Welcome to Forest Department
No front page content has been created yet.
သတင်းနှင့်ကြေငြာချက်များ
ပြည်သူပူးပေါင်းပါဝင်မှုဖြင့် လူထုအခြေပြုစောင့်ကြပ်ကြည့်ရှု့ သတင်းပို့စနစ်-CMRS ဖြင့် သတင်းပေးပို့ချက် အရ ၂၃-၈-၂၀၂၀ ရက်နေ့တွင် စစ်ကိုင်းတိုင်းဒေသကြီး၊ မုံရွာခရိုင်၊ မုံရွာမြို့နယ် သစ်တောဦးစီးဌာနမှ သစ်တောဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ အုပ်ချုပ်ရေးမှူး ပါဝင်သော ပူးပေါင်းအဖွဲ့သည် မုံရွာမြို့နယ်၊ အမြင့်ကျေးရွာ ချင်းတွင်းမြစ်ကမ်း တရားမဝင် အင်သစ်/အင်ခွဲသား/လုံးပတ်(၃)ပေအောက် (၁၂၀)လုံး/ချောင်း (၅၀)တန်ခန့်အား ဖမ်းဆီးရေးအဖွဲ့မှ ဖမ်းဆီးစဉ် တစ်ဦးတစ်ယောက်မျှတွေ့ရှိခြင်းမရှိဘဲ ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်းရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိပါသည်။
နေပြည်တော်ကောင်စီနယ်မြေ/ တိုင်းဒေသကြီး/ ပြည်နယ်၊ သစ်တောဦးစီးဌာနများမှ ပေးပို့လာ သော စာရင်းများအရ တရားမဝင် ကျွန်း(၁၃၁.၀၄၆၉)တန်၊ သစ်မာ (၁၇၅.၀၄၁၅)တန်၊ အခြား (၂၄၄.၃၃၆၇)တန်၊ စုစုပေါင်း(၅၅၀.၄၂၅၁)တန်၊ တရားခံ(၈၀)ဦး၊ယာဉ်/ယန္တရား(၃၇)စီး ဖမ်းဆီး ရမိခဲ့ပါသည်- ဖမ်းဆီးရမိမှုများအနက် အများဆုံးဖမ်းဆီးရမိမှုမှာ ၁၈-၈-၂၀၂၀ ရက်နေ့တွင် ကယားပြည်နယ်၊ လွိုင်ကော်ခရိုင်၊ လွိုင်ကော်မြို့နယ် (တွဲဘက်) ရှားတောမြို့နယ်၊ ရှမ်း-ကယားနယ်စပ်၊ တင်လွယ် ကျေးရွာမြောက်ဘက်(၁)မိုင်ခန့်အကွာနေရာမှ တရားမဝင် ပိတောက်သစ်လုံး (၅၇၄)လုံး (၁၁၅.၂၉၆၀)တန်အား ပိုင်ရှင်မဲ့ ဖမ်းဆီးရမိမှုဖြစ်ပါသည်-
သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာန၊ ညွှန်ကြားရေးမှူးချုပ်ရုံး၊ အင်ကြင်းခန်းမ၌ ၂၅-၈-၂၀၂၀ ရက်နေ့ (၀၈:၃ဝ)နာရီအချိန်တွင် သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ ပြည်ထောင်စုဝန်ကြီးက ၂၀၁၉-၂၀၂၀ ဘဏ္ဍာနှစ်၊ သစ်တောဦးစီးဌာနတွင် ဝန်ထမ်းသစ်ခန့်ထားသည့် သိပ္ပံ(သစ်တော)ဘွဲ့ရ တောအုပ်ကြီး(၄၂)ဦးအား ဩဝါဒစကားမြွက်ကြားခဲ့ပါသည်။ ဩဝါဒစကားမြွက်ကြားသည့် အခမ်းအနားသို့ အမြဲတမ်း အတွင်းဝန်(သတ္တုရေးရာ)၊ သစ်တောဦးစီးဌာန ညွှန်ကြားရေးမှူးချုပ် ၊ ဦးဆောင်ညွှန်ကြားရေးမှူး(မြန်မာ့သစ်လုပ်ငန်း)၊ အပူပိုင်းဒေသစိမ်းလန်းစိုပြည်ရေးဦးစီးဌာန ညွှန်ကြားရေးမှူးချုပ်၊ ပတ်ဝန်းကျင်ထိန်းသိမ်းရေးဦးစီးဌာန ညွှန်ကြားရေးမှူးချုပ်၊ မြေတိုင်း ဦးစီးဌာန ညွှန်ကြားရေးမှူးချုပ်၊ သစ်တောနှင့်ပတ်ဝန်းကျင်ဆိုင်ရာတက္ကသိုလ် ဒုတိယပါမောက္ခချုပ်၊ သစ်တောဦးစီးဌာနမှ အရာရှိကြီးများတက်ရောက်ကြပါသည်။
မြန်မာ့ရွှေသမင် စာရင်းကောက်ယူခြင်းနှင့် အကောင်ရေ တွက်ချက်ဆန်းစစ်ခြင်းဆိုင်ရာ မွမ်းမံသင်တန်းကို ၂၀၂၀ ပြည့်နှစ်၊ ဩဂုတ်လ ၁၆ ရက်နေ့မှ ၁၉ ရက်နေ့အထိ ချပ်သင်း တောရိုင်းတိရစ္ဆာန်ဘေးမဲ့တော၌ ရွှေသမင်စာရင်းကောက်ယူခြင်းနှင့် အကောင်ရေ တွက်ချက် ဆန်းစစ်ခြင်းတွင် ခေတ်မီနည်းစနစ်များ ပေါင်းစပ်ထည့်သွင်း အသုံးပြုနိုင်ရန်၊ ပိုမိုတိကျ မှန်ကန်မှုရှိသည့် ရွှေသမင်အကောင်အရေအတွက် ခန့်မှန်းတွက်ချက်နိုင်ရန်၊ လက်ရှိ စာရင်း ကောက်လိုင်းများ၏ ဒီဇိုင်းပုံစံများအား စိစစ်သုံးသပ်၍ ပိုမိုသင့်လျော်မည့် စာရင်းကောက်လိုင်း ပုံစံများဖြင့် အစားထိုးနိုင်ရန်နှင့် ရွှေသမင်စာရင်းကောက်လုပ်ငန်း ဆောင်ရွက်သည့် ဝန်ထမ်း များ၏ စွမ်းဆောင်ရည်မြှင့်တင်နိုင်ရန်အစရှိသည့် ရည်ရွယ်ချက်များဖြင့် ဖွင့်လှစ်ခဲ့ခြင်းဖြစ် ပါသည်။
၂၃-၈-၂၀၂၀ ရက်နေ့တွင် ပဲခူးတိုင်းဒေသကြီး၊ တောင်ငူခရိုင်၊ သစ်တောဦးစီးဌာနမှ လက်ထောက်ညွှန်ကြား ရေးမှူးခေါင်းဆောင်သော သစ်တောဝန်ထမ်းများနှင့် သစ်တောလုံခြုံရေးရဲတပ်ဖွဲ့ဝင်များ ပါဝင်သော ပူးပေါင်းအဖွဲ့သည် အုတ်တွင်းမြို့နယ်၊ ခပေါင်းကြိုးဝိုင်းအကွက်အမှတ်(၆၀)အတွင်း တရားမဝင် ကျွန်း သစ်/ခွဲခြမ်း (၂၉)လုံး/ခြမ်း (၇)တန်အား ဖမ်းဆီးစဉ် တစ်ဦးတစ်ယောက်မျှတွေ့ရှိခြင်းမရှိဘဲ ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်း ရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိပါသည်။
၂၃-၈-၂၀၂၀ ရက်နေ့တွင် စစ်ကိုင်းတိုင်းဒေသကြီး၊ ကလေးခရိုင်၊ မင်းကင်းမြို့နယ် သစ်တောဦးစီးဌာနမှ သစ်တောဝန်ထမ်းများသည် မင်းကင်းမြို့နယ်၊ မောက္ကတော်အဆိုပြုကြိုးပြင်ကာကွယ်တောအတွင်း တရားမဝင် အင်/ကညင်သစ် (၇)လုံး (၃)တန်အား ဖမ်းဆီးစဉ် တစ်ဦးတစ်ယောက် မျှတွေ့ရှိခြင်းမရှိဘဲ ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်း ရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိပါသည်။
၂၂-၈-၂၀၂၀ ရက်နေ့တွင် ပဲခူးတိုင်းဒေသကြီး၊ တောင်ငူခရိုင်၊ အုတ်တွင်းမြို့နယ် သစ်တောဦးစီးဌာနမှ ဦးစီးအရာရှိ ဦးဆောင်သော သစ်တောဝန်ထမ်းများသည် အုတ်တွင်းမြို့နယ်၊ ခပေါင်းကြိုးဝိုင်းအကွက်အမှတ် (၁၀၄)အတွင်း တရားမဝင် ကျွန်း/ပျဉ်းကတိုးခွဲသား (၃၉)ချောင်း (၂)တန်အား ဖမ်းဆီးစဉ် တစ်ဦးတစ်ယောက်မျှတွေ့ရှိခြင်းမရှိဘဲ ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်း ရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိပါသည်။
ပြည်သူပူးပေါင်းပါဝင်မှုဖြင့် လူထုအခြေပြုစောင့်ကြပ်ကြည့်ရှု့ သတင်းပို့စနစ်-CMRS ဖြင့် သတင်းပေးပို့ ချက်အရ ၂၂-၈-၂၀၂၀ ရက်နေ့တွင် စစ်ကိုင်းတိုင်းဒေသကြီး၊ ကသာခရိုင်၊ သစ်တောဦးစီးဌာနမှ ဦးစီးအရာရှိ ဦးဆောင်သော သစ်တောဝန်ထမ်းများ၊သည် ဝန်းသိုမြို့နယ်၊ နမ်းခမ်းအပတောအတွင်းနေရာများမှ တရားမဝင်ကျွန်းသစ်/ခွဲသား/လုံးပတ်(၃)ပေအောက် ကျွန်းသစ် (၂၈၉)လုံး/ချောင်း (၁၀)တန်အား ဖမ်းဆီးရေးအဖွဲ့မှ ဖမ်းဆီးစဉ် တစ်ဦးတစ်ယောက်မျှတွေ့ရှိခြင်းမရှိဘဲ ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်း ရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိပါသည်။