၂၀၂၀ ပြည့်နှစ် ပါတီစုံဒီမိုကရေစီ အထွေထွေရွေးကောက်ပွဲတွင် ဖြစ်ပွားခဲ့သည့် မဲမသမာမှုနှင့် တရားမဲ့ပြုကျင့်မှုများအပေါ် စုံစမ်းစစ်ဆေးတွေ့ရှိချက်များ

Submitted by Anonymous (not verified) on Wed, 2025-01-22 18:33

၂၀၂၀ ပြည့်နှစ် ပါတီစုံဒီမိုကရေစီ အထွေထွေရွေးကေက်ပွဲတွင် ဖြစ်ပွားခဲ့သည့် မဲမသမာမှုနှင့် တရားမဲ့ပြုကျင့်မှုများ အပေါ် စုံစမ်းစစ်ဆေးတွေ့ရှိချက်များနှင့် စပ်လျဉ်း၍ ပြည်တွင်း/ပြည်ပမှ လေ့လာလိုသူများအနေဖြင့် ပြည်ထောင်စု ရွေးကောက်ပွဲကော်မရှင်က လွှင့်တင်ထားသည့် Website https://2020election.uec.gov.mm/ တွင်လည်းကောင်း၊ Mobile Application ကို အဆိုပါ Website တွင် Download ရယူ၍လည်းကောင်း လေ့လာဖတ်ရှုနိုင်ပါသည်။

Pages

သတင်းနှင့်ကြေငြာချက်များ

သုံးဆယ်မြို့၊ အလယ်ကုန်းကျေးရွာတွင်း လမ်းဘေးတွင် ယာဉ်(၁)စီးပေါ်မှ တရားမဝင်ကျွန်းတံခါးချပ်များ ဖမ်းဆီးရမိ

၆-၃-၂၀၁၉ ရက်နေ့တွင် ပဲခူးတိုင်းဒေသကြီး၊ သာယာဝတီခရိုင်၊ လက်ထောက်ညွှန်ကြားရေးမှူး ဦးဆောင်သော သစ်တောဝန်ထမ်းများအဖွဲ့သည် သာယာဝတီတိုးဂိတ်နေရာတွင် စစ်ဆေးခံယူခြင်းမရှိဘဲ ထွက်ပြေးမောင်းနှင်သွားသည့် ယာဉ်အား ပိတ်ဆို့ရှာဖွေဖမ်းဆီးရေးဆောင်ရွက်ရာ သုံးဆယ်မြို့၊ အလယ်ကုန်းကျေးရွာတွင်း လမ်းဘေးတွင် ယာဉ်အမှတ် (4J/3480) ISUZU ယာဉ်အား တွေ့ရှိခဲ့၍ သစ်တောရုံးဝန်းအတွင်းသို့ သယ်ယူချတိုင်းစစ်ဆေးခဲ့ရာ တရားမဝင်ကျွန်းတံခါးချပ်(၈၀)ချပ် (၁.၇၆၆၆)တန်နှင့် တံခါးဆံတံခါးဘောင်(၀.၁၇၁၆)တန် စုစုပေါင်း (၁.၉၃၈၅)တန်အား ဖမ်ဆီးရမိပြီး၊ ဆက်စပ်ပက်သက်သော တရားခံများအား စုံစမ်းဖော်ထုတ်၍ ဥပဒေနှင့်အညီ အရေးယူနိုင်ရေး စီစဉ်ဆောင်ရွက်လျက်ရှိပါသည်။

ဘားအံမြို့နယ် တွင် ယာဉ်(၁)စီးပေါ်မှ တရားမဝင်ကျွန်းခွဲသားများ ဖမ်းဆီးရမိ

ပြည်သူပူးပေါင်းပါဝင်မှုဖြင့် လူထုအခြေပြု စောင့်ကြပ်ကြည့်ရှုသတင်းပို့စနစ်-CMRS ဖြင့် သတင်းပေးပို့ ချက်အရ ဘားအံမြို့နယ် သစ်တောဦးစီးဌာနမှ သစ်တောဝန်ထမ်းများနှင့် ဇာသပြင်ရဲစခန်းမှ ရဲတပ်ဖွဲ့ဝင်များ ပါဝင်သောပူးပေါင်းအဖွဲ့သည် (၇-၃-၂၀၁၉)ရက်နေ့ နံနက်(၀၅:၃၀)နာရီအချိန်တွင် ယာဉ်မောင်း စောစိုးနိုင်(ခ)စောစီတူ မောင်းနှင်လာသောအဖြူရောင် Hiace ကား ယာဉ်အမှတ်(2K/4775) ဖြင့်သယ်ဆောင်လာသည့် ကျွန်းခွဲသား ၂၄၈ ချောင်း ၁.ရ၅၄၄ တန် ဖမ်းဆီးရမိခဲ့ပါသဖြင့် ဇာသပြင်ရဲစခန်းတွင် သစ်တောဥပဒေပုဒ်မ ၄၃(က) ဖြစ်အမှုဖွင့်အရေးယူခဲ့ရာ စခန်းမှ(ပ)၂၁/ ၂၀၁၉ ဖြင့် လက်ခဲ့ဆောင်ရွက်ခဲ့ပါသည်။

5th Project Steering Committee Meeting အစည်းအဝေး ကျင်းပပြုလုပ်

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာန၊ ညွှန်ကြားရေးမှူးချုပ်ရုံး၊ အစည်းအဝေးခန်းမ၌ (၈-၃-၂၀၁၉)ရက်နေ့ (ဝ၉:ဝ၀)နာရီအချိန်တွင် 5th Project Steering Committee Meeting အစည်းအဝေး ကျင်းပပြုလုပ်ရာ သစ်တောဦးစီးဌာန၊ ဒုတိယညွှန်ကြားရေးမှူးချုပ် (မူဝဒနှင့်စီမံကိန်း) ဦးကျော်ကျော်လွင် မှ အဖွင့်အမှာစကားပြောကြားပါသည်။အခမ်းအနားသို့ သစ်တောဦးစီးဌာနမှ အရာရှိကြီးများ၊ FAO မှ တာဝန်ရှိသူများတက်ရောက်ကြပါသည်။

ေတာင္ငူၿမိဳ႕နယ္၊ ခေပါင္းႀကိဳးဝိုင္းအတြင္းတရားမဝင္သစ္ မ်ားဖမ္းဆီးရမိ

ပဲခူးတိုင်းဒေသကြီး၊ ညွှန်ကြားရေးမှူး ဦးဆောင်သော သစ်တောဝန်ထမ်းများ၊ ခလရ(၅၃)မှ တပ်မတော်သားများ၊ သစ်တောလုံခြုံရေးရဲတပ်ဖွဲ့ဝင်များပါဝင်သော ပူးပေါင်းအဖွဲ့သည် ပြည်သူပူးပေါင်းပါဝင်မှုဖြင့် လူထုအခြေပြု စောင့်ကြပ်ကြည့်ရှုသတင်းပို့စနစ်-CMRS ဖြင့် သတင်းပေပို့အချက်အရ ပဲခူးတိုင်းဒေသကြီး၊ တောင်ငူမြို့နယ်၊ ခပေါင်းကြိုးဝိုင်းအတွင်း ကွင်းဆင်းစစ်ဆေးခြင်း လုပ်ငန်းများဆောင်ရွက်လျှက်ရှိရာ ၆-၃-၂၀၁၉ ရက်နေ့တွင် တရားမဝင်ကျွန်းသစ်(၄၉၁)လုံး/ချောင်း/ခြမ်း (၈၃.၃၉၈၆)တန်၊ ပျဉ်းကတိုးသစ်လုံး/ခွဲသား (၂၅)တန်ခန့်နှင့် တရားမဝင်သစ်စက်နှင့်ဆက်စပ်ပစ္စည်းများ ဖမ်းဆီးရမိခဲ့ပြီး လုံခြုံရာသို့ အမြန်ဆုံးသယ်ယူ နိုင်ရေး စီစဉ်ဆောင်ရွက်လျှက်ရှိပါသည်။

မဘိမ်းမြို့နယ်၊ မိုင်းသာကြိုးဝိုင်းအတွင်းမှ တရားမဝင် ကျွန်းခွဲသားများ ဖမ်းဆီးရမိ

၅.၃.၂၀၁၉ ရက်နေ့တွင် သစ်တောဦးစီးဌာနမှ သစ်တောဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ တပ်မတော်တပ်ဖွဲ့ဝင်များ ပါဝင်သောပူးပေါင်းအဖွဲ့မှ မဘိမ်းမြို့နယ်အတွင်း နယ်မြေရှင်းလင်းစဉ် မိုင်းသာကြိုးဝိုင်းအတွင်းမှ တရားမဝင် ကျွန်းခွဲသား (၁၀၀၀)ချောင်း (၁၀.၄၁၆၆)တန် ပိုင်ရှင်မဲ့ ဖမ်းဆီးရမိခဲ့ပြီး၊ တရားခံများအား စုံစမ်းဖေါ်ထုတ်၍ ဥပဒေနှင့်အညီ ထိရောက်စွာအရေးယူနိုင်ရေး ဆောင်ရွက်လျက်ရှိပါသည်။

ကံမမြို့နယ်၊ ပုသိမ်-မုံရွာကားလမ်းတွင် တရားမဝင်သစ်များ တင်ဆောင်လာသော ယာဉ်(၂)စီး ဖမ်းဆီးရမိ

၆.၃.၂၀၁၉ရက်နေ့ ၀၂း၁၅နာရီအချိန်တွင် ကံမမြို့နယ်သစ်တောဦးစီးဌာနမှ သစ်တောဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ ပါဝင်သော ပူးပေါင်း အဖွဲ့သည် နယ်မြေရှင်းလင်းခြင်းဆောင်ရွက်ရာ ပုသိမ်-မုံရွာကားလမ်း၊ မိုင်တိုင်အမှတ် ၁၈၈/၄ဖာလုံ၏ အရှေ့ဘက်တစ်မိုင်ခွဲခန့် အကွာ ဒေသအခေါ် ပေါက်တောကွင်းနေရာမှ ယာဉ်အမှတ်မပါ Hinoကား ခေါင်းစိမ်း (၆)ဘီးကားပေါ်မှ တရားမဝင်ပျဉ်းကတိုးခွဲသား (၄၀)ချောင်း (၃.၁၄၂၀)တန်အား ပိုင်ရှင်မဲ့ဖမ်းဆီးရမိခဲ့ပြီး၊ တရားခံအား ဥပဒေနှင့်အညီ အမှုဖွင့်အရေးယူဆောင်ရွက်သွားမည်ဖြစ်ပါသည်။

မဟာအောင်မြေမြို့နယ်၊ စစ်ကိုင်းတံတားမှမြစ်ငယ်သွားလမ်းတွင် တရားမဝင်သစ်များတင်ဆောင် လာသောယာဉ်အား ဖမ်းဆီးရမိ

၄.၃.၂၀၁၉ ရက်နေ့ (၂၁:၁၀)နာရီအချိန်တွင် မဟာအောင်မြေမြို့နယ်၊ သစ်တောဦးစီးဌာနမှ ဦးစီးအရာရှိ ဦးဆောင်သော ဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ ကျေးရွာအုပ်ချုပ်ရေး အဖွဲ့ဝင်များ ပါဝင်သောပူးပေါင်းအဖွဲ့သည် မဟာအောင်မြေမြို့နယ်၊ စစ်ကိုင်းတံတားမှ မြစ်ငယ်သွား လမ်း၊ မိုင်တိုင်အမှတ်(၄/၃)နေရာ၌ ယာဉ်အမှတ်X/7550 (NISSAN DIESEL ၆ဘီး ခေါင်းဖြူ/စိမ်းကြား)ယာဉ်ပေါ်မှ တရားမဝင် အင်ခွဲသား (၄၉)ချောင်း (၂.၁၉၂၆)တန်အား တရားခံ (၁)ဦးနှင့်တူ ဖမ်းဆီးရမိခဲ့ပြီး၊ ဥပဒေနှင့်အညီ ထိရောက်စွာအရေးယူနိုင်ရေး အမရပူရမြို့နယ် ရဲစခန်းတွင် အမှုဖွင့်ဆောင်ရွက်လျက်ရှိပါသည်။

ဘောလခဲမြို့နယ်၊ စွတ်ပိုင်ဒေသဝန်းကျင်မှ တရားမဝင်သစ်များ ဖမ်းဆီးရမိ

၃.၃.၂၀၁၉ ရက်နေ့ (၁၇:၃၀)နာရီအချိန်တွင် သစ်တောဦးစီးဌာနမှ လက်ထောက်ညွှန်ကြားရေးမှူး ဦးဆောင်သော ဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ ပါဝင်သောပူးပေါင်းအဖွဲ့သည် ဘောလခဲ မြို့နယ်၊ ရွာသစ်မြို့နယ်ခွဲ၊ စွတ်ပိုင်ဒေသ၏ မြောက်ဘက်(၄)မိုင်ခန့်အကွာမှ တရားမဝင် ကျွန်း/ပိတောက် သစ်လုံး (၃၀)လုံး (၁၀.၁၇၉၀)တန်အား ပိုင်ရှင်မဲ့ ဖမ်းဆီးရမိခဲ့ပြီး၊ တရားခံများ အား စုံစမ်းဖေါ်ထုတ်၍ ဥပဒေနှင့်အညီ ထိရောက်စွာအရေးယူနိုင်ရေး ဆောင်ရွက်လျက်ရှိပါသည်။

Pages

more