တနင်္သာရီတိုင်းဒေသကြီး၊ ထားဝယ်ခရိုင်၊ ရေဖြူမြို့နယ် သစ်တောဦးစီးဌာန၊ ၂၀၂၄ ခုနှစ် မိုးရာသီ(အကြို) မြို့နယ်အဆင့် သစ်ပင်စိုက်ပျိုးပွဲတော်ကို ရေဖြူမြို့၊ (က)ရပ်ကွက်၊ ကညင်ကောက်ကျေးရွာ သင်္ချိုင်းဧရိယာအတွင်း (၂၈.၅.၂၀၂၄)ရက်နေ့၊ နံနက် (၁၀:၀၀)နာရီ အချိန်တွင် ကျင်းပဆောင်ရွက်ခဲ့ပါသည်။ အဆိုပါ သစ်ပင်စိုက်ပျိုးပွဲတော်သို့ မြို့နယ် အုပ်ချုပ်ရေးမှူး ဦးဇင်လင်းနိုင် ၊ မြို့နယ်စီမံအုပ်ချုပ်ရေးအဖွဲ့နှင့် မြန်မာနိုင်ငံရဲတပ်ဖွဲ့၊ မြို့နယ် ဌာနဆိုင်ရာဝန်ထမ်းများ၊ အမျိုးသမီးရေးရာအသင်း၊ မိခင်နှင့်ကလေးစောင့်ရှောက်ရေး အသင်း၊ မြန်မာနိုင်ငံမီးသတ်တပ်ဖွဲ့ဝင်များနှင့်ဒေသခံပြည်သူများ၊ စုစုပေါင်း(၈၀)ဦး တက်ရောက်ပြီး ပျဥ်းကတိုး (၁၅၀)ပင်၊ ခရေ (၅၀)ပင်၊ မန်ဂျန်ရှား (၁၀၀)ပင်၊ စိန်ပန်း (၅၀)ပင်၊ မယ်ဇလီ(၅၀)ပင် ၊ စုစုပေါင်း (၄၀၀)ပင်အား အောင်မြင်စွာစိုက်ပျိုးခဲ့ကြောင်းသိရှိရပါသည်။

တနင်္သာရီတိုင်းဒေသကြီး၊ ကော့သောင်းခရိုင်၊ ကော့သောင်းမြို့နယ်၊ သစ်တောဦးစီး ဌာန၊ ၂၀၂၄ ခုနှစ်၊ မိုးရာသီ(အကြို) တိုင်းဒေသကြီးအဆင့် သစ်ပင်စိုက်ပျိုးပွဲတော်ကို ကော့သောင်းမြို့၊ ကော့သောင်းဂေါက်ကလပ်အတွင်း (၂၈.၅.၂၀၂၄)ရက်နေ့၊ နံနက်(၀၇:၃၀) နာရီအချိန်တွင် ကျင်းပဆောင်ရွက်ခဲ့ပါသည်။ အဆိုပါသစ်ပင်စိုက်ပွဲတော်သို့ တနင်္သာရီ တိုင်းဒေသကြီးအစိုးရအဖွဲ့ ဝန်ကြီးချုပ် ဦးမြတ်ကို တက်ရောက်၍ ပျဉ်းကတိုးပင်အား စိုက်ပျိုး ခဲ့ပြီး တိုင်းဒေသကြီးတရားသူကြီးချုပ်၊ အစိုးရအဖွဲ့ဝင်ဝန်ကြီးများ၊ စစ်ဗျူဟာမှူး၊ ကမ်းရိုးတန်း တိုင်းစစ်ဌာနချုပ်၊ တိုင်း၊ ခရိုင်၊ မြို့နယ်အဆင့်ဌာနဆိုင်ရာဝန်ထမ်းများ၊ ဆရာ၊ ဆရာမများ၊ အမျိုးသမီးရေးရာအသင်း၊ မိခင်နှင့်ကလေးစောင့်ရှောက်ရေးအသင်းနှင့် ဒေသခံပြည်သူများ စုစုပေါင်း (၃၅၀)ဦး တက်ရောက်ပြီး ကန့်ကော်(၁)ပင်၊ ပျဉ်းကတိုး(၁၀၄)ပင်၊ သင်္ကန်း(၃၂) ပင်၊ မန်ဂျန်ရှား (၃၂၀)ပင်နှင့် မဟော်ဂနီ (၁၀၃)ပင်၊ စုစုပေါင်း(၅၆၀)ပင်အား အောင်မြင်စွာ စိုက်ပျိုးဆောင်ရွက်ခဲ့ကြောင်း သိရှိရပါသည်။

သစ်တောဦးစီးဌာနဦးဆောင်၍ မကွေးတိုင်းဒေသကြီး၊ သစ်တောဦးစီးဌာန အစည်း အဝေးခန်းမတွင် နွေရာသီကျောင်းပိတ်ရက်၌ ကျောင်းသား/ကျောင်းသူများအား“ သစ်တော နှင့်ဇီဝမျိုးစုံမျိုးကွဲထိန်းသိမ်းရေးဆိုင်ရာ အသိပညာပေးဟောပြောပွဲ”ကို (၂၈-၄-၂၀၂၄) ရက်နေ့၊ ညနေပိုင်းတွင် ကျင်းပပြုလုပ်ရာ မကွေးတိုင်းဒေသကြီး၊ သစ်တောဦးစီးဌာနမှ လက်ထောက်ညွှန်ကြားရေးမှူး၊ ဦးထင်အောင်နှင့် မကွေးခရိုင် လက်ထောက်ညွှန်ကြားရေး မှူး၊ ဦးမျိုးအောင်နှင့်တို့က သစ်တောနှင့်ဇီဝမျိုးစုံမျိုးကွဲများဆိုင်ရာ အသိပညာပေးဟောပြော ခြင်း၊ သစ်တောများနှင့် ရာသီဥတုပြောင်းလဲမှုလျော့ချရေး၊ ရေဝေရေလဲထိန်းသိမ်းရေး ဟောပြောခြင်းနှင့် မကွေးမြို့နယ်၊ ဦးစီးအရာရှိ ဦးလင်းရာဇာမှသစ်တောများမှ ပေးစွမ်းနိုင် သော အကျိုးကျေးဇူးများ ဟောပြောခြင်းများ‌ ဆောင်ရွက်ခဲ့ကြပြီး မကွေးတိုင်းဒေသကြီး၊ ညွှန်ကြားရေးမှူးရုံးဝင်းအတွင်းရှိ မြို့မဥယျာဉ်၌ ၂၀၂၄-၂၀၂၅ ဘဏ္ဍာနှစ်တွင် ပျိုးထောင် ထားသည့် ပျိုးပင်များလေ့လာနိုင်ရန် ပြသဆောင်ရွက်ခဲ့ကြပါသည်။ ဟောပြောပွဲသို့ ဆရာ/ ဆရာမနှင့် ကျောင်းသား/ ကျောင်းသူ စုစုပေါင်း(၅၈)ဦး တက်ရောက်ခဲ့ကြောင်း သတင်း ရရှိပါသည်။