သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

၄-၁၂-၂၀၂၄ ရက်နေ့၊ နေ့လယ် (၁၃:၃၀) နာရီတွင် သစ်တောဦးစီးဌာန၊ အင်ကြင်းခန်းမတွင် သစ်တော၊ သတ္တုနှင့် ပတ်ဝန်းကျင်ဆိုင်ရာကဏ္ဍ(၃)ရပ် သုတေသန ပူးပေါင်း ဆောင်ရွက်ရေးအဖွဲ့၏ ပထမအကြိမ် အစည်းအဝေးကို ကျင်းပပြုလုပ်ရာ သစ်တော၊ သတ္တုနှင့် ပတ်ဝန်းကျင်ဆိုင်ရာ ကဏ္ဍ(၃)ရပ် သုတေသန ပူးပေါင်းဆောင်ရွက်ရေး အဖွဲ့၏ ဥက္ကဌ၊ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ အမြဲတမ်းအတွင်းဝန် ဦးလှမောင်သိန်း တက်ရောက်အဖွင့်အမှာစကားပြောကြားပြီး အစည်းအဝေးသို့ အဖွဲ့ဝင်များဖြစ်သည့် သက်ဆိုင်ရာဦးစီးဌာန၊ လုပ်ငန်းဌာနများမှ ညွှန်ကြားရေးမှူးချုပ်များ၊ ဦးဆောင်ညွှန်ကြားရေးမှူး၊ ဒုတိယညွှန်ကြားရေးမှူးချုပ်များ၊ ညွှန်ကြားရေးမှူးများနှင့် သုတေသီများ တက်ရောက်ကြသည်။
အစည်းအဝေးတွင် သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ အမြဲတမ်းအတွင်းဝန်က မြေပေါ်မြေအောက် သယံဇာတများ ရေရှည်တည်တံ့စေရေးအတွက် သစ်တော၊ သတ္တုနှင့် ပတ်ဝန်းကျင်ဆိုင်ရာ ကဏ္ဍ(၃)ရပ် ပူးပေါင်းဆောင်ရွက်ရေး သုတေသန များ၏ အရေးပါပုံနှင့် ယနေ့ကျင်းပပြုလုပ်သော အစည်းအဝေးသည် သစ်တော၊ သတ္တု၊ ပတ်ဝန်းကျင်ကဏ္ဍ ရေရှည်ဖွံ့ဖြိုးတိုးတက်ရေးအတွက် အဓိက အရေးပါသည့် သုတေသန လုပ်ငန်းများပူးပေါင်း ဆောင်ရွက်ရန် ပြောကြားပါသည်။
ဆက်လက်၍ အဖွဲ့၏ အတွင်းရေးမှူး သစ်တောသုတေသနဌာန၊ ညွှန်ကြားရေးမှူးမှ သုတေသနပူးပေါင်းဆောင်ရွက်ရေးအဖွဲ့၏ နောက်ခံအကြောင်းအရာနှင့် ဆက်လက် ဆောင်ရွက်မည့် အစီအစဉ်များကိုလည်းကောင်း၊ သက်ဆိုင်ရာ လုပ်ငန်းဌာနများမှ အဖွဲ့ဝင် များက မိမိတို့၏ အဆိုပြုပူးပေါင်းသုတေသနလုပ်ငန်းများကိုအသီးသီး ရှင်းလင်း တင်ပြရာ အစည်းအဝေးတက်ရောက်လာသူများမှ ဝိုင်းဝန်းဆွေးနွေးအကြံပြုခဲ့ကြောင်း သတင်းရရှိပါသည်။

မာရဝိဇယဗုဒ္ဓ ရုပ်ပွားတော်မြတ်ကြီးပရဝဏ်ရှိ၊ ဗုဒ္ဓဥယျာဉ်တော် စိမ်းလန်းစိုပြည်ရေးအတွက် သစ်ပင်များပြုစုထိန်းသိမ်းခြင်းလုပ်ငန်းများကို သစ်တောဦးစီးဌာနမှ လစဥ်ကုသိုလ်ယူဆောင်ရွက်လျက်ရှိရာ (၃-၁၂-၂၀၂၄) ရက်နေ့၊ နံနက်ပိုင်းတွင် ဗုဒ္ဓဥယျာဉ်တော်အတွင်း ၂၀၂၃ ခုနှစ်၊ မိုးရာသီ၌ စိုက်ပျိုးထားသည့် အပင်များ၏ သစ်မျိုးအလိုက် ရှင်သန်မှု၊ အပင်အမြင့်တိုးတက်မှုစသည့် အခြေအနေများအား သစ်တောဦးစီးဌာနဝန်ထမ်းများမှ အကွက်ငယ် (၆) ကွက်ခွဲခြား၍ သတ်မှတ်အကွက်ငယ်များအလိုက် တိုင်းတာစစ်ဆေးဆောင်ရွက်လျက်ရှိသည့် အခြေအနေများကို သစ်တောဦးစီးဌာန၊ ညွှန်ကြားရေးမှူးချုပ်၊ ဒေါက်တာသောင်းနိုင်ဦးမှ ဒုတိယညွှန်ကြားရေးမှူးချုပ်(စီမံခန့်ခွဲရေး)၊ သစ်တောဦးစီးရုံးချုပ်မှ တာဝန်ရှိသူများ၊ နေပြည်တော်သစ်တောဦးစီးဌာနမှ ညွှန်ကြားရေးမှူးနှင့် တာဝန်ရှိသူများနှင့်အတူ ကြည့်ရှု့စစ်ဆေးခဲ့ပြီး ညွှန်ကြားရေးမှူးချုပ်မှ ကွင်းဆင်းလုပ်ငန်းဆောင်ရွက်မှုများအပေါ် လိုအပ်သည်များ လမ်းညွှန်မှာကြားဆောင်ရွက်ပေးခဲ့ကြောင်း သတင်းရရှိပါသည်။

ရန်ကုန်တိုင်းဒေသကြီး၊တိုက်ကြီးမြို့နယ်၊ သစ်တောဦးစီးဌာနမှ ၂၀၂၄ ခုနှစ်၊နိုဝင်ဘာလ(၃၀)ရက်နေ့၊ နံနက်(၉)နာရီအချိန်တွင်တိုက်ကြီးမြို့နယ်အထွေထွေအုပ်ချုပ်ရေးဦးစီးဌာန၊အစည်း အဝေးခန်းမ၌"လူနှင့်တောဆင်အကြား ပဋိပက္ခလျော့နည်းစွာနေထိုင်နိုင်ရေးအသိပညာပေးခြင်းနှင့်ဖြေရှင်းနိုင်မည့်နည်းလမ်းများဆွေးနွေးပွဲ" ကျင်းပရာ မြို့နယ်စီမံအုပ်ချုပ်ရေးအဖွဲ့ဥက္ကဌ၊ ဦးအောင်ကျော်စိုးက အဖွင့်အမှာစကားပြောကြားသည်။ဆက်လက်၍သစ်တောဦးစီးဌာန ဦးစီးအရာရှိ၊ဦးသန့်စင်ကျော်က ဆွေးနွေးပွဲကျင်းပရခြင်းရည်ရွယ်ချက်၊မျှော်မှန်းချက်နှင့်ဆင်ထိန်းသိမ်းရေးဆိုင်ရာများကို ရှင်းလင်းပြောကြားခဲ့ပြီး Grow Back for Posterity (GBP) အဖွဲ့မှ ဦးစည်သူက HEC Mitigation Methods များအကြောင်း၊Friends of Wildlife (FOW)အဖွဲ့မှ ဒေါ်ခိုင်ခိုင်ဆွေက ဒေသခံအခြေပြု တောဆင်ထိန်းသိမ်းရေးအကြောင်းအရာများအား ဆွေးနွေးပြောကြားသည်။ထို့နောက်တက်ရောက်လာသူများက တောဆင်များနှင့်ပတ်သက်၍ ကြုံတွေ့နေရသည့်အခက်အခဲများနှင့်ဖြေရှင်းနိုင်မည့်နည်းလမ်းများကိုမေးမြန်းရာ တာဝန်ရှိသူများက ပြန်လည်ဖြေကြားခဲ့ပါသည်။
အဆိုပါဆွေးနွေးပွဲသို့ မြို့နယ်စီမံအုပ်ချုပ်ရေးအဖွဲ့ဥက္ကဌနှင့်အဖွဲ့ဝင်များ၊သစ်တောဦးစီးဌာနမှ ဦးစီးအရာရှိနှင့်ဝန်ထမ်းများ၊(GBP)အဖွဲ့နှင့်(FOW)အဖွဲ့များမှ တာဝန်ရှိသူများနှင့်တောဆင်ရိုင်းဝင်ရောက်လေ့ရှိသည့် ရပ်ကွက်နှင့်ကျေးရွာများမှဒေသခံပြည်သူ(၂၀၀)ဦးခန့်တက်ရောက်ခဲ့ကြကြောင်း သတင်းရရှိပါ သည်။