Welcome to Forest Department
No front page content has been created yet.
သတင်းနှင့်ကြေငြာချက်များ
သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ပြည်ထောင်စုဝန်ကြီးဦးအုန်းဝင်းဦးဆောင်သောမြန်မာကိုယ်စားလှယ်အဖွဲ့သည်၂၀၁၉ခုနှစ်၊ဧပြီလ၁၃ရက်နေ့တွင်ရန်ကုန်အပြည်ပြည်ဆိုင်ရာလေဆိပ်မှထွက်ခွာခဲ့ရာတရုတ်ပြည်သူ့သမ္မတနိုင်ငံကူမင်းအပြည်ပြည်ဆိုင်ရာလေဆိပ်သို့ရောက်ရှိပြီးဆက်လက်ထွက်ခွာခဲ့ရာဟန်ကျိုးလေဆိပ်သို့ည၉:၅၀နာရီအချိန်တွင်ဆိုက်ရောက်ခဲ့ကာဟန်ကျိုးလေဆိပ်မှတစ်ဆင့်ချင်းဒေါင်(Qiandao) မြို့သို့ရောက်ရှိခဲ့ပါသည်။၁၄-၄-၂၀၁၉ရက်နေ့တွင်ချင်းဒေါင်ရေကန်ကြီးသို့မော်တော်ယာဉ်ဖြင့်သွားရောက်ခဲ့ပြီးချင်းဒေါင်ငါးပြတိုက်တွင်လေ့လာခဲ့ပါသည်။အဆိုပါငါးပြတိုက်တွင်ချင်းဒေါင်ရေကန်အတွင်းရှိငါးမျိုးပေါင်း၁၄၀ကျော်ကိုပြသထားပြီးငါးမွေးမြူခြင်းဆိုင်ရာသမိုင်းကြောင်း၊ယဉ်ကျေးမှု၊စီးပွားဖြစ်ငါးမွေးမြူခြင််းနှင့်သုတေသနလုပ်ငန်းများကိုပြသထားပါသည်။ထို့နောက်ချင်းဒေါင်ရေကန်အတွင်းရေယာဉ်များဖြင့်လှည့်လည်ကြည့်ရှုကြပါသည်။ရေကန်အတွင်းသဘာဝပတ်ဝန်းကျင်ထိန်းသိမ်းရေးလုပ်ငန်းများနှင့်သဘာဝအခြေခံခရီးသွားလုပ်ငန်း၊ငါးမွေးမြူရေးလုပ်ငန်းများကိုတာဝန်ရှိသူများကရှင်းလင်းပြသပြီးပြည်ထောင်စုဝန်ကြီးကသိရှိလိုသည်များကိုမေးမြန်းဆွေးနွေးခဲ့ပါသည်။
သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာန အနေဖြင့် မြန်မာ့ကျွန်း သစ်မူရင်းဒေသဖြစ်သော ပဲခူးရိုးမအတွင်း ၂၀၁၆-၁၇ ဘဏ္ဍာနှစ်မှစ၍ တရားဝင်သစ်ထုတ်လုပ်ခြင်းလုပ်ငန်း အား (၁၀)နှစ်ရပ်နားထားပြီး သစ်တောပြုစုထိန်း သိမ်းခြင်းလုပ်ငန်းများအား အရှိန်အဟုန်မြှင့်ဆောင်ရွက်နေ လျှက်ရှိသည့်အပြင် တရားမဝင်သစ်ခိုးထုတ်ခြင်း၊ တရားမဝင်တောရိုင်းတိရစ္ဆာန်များ သတ်ဖြတ်ခြင်းနှင့် ကျူးကျော်အခြေချနေထိုင်ခြင်းများအား ပြည်သူပူးပေါင်းပါဝင်မှုဖြင့် စီမံချက်ချအကောင် အထည်ဖော် ဆောင်ရွက်နေလျှက်ရှိပါသည်။ ပဲခူးရိုးမစိမ်းလန်းစိုပြည်ရေး ဧရိယာအတွင်းမှ (၈-၄-၂၀၁၉)ရက်နေ့မှ (၁၄-၄-၂၀၁၉) ရက်နေ့ထိ တစ်ပတ်တာကာ လအတွင်း တရားမဝင်ကျွန်း၊ သစ်မာ၊အခြား စုစုပေါင်း (၃၂၈.၅၁၀၇)တန်ဖမ်းဆီးရမိခဲ့ပါသည်။
၁၄.၄.၂၀၁၉ ရက်နေ့တွင် မြစ်ကြီးနားမြို့နယ်၊ သစ်တောဦးစီးဌာနမှဝန်ထမ်းများအဖွဲ့သည် မြစ်ကြီးနားမြို့နယ်၊ နောင်တောင်းကျေးရွာ၊ တောစပ်အနီးမှ တရားမဝင် ကညင်/ကြေးလံသစ်လုံး (၂၁)လုံး (၂၆.၆၃၀၀)တန်အား ပိုင်ရှင်မဲ့ ဖမ်းဆီးရမိခဲ့ပြီး၊ တရားခံများအား စုံစမ်းဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး ဆောင်ရွက်လျက်ရှိပါသည်။
၁၁.၄.၂၀၁၉ ရက်နေ့တွင် ဝိုင်းမော်မြို့နယ်၊ သစ်တောဦးစီးဌာနမှ သစ်တောဝန်ထမ်းများ၊ ကျေးရွာအုပ်ချုပ်ရေးမှူးအဖွဲ့ဝင်များ၊ ဌာနေပြည်သူ့စစ်အဖွဲ့ဝင်တို့ ပါဝင်သောပူးပေါင်းအဖွဲ့သည် ဝိုင်းမော်မြို့နယ်၊ လွယ်ငူးတောင်ဒေသ၊ မန်ဝိန်းကျေးရွာ၏အနောက်မြောက်ဘက်(၃)မိုင်ခန့်အကွာ၊ မန်ဝိန်းချောင်းဖျားအနီးမှ တရားမဝင် ကညင်သစ် (၂၂)လုံး (၈.၄၁၈၀)တန် ပိုင်ရှင်မဲ့ ဖမ်းဆီးရမိခဲ့ပြီး၊ တရားခံများအား စုံစမ်းဖော်ထုတ်၍ ဥပဒေနှင့်အညီထိရောက်စွာအရေးယူနိုင်ရေး ဆောင်ရွက်လျက် ရှိပါသည်။
၁၁.၄.၂၀၁၉ ရက်နေ့တွင် ရွှေဘိုခရိုင်၊ သစ်တောဦးစီးဌာနမှ ဦးစီးအရာရှိနှင့်ဝန်ထမ်းများအဖွဲ့၊ ကျေးရွာအုပ်ချုပ်ရေးအဖွဲ့ဝင်များ ပါဝင်သော ပူးပေါင်းအဖွဲ့သည် ကျွန်းလှမြို့နယ်၊ နန်းသပ်ကျေးရွာ အနောက်တောင်ဘက် (၃)မိုင်ခန့်အကွာ၊ နန်ကြီးသာကြိုးဝိုင်းအတွင်းမှ တရားမဝင် ကျွန်း/ ပျဉ်းကတိုး/အင်ကြင်းသစ်လုံး စုစုပေါင်း (၂၁)လုံး (၁၀.၆၃၄၀)တန်အား ပိုင်ရှင်မဲ့ ဖမ်းဆီးရမိခဲ့ပြီး၊ တရားခံများအား စုံစမ်းဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး ဆောင်ရွက် လျက်ရှိပါသည်။
၁၀.၄.၂၀၁၉ ရက်နေ့တွင် ပင်းတယမြို့နယ်၊ သစ်တောဦးစီးဌာနမှ သစ်တောဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ ကျေးရွာအုပ်ချုပ်ရေးအဖွဲ့ဝင်များ ပါဝင်သော ပူးပေါင်းအဖွဲ့သည် ပင်းတယမြို့နယ်၊ မိုင်းလီကျေးရွာအုပ်စု၊ တောင်ပုကျေးရွာ၊ ဆင်ကျုံး-တောင်ပုသွားတံတား ပေါ်မှ ယာဉ်အမှတ်၊ YGN-6N/6908 (Canter ၆ဘီး အဖြူရောင်)ယာဉ်(၁)စီးပေါ်မှ တရားမဝင် အင်ခွဲသား (၉၂)ချောင်း (၅.၃၂၇၂)တန်၊ တရားခံ(၁)ဦး ဖမ်းဆီးရမိခဲ့ပြီး၊ တရားခံအား ဥပဒေနှင့်အညီထိရောက်စွာ အရေးယူနိုင်ရေး ပင်းတယမြို့မရဲစခန်းတွင် အမှုဖွင့်ဆောင်ရွက်လျက်ရှိပါသည်။
၉-၄-၂၀၁၉ ရက်နေ့ မန္တလေးတိုင်းဒေသကြီး၊ ကျောက်ဆည်ခရိုင်၊ သစ်တောဦးစီးဌာန၊ လက်ထောက်ညွှန်ကြားရေးမှူးဦးဆောင်သော သစ်တောဝန်ထမ်းများ၊အဖွဲ့သည် ကျောက်ဆည်မြို့နယ်၊ ဒုဌဝတီမြစ်ကြောင်းတစ်လျှောက် နယ်မြေရှင်းလင်းရေးလုပ်ငန်းဆောင်ရွက်ရာ ရဲရမန်းကြိုးဝိုင်း၊ အကွက်အမှတ် (၁၂၁)အတွင်း၊ ပန်းပုချောင်းရိုးတစ်လျှောက်တွင် တရားမဝင်ကျွန်း/အင်ကြင်းသစ်/ ဓါးရွေ (၂၇)လုံး/ချောင်း (၉.၅၅၇၄)တန်အားဖမ်းဆီးရမိပြီး၊ တရားခံများအား စုံစမ်းဖေါ်ထုတ်၍ ဥပဒေနှင့်အညီ အရေးယူနိုင်ရေး ဆောင်ရွက်လျက်ရှိပါသည်။
ပြည်သူပူးပေါင်းပါဝင်မှုဖြင့် လူထုအခြေပြု စောင့်ကြပ်ကြည့်ရှုသတင်းပို့စနစ်-CMRS ဖြင့် သတင်းပေး ပို့ချက်ဖြင့် ၈-၄-၂၀၁၉ ရက်နေ့ ကချင်ပြည်နယ်၊ ပူတာအိုခရိုင်၊ ပူတာအိုမြို့နယ်၊ သစ်တောဦးစီးဌာန၊ ဦးစီးအရာရှိ ဦးဆောင်သော သစ်တောဝန်ထမ်းများ၊ ကျေးရွာအုပ်ချုပ်ရေးအဖွဲ့ဝင်များ ပါဝင်သောပူးပေါင်း အဖွဲ့သည် ပူတာအိုမြို့နယ်၊ ပမ္မတီးကျေးရွာအနောက်ဘက်(၁)မိုင်ခန့်အကွာနေရာမှ တရားမဝင်ကြေးလံ သစ်လုံး/ခြမ်း စုစုပေါင်း(၁၀၅)လုံး/ခြမ်း(၉၀)တန်ခန့်နှင့်သစ်စက်(၁)လုံးတို့အာဖမ်းဆီးရမိပြီး၊ တရားခံများ အား စုံစမ်းဖေါ်ထုတ်၍ ဥပဒေနှင့်အညီ အရေးယူနိုင်ရေး ဆောင်ရွက်လျက်ရှိပါသည်။