သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

ပဲခူးတိုင်းဒေသကြီး၊ ပဲခူးခရိုင်၊ ဒိုက်ဦးမြို့နယ်၊သစ်တောဦးစီးဌာနမှ (၁၉-၁၁-၂၀၂၄)ရက်နေ့၊ (၁၀:၀၀) နာရီတွင် ဒိုက်ဦးမြို့နယ်၊ အခြေခံပညာအထက်တန်းကျောင်း(ဗြတ်ကြီး‌ကျေးရွာ)၌ မီးခိုး/မြူငွေ့ လျှော့ချရေးနှင့် သဘာဝဘေးအန္တရာယ်ဆိုင်ရာ အသိပညာပေးဟောပြောပွဲ (မြို့နယ်အဆင့်)အား ပြုလုပ်ခဲ့ရာ ဒိုက်ဦးမြို့နယ် ဒုတိယမြို့နယ်ပညာရေးမှူးနှင့်တကွဆရာမ(၉)ဦး၊ ကျောင်းသူ/သား (၈၀)ဦး၊ သစ်တောဦးစီးဌာန ဝန်ထမ်း(၇)ဦး၊ ရပ်မိရပ်ဖ(၆)ဦး စုစုပေါင်း(၁၀၂)ဦး တက်ရောက်ခဲ့ကြပါသည်။ အစီအစဥ်အရ ဒိုက်ဦးမြို့နယ်၊ အခြေခံပညာအထက်တန်းကျောင်း(ဗျက်ကြီး‌) ကျောင်းအုပ်ဆရာမကြီးမှ အဖွင့်အမှာစကားပြောကြားခြင်း၊ ဒိုက်ဦးမြို့နယ် သစ်တောဦးစီးဌာန ဦးစီးအရာရှိ ဦးတင်လင်းအောင်မှ မီးခိုး/မြူငွေ့ လျှော့ချရေးနှင့် သဘာဝဘေးအန္တရာယ်ဆိုင်ရာ အသိပညာပေး ဟောပြောခဲ့ပြီး၊ ဗျက်ကြီးကျေးရွာအုပ်ချုပ်ရေးမှူး ဦးမင်းသိန်းမှ ပါဝင်ဆွေးနွေး ကျေးဇူးတင်စကားပြောကြားခဲ့ပြီး တက်ရောက်လာသူများ၏ သိရှိလိုသည့်မေးမြန်း ချက်များအပေါ် ပြန်လည်ဖြေကြားခဲ့ပါကြောင်းနှင့် သဘာဝဘေးအန္တရာယ်ဆိုင်ရာ အသိပညာပေး လက်ကမ်းစာစောင်များအား ဖြန့်ဝေပေးခဲ့ပါကြောင်း သတင်းရရှိပါသည်။

(၁၈-၁၁-၂၀၂၄) ရက်၊ တနင်္လာနေ့ (၁၀း၀၀) နာရီတွင် သစ်တောဦးစီးဌာန၊ ညွှန်ကြားရေးမှူးချုပ်ရုံး၊ အင်ကြင်းခန်းမ၌ ပြည်ပနိုင်ငံများမှ သင်တန်း/အလုပ်ရုံဆွေးနွေးပွဲများ တက်ရောက်ခဲ့ကြသည့် ဝန်ထမ်းများ၏ အတွေ့အကြုံနှင့် ဗဟုသုတများ ပြန်လည်မျှဝေခြင်းဆိုင်ရာ Knowledge Sharing Presentation အစီအစဉ်ကျင်းပခဲ့ရာ ဒေါက်တာသင်းသင်း (လက်ထောက်ညွှန်ကြားရေးမှူး၊ စီမံကိန်းနှင့်စာရင်းအင်းဌာန)မှ သဘာပတိအဖြစ် ဆောင်ရွက်ခဲ့ပါသည်။ အစီအစဉ်အရ ဦးစီးအရာရှိ ဦးဖြိုးဝေမှ အင်ဒိုနီးရှားနိုင်ငံတွင်ပြုလုပ်သည့် အာဆီယံဒေသတွင်း အပူပိုင်းဒေသသစ်တောသယံဇာတများရေရှည်တည်တံ့စေရေး အဆင့်မြှင့်တင်သည့်လုပ်ငန်းများဆိုင်ရာ အလုပ်ရုံဆွေးနွေးပွဲတက်ရောက်မှုအားလည်းကောင်း၊ လက်ထောက်ညွှန်ကြားရေးမှုး ဒေါက်တာယုယအေးနှင့် ဦးစီးအရာရှိ ဒေါ်နွေးမွန်မွန်အောင်တို့မှ တရုတ်ပြည်သူသမ္မတ နိုင်ငံတွင်ပြုလုပ်သည့် ကာဗွန်ရောင်းဝယ်ခြင်းနှင့်ကာဗွန်ငွေကြေးထောက်ပံ့ခြင်းယန္တရားဆိုင်ရာ အလုပ်ရုံဆွေးနွေးပွဲတက်ရောက်မှုအားလည်းကောင်း အသီးသီးရှင်းလင်းတင်ပြကြရာ တက်ရောက်လာသူများ၏ မေးခွန်းမေးမြန်းမှုများအပေါ် ပြန်လည်ဆွေးနွေးဖြေကြားခဲ့ကြောင်း သိရှိရပါသည်။

နေပြည်တော်ကောင်စီနယ်မြေ၊ မာရဝိဇယဗုဒ္ဓရုပ်ပွားတော်မြတ်ကြီး ပရဝုဏ်အတွင်း (၁၅-၁၁-၂၀၂၄) ရက်နေ့၌ ကျင်းပသည့် ၂၀၂၄ ခုနှစ်၊ မီးပုံးပျံလွှတ်တင်ပူဇော်ယှဥ်ပြိုင်ခြင်းဆုချီးမြှင့်ပွဲ အခမ်းအနားသို့ သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာနမှ "စိမ်းလန်းမြေ" မီးပုံးပျံအဖွဲ့ တက်ရောက်ခဲ့ပြီး အဆိုပါအခမ်းအနားတွင် သစ်တောဦးစီးဌာန၊ညွှန်ကြားရေးမှူး ချုပ်၊ဒေါက်တာသောင်းနိုင်ဦး၏ ဦးဆောင်မှုဖြင့် "စိမ်းလန်းမြေ" မီးပုံးပျံအဖွဲ့မှ တေးသီချင်းများ၊ဆင်အကအလှများဖြင့် ဘုရားဖူးလာပြည်သူများအား ပျော်ရွှင်စွာ ပါဝင်ဖျော်ဖြေခဲ့ကြသည်။ ဆက်လက်၍ ဆုချီးမြှင့်ခြင်းအစီအစဥ်တွင်"စိမ်းလန်းမြေ" မီးပုံးပျံအား "စက္ခုပသာဒအကောင်းဆုံးဆု" ချီးမြှင့်ရရှိခဲ့ရာ သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ ပြည်ထောင်စုဝန်ကြီး၊ အမြဲတန်းအတွင်းဝန်နှင့် သစ်တောဦးစီးဌာန၊ ညွှန်ကြားရေးမှူးချုပ်တို့မှ ပျော်ရွှင်စွာ လက်ခံရယူခဲ့ကြကြောင်း သိရှိရသည်။ ထို့နောက် ဆုချီးမြှင့်ခြင်း အခမ်းအနားပြီးဆုံးချိန်တွင်သစ်တောဦးစီးဌာန၊ ညွှန်ကြားရေးမှူးချုပ်၊ဦးဆောင်သော "စိမ်းလန်းမြေ" မီးပုံးပျံအဖွဲ့မှ မာရဝိဇယဘုရားပရဝုဏ်သန့်ရှင်းလှပစေရေးအတွက် စွန့်ပစ်ကျန်ရစ်သည့်ပလပ်စတစ်ဘူးများ၊ ကြွတ်ကြွတ်အိတ်များစသည့် စွန့်ပစ်ပစ္စည်းများအား စနစ်တကျ ကူညီသိမ်းဆည်းပေးခဲ့ကြကြောင်း သတင်းရရှိပါသည်။