သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာနအနေဖြင့် မြန်မာ့ကျွန်း သစ်မူရင်းဒေသဖြစ်သော ပဲခူးရိုးမအတွင်း ၂၀၁၆-၁၇ ဘဏ္ဍာနှစ်မှစ၍ တရားဝင်သစ်ထုတ်လုပ်ခြင်းလုပ်ငန်းအား (၁၀)နှစ်ရပ်နားထားပြီး သစ်တောပြုစုထိန်းသိမ်းခြင်းလုပ်ငန်းများအား အရှိန်အဟုန်မြှင့်ဆောင်ရွက်နေလျှက်ရှိသည့်အပြင် တရားမဝင်သစ်ခိုးထုတ်ခြင်း၊ တရားမဝင်တောရိုင်းတိရစ္ဆာန်များ သတ်ဖြတ်ခြင်းနှင့် ကျူးကျော်အခြေချနေထိုင်ခြင်းများအား ပြည်သူပူးပေါင်းပါဝင်မှုဖြင့် စီမံချက်ချအကောင်အထည်ဖော် ဆောင်ရွက်နေလျှက်ရှိပါသည်။ ပဲခူးရိုးမစိမ်းလန်းစိုပြည်ရေး ဧရိယာအတွင်းမှ (၂၆-၉-၂၀၂၂)ရက်နေ့မှ (၂-၁၀-၂၀၂၂) ရက်နေ့ထိ တစ်ပတ်တာကာလအတွင်း တရားမဝင်ကျွန်း၊ သစ်မာ၊ အခြား စုစုပေါင်း (၅၁.၉၅၇၈)တန်ဖမ်းဆီးရမိခဲ့ပါသည်။

နေပြည်တော်၊ ပြည်နယ်နှင့် တိုင်းဒေသကြီး သစ်တောဦးစီးဌာနများမှ ပေးပို့လာသော စာရင်းများအရ တရားမဝင် ကျွန်း (၉၉.၁၅၄၈)တန်၊ သစ်မာ (၂၆.၀၁၃၈)တန်၊ အခြား (၂၂.၄၃၈၀)တန်၊ စုစုပေါင်း (၁၄၇.၆၀၆၆)တန်၊ တရားခံ (၁၅)ဦး၊ ယာဉ်/ ယန္တရား (၁၁)စီး ဖမ်းဆီးရမိခဲ့ပါသည်-ဖမ်းဆီးရမိမှုများအနက် အများဆုံးဖမ်းဆီးရမိမှုမှာ ၂-၁၀-၂၀၂၂ ရက်နေ့တွင် ပဲခူးတိုင်း ဒေသကြီး၊ တောင်ငူခရိုင်၊ အုတ်တွင်းမြို့နယ်၊ ခပေါင်းကြိုးဝိုင်း၊ အကွက်အမှတ် (၆၆၊ ၆၇၊ ၇၈၊ ၇၉) တို့အတွင်းမှ တရားမဝင်ကျွန်း သစ်လုံး/ခွဲသား/ခွဲခြမ်း/ယောင် (၁၉၂) လုံး/ချောင်း/ခြမ်း (၄၃.၁၅၂၆)တန်အား ပိုင်ရှင်မဲ့ ဖမ်းဆီးရမိမှု ဖြစ်ပါသည်-

နေပြည်တော်၊ ပြည်နယ်နှင့် တိုင်းဒေသကြီး သစ်တောဦးစီးဌာနများမှ ပေးပို့လာသော စာရင်းများအရ တရားမဝင် ကျွန်း (၃၇.၆၄၈၀)တန်၊ သစ်မာ (၁၁.၂၀၅၄)တန်၊ အခြား (၆.၉၉၅၂)တန်၊ စုစုပေါင်း (၅၅.၈၄၈၆)တန်၊ တရားခံ (၁၈)ဦး၊ ယာဉ်/ယန္တရား (၁၁)စီး ဖမ်းဆီးရမိခဲ့ပါသည်-ဖမ်းဆီးရမိမှုများအနက် အများဆုံးဖမ်းဆီးရမိမှုမှာ ၆-၉-၂၀၂၂ ရက်နေ့တွင် ရန်ကုန် တိုင်းဒေသကြီး၊ ရန်ကုန်မြောက်ပိုင်းခရိုင်၊ ရွှေပြည်သာမြို့နယ်၊ ဝါးတရာဘိနယ်၊ ဝါးတရာစက်မှုဇုံ၊ အောင်ချမ်းသာလမ်း၊ ဂိုဒေါင်အမှတ် (၃၅၁)အတွင်းမှ တရားမဝင် ကျွန်း/ပိတောက်ခွဲသား (၂၅၇)ချောင်း (၂၉.၀၂၃၆)တန်၊ ယာဉ် (၂)စီး၊ တရားခံ (၇)ဦး ဖမ်းဆီးရမိမှု ဖြစ်ပါသည်-