သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

(၇.၅.၂၀၂၆)ရက်နေ့(၉:၀၀)နာရီအချိန်တွင်နွေရာသီကာလအတွင်း တောမီးနှင့် အခြားမီးများကြောင့် မီးလောင်မှုအရေအတွက်များပြားနေခြင်းကို လျော့ချရေးနှင့် မီးခိုးမြူငွေ့့ ညစ်ညမ်းမှု ထိန်းချုပ်ရေး အသိပညာပေးဟောပြောပွဲ"အားသထုံမြို့နယ်၊ ဇရစ်ချောင်ကျေးရွာအုပ်စု၊ ဇရစ်ချောင်ကျေးရွာအုပ်ချုပ်ရေးမှူးရုံး၌ ကျင်းပပြုလုပ်ရာ ဟောပြောပွဲသို့ ဇရစ်ချောင်ကျေးရွာမှ ကျေးရွာသား (၄၈)ဦး၊ ကျေးရွာသူ (၃)ဦး၊ သစ်တောဝန်ထမ်း (၄)ဦးစုစုပေါင်း(၅၅)ဦး တက်ရောက်ခဲ့ကြပြီး အဆိုပါဟောပြောပွဲတွင်သထုံမြို့နယ်၊ သစ်တောဦးစီးဌာနာ၊တောအုပ်ကြီး ဦးဟိန်းဘိုဟန်မှနွေရာသီကာလအတွင်း တောမီးနှင့် အခြားမီးများကြောင့် မီးလောင်မှုအရေအတွက်များပြားနေခြင်းကို လျော့ချရေးနှင့် မီးခိုးမြူငွေ့့ ညစ်ညမ်းမှု ထိန်းချုပ်ရေး အကြောင်းများ ဟောပြောခဲ့ပြီးလက်ကမ်းစာစောင်ဖြန့်ဝေခြင်းများ‌ဆောင်ရွက်ခဲ့ပါကြောင်း သတင်းရရှိသည်။

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ ဒုတိယဝန်ကြီး ဒေါက်တာသောင်းနိုင်ဦးသည် မေလ(၈)ရက်နေ့နံနက်ပိုင်းတွင် မန္တလေးတိုင်းဒေသကြီးအတွင်း ဝန်ကြီးဌာနအောက်ရှိ ဌာနအသီးသီးမှ ဝန်ထမ်းများအားတွေ့ဆုံခြင်းနှင့် လုပ်ငန်းများဆောင်ရွက် နေမှုအခြေအနေများကို သွားရောက်ကြည့်ရှု့စစ်ဆေးရာ မန္တလေးတိုင်းဒေသကြီး၊ သစ်တောဦးစီးဌာန၊ ညွှန်ကြားရေးမှူးနှင့်တာဝန်ရှိသူများ လိုက်ပါခဲ့သည်။ ရှေးဦးစွာ ဒုတိယဝန်ကြီးသည် ရမည်းသင်းမြို့နယ်၊ သစ်တောဦးစီးဌာနရုံး၊ ရှင်းလင်းဆောင်တွင် ရမည်းသင်းခရိုင်အတွင်းရှိ သစ်တောဦးစီးဌာန၊ အပူပိုင်းဒေသစိမ်းလန်းစိုပြည်ရေးဦးစီးဌာနနှင့် ပတ်ဝန်းကျင်ထိန်းသိမ်းရေးဦးစီးဌာနတို့မှ ဝန်ထမ်းများအားတွေ့ဆုံ၍ အမှာစကားပြောကြားရာတွင် မိမိတို့ဝန်ကြီးဌာနအောက်ရှိ ဝန်ထမ်းများအနေဖြင့် ရာသီဥတု ပြောင်းလဲမှုကိုလျော့ချနိုင်ရေးနှင့် သဘာဝသယံဇာတများကို ထိန်းသိမ်းစောင့်ရှောက်နေကြသူ များဖြစ်သည့်အတွက် မိမိတို့၏လုပ်ငန်းကဏ္ဍများအပေါ် ဂုဏ်ယူကြရန်လိုအပ်ကြောင်း၊ မိမိတို့ ဦးစီးဌာနအလိုက် လက်ရှိဆောင်ရွက်လျက်ရှိသော စိုက်ခင်းတည်‌ထောင်ခြင်းလုပ်ငန်းများနှင့် စိမ်းလန်းစိုပြည်ရေးလုပ်ငန်းများအား မိုးဦးကျရာသီအချိန်မှီ ပြီးစီးအောင်ဆောင်ရွက်‌ရေး၊ တစ်ပင်စိုက်တစ်ပင်ရှင်သန်ရေးနှင့် လုပ်ငန်းများဆောင်ရွက်ရာတွင် တာဝန်ယူမှု၊ တာဝန်ခံမှုဖြင့် အဂတိကင်းရှင်းစွာဆောင်ရွက်ရေး၊ မီးခိုးမြူ‌ငွေ့နှင့်ပတ်သက်သည့် အန္တရာယ်များအား ပြည်သူများပိုမိုသိရှိစေရန် အသိပညာပေးမှုများ စဉ်ဆက်မပြတ်ဆောင်ရွက်ရေး၊ နိုင်ငံ၏ သစ်‌တောသယံဇာတများဆုံးရှုံးမှုမရှိစေရေး တရားမဝင်သစ်ဖမ်းဆီးခြင်းများအား သတင်းရယူ၊ စုံစမ်းဖော်ထုတ်ဖမ်းဆီးရေးနှင့် အပူပိုင်းဒေသ(၁၃)ခရိုင် စိမ်းလန်းစိုပြည်ရေးလုပ်ငန်းများ အရှိန်အဟုန်မပြတ် ဆောင်ရွက်ရေးတို့ကို မှာကြားခဲ့ပါသည်။

ပြင်ဦးလွင်မြို့ရှိ မြန်မာနိုင်ငံသစ်တောကျောင်း၊ ကျွန်းရတနာခန်းမ၌ ၂၀၂၆-၂၀၂၇ ပညာသင်နှစ်အတွက် အခြေခံသစ်တောပညာသင်တန်း အမှတ်စဉ် (၁၂၀) ဖွင့်ပွဲအခမ်းအနားကို (၈-၅-၂၀၂၆) ရက် သောကြာနေ့ နံနက် ၉:၀၀ နာရီအချိန်တွင် ကျင်းပရာ သစ်တောဦးစီးဌာန၊ ညွှန်ကြားရေးမှူးချုပ် ဦးကျော်ဇေယျ တက်ရောက်၍ အဖွင့်အမှာစကားပြောကြားသည်။အခမ်းအနားသို့ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာနအောက်ရှိ သက်ဆိုင်ရာ လုပ်ငန်း/ဌာနတို့မှ ညွှန်ကြားရေးမှူးများ၊ ဒုတိယအထွေထွေမန်နေဂျာနှင့် ဖိတ်ကြားထားသော ဧည့်သည်တော်များ၊မြန်မာနိုင်ငံသစ်တောကျောင်းမှ တာဝန်ရှိသူများနှင့် သင်တန်းသားများ စုစုပေါင်း (၂၂၉) ဦး တက်ရောက်ခဲ့ကြသည်။ဦးစွာသစ်တောဦးစီးဌာန၊ ညွှန်ကြားရေးမှူးချုပ် ဦးကျော်ဇေယျက အဖွင့်အမှာစကား ပြောကြားရာတွင် မြန်မာနိုင်ငံသစ်တောကျောင်း၏ သမိုင်းကြောင်းနှင့် သင်တန်းဖွင့်လှစ်ရခြင်း ရည်ရွယ်ချက်များကို ရှင်းလင်း ပြောကြားပြီးသင်တန်းသားများအနေဖြင့် သင်တန်းစည်းကမ်းနှင့် အမှတ်ပေးစည်းမျဉ်းများကို စနစ်တကျ လိုက်နာရန်၊ ဘာသာရပ်များကို ကြိုးစားသင်ယူလေ့လာ၍ နိုင်ငံနှင့်ဌာနအကျိုးကို သယ်ပိုးနိုင်သည့် စွမ်းဆောင်ရည်မြင့်မားသော ဝန်ထမ်းကောင်းများဖြစ်အောင် ကြိုးစားကြရန် တိုက်တွန်းမှာကြားသည်။