊ အထွေထွေအုပ်ချုပ်ရေးဦးစီးဌာနမှ ဝန်ထမ်းများ၊ ကျေးရွာအုပ်ချုပ်ရေးအဖွဲ့ဝင်များ ပါဝင်သော ပူးပေါင်းအဖွဲ့သည် မင်းတုန်း - မြောက်ပြင် ဆက်သွယ်ရေးလမ်း၏ အနောက်ဘက် ( ၂ ) ဖာလုံခန့်အကွာ နေရာမှ တရားမဝင်ကျွန်း/ပျဉ်းကတိုးခွဲသား စုစုပေါင်း ( ၇၀၂ ) ချောင်း (၁၃.၄၄၅၀) တန်အား ပိုင်ရှင်မဲ့ ဖမ်းဆီးရမိပြီး၊ တရားခံများအား စုံစမ်းဖေါ်ထုတ်၍ ဥပဒေနှင့်အညီ အရေးယူနိုင်ရေး ဆောင်ရွက်လျက်ရှိပါသည်။
နေပြည်တော်ကောင်စီနယ်မြေ/ တိုင်းဒေသကြီး/ ပြည်နယ်၊ သစ်တောဦးစီးဌာနများမှ ပေးပို့လာ သောစာရင်းများအရ တရားမဝင် ကျွန်း(၁၈၀.၇၂၂၃)တန်၊ သစ်မာ(၁၆၆.၇၃၃၅)တန်၊ အခြား (၄၅၀.၁၈၉၈)တန်၊ စုစုပေါင်း(၇၉၇.၆၄၅၆)တန်၊ တရားခံ(၇၀)ဦး၊ ယာဉ်/ယန္တရား(၄၈)စီး ဖမ်းဆီးရမိခဲ့ပါသည်။ဖမ်းဆီးရမိမှုများအနက် အများဆုံးဖမ်းဆီးရမိမှုမှာ ရှမ်းပြည်နယ်(တောင်ပိုင်း)၊ တောင်ကြီးမြို့နယ် (ပူးတွဲ) ဟိုပုံးမြို့နယ်၊ မြို့မ(၁)ဘိနယ်၊ ရပ်စောက်မြို့နယ်နှင့် ဟိုပုံးမြို့နယ်အစပ်၊ ဖာလဲ- မိုင်းပျဉ်း ဒေသမှ တရားမဝင် အခြားသစ်(၁၄၅၇)လုံး (၁၂၅.၄၁၀၂)တန်၊ လုံးပတ် ၃ပေအောက် သစ်မာသစ်(၂၄)လုံး (၂.၀၄)တန်၊ အခြားသစ်(၄၆၁)လုံး (၉၁.၆၂၄)တန်၊ လွှဝိုင်း(၂)ချပ်တို့အား ပိုင်ရှင်မဲ့ ဖမ်းဆီးရမိခဲ့ပါသည်။
၂-၃-၂၀၁၉ ရက်နေ့တွင် နေပြည်တော်ကောင်စီနယ်မြေ၊ ဒဏ္ခိဏခရိုင်၊ လယ်ဝေးမြို့နယ်၊ သစ်တောဦးစီးဌာနမှ သစ်တောဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ ရပ်ကွက်အုပ်ချုပ်ရေးအဖွဲ့ဝင်များ ပါဝင်သောပူးပေါင်းအဖွဲ့သည် လယ်ဝေးမြို့နယ်၊ ခြောက်မိုင်ကျေးရွာအနီး၊ ဆည်ဘောင်လမ်းပေါ် ရေနီကြိုးဝိုင်းအကွက်(၅၅)အတွင်း ယာဉ်အမှတ်၊ (MDY 9B/1087) NISSAN (အနက်ရောင်) (၁၀)ဘီးယာဉ်နှင့် ယာဉ်အမှတ်(NPW 5B/1780) NISSAN (၁၀)ဘီးယာဉ်တို့ပေါ်မှ တရားမဝင်သံသေ/ မအူခွဲသား(၈၃)ချောင်း (၁၆.၅၀၆၈)တန်အား တရားခံ(၄)ဦး နှင့်အတူ ဖမ်းဆီးရမိခဲ့ပြီး၊ ဥပဒေနှင့်အညီ ထိရောက်စွာအရေးယူနိုင်ရေး သက်ဆိုင်ရာရဲစခန်းတွင် အမှုဖွင့်လှစ်ဆောင်ရွက်လျက်ရှိပါသည်။