သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

သစ်တောသုတေသနဌာန၊ စုဝေးခန်းမတွင် သစ်တောဦးစီးဌာနမှ ကြီးမှူးကျင်းပသည့် ခရိုင်သစ်တောအရာရှိများ စွမ်းဆောင်ရည်မြှင့်တင်ရေးသင်တန်းအမှတ်စဉ်(၁၀) သင်တန်းဖွင့်ပွဲ အခမ်းအနားကို ၂၀၂၅ ခုနှစ်၊ ဖေဖော်ဝါရီလ ၁၁ ရက်နေ့၊ နံနက် (၀၈:၃၀)နာရီတွင် ကျင်းပရာ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန ဒုတိယဝန်ကြီး ဦးမင်းသူ၊ အမြဲတမ်းအတွင်းဝန်၊ လုပ်ငန်း/ဌာနများမှ ညွှန်ကြားရေးမှူးချုပ်များ၊ ဦးဆောင်ညွှန်ကြားရေးမှူး များ၊ သစ်တောနှင့်ပတ်ဝန်းကျင်ဆိုင်ရာတက္ကသိုလ် ပါမောက္ခချုပ်၊ သစ်တောဦးစီးရုံးချုပ်မှ ညွှန်ကြားရေးမှူးများ၊ ဒုတိယညွှန်ကြားရေးမှူးများ၊ သစ်တောသုတေသနဌာနမှ သုတေသီများ၊ သင်တန်းဆရာများ၊ သင်တန်းသားများ တက်ရောက်ခဲ့ပါသည်။ ဦးစွာ ဒုတိယဝန်ကြီးက ခရိုင်သစ်တောအရာရှိ စွမ်းဆောင်ရည်မြင့်မားရေး မွမ်းမံသင်တန်း အမှတ်စဉ်(၁၀) သင်တန်း ၏ သင်တန်းဖွင့်လှစ် ရသည့် ရည်ရွယ်ချက်၊ သစ်တောအုပ်ချုပ်လုပ်ကိုင်မှုနှင့် သစ်တောဖုံးလွှမ်းမှုအခြေအနေ၊ မြန်မာနိုင်ငံ သစ်တောများ ပြန်လည်တည်ထောင်ရေးစီမံကိန်း အကောင်အထည်ဖော်ဆောင်ရွက်မှု၊ ကြိုးဝိုင်း တော/ ကြိုးပြင်ကာကွယ်တောများ၊ သဘာဝထိန်းသိမ်းရေးနယ်မြေများ ဖွဲ့စည်း/ သတ်မှတ်ခြင်းနှင့် တည်ထောင်ခြင်းဆိုင်ရာ အချက်အလက်များ၊ ဒေသခံပြည်သူအစုအဖွဲ့ပိုင်သစ်တောလုပ်ငန်း တည်ထောင်ထားရှိမှုအခြေအနေ၊ တရားမဝင်သစ်တားဆီးကာကွယ်ရေးလုပ်ငန်းတို့ကို ပြောကြား၍ သင်တန်းကာလအတွင်း သင်တန်းစည်းကမ်းများကို စနစ်တကျ လိုက်နာဆောင်ရွက်ရန်နှင့် ဘာသာရပ်သင်ကြားမှုများအပေါ် ကြိုးစားလေ့လာ မှတ်သား၍ စွမ်းဆောင်ရည်မြင့်မားသော အရာရှိများအဖြစ် မိမိတို့ရဲ့ ဌာနအကျိုး၊ နိုင်ငံ့အကျိုး ကို စွမ်းဆောင်ရည်မြင့်မားစွာနဲ့ ကောင်းစွာသယ်ပိုးနိုင်တဲ့ ဝန်ထမ်းကောင်းများ ဖြစ်လာအောင် ကြိုးစားလေ့ကျင့် သင်ယူသွားကြရန် ပြောကြားခဲ့ပြီး သင်တန်းသားများနှင့် မှတ်တမ်းတင်ဓါတ်ပုံရိုက်ခဲ့ပါသည်။ယနေ့ဖွင့်လှစ်သည့် ခရိုင်သစ်တောအရာရှိများ စွမ်းဆောင်ရည်မြှင်တင်ရေး သင်တန်းအမှတ်စဉ်(၁၀)အား (၁၀-၂-၂၀၂၅ ရက်မှ ၂၁-၂-၂၀၂၅)ရက်အထိ ရက်သတ္တ(၂)ပတ်ကြာ ဖွင့်လှစ်မည်ဖြစ်ပြီး သင်တန်းသား(၂၀)ဦးတက်ရောက်လျက်ရှိပါကြောင်း သတင်းရရှိပါသည်။

၁၁-၂-၂၀၂၅ ရက်နေ့၊ နံနက် (၁၁:၀၀) နာရီအချိန်တွင်''သစ်တောထိန်းသိမ်းရေး၊ရေသယံဇာတထိန်းသိမ်းရေးနှင့် မီးခိုးမြူငွေ့လျှော့ချရေးဆိုင်ရာအသိပညာပေးဟောပြောပွဲ”(မြို့နယ်အဆင့်)အား၊လေးမျက်နှာမြို့နယ်၊ သဲနုကုန်းကျေးရွာအုပ်စု၊ေစာပြာကျေးရွာ အ.လ.ကကျောင်း(ခွဲ)တွင် ကျင်းပရာ မြို့နယ်သစ်တောဦးစီးဌာန၊ တောအုပ်ကြီး ဦးဇော်မင်းသိန်းမှ “ ဟောပြောဆွေးနွေးခဲ့ပြီး ကျောင်းသား/သူများမှ မေးခွန်းများပြန်လည်မေးမြန်းခဲ့ကြပါသည်။ အဆိုပါ အသိပညာပေးဟောပြောပွဲသို့ လေးမျက်နှာမြို့နယ်၊ စောပြာကျေးရွာအ.လ.က(ခွဲ)မှ ကျောင်းအုပ်ဆရာမကြီးနှင့် ဆရာ၊ ဆရာမ (၄)ဦး၊ ကျောင်းသား/ကျောင်းသူ (၁၀၂)ဦး၊မြို့နယ်သစ်တောဦးစီးဌာနမှ ဝန်ထမ်း(၃)ဦး၊ ၊ စုစုပေါင်း (၁၀၉) ဦး တက်ရောက်ခဲ့ပါကြောင်း သိရှိရပါသည်။

တနင်္သာရီတိုင်းဒေသကြီး၊ ကော့သောင်းခရိုင်၊ကော့သောင်းမြို့နယ် သစ်တောဦးစီးဌာနမှ ၁၁-၂-၂၀၂၅ ရက်နေ့၊ နေ့လည်(၁:၀၀)နာရီအချိန်တွင် ကော့သောင်းမြို့နယ်၊အမှတ်(၁)အခြေခံပညာအထက်တန်းကျောင်း၌ " သစ်တောထိန်းသိမ်းရေး၊ရေသယံဇာတထိန်းသိမ်းရေးနှင့်မီးခိုးမြူငွေ့လျော့ချရေးဆိုင်ရာအသိပညာပေးဟောပြောပွဲ"အား မြို့နယ်အဆင့် ကျင်းပပြုလုပ် ခဲ့ပါသည်၊၊ အဆိုပါ ဟောပြောပွဲတွင် ကော့သောင်းမြို့နယ်၊ သစ်တောဦးစီးဌာန၊ ဦးစီးအရာရှိ ဦးဟိန်းထက်ေအာင်-၂မှ မီးခိုး/မြူငွေ့ဖြစ်ပေါ်လာသည့် အကြောင်းအရင်းများ၊ မီးခိုးမြူငွေ့အမျိုးအစားများ၊မီးခိုးမြူငွေ့၏ ဆိုးကျိုးများ၊ ကာကွယ်နိုင်သည့်နည်းလမ်းများ၊တောမီးအန္တရာယ်နှင့်ကြိုတင်ကာကွယ်နိုင်ရေးနည်းလမ်းများ၊ Fire Hotspot များ နှင့် ရေသယံဇာတများ ထိန်းသိမ်းရေး၊ ရေဝေရေလဲဒေသများမှ ရေချိုများ ရရှိနေမှု၊ ရေဝေရေလဲဒေသများ၏ အရေးပါမှု၊ ရေချိုများ ချွေတာသုံးစွဲရေး ၊ ရေအရင်း အမြစ်များဝိုင်းဝန်းထိန်းသိမ်း ခြင်း ဆိုင်ရာများ၊ သစ်တောများမှပေးသောအကျိုးကျေးဇူးများ၊သစ်တောများ ထိန်းသိမ်းခြင်းဖြင့် သဘာဝဘေးအန္တရာယ်များ လျှော့ချနိုင်မှုနှင့် ကြိုတင်ကာကွယ်ခြင်း၊ ရာသီဥတုပြောင်းလဲခြင်းနှင့်
သစ်ပင်စိုက်ပျိုး၊ပြုစုခြင်း နည်းစနစ်များအား ဟောပြောခဲ့၍ အမှတ်(၁)အခြေခံပညာအထက်တန်းကျောင်း မှ ဆရာ /ဆရာမ (၂)ဦး၊ ကျောင်းသား/ကျောင်းသူ (၇၀)ဦး၊သစ်သစ်ေတာဦးစီးဌာနမှဝန်ထမ်း(၃)ဦး၊စုစုပေါင်း (၇၅)ဦး တက်ရောက်ခဲ့ပြီး သိရှိလိုသည်များအားပြန်လည်ဖြေကြားခြင်း ၊ဟောပြောပွဲတွင်တက်ရောက်လာသူများအားသစ်ပင်စိုက်ပျိုးမှုလက်ကမ်းစာစောင်များဖြန့်ဝေခြင်းများဆောင်ရွက်ခဲ့ပါကြောင်း သိရှိရပါသည်။