၈-၈-၂၀၂၀ ရက်နေ့တွင် တနင်္သာရီတိုင်းဒေသကြီး၊ မြိတ်ခရိုင်၊ မြိတ်မြို့နယ်၊ သစ်တောဦးစီးဌာနမှ သစ်တောဝန်ထမ်းများ၊ စရတအမှတ်(၅)တပ်စု၊ မြိတ်မြို့မှ တပ်ဖွဲ့ဝင်များ၊ ကျေးရွာအုပ်ချုပ်ရေး အဖွဲ့ဝင်များပါဝင်သော တရားမဝင်သစ်နှင့် သစ်တောထွက် ပစ္စည်းများရှာဖွေဖော်ထုတ်ဖမ်းဆီးရေး အဖွဲ့သည် မြိတ်မြို့နယ်၊ ယောကြီးဝချောင်း၊ ကမ်းနံဘေးနေရာ၌ စက်လှေ(၁)စီး နှင့်အတူ တရားမဝင်လေသရက်/တောဒူးရင်း/ကျွဲသွေးခွဲသား (၁၀၄)ချောင်း (၁၅)တန်အား တရားခံ(၂)ဦး နှင့် အတူဖမ်းဆီးရမိခဲ့ပြီး တရားခံများအား ဥပဒေနှင့်အညီ ထိရောက်စွာ အရေးယူနိုင်ရေး သက်ဆိုင်ရာရဲစခန်းတွင်အမှုဖွင့်လှစ်ဆောင်ရွက်လျက်ရှိပါသည်။

ပြည်သူပူးပေါင်းပါဝင်မှုဖြင့် လူထုအခြေပြုစောင့်ကြပ်ကြည့်ရှု့ သတင်းပို့စနစ်-CMRS ဖြင့် သတင်းပေးပို့ချက်အရ ၆-၈-၂၀၂၀ ရက်နေ့တွင် ပဲခူးတိုင်းဒေသကြီး၊ ပဲခူးခရိုင်၊ ကျောက်တံခါးမြို့နယ်၊ သစ်တောဦးစီးဌာနမှ ဦးစီးအရာရှိ ဦးဆောင်သော သစ်တောဝန်ထမ်းများ၊ သစ်တောလုံခြုံရေး ရဲတပ်ဖွဲ့ဝင် များ၊ ကျေးရွာအုပ်ချုပ်ရေးအဖွဲ့ဝင်များပါဝင်သော ပူးပေါင်းအဖွဲ့သည် ကျောက်တံခါးမြို့နယ်၊ မြို့ချောင်းကျေးရွာ၊ ဈေးတန်းရပ်ကွက်ရှိ နေအိမ်ခြံဝင်းများအတွင်းနှင့် သင်္ချိုင်းကုန်းအနီးတောစပ်နေရာများ၌ တရားမဝင်ပျဉ်းကတိုး/တောင်ပိန်းခွဲသား (၁၀၃)ချောင်း (၆)တန်အား တရားခံ(၄)ဦးအား ဖမ်းဆီးရမိခဲ့ပြီး တရားခံအားဥပဒေနှင့်အညီ ထိရောက်စွာ အရေးယူနိုင်ရေးသက်ဆိုင်ရာရဲစခန်းတွင် အမှုဖွင့်လှစ် ဆောင်ရွက်လျက်ရှိပါသည်။

၁၀-၈-၂၀၂၀ ရက်နေ့၊ နံနက်(၁၀:၀၀)နာရီတွင် သယံဇာတနှင့် သဘာဝပတ်ဝန်းကျင်ထိန်းသိမ်းရေး ဝန်ကြီးဌာန၊ သစ်တောဦးစီးဌာန၊ ညွှန်ကြားရေးမှူးချုပ်ရုံး၊ အင်ကြင်းခန်းမ၌ ပြည်ပနိုင်ငံများသို့ သွားရောက်ခဲ့ပြီး ပြန်လည်ရောက်ရှိလာသောဝန်ထမ်းများမှ အတွေ့အကြုံ ရှင်းလင်းခြင်း အစီအစဉ်ကို ကျင်းပပြုလုပ်ခဲ့ပါသည်။ အစီအစဉ်အရ ဒေါ်ဖြိုးသူဇာဝင်း (တောအုပ်ကြီး)၊ သဘာဝဝန်းကျင်နှင့်သားငှက်တိရစ္ဆာန်ထိန်းသိမ်းရေးဌာနက ကမ္ဘောဒီးယားနိုင်ငံတွင် 3rd Indo-Burma Ramsar Regional Initiative Steering Committee Meeting and IBRRI Annual Meeting တက်ရောက်ခဲ့သည့် ဗဟုသုတများကို ရှင်းလင်းဆွေး နွေးခြင်း၊ ဦးဇင်ဝင်းထွန်း (တောအုပ်ကြီး)၊ သဘာဝဝန်းကျင်နှင့်သားငှက်တိရစ္ဆာန်ထိန်းသိမ်းရေးဌာနက ဖိလစ်ပိုင်နိင်ငံတွင် ESABII Training Course on CITES သင်တန်းတက်ရောက်ခဲ့သည့် ဗဟုသုတများကို ရှင်းလင်းဆွေးနွေးခြင်း နှင့် ဒေါ်ကြည်ဖြူအောင် (တောအုပ်ကြီး) ၊ တိုးချဲ့ပညာပေးရေးဌာနတို့က နီပေါနိုင်ငံတွင် Seminar on Community Forestry in Nepal တက်ရောက်ခဲ့သည့် အတွေ့အကြုံဗဟုသုတများကို ရှင်းလင်းဆွေးနွေးခြင်းနှင့်တို့ကိုဆောင်ရွက်ခဲ့ရာတက်ရောက်လာသူ များမှအပြန်အလှန် ဆွေးနွေး ခဲ့ကြပါသည်။