Welcome to Forest Department
No front page content has been created yet.
သတင်းနှင့်ကြေငြာချက်များ
အာဆီယံလူမှုသစ်တောဆိုင်ရာလုပ်ငန်းအဖွဲ့(ASEAN Working Group on Social Forestry–AWGSF)၏ (၁၈)ကြိမ်မြောက်အစည်းအဝေးကို (၂၇-၅-၂၀၂၄)ရက်နေ့၊ နံနက် (၀၈:၃၀) နာရီအချိန်တွင် သစ်တောဦးစီးဌာန၊ ညွှန်ကြားရေးမှူးချုပ်ရုံး၊ အင်းကြင်းခန်းမ၊ နေပြည်တော်တွင် မြန်မာနိုင်ငံက အိမ်ရှင်အနေဖြင့် Video Conferencing စနစ်ဖြင့် ကျင်းပခဲ့ရာ အာဆီယံအတွင်း ရေးမှူးချုပ်ရုံးမှ ကိုယ်စားလှယ်များ၊ အာဆီယံအဖွဲ့ဝင်နိုင်ငံများမှ AWG-SF လုပ်ငန်းအဖွဲ့ဝင်များ၊ သစ်တောဦးစီးဌာန၊ ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ် (မူဝါဒနှင့် စီမံကိန်း)၊ ညွှန်ကြားရေးမှူးများ၊ AWG-SF အဖွဲ့ဝင်များနှင့် မိတ်ဖက်အဖွဲ့အစည်းများမှ ကိုယ်စားလှယ်များ တက်ရောက်ခဲ့ကြပါသည်။
နွေရာသီကျောင်းပိတ်ရက်၌ ကျောင်းသား/ကျောင်းသူများအား "သစ်တောနှင့် ဇီဝမျိုးစုံမျိုး ကွဲထိန်းသိမ်းရေးဆိုင်ရာ အသိပညာပေးအစီအစဉ်အရ" ၂၄-၄-၂၀၂၄ ရက်နေ့တွင် ပဲခူးမြို့နယ်၊ ဇောင်းတူကျေးရွာ၊အခြေ ခံပညာအထက်တန်းကျောင်း၌ သစ်တောနှင့် ဇီဝမျိုးစုံမျိုးကွဲထိန်းသိမ်းရေးဆိုင်ရာ အသိပညာပေးဟောပြောပွဲ ကျင်းပပြုလုပ်ခဲ့ပါသည်။ ဟောပြောပွဲတွင် ပဲခူးခရိုင်လက်ထောက်ညွှန်ကြားရေးမှူး ဦးဝင်းကျော်၊ ပဲခူးမြို့နယ် သစ်တောဦးစီးဌာနမှ တာဝန်ရှိသူများက ဦးဆောင်၍ သစ်တောနှင့် ဇီဝမျိုးစုံမျိုးကွဲ ထိန်းသိမ်းရေးနှင့် သစ်တောသစ်ပင်များအား စိုက်ပျိုးပြုစု ထိန်းသိမ်းရေးဆိုင်ရာများအား အသိပညာပေးဟောပြောခြင်း၊ ပျိုးဥယျာဉ် လုပ်ငန်းဆိုင်ရာများ အားရှင်းလင်းပြသခြင်းများ ဆောင်ရွက်ခဲ့ကြပါသည်။ ဟောပြောပွဲသို့ ပဲခူးမြို့နယ်၊ ပညာရေးဌာနမှ ဒုတိယမြို့နယ် ပညာရေးမှူးအပါအဝင် ဇောင်းတူ (အ.ထ.က)ကျောင်းအုပ်ကြီးနှင့် ဆရာ/ ဆရာမ(၂၅)ဦး၊ ကျောင်းသား/ကျောင်းသူ(၆၁)ဦး၊ ဇောင်းတူကျေးရွာအုပ်ချူပ်ရေးမှူး အပါအဝင်ဒေသခံ ပြည်သူ (၄၁)ဦး၊ စုစုပေါင်း(၁၂၇)ဦး တက်ရောက်ခဲ့ပါကြောင်းသိရှိရပါသည်။
နွေရာသီကျောင်းပိတ်ရက်၌ ကျောင်းသား/ကျောင်းသူများအား "သစ်တောနှင့် ဇီဝမျိုးစုံမျိုး ကွဲထိန်းသိမ်းရေးဆိုင်ရာ အသိပညာပေးအစီအစဉ်အရ" ၂၈-၄-၂၀၂၄ ရက်နေ့တွင် ဧရာဝတီတိုင်းဒေသကြီး ပုသိမ်ခရိုင်၊ ပုသိမ်မြို့နယ် ရှောပြာကျေးရွာ အထက်တန်း ကျောင်းတွင် သစ်တောနှင့် ဇီဝမျိုးစုံမျိုးကွဲထိန်းသိမ်းရေးဆိုင်ရာ အသိပညာပေးဟောပြောပွဲ ကျင်းပပြုလုပ်ခဲ့ပါသည်။ ဟောပြောပွဲတွင် ပုသိမ်ခရိုင်၊ သစ်တောဦးစီးဌာန၊ လက်ထောက်ညွှန်ကြားရေးမှူး ဦးထွန်းထွန်းမင်းနှင့် ပုသိမ်မြို့နယ်သစ်တောဦးစီးဌာနမှ ဝန်ထမ်းများက ဦးဆောင်၍ သစ်တောနှင့် ဇီဝမျိုးစုံမျိုးကွဲထိန်းသိမ်းရေး၊ သစ်တောများနှင့် ရာသီဥတုပြောင်းလဲမှုလျော့ချရေး၊ သစ်တောများမှပေးစွမ်းနိုင်သော အကျိုးကျေးဇူးများနှင့် သစ်တောနှင့်ရေဝေရေလဲဒေသထိန်းသိမ်းရေးအကြောင်းတို့ကို ဟောပြောဆွေးနွေး ကြပါသည်။ ဟောပြောပွဲသို့ ပုသိမ်မြို့နယ် ရှောပြာကျေးရွာ အထက်တန်းကျောင်းမှ ဆရာ/ဆရာမများနှင့် ကျောင်းသား/ ကျောင်းသူ စုစုပေါင်း(၆၃)ဦး တက်ရောက်ခဲ့ပါကြောင်း သိရှိရပါသည်။
သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာနသည် ကိုရီးယားနိုင်ငံ၊ အာရှဒေသသစ်တောကဏ္ဍဆိုင်ရာ ပူးပေါင်းဆောင်ရွက်ရေးအဖွဲ့ (Asian Forest Cooperation Organization – AFoCO)၏ ရန်ပုံငွေအထောက်အပံ့ဖြင့် “သစ်တောများအားမှီခိုနေထိုင်သူများ၏ လူမှုဘဝဖွံ့ဖြိုးတိုးတက်စေရန်အတွက် သစ်တောထိန်းသိမ်းခြင်းနှင့် ဒေသခံပြည်သူအခြေပြု စီးပွားရေးလုပ်ငန်းများဖွံ့ဖြိုးမှုဆိုင်ရာ စံပြသစ်တောများ တည်ထောင်ခြင်းစီမံကိန်း (FD-AFoCO Model Forest Project)” ကို ၂၀၂၀ ပြည့်နှစ်၊ ဒီဇင်ဘာလမှစတင်၍ ၂၀၂၅ ခုနှစ်၊ မတ်လအထိ အကောင်အထည်ဖော် ဆောင်ရွက်လျက်ရှိရာ ထာဝစဉ်တည်တံ့စေသော သစ်တောစီမံအုပ်ချုပ်မှုကို အထောက်အကူပြုစေရေးနှင့် ဒေသခံပြည်သူများ၏ စွမ်းဆောင်ရည်တိုးတက်မြင့်မားစေရေးနှင့်အတူ ဂေဟစနစ် တည်ငြိမ်စေရေးနှင့် ဝင်ငွေအခွင့်အလမ်းများ တိုးပွားစေရေးအတွက် စီမံကိန်းဒေသဖြစ်သော ပဲခူးတိုင်းဒေသကြီး၊ ပြည်ခရိုင်နှင့် ပေါက်ခေါင်းမြို့နယ် ဒေသခံပြည်သူအစုအဖွဲ့ပိုင်သစ်တော လုပ်ငန်းဆောင်ရွက်နေသူ သင်တန်းသား (၂၀)ဦးအား “ပျားမွေးမြူခြင်းနှင့် ပျားရည် ထုတ်လုပ် ခြင်းသင်တန်း”ကို ရန်ကုန်တိုင်းဒေသကြီး၊ မှော်ဘီမြို့၊ ဗဟိုသစ်တောလုပ်ငန်း ဖွံ့ဖြိုးမှု လေ့ကျင့်ပညာပေးရေးဌာန (CFDTC) တွင် ၂၅-၅-၂၀၂၄ ရက်နေ့မှ ၂၉-၅-၂၀၂၄ ရက်နေ့အထိ ဆောင်ရွက်လျက်ရှိပါသည်။ အခမ်းအနားဖွင့်ပွဲကို သစ်တောဦးစီးဌာန၊ လေ့ကျင့်ရေးနှင့် သုတေသနဖွံ့ဖြိုးရေးဌာနမှ တာဝန်ရှိသူများ၊ ဗဟိုသစ်တောလေ့ကျင့် ရေးနှင့်ဖွံ့ဖြိုးမှုလေ့ကျင့် ပညာပေးရေးဌာန၊ ကျောင်းအုပ်ကြီး၊ လက်ထောက် ညွှန်ကြားရေးမှူး၊ ဦးစီးအရာရှိများ၊ တောအုပ်ကြီးများ၊ စီမံကိန်းအဖွဲ့ဝင်များ၊ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ မွေးမြူရေးနှင့်ကုသရေးဦးစီးဌာန၊ ပျားမွေးမြူမှုဖွံ့ဖြိုးရေးဌာနခွဲမှ သင်တန်းဆရာများနှင့် သင်တန်းသားများအပါအဝင် စုစုပေါင်း (၃၇)ဦး ပါဝင်တက်ရောက်ခဲ့ကြောင်း သိရှိရပါသည်။
မန္တလေးတိုင်းဒေသကြီးအစိုးရအဖွဲ့၊ သယံဇာတရေးရာဝန်ကြီး − ဦးရွှေဇင်သည် (၂၅−၅−၂၀၂၄) ရက်နေ့ (၁၃:၃၀) နာရီအချိန်တွင် မန္တလေးတိုင်းဒေသကြီး ၊ ကျောက်ဆည်မြို့ နယ်၊ သစ်တောဉီးစီးဌာန၊ မြို့မ(အမြဲတမ်း) ပျိုးဥယျာဉ်တွင် ပျိုးထောင်ထားရှိသည့် အထူးပျိုး ပင်(၁၂၀၀၀)ပင်၊ ၂၀၂၄ ခုနှစ် မိုးရာသီ လူထုဖြန့်ပျိုးပင် (၅၀၀၀၀)ပင်၊ ၂၀၂၄ ခုနှစ် မိုးရာသီ (၂/၂၀၂၄)ကျေးရွာထင်းစိုက်ခင်း(၅၀)ဧကအတွက် ပျိုးပင်(၇၂၆၀၀)ပင် နှင့် မြို့နယ်အစီအစဉ် ဖြင့် ပျိုးထောင်ထားသော ပျိုးပင်(၁၉၂၅)ပင် စုစုပေါင်း(၁၃၆၅၂၅)ပင်တို့၏ ပြုစုပျိုးထောင် ထားရှိမှုတို့အား စစ်ဆေးပြီး စိုက်ပျိုးချိန်တွင် ကြံ့ခိုင်သန်စွမ်းသည့် (၂')အထက် ပျိုးပင်များ ဖြန့်ဝေစိုက်ပျိုးနိုင်ရန် ပျိုးပင်ဖြန့်ဝေရာတွင် စနစ်တကျဖြန့်ဝေရန်၊ မန်ကျည်း၊ တမာ၊ ထနောင်း စသည့် ဒေသသစ်မျိုးများနှင့် အရိပ်ရအပင်၊ ပန်းပွင့်သည်အပင် စသည့်သစ်မျိုးများ စုံလင်စွာ ပျိုးထောင်ထားရှိရန်၊ အပင်၊ အရွက်၊ အသီးအားလုံး အသုံးပြုနိုင်မည့် သစ်မျိုးများ ပျိုးထောင် စိုက်ပျိုးနိုင်ရေးအတွက် လမ်းညွှန်မှာကြားခဲ့ကြောင်း သိရှိရပါသည်။
နွေရာသီကျောင်းပိတ်ရက်၌ ကျောင်းသား/ကျောင်းသူများအား "သစ်တောနှင့် ဇီဝမျိုးစုံမျိုး ကွဲထိန်းသိမ်းရေးဆိုင်ရာ အသိပညာပေးအစီအစဉ်အရ" ၂၄-၄-၂၀၂၄ ရက်နေ့တွင် ပေါက်ခေါင်းမြို့နယ်၊ သစ်တောဦးစီးဌာန၊ ဦးစီးအရာရှိရုံးဝန်းအတွင်း သစ်တောနှင့် ဇီဝမျိုးစုံမျိုးကွဲထိန်းသိမ်းရေးဆိုင်ရာ အသိပညာပေးဟောပြောပွဲ ကျင်းပပြုလုပ်ခဲ့ပါသည်။ ဟောပြောပွဲတွင် ပြည်ခရိုင်၊ သစ်တောဦးစီးဌာန၊ လက်ထောက်ညွှန်ကြားရေးမှူး ဦးဇော်စိုးနှင့် ပေါက်ခေါင်းမြို့နယ်၊ သစ်တောဦးစီးဌာန၊ ဦးစီးအရာရှိ ဦးနေမျိုးဝင်း-၂ တို့ ဦးဆောင်၍ သစ်တောနှင့် ဇီဝမျိုးစုံမျိုးကွဲထိန်းသိမ်းရေးနှင့် သစ်တောသစ်ပင်များအား စိုက်ပျိုးပြုစု ထိန်းသိမ်းရေးဆိုင်ရာများအား အသိပညာပေးဟောပြောခြင်း၊ ပျိုးဉယျာဉ် လုပ်ငန်းဆိုင်ရာများ အားရှင်းလင်းပြသခြင်း၊ တောင်နဝင်းကြိုးဝိုင်း၊ အကွက်အမှတ်(၂၀) အတွင်း၌ တည်ထောင် စိုက်ပျိုးခဲ့သည့် (၁၉၁၉)ခုနှစ်ကျွန်းစိုက်ခင်းမှ သယ်ဆောင်ခဲ့သော နှစ်(၁၀၀)ကျွန်းသစ်လုံး များအား ပြသခြင်းများ ဆောင်ရွက်ခဲ့ပါကြောင်း၊ ဟောပြောပွဲသို့ ပြည်ခရိုင်၊ သစ်တော ဦးစီးဌာနမှ လက်ထောက်ညွှန်ကြားရေးမှူး(၁)ဦး၊ ပေါက်ခေါင်းမြို့နယ်၊ သစ်တောဦးစီးဌာနမှ ဦးစီးအရာရှိ ဦးနေမျိုးဝင်း-၂ ဦးဆောင်သော သစ်တောဝန်ထမ်း(၂၀)ဦး၊ ပေါက်ခေါင်းမြို့၊ အ.ထ.က(ကျောင်း)မှ ကြီးကြပ်ဆရာမ(၅)ဦးနှင့် ကျောင်းသား/ကျောင်းသူ (၁၃၁)ဦး၊ ပေါက်ခေါင်းမြို့ သစ်တော ဝန်ထမ်းများ၏ သား/သမီးများ ဖြစ်သော ကျောင်းသား/ ကျောင်းသူ(၈)ဦး စုစုပေါင်း( ၁၆၅)ဦးတက်ရောက်ခဲ့ပါကြောင်း သိရှိရပါသည်။
ပူပြင်းခြောက်သွေ့သော ရာသီဥတုကြောင့် သောက်သုံးရေရှားပါးမှု ဖြစ်ပေါ်နေသော ရမည်းသင်းခရိုင်၊ ပျော်ဘွယ်မြို့နယ် ဂွေးဇီးကျေးရွာအုပ်စု၊ ဂွေးဇီးကျေးရွာ အိမ်ထောင်စု(၂၆၄)စုအတွက် ရမည်းသင်းခရိုင်၊သစ်တောဦးစီးဌာနမှ (၂၇-၄-၂၀၂၄)ရက်နေ့တွင် (၁၈၀၀)ဂါလံဆန့် ရေသယ်ကား(၃)စီး၊ စုစုပေါင်း (၅၄၀၀)ဂါလံအား ပေးပို့လှူဒါန်းဖြန့်ဝေခဲ့ကြောင်း သိရှိရပါသည်။
(၂၇-၄-၂၀၂၄)ရက်နေ့၊ ပြည်ထောင်စုနယ်မြေ၊ နေပြည်တော်၊ သစ်တောဦးစီးဌာန၊ ဥတ္တရခရိုင်၊ ဥတ္တရသီရိမြို့နယ်၊ တောင်ညို၊ အခြေခံပညာအထက်တန်းကျောင်း၌ သစ်တော နှင့် ဇီဝမျိုးစုံမျိုးကွဲထိန်းသိမ်းရေးဆိုင်ရာ အသိပညာပေးဟောပြောပွဲကို ကျင်းပဆောင်ရွက်ခဲ့ ရာ ဆရာ/ဆရာမ(၁၆)ဦး၊ ကျောင်းသား/ကျောင်းသူ(၅၄)_ဦး စုစုပေါင်း(၇၀)ဦး တက်ရောက် ခဲ့ပါသည်။ ဟောပြောပွဲတွင် သစ်တောနှင့် ရေဝေရေလဲဒေသထိန်းသိမ်းရေး၊ သစ်တောများမှ ပေးစွမ်းနိုင်သော အကျိုးကျေးဇူးများ၊ သစ်တောနှင့် ဇီဝမျိုးစုံမျိုးကွဲထိန်းသိမ်းရေး၊ ရာသီဥတု ပြောင်းလဲမှုထိန်းသိမ်းလျော့ချရေးနှင့် ပတ်သက်၍ ဥတ္တရခရိုင် လက်ထောက်ညွှန်ကြားရေး မှူး ဦးကျော်ကျော်အောင်နှင့် ဥတ္တရသီရိမြို့နယ် ဦးစီးအရာရှိ ဦးရန်နိုင်ဖြိုးတို့က ဟောပြော ခဲ့ကြပြီး ကျောင်းသား/ ကျောင်းသူများက သိလိုသည်များမေးမြန်းခြင်း၊ ပြန်လည်ဖြေကြား ခြင်း၊ သစ်တောကြေးမုံ စာစောင်များ လှူဒါန်းခဲ့ခြင်းများ ဆောင်ရွက်ခဲ့ကြကြောင်း သိရှိရပါသည်။