သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာနအနေဖြင့် မြန်မာ့ကျွန်းသစ်မူရင်း ဒေသဖြစ်သော ပဲခူးရိုးမအတွင်း ၂၀၁၆-၁၇ ဘဏ္ဍာနှစ်မှစ၍ တရားဝင်သစ်ထုတ်လုပ်ခြင်း လုပ်ငန်းအား (၁၀)နှစ်ရပ်နား ထားပြီး သစ်တောပြုစုထိန်းသိမ်းခြင်းလုပ်ငန်းများအား အရှိန်အဟုန်မြှင့် ဆောင်ရွက်နေလျှက်ရှိသည့်အပြင် တရားမဝင် သစ်ခိုးထုတ်ခြင်း၊ တရားမဝင်တောရိုင်းတိရစ္ဆာန်များ သတ်ဖြတ်ခြင်းနှင့် ကျူးကျော်အခြေချနေထိုင်ခြင်းများအား ပြည်သူ ပူးပေါင်းပါဝင်မှုဖြင့် စီမံချက်ချအကောင်အထည်ဖော်ဆောင်ရွက်နေလျှက်ရှိပါသည်။ ပဲခူးရိုးမစိမ်းလန်းစိုပြည်ရေး ဧရိယာ အတွင်းမှ (၂၇-၅-၂၀၂၄)ရက်နေ့မှ (၂-၆-၂၀၂၄) ရက်နေ့ထိ တစ်ပတ်တာကာလအတွင်း တရားမဝင်ကျွန်း၊ သစ်မာ၊ အခြား စုစုပေါင်း (၁၀.၆၇၂၈) တန်ဖမ်းဆီးရမိခဲ့ပါသည်။

သယံဇာတနှင့် သဘာဝပတ်ဝန်းကျင်ထိန်းသိန်းရေးဝန်ကြီးဌာန၊ ပြည်ထောင်စုဝန်ကြီး ဦးခင်မောင်ရီသည် တာဝန်ရှိသူများလိုက်ပါလျက် ၁၈-၅-၂၀၂၄ ရက်နေ့ နံနက်ပိုင်းတွင် မန္တလေးတိုင်း ဒေသကြီး၊ ရမည်းသင်းခရိုင်၊ ရမည်းသင်းမြို့နယ်၊ တောင်ကန်ကြီးကျေးရွာရှိ ၂၀၂၄ ခုနှစ် မိုးရာသီ ကျေးရွာထင်းစိုက်ခင်း တစ်ရွာ (၂) ဧက တည်ထောင်မည့် မြေနေရာပြုပြင်ဆောင်ရွက်ထားမှုအား ကြည့်ရှုစစ်ဆေးပြီး ဒေသခံကျေးရွာလူထုနှင့် တွေ့ဆုံသည်။ ဆက်လက်၍ ပြည်‌ထောင်စုဝန်ကြီးသည် ညောင်ဦးခရိုင်၊ ကျောက်ပန်းတောင်းမြို့နယ်၊ ပေါက်ပင်အိုင့်ကျေးရွာရှိ ၂၀၂၄ ခုနှစ် မိုးရာသီအကြို ဘက်စုံသုံးတစ်ရွာ(၂) ဧကစိုက်ပျိုးထားရှိမှုနှင့် ကျေးရွာစာကြည့်တိုက်အားလည်းကောင်း၊ ရေငံကျေးရွာ ၂၀၂၄ မိုးရာသီ ကျေးရွာထင်းစိုက်ခင်း တစ်ရွာ (၂) ဧက တည်ထောင်မည့် မြေနေရာ ပြုပြင်ဆောင်ရွက် ထားမှုအခြေအနေအားလည်းကောင်း၊ ညောင်ဦးခရိုင်၊ ညောင်ဦးမြို့နယ်၊ နတ်ပလင်ကျေးရွာရှိ ၂၀၂၄ မိုးရာသီအကြို ဘက်စုံသုံး တစ်ရွာ (၂) ဧက စိုက်ပျိုးထားရှိမှု အခြေအနေအားလည်းကောင်း ကြည့်ရှု စစ်ဆေးပြီး ဒေသခံကျေးရွာလူထုနှင့် ရင်းရင်းနှီးနှီးတွေ့ဆုံ၍ ရာသီဥတုပြောင်းလဲမှုဆိုင်ရာ၊ သစ်တော စိုက်ခင်းတည်ထောင်ခြင်းနှင့် သစ်တောသစ်ပင်ထိန်းသိမ်းစောင့်ရှောက်ခြင်းဆိုင်ရာများနှင့် ပတ်သက်၍ ပညာပေး ဟောပြောဆွေးနွေးပြီး ဒေသခံများ၏ တင်ပြချက်များအပေါ် လိုအပ်သည်များ ဖြည့်ဆည်း ဆောင်ရွက်ပေးသည်။

မန္တလေးတိုင်းဒေသကြီး၊ ကျောက်ဆည်ခရိုင်၊ သစ်တောဦးစီးဌာနက ကျောက်ဆည် မြို့နယ်တွင် နွေရာသီကျောင်းပိတ်ရက်၌ ကျောင်းသား/ကျောင်းသူများအား သဘာဝပတ်ဝန်း ကျင်ထိန်းသိမ်းရေးနှင့် ရာသီဥတုပြောင်းလဲမှု လျှော့ချရေးဆိုင်ရာအသိအမြင်များ တိုးပွားလာ စေရန်ရည်ရွယ်ချက်ဖြင့် သစ်တောသစ်ပင်နှင့် ဇီဝမျိုးစုံမျိုးကွဲထိန်းသိမ်းရေး ဆိုင်ရာခရိုင် အဆင့်အသိပညာပေးဟောပြောပွဲကို (၁၇.၅.၂၀၂၄)ရက်နေ့၊ နံနက်(၀၉:၀၀) နာရီအချိန်တွင် အမှတ်(၁)အထက်တန်းကျောင်း စုဝေးခန်းမ၌ကျင်းပပြုလုပ်ရာ ကျောက်ဆည်ခရိုင်၊ သစ်တောဦးစီးဌာန လက်ထောက်ညွှန်ကြားရေးမှူး ဦးမောင်မောင်အေး-၃ မှ သစ်တောနှင့် ဇီဝမျိုးစုံမျိုးကွဲ ထိန်းသိမ်းခြင်း၊ သစ်တောများမှပေးစွမ်းနိုင်သော အကျိုးကျေးဇူးများအား လည်းကောင်း၊ ကျောက်ဆည်ခရိုင်၊ ပတ်ဝန်းကျင်ထိန်းသိမ်းရေးဦးစီးဌာန၊ လက်ထောက် ညွှန်ကြားရေးမှူး ဦးလမင်းသန့်က သစ်တောများနှင့် ရာသီဥတုပြောင်းလဲမှု လျှော့ချခြင်းနှင့် သဲကန္တာရဖြစ်ထွန်းမှု တိုက်ဖျက်ရေးအားလည်းကောင်း ကျောက်ဆည်မြို့နယ်၊ သစ်တော ဦးစီးဌာန၊ ဦးစီးအရာရှိ ဦးဗိုလ်တင်လင်းက သစ်တောများနှင့်ရေဝေရေလဲဒေသများထိန်းသိမ်း ရေးဆိုင်ရာ အကြောင်းအရာများကို ဟောပြောခဲ့ကြပြီး ကျောင်းသား/ကျောင်းသူများ၏ မေးမြန်းမှုအပေါ် တာဝန်ရှိသူများက ပြန်လည်ရှင်းလင်းဖြေကြားခဲ့ပါသည်။ အသိပညာပေး ဟောပြောပွဲသို့ ကျောင်းသား/ကျောင်းသူ(၁၀၀)ဦး၊ ဆရာဆရာမနှင့် ဖိတ်ကြားထားသူ(၁၂)ဦး စုစုပေါင်း(၁၁၂)ဦး တက်ရောက်ခဲ့ကြပါသည်။ ဆက်လက်၍ ကျောက်ဆည်မြို့နယ်၊ မြို့မ ပျိုးဥယျာဉ်သို့ သွားရောက်ကာ ကျောင်းသား/ကျောင်းသူများအား သစ်စေ့မှပျိုးပင်ပေါက် ပျိုးကူးခြင်း လုပ်ငန်းပျိုးပင်များ ပြုစုထိန်းသိမ်းဆောင်ရွက်မှု လုပ်ငန်းများအားရှင်းလင်းပြသ ပြီး လက်တွေ့သစ်ပင်စိုက်ပျိုးခြင်းကို သရုပ်ပြရှင်းလင်းခဲ့ကြောင်း သိရှိရပါသည်။