သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

၂၂-၄-၂၀၂၀ ရက်နေ့တွင် ပဲခူးတိုင်းဒေသကြီး၊ ပဲခူးခရိုင်၊ ပဲခူးမြို့နယ်၊ သစ်တောဦးစီးဌာနမှ လက်ထောက်ညွှန်ကြားရေးမှူး ဦးဆောင်သော သစ်တောဝန်ထမ်းများ၊ ကျေးရွာအုပ်ချုပ်ရေး အဖွဲ့ဝင်များပါဝင်သော ပူးပေါင်းအဖွဲ့သည် ပဲခူးမြို့နယ်၊ ပျဉ်းမငူကျေးရွာအုပ်စု၊ အင်းဖာတောင်ကွင်း ဦးကျော်နိုင်ခြံအတွင်းမှ တရားမဝင်သစ် ပျဉ်းကတိုး/ကောင်းမှုခွဲသား(၃၂၃)ချောင်း (၆.၁၀၇၆)တန် အား သစ်စက်၊ ဆက်စပ်ပစ္စည်းများနှင့်အတူဖမ်းဆီးရမိခဲ့ပြီး ဥပဒေနှင့်အညီထိရောက်စွာ အရေးယူ နိုင်ရေးစီစဉ်ဆောင်ရွက် လျက်ရှိပါသည်။

၂၁-၄-၂၀၂၀ ရက်နေ့တွင် ပဲခူးတိုင်းဒေသကြီး၊ ရေတာရှည်မြို့နယ်၊ သစ်တောဦးစီးဌာနမှ သစ်တောဝန်ထမ်း များ၊ သစ်တောလုံခြုံရေးရဲတပ်ဖွဲ့ဝင်များပါဝင်သော ပူးပေါင်းအဖွဲ့သည် ရေတာရှည်မြို့နယ်၊ ရိုးမကြိုးပြင် ကာကွယ်တောအတွင်းမှ တရားမဝင် ကျွန်း/ပျဉ်းကတိုး သစ်/ခွဲသား (၅၄)လုံး/ချောင်း (၄.၈၂၈၂) တန်အား ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်းရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိပါသည်။

(၂၂-၄-၂၀၂၀) ရက်နေ့ စစ်ကိုင်းတိုင်းဒေသကြီး၊ ဟုမ္မလင်းမြို့နယ်၊ သစ်တောဦးစီးဌာနမှ ဦးစီးအရာရှိဦးဆောင်သော သစ်တောဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ ရပ်ကွက်အုပ်ချုပ်ရေး အဖွဲ့ဝင်များ၊ ရေယာဥ်ငယ်အသင်းမှ အဖွဲ့ဝင်များပါဝင်သော ပူးပေါင်းအဖွဲ့သည် ဟုမ္မလင်းမြို့နယ်၊ ငေါက်စားကျေးရွာ အနီး ဥတုချောင်းဘေး နေရာတွင် တရားမဝင်ကျွန်းခွဲသား (၁၆၆)ချောင်း (၃.၅၁၉၆)တန် တင်ဆောင် လာသောစက်လှေ(၁)စီး၊ တရားမဝင်ကျွန်းခွဲသား(၁၂၈)ချောင်း (၂.၃၂၇၆)တန် တင်ဆောင် လာသောစက်လှေ(၁)စီး၊ တရားမဝင် ကျွန်းခွဲသား(၃၃၃)ချောင်း (၄.၄၀၉၄)တန် တင်ဆောင်လာသော စက်လှေ(၁)စီးနှင့် တရားမဝင်ကျွန်းခွဲသား (၁၄၂)ချောင်း(၃.၃၆၉၀)တန် တင်ဆောင်လာသော စက်လှေ (၁)စီးတရားမဝင် ကျွန်းခွဲသား(၃၉၂)ချောင်း (၃.၃၅၆၀)တန် တင်ဆောင် လာသောစက်လှေ (၁)စီး စုစုပေါင်း စက်လှေ(၅)စီးနှင့် တရားမဝင်ကျွန်းခွဲသား(၁၁၆၁)ချောင်း(၁၆.၉၈၁၆)တန်အား တရားခံ(စက်လှေပိုင်ရှင်) (၄)ဦးနှင့်အတူ ဖမ်းဆီးရမိခဲ့ပြီး ဖမ်းဆီးရမိပစ္စည်းများအား လုံခြုံရာသို့ သယ်ယူသိမ်းဆည်း၍ တရားခံများ သက်ဆိုင်ရာရဲစခန်းတွင်ဥပဒေနှင့်အညီထိရောက်စွာအရေးယူနိုင်ရေးအမှုဖွင့်လှစ်ဆောင်ရွက်လျက်ရှိပါသည်။