မြန်မာနိုင်ငံသစ်တောထောက်ခံချက်ပြုရေးကော်မတီ(MFCC)၏ အဌမအကြိမ်မြောက် အစည်းအဝေးကို (၂၆-၁-၂၀၂၁)ရက်နေ့ မွန်းလွဲ(၁၂:၃၀) နာရီအချိန်တွင် Virtual Meeting (Zoom Application) ဖြင့်ကျင်းပပြုလုပ်ခဲ့ရာ မြန်မာနိုင်ငံသစ်တောထောက်ခံချက်ပြုရေးကော်မတီဥက္ကဌ ဦးခင်မောင်ရီမှ အဖွင့် အမှာစကားပြောကြားပါသည်။ အခမ်းအနားသို့ သစ်တောဦးစီးဌာန ညွှန်ကြားရေးမှူး ချုပ် ဒေါက်တာညီညီကျော်၊ မြန်မာ့သစ်လုပ်ငန်းမှဦးဆောင်ညွှန်ကြားရေးမှူး၊ ဦးရွှေကျော်(အကြံပေးအရာရှိ)နှင့် မြန်မာနိုင်ငံသစ်တောထောက်ခံချက်ပြုရေး ကော်မတီ (MFCC)၏ အဖွဲ့ဝင်ကိုယ်စားလှယ်များ တက်ရောက်ဆွေးနွေးခဲ့ကြပါသည်.

MFCC ၊ ITTO Forestry Agency of Japan(FAJ) တို့ ပူးပေါင်းဆောင်ရွက်မည့် “STRENGTHENING SFM STANDARDS AND TIMBER LEGALITY FRAMEWORK IN MYANMAR” စီမံကိန်း၏ Preliminary Project Streeing Committee(PSC) and Project Management Team(PMT) အစည်းအဝေးကို (၂၆-၁-၂၀၂၁)ရက်နေ့ နံနက် (၁၀:၀၀) နာရီတွင် Virtual Meeting (Zoom Application) ဖြင့်ကျင်းပပြုလုပ်ခဲ့ရာ မြန်မာနိုင်ငံသစ်တောထောက်ခံချက်ပြုရေးကော်မတီဥက္ကဌ ဦးခင်မောင်ရီမှ အဖွင့် အမှာစကားပြောကြားပါသည်။ အခမ်းအနားသို့ သစ်တောဦးစီးဌာန ညွှန်ကြားရေးမှူးချုပ် ဒေါက်တာညီညီကျော်နှင့် တာဝန်ရှိသူများ၊ မြန်မာ့သစ် လုပ်ငန်းမှဦးဆောင်ညွှန်ကြားရေးမှူး၊ ဦးရွှေကျော်(အကြံပေးအရာရှိ)၊ ITTO မှ Dr.Ma Hwan-OK ၊ MONREC-JICA FDSNR Project မှ chief Advisor Mr. Satoshi Fujita နှင့် မြန်မာနိုင်ငံသစ်တောထောက်ခံချက်ပြုရေးကော်မတီရုံးအဖွဲ့တို့မှ ဆွေးနွေးခဲ့ကြပါ သည်.

၂၁-၁-၂၀၂၁ ရက်နေ့တွင် စစ်ကိုင်းတိုင်းဒေသကြီး၊ ခန္တီးခရိုင်၊ ဟုမ္မလင်းမြို့နယ် သစ်တောဦးစီးဌာနမှ ဦးစီးအရာရှိ ဦးဆောင်သော သစ်တောဝန်ထမ်းများ အဖွဲ့သည် ဟုမ္မလင်းမြို့နယ်၊ နတ်နန်းကျေးရွာအုပ်စု၊ အရှေ့ဘက်(၃)မိုင်ခွဲခန့်အကွာမှ တရားမဝင် အင်/ကညင်သစ် (၇၇)လုံး (၃၃.၃၃၂၀)တန်အား ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်းရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိပါသည်။