Welcome to Forest Department
No front page content has been created yet.
သတင်းနှင့်ကြေငြာချက်များ
၃-၈-၂၀၂၀ ရက်နေ့တွင် ကမ်းခြေစောင့်တိုက်ရေယာဉ်(၄၀၃)မှ ဗိုလ်ကြီးနေဝင်းကျော် ဦးစီးသောတပ်မတော်သားများ အဖွဲ့သည် တနင်္သာရီတိုင်းဒေသကြီး၊ မြိတ်ခရိုင်၊ ကျွန်းစုမြို့နယ်၊ မင်းခေါင်းဆေးကျေးရွာ၏ တောင်ဘက်ကမ်းခြေ နေရာနှင့် ကိုလန်ကျွန်းမြောက်ဘက်(၂.၂)မိုင်ခန့်အကွာနေရာတို့၌ စက်လှေ(၂)စီးပေါ်မှ တရားမဝင်သစ်ယား/ ကဒွတ်/ဇင်းစွယ်သစ်/ခွဲခြမ်း (၃၃၄)လုံး/ခြမ်း (၂၁)တန်အား တရားခံ(၄)ဦးနှင့်အတူ ဖမ်းဆီးရမိခဲ့ပြီး တရားခံများအား ဥပဒေနှင့်အညီ ထိရောက်စွာ အရေးယူနိုင်ရေး သက်ဆိုင်ရာရဲစခန်းတွင် အမှုဖွင့်လှစ်ဆောင်ရွက်လျက် ရှိပါသည်။
၂-၈-၂၀၂၀ ရက်နေ့တွင် စစ်ကိုင်းတိုင်းဒေသကြီး၊ ကလေးခရိုင်၊ သစ်တောဦးစီးဌာနမှ လက်ထောက်ညွှန်ကြားရေးမှူး ဦးဆောင်သော သစ်တောဝန်ထမ်းများအဖွဲ့သည် ကလေးမြို့နယ်၊ ခုံတိုးမြို့သာကျေးရွာအရှေ့ဘက်(၁)မိုင်ခန့်အကွာနေရာ၌ တရားမဝင်ကျွန်းခွဲသား (၅၀)ချောင်း (၄)တန်အား ဖမ်းဆီးစဉ် တစ်ဦးတစ်ယောက်မျှတွေ့ရှိခြင်းမရှိဘဲ ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်း ရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိပါသည်။
၂၂-၇-၂၀၂၀ ရက်နေ့တွင် သဘာဝဝန်းကျင်နှင့်သားငှက်တိရစ္ဆာန်ထိန်းသိမ်းရေးဌာန၊ အလောင်းတော်ကဿပ အမျိုးသားဥယျာဉ်မှ ဝန်ထမ်းများ၊ ဒေသခံကင်းသားများ၊ ဆင်ဦးစီးများပါဝင်သောအဖွဲ့သည် ဥယျာဉ်အတွင်း တရားမဝင်သစ်နှင့်သစ်တောထွက်ပစ္စည်းများခိုးထုတ်သယ်ယူဆောင်ရွက်ခြင်းမရှိစေရေးအတွက် လှည့်လည် စစ်ဆေးဆောင်ရွက်စဉ် ဒေသအခေါ် ကားလမ်းပေါက်နေရာ၌ တစ်ဦးတစ်ယောက်မျှတွေ့ရှိရခြင်း မရှိဘဲ ရပ်တန့်ထားသော မော်တော်ဆိုင်ကယ်(၄)စီးနှင့် လက်ကိုင်လွှစက်(၂)လုံးတို့အား ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်းရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိပါသည်။
သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာန၊ ညွှန်ကြားရေးမှူးချုပ်ရုံး၊ အစည်းအဝေးခန်းမ၌၆-၈-၂၀၂၀ ရက်နေ့ (၀၉:၃ဝ)နာရီအချိန်တွင် UN-REDD Programme, Myanmar 9th Programme Executive Board Meeting ကိုကျင်းပရာ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန၊ သစ်တောဦးစီးဌာန ဒုတိယညွှန်ကြားရေးမှူးချုပ် ဦးတင်ထွန်း(မူဝါဒနှင့် စီမံကိန်း)မှ အဖွင့်အမှာစကားပြောကြားပါသည်။ အစည်းအဝေးသို့ Ms. Dawn Del Rio, Resident Representative a.i., UNDP Myanmar ၊ Ms.Xiaojie Fan, Country Representative, FAO Myanmar နှင့်UN-REDD Programme Executive Board အဖွဲ့ဝင်များတက်ရောက်ဆွေးနွေး ခဲ့ကြပါသည်
သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာန အနေဖြင့် မြန်မာ့ကျွန်း သစ်မူရင်းဒေသဖြစ်သော ပဲခူးရိုးမအတွင်း ၂၀၁၆-၁၇ ဘဏ္ဍာနှစ်မှစ၍ တရားဝင်သစ်ထုတ်လုပ်ခြင်းလုပ်ငန်း အား (၁၀)နှစ်ရပ်နားထားပြီး သစ်တောပြုစုထိန်း သိမ်းခြင်းလုပ်ငန်းများအား အရှိန်အဟုန်မြှင့်ဆောင်ရွက်နေ လျှက်ရှိသည့်အပြင် တရားမဝင်သစ်ခိုးထုတ်ခြင်း၊ တရားမဝင်တောရိုင်းတိရစ္ဆာန်များ သတ်ဖြတ်ခြင်းနှင့် ကျူးကျော်အခြေချနေထိုင်ခြင်းများအား ပြည်သူပူးပေါင်းပါဝင်မှုဖြင့် စီမံချက်ချအကောင် အထည်ဖော် ဆောင်ရွက်နေလျှက်ရှိပါသည်။ ပဲခူးရိုးမစိမ်းလန်းစိုပြည်ရေး ဧရိယာအတွင်းမှ (၂၇-၇-၂၀၂၀)ရက်နေ့မှ (၂-၈-၂၀၂၀) ရက်နေ့ထိ တစ်ပတ်တာကာ လအတွင်း တရားမဝင်ကျွန်း၊ သစ်မာ၊အခြား စုစုပေါင်း (၅၇.၈၅၆၈)တန်ဖမ်းဆီးရမိခဲ့ပါသည်။
နေပြည်တော်ကောင်စီနယ်မြေ/ တိုင်းဒေသကြီး/ ပြည်နယ်၊ သစ်တောဦးစီးဌာနများမှ ပေးပို့လာ သော စာရင်းများအရ တရားမဝင် ကျွန်း(၁၂၆.၅၃၉၆)တန်၊ သစ်မာ (၂၉.၇၉၆၈)တန်၊ အခြား (၅၅.၈၅၀၀)တန်၊ စုစုပေါင်း(၂၁၂.၁၈၆၄)တန်၊ တရားခံ(၃၂)ဦး၊ယာဉ်/ယန္တရား(၂၉)စီး ဖမ်းဆီး ရမိခဲ့ပါသည်- ဖမ်းဆီးရမိမှုများအနက် အများဆုံးဖမ်းဆီးရမိမှုမှာ ၃၀-၇-၂၀၂၀ ရက်နေ့တွင် ပဲခူးတိုင်းဒေသကြီး၊ ပဲခူးခရိုင်၊ ကျောက်တံခါးမြို့နယ်၊ မြို့ချောင်းဘိနယ်၊ စိန်ကန့်လန့်-မြို့ချောင်း ကားလမ်း၊ မိုင်တိုင် (၄၄/၂)၊ မိုင်တိုင်(၄၃/၅)၊ မိုင်တိုင်(၄၄/၄)၊ မိုင်တိုင်(၄၃/၃)၊ ရဲနွယ်ကြိုးဝိုင်းအကွက်(၇၁)မှ လည်းကောင်း၊ မိုင်တိုင်(၄၇/၆)၊ ရဲနွယ်ကြိုးဝိုင်းအကွက်(၇၈)နှင့် မိုင်တိုင်(၄၆/၀)၊ ရဲနွယ်ကြိုးဝိုင်း အကွက်(၇၆) အတွင်းတို့မှလည်းကောင်း တရားမဝင် ကျွန်း/ပျဉ်းကတိုး ခွဲသား (၂၈၄)ချောင်း (၂၀.၃၀၉၂)တန်အား ပိုင်ရှင်မဲ့ ဖမ်းဆီးရမိမှုဖြစ်ပါသည်-
သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာန၊ ညွှန်ကြားရေးမှူးချုပ်ရုံး၊ အင်ကြင်းခန်းမ၌ ၅-၈-၂၀၂၀ ရက်နေ့ (၀၉:၃ဝ)နာရီအချိန်တွင် သစ်တောဦးစီးဌာနနှင့် နိုင်ငံတကာအဖွဲ့အစည်းများအကြား ပူးပေါင်းဆောင်ရွက်လျက်ရှိသော စီမံကိန်းများဆိုင်ရာ စီမံကိန်းလုပ်ငန်းများ ကြီးကြပ်မှုကော်မတီ(Project Monitoring Committee-PMC)၏ ၁/၂၀၂၀ကြိမ်မြောက်အစည်းအဝေးကိုကျင်းပရာ သစ်တောဦးစီးဌာန ညွှန်ကြားရေးမှူးချုပ် ဒေါက်တာညီညီကျော်မှ အဖွင့်အမှာစကား ပြောကြားပါသည်။ အစည်းအဝေးအခမ်းအနားသို့ သစ်တောဦးစီးဌာနမှ အရာရှိကြီးများ၊ သစ်တောဦးစီးဌာနနှင့် နိုင်ငံတကာအဖွဲ့အစည်းများအကြား ပူးပေါင်းဆောင်ရွက်လျက်ရှိသော စီမံကိန်းများဆိုင်ရာ စီမံကိန်းတာဝန်ခံများတက်ရောက်ဆွေးနွေးကြပါသည်။
သစ်တောဦးစီးဌာနတွင် လစ်လပ်မည့် ဦးစီးအရာရှိ(သစ်တော)ရာထူးနေရာများသို့ တိုးမြှင့်ခန့်ထား ပေးရန်အတွက် ရေးဖြေစာမေးပွဲကျင်းပမည့်နေ့ရက်၊ အချိန်၊ စာစစ်ဌာနများနှင့် ခုံအမှတ်များ ကြေညာခြင်း