Welcome to Forest Department
No front page content has been created yet.
သတင်းနှင့်ကြေငြာချက်များ
၇၆ နှစ်မြောက် ချင်းအမျိုးသားနေ့ကို (၂၀-၂-၂၀၂၄) ရက်နေ့တွင် ဟားခါးမြို့၊ ဗျူဟာကုန်း တွင် ကျင်းပဆောင်ရွက်ခဲ့ရာ နိုင်ငံတော်စီမံအုပ်ချုပ်ရေးကောင်စီအဖွဲ့ဝင်၊ ဒုတိယဝန်ကြီးချုပ် နှင့် ပို့ဆောင်ရေးနှင့် ဆက်သွယ်ရေးဝန်ကြီးဌာန ပြည်ထောင်စုဝန်ကြီး ဗိုလ်ချုပ်ကြီး မြထွန်းဦး
ဦးဆောင်၍ နိုင်ငံတော်စီမံအုပ်ချုပ်ရေးကောင်စီအဖွဲ့ဝင်များ၊ ပြည်ထောင်စုဝန်ကြီးများ၊ ဒုတိယဝန်ကြီးများနှင့် ချင်းပြည်နယ်ဝန်ကြီးချုပ် ဒေါက်တာ ဝုန်ဆွန်းထန်နှင့် ချင်းအစိုးရ အဖွဲ့ဝင် များတက်ရောက်ခဲ့ကြပါသည်။ ဖွင့်ပွဲအခမ်းအနားအပြီးတွင် တက်ရောက်လာသူများ မှ ပြခန်းများအား လှည်လည်ကြည့်ရှုရာ သယံဇာတနှင့် သဘာဝပတ်ဝန်းကျင်ထိန်းသိမ်းရေး ဝန်ကြီးဌာနပြခန်းတွင် သစ်တောဦးစီးဌာန တာဝန်ရှိဝန်ထမ်းများက ခင်းကျင်းပြသမှုများနှင့် စပ်လျဉ်း၍ ရှင်းလင်းတင်ပြခဲ့ပါသည်။ ပြခန်းတွင် ကျောင်းသား/ ကျောင်းသူများ၊ တက် ရောက်လာသောပြည်သူများနှင့် စည်ကားလျက်ရှိကြောင်းသိရှိရပါသည်။
(၃၅)ကြိမ်မြောက် သစ်တော၊ သတ္တုနှင့် ပတ်ဝန်းကျင်ဆိုင်ရာ သုတေသနစာတမ်းဖတ်ပွဲ ဖွင့်ပွဲ အခမ်းအနားကို ယနေ့နံနက်ပိုင်းတွင် သစ်တောသုတေသနဌာန၊ စုဝေးခန်းမ၊ ရေဆင်း၌ ကျင်းပ ပြုလုပ်ရာ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ ပြည်ထောင်စုဝန်ကြီး ဦးခင်မောင်ရီ၊ အမြဲတမ်းအတွင်းဝန်၊ ညွှန်ကြားရေးမှူးချုပ်များ၊ ဦးဆောင်ညွှန်ကြားရေးမှူးများ၊ ရေဆင်းတက္ကသိုလ်များမှ ပါမောက္ခချုပ်များ၊ အငြိမ်းစား သစ်တောအရာရှိကြီးများ၊ တိုင်းဒေသကြီးနှင့်ပြည်နယ်များမှ ကိုယ်စားလှယ် များ၊ သုတေသန စာတမ်းရှင်များနှင့် တာဝန်ရှိသူများ တက်ရောက်ကြသည်။
အမျိုးသားမြေအသုံးချမှုကောင်စီ အတွင်းရေးမှူးများအဖွဲ့ အစည်းအဝေးကို (၂၀-၂-၂၀၂၄) ရက်နေ့၊ မွန်းလွဲ(၁၃:၀၀)နာရီတွင် သစ်တောဦးစီးဌာန၊ ညွှန်ကြားရေးမှူးချုပ်ရုံး၊ အစည်းအဝေးခန်းမ၌ ကျင်းပပြုလုပ်ရာ အဖွဲ့ခေါင်းဆောင်၊ သယံဇာတနှင့် သဘာဝပတ်ဝန်းကျင်ထိန်းသိမ်းရေး ဝန်ကြီးဌာန၊ အမြဲတမ်းအတွင်းဝန်၊ ဦးလှမောင်သိန်း အဖွင့်အမှာစကားပြောကြားသည်။ အမြဲတမ်း အတွင်းဝန်က အဖွင့်အမှာစကားပြောကြားရာတွင် မြေအသုံးချမှုများစီမံခန့်ခွဲရာတွင် အထောက်အကူပြုရန်အတွက် မြေနှင့်သက်ဆိုင်သည့်မှတ်တမ်းများ၊ သတင်းအချက်အလက်များ တိကျမှန် ကန်စေရေး၊ အများပြည်သူအား ပွင့်လင်းမြင်သာစွာသိရှိစေရေး ဆောင်ရွက်ရမည့်ကိစ္စရပ်များ၊ မြေစီမံခန့်ခွဲခြင်း၊ မြေခွဲဝေချထားခြင်း၊ အသုံးချမှုစီမံကိန်းလုပ်ငန်းများ အရည်အသွေးကောင်းမွန် စေခြင်းနှင့် မြေအသုံးချမှုမူဝါဒ အကောင်အထည်ဖော်ခြင်းများနှင့်ပတ်သက်ပြီး လမ်းညွှန်ကြီးကြပ် ရမည့်ကိစ္စရပ်များသည် အစဉ်တစိုက်လုပ်ဆောင်ရမည့် ကိစ္စများဖြစ်ကြောင်း၊ အဓိကရည်ရွယ်ချက် နှင့်အညီ ကောင်စီ၏ လုပ်ငန်းတာဝန်(၁၀)ရပ်အပေါ် ဆောင်ရွက်ပြီးစီးမှုများကို Update လုပ်နေရ မှာဖြစ်သလို အဖွဲ့ဝင်များအနေဖြင့် ပွင့်ပွင့်လင်းလင်းဆွေးနွေးကြရန်တိုက်တွန်းကြောင်း ပြောကြား သည်။ အစည်းအဝေးသို့ အမျိုးသားမြေအသုံးချမှုကောင်စီအတွင်းရေးမှူးများအဖွဲ့ဝင် ညွှန်ကြား ရေးမှူးချုပ်များနှင့် ဒုတိယညွှန်ကြားရေးမှူးချုပ်များ တတ်ရောက်ဆွေးနွေးကြောင်း သတင်းရရှိ ပါသည်။
(၃၅)ကြိမ်မြောက် သစ်တော၊ သတ္တုနှင့် ပတ်ဝန်းကျင်ဆိုင်ရာ သုတေသနစာတမ်းဖတ်ပွဲ ပထမနေ့အဖြစ် ပြည်ထောင်စုနယ်မြေ ၊ နေပြည်တော်၊ ရေဆင်း၊ သစ်တောသုတေသန၊ စုဝေး ခန်းမ၌ (၂၀-၂-၂-၂၀၂၄) ရက်နေ့၊ နံနက် (၁၀:၀၀) နာရီအချိန်တွင် ကျင်းပပြုလုပ်ရာ သဘာပတိများအဖြစ် သစ်တောဦးစီးဌာန၊ ဒုတိယညွှန်ကြားရေးမှူးချုပ်(မူဝါဒနှင့်စီမံကိန်း) ဦးဖေချစ်၊ ညွှန်ကြားရေးမှူးချုပ်(ငြိမ်း)ဒေါက်တာညီညီကျော်၊ သတ္တုတွင်းဦးစီးဌာန၊ ညွှန်ကြားရေးမှူးချုပ် ဦးကျော်သက်၊ သစ်တောနှင့်ပတ်ဝန်းကျင်ဆိုင်ရာတက္ကသိုလ်မှ တွဲဖက်ပါမောက္ခ ဒေါ်ခင်ကြည်တို့မှ ဆောင်ရွက်ခဲ့ကြပြီး ဇီဝမျိုးစုံမျိုးကွဲ လေ့လာဆန်းစစ်ခြင်း၊ သစ်တောစီမံအုပ်ချုပ်ခြင်းနှင့် စိုက်ပျိုးပြုစုခြင်းဆိုင်ရာ စာတမ်း(၅)စောင် ၊ သစ်တောကဏ္ဍဆိုင်ရာ စာတမ်း(၅)စောင်၊ အပင် ရောဂါနှင့် အင်းဆက်ပိုးမွှားကာကွယ်နှိမ်နင်းခြင်းဆိုင်ရာ စာတမ်း(၂)စောင် စုစုပေါင်းသုတေသနစာတမ်း (၁၂) စောင်ဖတ်ကြားခဲ့ပါသည်။
နေပြည်တော်၊ ပြည်နယ်နှင့် တိုင်းဒေသကြီး သစ်တောဦးစီးဌာနများမှ ပေးပို့လာသော စာရင်းများအရ တရားမဝင် ကျွန်း (၆၄.၀၇၈၇)တန်၊ သစ်မာ (၁၂.၅၇၈၄)တန်၊ အခြား (၅၁.၁၈၅၈)တန်၊ စုစုပေါင်း (၁၂၇.၈၄၂၉)တန်၊ ယာဉ်/ ယန္တရား (၈)စီး၊ တရားခံ (၂၂) ဦး ဖမ်းဆီးရမိခဲ့ပါသည်- ဖမ်းဆီးရမိမှုများအနက် အများဆုံးဖမ်းဆီးရမိမှုမှာ ၁၇-၂-၂၀၂၄ ရက်နေ့၊ နေပြည်တော်၊ ဒက္ခိဏခရိုင်၊ လယ်ဝေးမြို့နယ်၊ မြို့မဘိနယ်၊ သာစည်ကျေးရွာဘုန်းကြီးကျောင်း၏ အနောက်ဘက်ကပ်လျက် ငှက်ပျောြခံအတွင်း/ ကြက်သွန်ခင်းကျေးရွာနေ ဒေါ်စန်းဝင်း၏ နေအိမ်ခြံဝင်းအတွင်း၊ ဦးဇေယျာဦး၏ နေအိမ်ခြံဝင်းအတွင်း၊ ဦးကျော်မင်းအောင်၏ နေအိမ်ခြံဝင်းအတွင်း၊ ဦးလှမိုး၏ နေအိမ်ခြံဝင်းအတွင်း/ ပေါက်ပင်သာ(တဲစု)ရွာ အနောက်ဘက် ဆည်မြောင်းဘောင်ပေါ်/ ရွာဘုန်းကြီးကျောင်းအနောက်ဘက် ခြံဝင်း အလွတ်အတွင်း/ ရွာအနောက်ဘက် လယ်ကွင်းစပ်/ ရွာအရှေ့ဘက် လယ်ဝင်းစပ်/ ပေါက်ပင်သာ(တဲစု)ရွာနေ ဦးနန်းဝင်း၏ နေအိမ်ခြံဝင်းအတွင်း တို့မှ တရားမဝင် ကျွန်း သစ်လုံး/ခွဲသား/လုံးပတ်၃ပေအောက်သစ်/ဆက်တီ (၃၂၈) လုံး/ချောင်း (၂၂.၈၇၁၂)တန်၊ ကား (၁)စီး၊ အင်ဂျင် (၂)လုံး၊ လွှဝိုင်း (၂)ဝိုင်းနှင့်ဆက်စပ်ပစ္စည်းများ၊ တရားခံ (၅)ဦး ဖမ်းဆီးရမိမှုဖြစ်ပါသည်-
၁၈-၂-၂၀၂၄ ရက်နေ့၊ နံနက်ပိုင်းတွင် ပုပ္ပါးတောင်ဥယျာဉ်အုပ်ချုပ်ရေးမှူးနှင့် အတူ ဝန်ထမ်းများ ဌာနဆိုင်ရာများ ပုပ္ပါးချစ်သူများ စုစုပေါင်းအင်အား (၂၀၀)ခန့်သည် Keep Popa Alive အဖွဲ့၏ ကူညီပံ့ပိုးမှုဖြင့် ပုပ္ပါးတောင်မကြီး တောင်တက်လမ်းတစ်လျှောက် အမှိုက်များ ကောက်ယူခြင်း၊ သန့်ရှင်းရေး ပြုလုပ်ခြင်းများ ဆောင်ရွက်ခဲ့ပါသည်။ အဆိုပါအဖွဲ့သည် အမှိုက်ကောက် ခြင်းနှင့် သန့်ရှင်းရေးလုပ်ငန်းမျာအား ပတ်ဝန်းကျင်စိမ်းလန်း စိုပြည်ရေးနှင့် ပုပ္ပါးတောင်သာယာလှပရေးအတွက် နံနက်(၀၇:၀၀)မှ နေ့လယ်(၁၅:၀၀) နာရီအထိ ဆောင်ရွက်ခဲ့ကြောင်းသိရှိရပါသည်။
ပြည်ထောင်စုသမ္မတမြန်မာနိုင်ငံတော်အစိုးရ၊ သယံဇာတနှင့် သဘာဝပတ်ဝန်းကျင်ထိန်း သိမ်းရေးဝန်ကြီးဌာနသည် ၂၀၁၈ ခုနှစ်၊ သစ်တောဥပဒေပုဒ်မ၆၊ ပုဒ်မခွဲ(င)အရ အပ်နှင်းထားသော လုပ်ပိုင်ခွင့်များကိုကျင့်သုံးလျက် တနင်္သာရီတိုင်းဒေသကြီး၊ မြိတ်ခရိုင်၊ ကျွန်းစုမြို့နယ်အတွင်း ကျရောက်နေသည့် ဧရိယာအကျယ်အဝန်း ၁,၂၆၉ ဧက ရှိသောနယ်မြေကို “သယောကြီးကျွန်း ဒီရေတောကြိုးပြင်ကာကွယ်တော”အဖြစ် အမိန့်ကြော်ငြာစာအမှတ်(၁၅/၂၀၂၄)အရ ၁၃၈၅ ခုနှစ်၊ တပို့တွဲလဆန်း(၆)ရက်၊ (၂၀၂၄ ခုနှစ်၊ ဖေဖော်ဝါရီလ ၁၅ ရက်)မှစ၍ သတ်မှတ်ကြောင်း ကြေညာ လိုက်သည်။
၁၉-၂-၂၀၂၄ ရက်နေ့၊ နံနက်(၁၀:၀၀)နာရီတွင် သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန၊ သစ်တောဦးစီးဌာန၊ ညွှန်ကြားရေးမှူးချုပ်ရုံး၊ အင်ကြင်း ခန်းမ၌ ပြည်ပနိုင်ငံများသို့ သွားရောက်ခဲ့ပြီး ပြန်လည်ရောက်ရှိလာသော ဝန်ထမ်းများမှ အတွေ့ အကြုံရှင်းလင်းခြင်းအစီအစဉ်ကို ကျင်းပပြုလုပ်ခဲ့ရာညွှန်ကြားရေးမှူးချုပ်ရုံးမှ အရာထမ်း၊ အမှုထမ်းများ တက်ရောက်ခဲ့ပါသည်။ အစီအစဉ်အရ ဒေါက်တာ ဝေငြိမ်းအေး(ဦးစီးအရာရှိ) ရေဝေရေလဲဒေသအုပ်ချုပ်ရေးဌာနက တရုတ်ပြည်သူ့ သမ္မတနိုင်ငတွင် ကျင်းပသည့် သစ်တောဂေဟဗေဒဆိုင်ရာပါရဂူဘွဲ့သင်တန်း နှင့် ဦးသွင်ကိုကိုထွန်း(ဦးစီးအရာရှိ)စစ်ဆေးရေးဌာနက တရုတ်ပြည်သူ့သမ္မတနိုင်ငံတွင် ကျင်းပသည့် ရေချိုဇီဝမျိုးစုံမျိုးကွဲဆိုင်ရာ မဟာသိပ္ပံဘွဲ့သင်တန်းတက်ရောက်ခဲ့သည် အတွေ့အကြုံဗဟုသုတများကို ရှင်းလင်းဆွေးနွေးခြင်းတို့ကို ဆောင်ရွက်ခဲ့ရာ တက်ရောက်လာသူများမှ အပြန်အလှန် ဆွေးနွေးခဲ့ကြပါသည်။