၂၀၂၀ ပြည့်နှစ် ပါတီစုံဒီမိုကရေစီ အထွေထွေရွေးကောက်ပွဲတွင် ဖြစ်ပွားခဲ့သည့် မဲမသမာမှုနှင့် တရားမဲ့ပြုကျင့်မှုများအပေါ် စုံစမ်းစစ်ဆေးတွေ့ရှိချက်များ

Submitted by Anonymous (not verified) on Wed, 2025-01-22 18:33

၂၀၂၀ ပြည့်နှစ် ပါတီစုံဒီမိုကရေစီ အထွေထွေရွေးကေက်ပွဲတွင် ဖြစ်ပွားခဲ့သည့် မဲမသမာမှုနှင့် တရားမဲ့ပြုကျင့်မှုများ အပေါ် စုံစမ်းစစ်ဆေးတွေ့ရှိချက်များနှင့် စပ်လျဉ်း၍ ပြည်တွင်း/ပြည်ပမှ လေ့လာလိုသူများအနေဖြင့် ပြည်ထောင်စု ရွေးကောက်ပွဲကော်မရှင်က လွှင့်တင်ထားသည့် Website https://2020election.uec.gov.mm/ တွင်လည်းကောင်း၊ Mobile Application ကို အဆိုပါ Website တွင် Download ရယူ၍လည်းကောင်း လေ့လာဖတ်ရှုနိုင်ပါသည်။

Pages

သတင်းနှင့်ကြေငြာချက်များ

ကန့်ဘလူမြို့နယ်အတွင်း မော်တော်ယာဉ် (၁)စီးနှင့် တရားမဝင်သစ်များ ဖမ်းဆီးရမိ

၈-၃-၂၀၂၀ ရက်နေ့တွင် စစ်ကိုင်းတိုင်းဒေသကြီး၊ ရွှေဘိုခရိုင်၊ ကန့်ဘလူမြို့နယ်၊ သစ်တောဦးစီးဌာနမှ ဦးစီးအရာရှိ ဦးဆောင်သော သစ်တောဝန်ထမ်းများ၊ အထွေထွေအုပ်ချုပ်ရေးအဖွဲ့ဝင်များ၊ မြန်မာနိုင်ငံရဲ တပ်ဖွဲ့ဝင်များ၊ ကျေးရွာအုပ်ချုပ်ရေးအဖွဲ့ဝင်များ ပါဝင်သောပူးပေါင်းအဖွဲ့သည် ကန့်ဘလူမြို့နယ်၊ ကင်းတပ်- ထန်းကုန်း-ဇီးကုန်းမူးဘောင်လမ်း မော်တော်ယာဉ်အမှတ် (SHN-1A/4708)HINHO (၆)ဘီး၊ စိမ်းပြာကြား ယာဉ်ပေါ်မှ တရားမဝင် အင်ခွဲသားဆိုဒ်စုံ (၂၉၁)ချောင်း (၁၀.၄၉၇၄)တန်အား ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်းရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိပါသည်။

ကန့်ဘလူမြို့နယ်အတွင်း မော်တော်ယာဉ်(၁)စီးနှင့် တရားမဝင်သစ်များ ဖမ်းဆီးရမိ

၈-၃-၂၀၂၀ ရက်နေ့တွင် စစ်ကိုင်းတိုင်းဒေသကြီး၊ ရွှေဘိုခရိုင်၊ သစ်တောဦးစီးဌာနမှ လက်ထောက်ညွှန်ကြားရေးမှူး ဦးဆောင်သော သစ်တောဝန်ထမ်းများအဖွဲ့၊ သစ်တောလုံခြုံရေးရဲတပ်ဖွဲ့ဝင်များ၊ မြန်မာနိုင်ငံရဲတပ်ဖွဲ့ဝင်များ၊ ကျေးရွာအုပ်ချုပ်ရေးအဖွဲ့ဝင်များ ပါဝင်သောပူးပေါင်းအဖွဲ့သည် ကန့်ဘလူမြို့နယ်၊ မလယ်ကျေးရွာအတွင်း၊ ဧရာဝတီမြစ်ကမ်းဘေး၊ တန်ငါလန်ဆိပ်ကမ်း မလယ်ရွာ ဦးမောင်ထွန်း (ဘ)ဦးကျော်စိန်နေအိမ်ဝင်းအတွင်းမှ မော်တော်ယာဉ်အမှတ်မပါ (JP/185)(၆)လုံးထိုးအင်ဂျင်တပ်ဆင်ထားသော HINO ခေါင်းရှည်(ခေါင်းစိမ်း/ဘော်ဒီပြာ) ယာဉ်ပေါ်မှ တရားမဝင် အင်ကြင်း/ပျဉ်းကတိုး/အင်/လုံးပတ်၃ပေအောက်အင် သစ်/ခြမ်း/ခွဲသား (၅၄၃)လုံး/ချောင်း/ ခြမ်း (၂၈.၄၈၁၂)တန်၊ တရားခံ(၁)ဦးနှင့်အတူ ဖမ်းဆီးရမိခဲ့ပြီး တရားခံအား ဥပဒေနှင့်အညီ ထိရောက်စွာ အရေးယူနိုင်ရေး သက်ဆိုင်ရာရဲစခန်းတွင် အမှုဖွင့်လှစ်ဆောင်ရွက်လျက်ရှိပါသည်။

ကနီမြို့နယ်အတွင်း မော်တော်ယာဉ်(၁)စီးနှင့် တရားမဝင်သစ်များ ဖမ်းဆီးရမိ

၈-၃-၂၀၂၀ ရက်နေ့တွင် စစ်ကိုင်းဒေသကြီး၊ မုံရွာ/ယင်းမာပင်ခရိုင်၊ ကနီမြို့နယ်၊ သစ်တောဦးစီးဌာနမှ သစ်တောဝန်ထမ်းများအဖွဲ့၊ သစ်တောလုံခြုံရေးရဲတပ်ဖွဲ့ဝင်များ၊ မြန်မာနိုင်ငံရဲတပ်ဖွဲ့ဝင်များ၊ အထွေထွေအုပ်ချုပ်ရေး အဖွဲ့ဝင်များပါဝင်သော ပူးပေါင်းအဖွဲ့သည် ကနီမြို့နယ်၊ ကွမ်းပင်ရေစုပေါင်းစစ်ဆေးရေးစခန်း(မုံရွာ-ယာကြီး-ကလေးဝ)ကားလမ်း (၄၇/၆)မိုင် မော်တော်ယာဉ်အမှတ် (MDY 6C/4989) မြေသယ်ယာဉ် (၁၂)ဘီးအဖြူရောင် ယာဉ်ပေါ်မှ တရားမဝင် ပိတောက်ခွဲသား (၃၆)ချောင်း (၄.၀၆၉၄)တန်အား တရားခံ(၂)ဦးနှင့်အတူ ဖမ်းဆီးရမိခဲ့ပြီး တရားခံအား ဥပဒေနှင့်အညီ ထိရောက်စွာ အရေးယူနိုင်ရေး သက်ဆိုင်ရာရဲစခန်းတွင် အမှုဖွင့်လှစ်ဆောင်ရွက်လျက် ရှိပါသည်။

ဝက်လက်မြို့နယ်၊ အမှတ်(၃)ရပ်ကွက်အတွင်း တရားမဝင်သစ်များ ဖမ်းဆီးရမိ

၁၀-၃-၂၀၂၀ ရက်နေ့တွင် စစ်ကိုင်းတိုင်းဒေသကြီး၊ ရွှေဘိုခရိုင်၊ သစ်တောဦးစီးဌာနမှ လက်ထောက်ညွှန်ကြားရေးမှူး ဦးဆောင်သော သစ်တောဝန်ထမ်းများ၊ သစ်တောလုံခြုံရေးရဲတပ်ဖွဲ့ဝင်များ၊ မြန်မာနိုင်ငံရဲတပ်ဖွဲ့ဝင်များပါဝင်သော ပူးပေါင်းအဖွဲ့သည် ဝက်လက်မြို့နယ်၊ အမှတ်(၃)ရပ်ကွက်အတွင်း တရားမဝင်သစ်ယာ/အင်ကြင်း/အင်/ဖန်းခါးခွဲသား (၈၈၆)ချောင်း (၃၃.၄၄၉၈)တန်အား ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်း ရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိပါသည်။

နေပြည်တော်ကောင်စီနယ်မြေ/ တိုင်းဒေသကြီး/ ပြည်နယ်၊ သစ်တောဦးစီးဌာနများမှ ဖမ်းဆီးရမိမှု

နေပြည်တော်ကောင်စီနယ်မြေ/ တိုင်းဒေသကြီး/ ပြည်နယ်၊ သစ်တောဦးစီးဌာနများမှ ပေးပို့လာ သော စာရင်းများအရ တရားမဝင် ကျွန်း(၁၁၉.၄၈၃၄)တန်၊ သစ်မာ(၉၈.၉၄၂၄)တန်၊ အခြား (၁၂၇.၆၈၄၆)တန်၊ စုစုပေါင်း(၃၄၆.၁၁၀၄)တန်၊ တရားခံ(၃၆)ဦး၊ ယာဉ်/ယန္တရား(၃၅)စီး ဖမ်းဆီးရမိခဲ့ပါသည်-ဖမ်းဆီးရမိမှုများအနက်အများဆုံးဖမ်းဆီးရမိမှုမှာ ၅-၃-၂၀၂၀ ရက်နေ့တွင် ပဲခူးတိုင်းဒေသကြီး၊ တောင်ငူခရိုင်၊ အုတ်တွင်းမြို့နယ်၊ အဝေရာကျေးရွာအနောက်ဘက် လယ်ကွင်းစပ်နေရာမှ တရားမဝင် ပျဉ်းကတိုး/ကျွန်း ခွဲသား(၃၅၆)ချောင်း (၁၈.၉၆၇၂)တန်၊ ယာဉ်(၁)စီးတို့အား ပိုင်ရှင်မဲ့ ဖမ်းဆီးရမိမှုဖြစ်ပါသည်-

အမျိုးသားမြေအသုံးချမှုကောင်စီမှ အကောင်အထည်ဖော်ဆောင်ရွက်မည့် လုပ်ငန်းများတွင် ပူးပေါင်းဆောင်ရွက်ရန် သဘောတူညီမှုမှတ်တမ်း(RoD)ပါလုပ်ငန်းနယ်ပယ်များကို ပူးပေါင်းဆောင် ရွက်နိုင်ရေး ကိစ္စများအား ဆွေးနွေး

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာန၊ ညွှန်ကြားရေးမှူးချုပ်ရုံး၊ ဧည့်ခန်းမ၌ ၁၀-၃-၂၀၂၀ ရက်နေ့ နံနက်(၁၂:ဝဝ)နာရီအချိန်တွင် သစ်တောဦးစီးဌာန၊ ညွှန်ကြားရေးမှူးချုပ် ဒေါက်တာညီညီကျော်နှင့် တာဝန်ရှိသူများအား EU မှ Deputy Head of Cooperation ဖြစ်သူ Mr. Pedro CAMPO-LLOPIS နှင့်အဖွဲ့၊ SDC မှ Deputy Head of Cooperation ဖြစ်သူ Mr. Burli Markus နှင့်အဖွဲ့၊ FAO မှ representative ဖြစ်သူ Ms. Xiaojie Fan နှင့်အဖွဲ့မှ လာရောက်တွေ့ဆုံ၍ အမျိုးသားမြေအသုံးချမှုကောင်စီမှ အကောင်အထည်ဖော်ဆောင်ရွက်မည့် လုပ်ငန်းများတွင် ပူးပေါင်းဆောင်ရွက်ရန် သဘောတူညီမှုမှတ်တမ်း(RoD)ပါလုပ်ငန်းနယ်ပယ်များကို ပူးပေါင်းဆောင် ရွက်နိုင်ရေး ကိစ္စများအား ဆွေးနွေးခဲ့ပါသည်။

ညွှန်ကြားရေးမှူးချုပ် ဒေါက်တာညီညီကျော်နှင့် တာဝန်ရှိသူများအား EU မှ Deputy Head of Cooperation ဖြစ်သူ Mr. Pedro CAMPO-LLOPIS နှင့်အဖွဲ့၊ FAO မှ representative ဖြစ်သူ Ms. Xiaojie Fan နှင့်အဖွဲ့မှ လာရောက်တွေ့ဆုံ
FLEGT Preparedness for Small Holder Timber Producers in Myanmar စီမံကိန်းပြီးဆုံးခြင်းဆိုင်ရာအလုပ်ရုံဆွေးနွေးပွဲကျင်းပပြုလုပ်

သစ်တောဦးစီးဌာနနှင့် အပြည်ပြည်ဆိုင်ရာ တောရိုင်းတိရိစ္ဆာန်နှင့် သဘာဝအပင်အဖွဲ့ (Fauna and Flora International) တို့ပူးပေါင်းကျင်းပပြုလုပ်သည့် FLEGT Preparedness for Small Holder Timber Producers in Myanmar စီမံကိန်းပြီးဆုံးခြင်းဆိုင်ရာ အလုပ်ရုံဆွေးနွေးပွဲ ကို (၁၀-၃-၂၀၂၀)ရက်နေ့၊ နံနက်(၉:၀၀)နာရီတွင် Grand Amara Hotel ၊ နေပြည်တော်တွင် ကျင်းပပြုလုပ်ရာ သစ်တောဦးစီးဌာန၊ ညွှန်ကြားရေးမှူးချုပ် ဒေါက်တာညီညီကျော် တက်ရောက်၍ အဖွင့်အမှာစကားပြောကြားခဲ့ပါသည်။အမှာစကားပြောကြားရာတွင် မြန်မာနိုင်ငံတွင် သစ်တောများသည် ဒေသခံပြည်သူများ အတွက် ဂေဟစနစ်ဝန်ဆောင်မှုများအပြင် စီးပွားရေးဆိုင်ရာအကျိုးအမြတ်များနှင့် ဝင်ငွေအခွင့် အလမ်းများ ထောက်ပံ့ပေးလျက်ရှိပါကြောင်း၊ ထို့အပြင် အစားအစာ၊ ရေ၊ ဆောက်လုပ်ရေး ကုန်ကြမ်းပစ္စည်းများထောက်ပံ့ပေးနိုင်ခြင်း၊ ပြင်းထန်သည့် ရာသီဉတုအခြေအနေများမှ အကာ အကွယ်ပေးခြင်းစသည့် အကျိုးကျေးဇူးများကိုလည်း သစ်တောများမှ ပေးစွမ်းလျက်ရှိပါကြောင်း၊ မြန်မာနိုင်ငံတွင် အိမ်ထောင်စုပေါင်း ၁၁ သန်းခန့် ရှိသည့်အနက် ၈၁ ရာခိုင်နှုန်းခန့်သည် လောင်စာ အတွက် ထင်းနှင့် မီးသွေးကို အသုံးပြုနေပြီး နေအိမ်အဆောက်အဦအတွက်လည်း သစ်နှင့်ဝါးကို အသုံးပြုနေသည့်အတွက် သစ်တောများအပေါ် မှီခိုမှုသည် မြင့်မားလျက်ရှိသည်ကိုလည်း တွေ့ရှိ ရမည်ဖြစ်ပါကြောင်း၊

Pages

more