သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

(၁၃-၄-၂၀၂၀) ရက်နေ့ (၁၁:၀၅)နာရီအချိန် စစ်ကိုင်းတိုင်းဒေသကြီး၊ တန့်ဆည်မြို့နယ်၊ သစ်တောဦးစီးဌာနမှ သစ်တောဝန်ထမ်းများ၊ သစ်တောလုံခြုံရေးရဲတပ်ဖွဲ့ဝင်များ၊မြန်မာနိုင်ငံရဲတပ်ဖွဲ့ဝင်များ၊ ကျေးရွာအုပ်ချုပ်ရေးအဖွဲ့ဝင်များပါဝင်သောပူးပေါင်းအဖွဲ့သည်
မဟာသင်္ကြန်ကာလတရားမဝင်သစ်နှင့်သစ်တောထွက်ပစ္စည်းများရှာဖွေဖော်ထုတ်ဖမ်းဆီးရေးစီမံချက်အကောင်အထည်ဖော်ဆောင်ရွက်လျက်ရှိရာ တန့်ဆည်မြို့နယ်၊
ပေါင်ကတောင်ကြိုးဝိုင်းအကွက်အမှတ်(၂၉)အတွင်း တရားမဝင်သစ်စက်( ၁)လုံးနှင့်အတူ အင်သစ်ခွဲသား (၄၄)ချောင်း (၀.၂၈၀၀)တန်၊ သစ်စက်ဆက်စပ်ပစ္စည်းများ၊ဆက်လက်၍ (၁၄:၃၀)နာရီအချိန်တွင် ဆက်စပ်ဧရိယာအနီးဝန်းကျင်နေရာများအား ရှင်းလင်းဆောင်ရွက်ရာသစ်စက်(၁ )လုံးနှင့်အတူ အင်သစ်ခွဲသား(၅၄)ချောင်း (၀.၃၅၈၈)တန်၊သစ်စက် ဆက်စပ်ပစ္စည်းများအား ပိုင်ရှင်မတွေ့ရှိရဘဲ ဖမ်းဆီးရမိခဲ့ပြီး ဖမ်းဆီးရမိပစ္စည်းများအား နဘက်ကြီးဘိနယ်စခန်းသို့သယ်ယူသိမ်းဆည်းခဲ့ပြီး ဆက်စပ်ပတ်သက်သောတရားခံများအားစုံစမ်းရှာဖွေဖော်ထုတ်၍ ဥပဒေနှင့်အညီထိရောက်စွာအရေးယူဆောင်ရွက်သွားမည်ဖြစ်ပါသည်။

(၁၂-၄- ၂၀၂၀)ရက်နေ့တွင် စစ်ကိုင်းတိုင်းဒေသကြီး၊ ကလေးခရိုင်၊ ကလေးဝမြို့နယ် သစ်တောဦးစီးဌာနမှ ဦးစီးအရာရှိဦးဆောင်သော သစ်တောဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များပါဝင်သော ပူးပေါင်းအဖွဲ့သည် မဟာသင်္ကြန်ကာလတရားမဝင်သစ်နှင့်သစ်တောထွက်ပစ္စည်းများရှာဖွေဖော်ထုတ်ဖမ်းဆီးရေးစီမံချက်အကောင်အထည်ဖော်ဆောင်ရွက်လျက်ရှိရာ ကလေးဝမြို့နယ်၊ မထုကြိုးဝိုင်းအတွင်း တရားမဝင်ကျွန်းခွဲသား (၅၄)ချောင်း (၁.၁၁၄၈)တန်၊ တရုတ်နိုင်ငံထုတ် CRAFTOPအမျိုးအစား အပြာရောင်ချိန်းဆောတစ်လုံးနှင့် STIHL -070 အမျိုးအစား လိမ္မော်ရောင်ချိန်းဆောတစ်လုံးတို့အား ဖမ်းဆီးရမိခဲ့ပြီး တရားမဝင်ကျွန်းခွဲသားများအား ပလူဇဝကျေးရွာတာဝန်ခံထံတွင်အပ်နှံသိမ်းဆည်းပြီးဖြစ်ပါကြောင်းနှင့် ချိန်းဆော ၂ လုံးအား ကလေးဝမြို့နယ်သစ်တောရုံးသို့ သယ်ယူသိမ်းဆည်းပြီး ဆက်စပ်ပတ်သက်သော တရားခံများအား စုံစမ်းရှာဖွေဖော်ထုတ်၍ ဥပဒေနှင့် အရေးယူနိုင်ရေးစီစဉ်ဆောင်ရွက်လျက်ရှိပါသည်။

၁၁-၄-၂၀၂၀ ရက်နေ့တွင် နေပြည်တော်ကောင်စီနယ်မြေ၊ ဒက္ခိဏခရိုင်၊ လယ်ဝေးမြို့နယ်၊ သစ်တောဦးစီးဌာနမှ ဦးစီးအရာရှိ ဦးဆောင်သော သစ်တောဝန်ထမ်းများ၊ သစ်တောလုံခြုံရေးရဲတပ်ဖွဲ့ဝင်များပါဝင်သော ပူးပေါင်းအဖွဲ့သည် မဟာသင်္ကြန်ကာလတရားမဝင်သစ်နှင့် သစ်တောထွက်ပစ္စည်းများရှာဖွေဖော်ထုတ်ဖမ်းဆီးရေးစီမံချက် အကောင်အထည် ဖော်ဆောင်ရွက်လျက်ရှိရာ လယ်ဝေးမြို့နယ်၊ အောင်မင်းရွာမြောက်ဘက်နေရာ၌ တရားမဝင်သံသေခွဲသား (၁၃၄၁)ချောင်း (၁၀.၉၅၄၆)တန်အားဖမ်းဆီးရမိခဲ့ပြီး ဆက်စပ်ပတ်သက်သောတရားခံများအား စုံစမ်းရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိပါသည်။