သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

ရှမ်းပြည်နယ်(မြောက်ပိုင်း)၊ သစ်တောဦးစီးဌာနမှ ကြီးမှူး၍ (၁၁-၁၁-၂၀၂၅)ရက်နေ့ (၁၃:၃၀)နာရီအချိန်တွင် လားရှိုးမြို့၊ ပြည်နယ်သစ်တောဝင်း၊ ချယ်ရီရိပ်သာရှင်းလင်းဆောင်၌ "သစ်တောထိန်းသိမ်းရေး၊ တောမီးကာကွယ်ရေးနှင့် မီးခိုးမြူငွေ့လျှော့ချရေးဆိုင်ရာ (ပြည်နယ်အဆင့် )အသိပညာပေးဟောပြောပွဲ " ကျင်းပပြုလုပ်ခဲ့ရာ အခမ်းအနားတွင် ပြည်နယ်အစိုးရအုပ်ချုပ်ရေးအဖွဲ့ခွဲ (ရှမ်းမြောက်) အဖွဲ့ဝင် ဦးစိုင်းဝင်းနောင်မှ အဖွင့်အမှာစကားပြောကြားခဲ့ပါသည်။ ထို့နောက် ရှမ်းပြည်နယ်(မြောက်ပိုင်း)၊သစ်တောဦးစီးဌာန၊ တွဲဖက်ပြည်နယ်အရာရှိ ဒုတိယညွှန်ကြားရေးမှူး ဦးစိုးမိုးမှ "သစ်တောထိန်းသိမ်းရေး၊တောမီးကာကွယ်ရေးနှင့် မီးခိုးမြူငွေ့လျှော့ချရေးဆိုင်ရာ" သိကောင်းစရာများကို ဆွေးနွေးဟောပြောခဲ့ပြီး တက်ရောက်လာသူများမှ သိရှိလိုသည်များအား မေးမြန်းမှုများအပေါ် ဒုတိယညွှန်ကြားရေးမှူး ဦးစိုးမိုးမှ ပြန်လည်ရှင်းလင်းဖြေကြားခဲပြီး တက်ရောက်လာသည့် ကျောင်းသား/ကျောင်းသူများအား ကျောင်းအသုံးအဆောင်ပစ္စည်းများ အမှတ်တရ လက်ဆောင် ပေးအပ်ခဲ့ပါသည်။ ဟောပြောပွဲအခမ်းအနားသို့ ပြည်နယ်အစိုးရအုပ်ချုပ်ရေး အဖွဲ့ခွဲ (ရှမ်းမြောက်) အဖွဲ့ဝင်များ၊ ပြည်နယ်/ခရိုင်/မြို့နယ်အဆင့်ဌာနဆိုင်ရာ အကြီးအကဲများ ၊ မြန်မာနိုင်ငံရဲတပ်ဖွဲ့နှင့် မြန်မာနိုင်ငံမီးသတ်တပ်ဖွဲ့ဝင်များ ၊ မြို့ပေါ်ရပ်ကွက်(၁၂)ရပ်ကွက်မှ ရပ်ကွက် အုပ်ချုပ်ရေးမှူးများ၊ဆရာ/ဆရာမ နှင့် ကျောင်းသား/သူများ၊ ဒေသခံပြည်သူများနှင့် သစ်တောဦစီးဌာနမှ ဝန်ထမ်းများ အပါအဝင် စုစုပေါင်း တက်ရောက်အင်အား (၁၂၅) ဦး ၊(ကျား ၁၀၈ ဦး+မ ၁၇ ဦး)တက်ရောက်ခဲ့ပါကြောင်းသတင်းရရှိပါသည်။

ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ်၊ လက်ခုပ်ကုန်းကျေးရွာ (အ.ထ.က)ကျောင်း၊ ခန်းမ၌(၁၁.၁၁.၂၀၂၅) ရက်နေ့၊ နံနက်(၁၀:၀၀) အချိန်တွင်“သစ်တောထိန်း သိမ်းရေး၊ တောမီးကာကွယ်ရေးနှင့် မီးခိုးမြူငွေ့လျှော့ချရေးဆိုင်ရာ အသိပညာပေးဟောပြောပွဲ” ကျင်းပခဲ့ရာ ကွမ်းခြံကုန်းမြို့နယ်အတွင်းရှိ ကျေးရွာအုပ်စုအုပ်ချုပ်ရေးမှူးနှင့်ကျေးရွာတောင်သူများ(၁၁)ဦး၊ကျောင်းသား/ကျောင်းသူ(၈၀)ဦး၊ကျား(၂၉)ဦး၊ မ(၆၂)ဦးစုစုပေါင်း (၉၁) ဦးတက်ရောက်ခဲ့ပါသည်။ ဆွေးနွေးပွဲတွင် ရန်ကုန်အနောက်ပိုင်း ခရိုင်သစ်တောဦးစီးဌာနမှူး၊ လက်ထောက်ညွှန်ကြားရေးမှူး ဦးခင်မောင်မြင့် က သစ်တောများကပေးစွမ်းနိုင် သောအကျိုးကျေးဇူး၊ မြန်မာနိုင်ငံသစ်တောဖုံးလွှမ်းမှုပြောင်းလဲလာခြင်းနှင့် ပြောင်းလဲမှုအကြောင်း ရင်းများ၊ သစ်တောများပြန်လည်တည်ထောင်ရေးစီမံကိန်းလုပ်ငန်းများအကြောင်း၊ မီးခိုးမြူငွေ့များ ဖြစ်ပေါ်စေသည့်တောမီးဆိုင်ရာအကြောင်းများ၊ လေထုညစ်ညမ်းမှု၏ ဆိုးကျိုးများ၊ ပြည်သူလူထု ပူးပေါင်းပါဝင်သော သစ်တောထိန်းသိမ်းရေး၊ မီးခိုးမြူငွေ့လျှော့ချရေးနှင့် တောမီးလောင်ကျွမ်းမှု လျှော့ချစေနိုင်မည့်နည်းလမ်းများကို အသိပညာပေးဆွေးနွေးဟောပြောခဲ့ပြီးလက်ကမ်းစာစောင်များ ဖြန့်ဝေဆောင်ရွက်ခဲ့ပါကြောင်း သတင်းရရှိသည်။

ပဲခူးခရိုင်၊ သစ်တောဦးစီးဌာနမှ သစ်တောထိန်းသိမ်းရေး၊ တောမီးကာကွယ်ရေးနှင့် မီးခိုးမြူငွေ့လျော့ချရေးဆိုင်ရာ ခရိုင်အဆင့် အသိပညာပေးဟောပြောပွဲ အခမ်းအနားကို (၁၁-၁၁-၂၀၂၅)ရက်နေ့၊ နံနက် (၀၉:၀၀)နာရီ၌ အခြေခံပညာအထက်တန်းကျောင်း၊ စာကလေးကွင်း၊ ပဲခူးမြို့တွင် ကျင်းပဆောင်ရွက်ခဲ့ရာ အ.ထ.က၊ စာကလေးကွင်း၊ ပဲခူးမြို့မှ ကျောင်းအုပ်ဆရာမကြီးနှင့် ဆရာ/ဆရာမများ (၆)ဦး၊ ကျောင်းသား/ကျောင်းသူများ (၁၅၀)ဦးနှင့် သစ်တောဦးစီးဌာနမှ ဝန်ထမ်းများ (၆)ဦး၊ စုစုပေါင်း (၁၆၂)ဦးတက်ရောက်ခဲ့ကြပါသည်။အခမ်းအနားတွင် အ.ထ.က၊ စာကလေးကွင်း၊ ပဲခူးမြို့၊ ကျောင်းအုပ်ဆရာမကြီး၊ ဒေါ်မြင့်မြင့်ချိုမှ အဖွင့်အမှာစကားပြောကြားခဲ့ပြီး ပဲခူးခရိုင်၊ သစ်တောဦးစီးဌာန၊ လက်ထောက်ညွှန်ကြားရေးမှူး၊ ဦးဇော်ဇော်အောင်မှ သစ်တောထိန်းသိမ်းရေး၊ တောမီးကာကွယ်ရေးနှင့် မီးခိုးမြူငွေ့လျော့ချရေးဆိုင်ရာ အကြောင်းအရာများကို တက်ရောက်လာသူများသို့ အသိပညာပေးဆွေးနွေးဟောပြောခဲ့ပါသည်။ထို့နောက် တက်ရောက်လာသူများမှ သိရှိလိုသည်များအပေါ် ပြန်လည်ရှင်းလင်းဖြေကြားခြင်း၊ သဘာဝပတ်ဝန်းကျင်ထိန်းသိမ်းရေးဆိုင်ရာ Video Clip ပြသခြင်း၊ မီးခိုးမြူငွေ့လျော့ချရေးဆိုင်ရာ လက်ကမ်းစာစောင်များ ဖြန့်ဝေပေးခြင်း၊ တက်ရောက်လာသူ ကျောင်းသား/ကျောင်းသူများအတွက် ဗလာစာအုပ်နှင့် ဘောပင်များ အမှတ်တရလက်ဆောင်ပေးအပ်ခဲ့ပါကြောင်း သတင်းရရှိသည်။