Welcome to Forest Department
No front page content has been created yet.
သတင်းနှင့်ကြေငြာချက်များ
သစ်တောကဏ္ဍ အဂတိလိုက်စားမှု တိုက်ဖျက်ရေး အလုပ်ရုံဆွေးနွေးပွဲကို သစ်တော ဦးစီးရုံးချုပ်၊ အင်ကြင်းခန်းမတွင် (၁၃-၈-၂၀၁၈) ရက်နေ့၊ နံနက် (၀၉:၀၀) နာရီ၌ ကျင်းပ ရာ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ ပြည်ထောင်စုဝန်ကြီး ဦးအုန်းဝင်း တက်ရောက်၍ အမှာစကားပြောကြားပါသည်။ အမှာစကားပြောကြားရာတွင် တရားမဝင်သစ်နှင့် သစ်တောထွက်ပစ္စည်းများ ခိုးယူ ထုတ်လုပ်ခြင်းသည် နိုင်ငံတော်၏ အဖိုးတန်သစ်တောသယံဇာတများကို အချိန်တို အတွင်း ကုန်ဆုံးပျောက်ကွယ် စေသည့်အပြင် သဘာဝပတ်ဝန်းကျင်ထိခိုက်စေခြင်း၊ နိုင်ငံတော် ဘဏ္ဍာငွေ ထိခိုက်စေခြင်း များဖြစ်ပေါ်သည့်အတွက် သစ်တောဦးစီးဌာနအနေဖြင့် ဌာန အစီအစဉ်ဖြင့်လည်းကောင်း၊ တပ်မတော်နှင့် မြန်မာနိုင်ငံရဲတပ်ဖွဲ့အပါအဝင် ဆက်စပ်ဌာန များနှင့် တာဝန်သိပြည်သူလူထု၏ ပူးပေါင်းဆောင်ရွက်မှုဖြင့်လည်းကောင်း ကာကွယ်တား ဆီး နှိမ်နင်းလျက်ရှိပါ ကြောင်း၊ FA0 က ၅ နှစ် တစ်ကြိမ်ထုတ်ပြန်သည့် Forest Resource Assessment-2015 အရ မြန်မာနိင်ငံ၏ သစ်တောဖုံးလွှမ်းမှုသည် နိုင်ငံဧရိယာရဲ့ ၄၂.၉၂% ရှိပြီး ဧကအားဖြင့် ၇၂ သန်းခန့်ရှိပါကြောင်း၊ သစ်တောဦ:စီးဌာနမှ စီမံအုပ်ချုပ်ရသော ကြိုးဝိုင်း၊ ကြိုးပြင်ကာ ကွယ်တောနှင့် သဘာဝထိန်းသိမ်းရေးနယ်မြေမှာ ၄၇ သန်းဧကရှိပြီး သစ်တော ဦ:စီးဌာနတွင် သစ်တောလုပ်ငန်းဆောင်ရွက်သည့် ဝန်ထမ်းသည် ၅၃၃၆ ဦးရှိသည့်အတွက် ဝန်ထမ်းတစ်ဦးသည် ပျမ်းမျှ သစ်တောနယ်မြေ ဧက ၈၈၀၀ ကျော်ကို တာဝန်ယူ ထိန်းသိမ်းရပါကြောင်း၊ ထို့ကြောင့် လက်ရှိအခြေအနေအရ သစ်တောဧရိယာနှင့် ထိန်းသိမ်း နေရသည့် ဝန်ထမ်းအချိုး မျှတရန်လိုအပ်ချက်ရှိနေပါကြောင်း၊ လုံခြုံရေးအကန့်အသတ် များကြောင့် အချို့သစ်တောဧရိယာများကို မစိုးမိုးနိုင်ခြင်း၊ တရားမဝင် ဆောင်ရွက်သူများ က ၄င်းတို့အကျိုး ထိခိုက်လာမှုကြောင့် တာဝန်ရှိဝန်ထမ်းများကို ပြန်လည်ရန်ပြုတိုက် ခိုက်ခြင်း၊ လုပ်ငန်းသဘာဝအနေအထားအရ လူသူဝေးရာနေရာများကို စီမံအုပ်ချုပ်ရသူ များ ဖြစ်သည့်အတွက် ဝန်ထမ်းများ၏ ကိုယ်ကျင့်တရားနှင့် စာရိတ္တမဏ္ဍိုင် ယိုင်လဲ မသွား အောင် ထိန်းချုပ်ရန်ခက်ခဲခြင်း စသည့် အကန့်အသတ် အတားအဆီးများ ရှိနေပါကြောင်း၊
သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာန၊ ညွှန်ကြားရေးမှူးချုပ်ရုံး၊ အစည်းအဝေးခန်းမတွင် (၁၀- ၈ -၂၀၁၈)ရက်နေ့ (ဝ၉:၃၀)နာရီအချိန်၌ မြန်မာ့သစ်လုပ်ငန်းမှ ဖွင့်လှစ်မည့် ဆင်ထိန်းသိမ်းစောင့်ရှောက်ရေး အခြေပြုခရီးသွားလုပ်ငန်း (ECBT) ညှိနှိုင်းအစည်းအဝေးကျင်းပရာ သစ်တောဦးစီးဌာန ညွှန်ကြားရေးမှူးချုပ် ဒေါက်တာညီညီကျော်နှင့် မြန်မာ့သစ်လုပ်ငန်း၊ ဦးဆောင်ညွှန်ကြားရေးမှူးတို့မှ အမှာစကားပြောကြားကြပြီး တာဝနှ်ရှိသူများတက်ရောက် ဆွေးနွေးခဲ့ပါသည်..
မြန်မာနိုင်ငံ၌ သစ်တော သယံဇာတများသည် နိုင်ငံတော်၏ စီးပွားရေးဖွံ့ဖြိုးတိုးတက်ရန်အတွက် အရေးပါသကဲ့သို့ ကျေးလက်ဒေသဖွံ့ဖြိုးရေးနှင့် ဆင်းရဲနွမ်းပါးမှု လျော့နည်းပပျောက်ရေးအတွက် အထူးအရေးပါလှပါ ကြောင်း၊ စုစုပေါင်း လူဦးရေ၏(၇၀)% ကျော်သည် ကျေးလက်ဒေသနေပြည်သူများဖြစ်ပြီး နေ့စဉ် လူမှုစီးပွားရေးအတွက် သစ်တောများကို မှီခိုနေရပါကြောင်း၊ ထို့အပြင် အိမ်ထောင်စုပေါင်း (၁၁) သန်းခန့်ရှိသည့်အနက် (၈၁)%ခန့်သည် လောင်စာအတွက် ထင်းနှင့် မီးသွေးကို အသုံးပြုနေပြီး နေအိမ်အတွက်လည်း သစ်နှင့်ဝါးကို အသုံးပြုနေသည့်အတွက် သစ်တောများအားမှီခိုနေသည်ကို တွေ့ရှိရပါကြောင်း၊ ထို့ကြောင့် လက်ရှိမျိုးဆက်၏လိုအပ်ချက်ကိုဖြည့်ဆည်းနိုင်ရန်သာမက နောင် အနာဂတ်မျိုးဆက်များအတွက် သစ်တောသယံဇာတလိုအပ်ချက်များကို စဉ်ဆက်မပြတ် ဖြည့် ဆည်းနိုင်ရန် မြန်မာ့သစ်တောများကို စနစ်တကျစီမံအုပ်ချုပ်သွားရန် လိုအပ်ပါကြောင်း၊
ပြည်ထောင်စုဝန်ကြီးက သတ်မှတ်နေရာ၌ တမလန်းပင်ကို စိုက်ပျိုးပေးပါသည်။ ထို့နောက် နေပြည်တော်ကောင်စီဝင်က ပိတောက်ပင်ကိုလည်းကောင်း၊ သစ်တောအတွင်းဝန်က အင်ကြင်းပင်ကိုလည်းကောင်း၊ သတ္ထုအတွင်းဝန်က ပျဉ်းကတိုးပင်ကိုလည်းကောင်း၊ ညွှန်ကြားရေးမှူးချုပ်များ၊ ဦးဆောင်ညွှန်ကြားရေးမှူးများ၊ ပါမောက္ခချုပ်၊ ဒုတိယညွှန်ကြားရေးမှူးချုပ်များ၊ သစ်တော/ သတ္ထု ညွှန်ကြားရေးမှူးများက ကျွန်းပင်များကိုလည်းကောင်း၊ အရာထမ်း/ အမှုထမ်း များက ကျွန်း၊ ပျဉ်းကတိုး၊ ပိတောက်၊ တမလန်း၊ အင်ကြင်းပင်များကို သတ်မှတ်နေရာအသီးသီး တွင်စိုက်ပျိုးကြပါသည်။
သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ ၂၀၁၈ ဘဏ္ဍာနှစ် (ဒုတိယအကြိမ်) လေးလပတ်လုပ်ငန်း ညှိနှိုင်း အစည်းအဝေးကို ၂၀၁၈ ခုနှစ်၊ သြဂုတ်လ (၁)ရက်နေ့ နံနက်(၈:၃၀)အချိန်တွင် နေပြည်တော်၊ ရုံးအမှတ်(၃၉)၊ အင်ကြင်းခန်းမ၌ ကျင်းပပြုလုပ်ရာ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန၊ ပြည်ထောင်စုဝန်ကြီး ဦးအုန်းဝင်းတက်ရောက်၍ အဖွင့်အမှာစကား ပြောကြား ပါသည်။
အစည်းအဝေးသို့ နေပြည်တော်ကောင်စီနယ်မြေ၊ တိုင်းဒေသကြီး/ပြည်နယ်များမှ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးများ၊ အမြဲတမ်းအတွင်းဝန်များ၊ ညွှန်ကြားရေးမှူးချုပ်များ၊ ဦးဆောင်ညွှန်ကြားရေးမှူးများ၊ တက္ကသိုလ်ပါမောက္ခချုပ်၊ ဒုတိယညွှန်ကြားရေးမှူးချုပ်များ၊ ဖိတ်ကြား ထားသူများ တက်ရောက်ကြသည်။
ပြည်ပနိုင်ငံများသို့သွားရောက်ခဲ့ပြီး ပြန်လည်ရောက် ရှိလာသောဝန်ထမ်းများမှ အတွေ့အကြုံရှင်းလင်းခြင်း အစီအစဉ်ကို ကျင်းပပြုလုပ်ရာ ဦးဇော်မင်းသန့်(ဦးစီးအရာရှိ) ဝန်းကျင်/သားငှက် ဌာနမှ ထိုင်းနိုင်ငံ( ထိုင်းနိုင်ငံရှိ သဘာဝနယ်မြေများသို့ မြန်မာနိုင်ငံ သဘာဝနယ်မြေထိန်းသိမ်းရေး ဝန်ထမ်းများလေ့လာရေး ခရီးသွားရောက်ရန်ကိစ္စ) တက်ရောက်ခဲ့သည့်အတွေ့အကြုံများနှင့် ဦးအေးချမ်းမောင် (ဦးစီး အရာရှိ)သစ်တောသုတေသနဌာနက စင်္ကာပူနိုင်ငံ(မြန်မာနိုင်ငံတွင် သစ်တောပြုန်းတီးမှု အကြောင်း ရာများအား စမ်းသပ်လေ့လာခြင်း သုတေသနစီမံကိန်းအလုပ်ရုံဆွေးနွေးပွဲ)တက်ရောက်ခဲ့သည့် အတွေ့အကြုံများကို ရှင်းလင်း တင်ပြပြီး တက်ရောက်လာသည့် သစ်တောအရာရှိကြီးများ၊ အရာထမ်း/ အမှုထမ်းများမှ အပြန်အလှန် ဆွေးနွေးခဲ့ကြ ပါသည်။