သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

ရှမ်းပြည်နယ်(မြောက်ပိုင်း)၊လားရှိုးခရိုင် ၊ တန့်ယန်းမြို့နယ်၊ သစ်တောဦးစီးဌာနမှ (၁၆-၅-၂၀၂၆)ရက်နေ့ နံနက် (၁၀:၀၀)နာရီအချိန် တန့်ယန်းမြို့နယ်၊ ဟွေကြိမ်ကျေးရွာအုပ်စု၊ ဟွေဆော့ကျေးရွာ၊ ကျေးရွာခန်းမ၌ "ရေသယံဇာတထိန်းသိမ်းရေး၊ တောမီးကာကွယ်ရေးနှင့် မီးခိုးမြူငွေ့လျှော့ချရေးဆိုင်ရာ အသိပညာပေးဟောပြောပွဲ " ကျင်းပပြုလုပ်ခဲ့ရာ တန့်ယန်းမြို့နယ်၊ သစ်တောဦးစီးဌာနမှ မြို့နယ်ဦးစီးဌာနမှူး ဦးအိုက်ပေါင်းအောင်က "သစ်တောထိန်းသိမ်းရေး၊ ရေချွေတာရေးနှင့် တောမီးကာကွယ်ရေး၊ မီးခိုးမြူ‌ငွေ့လျော့ချရေး"သိကောင်းစရာများ၊ တန့်ယန်းမြို့နယ်၊ စိုက်ပျိုးရေးဦးစီးဌာန၊ မြို့နယ်ဦးစီးမှူးဦးလှစိုးဝင်းက "ရွှေ့ပြောင်းတောင်ယာလျော့နည်းပပျောက်ရေး၊ မီးခိုးမြူငွေလျော့ချရေးဆိုင်ရာ" အသိပညာများအား ဟောပြောပို့ချခဲ့ပါကြောင်းနှင့် တက်ရောက်လာသူ ဒေသခံပြည်သူများက သိလိုသည်များကိုမေးမြန်းခဲ့ရာ သက်ဆိုင်ရာဌာနများမှ ပြန်လည်ဖြေကြားခဲ့ပါသည်။ ဟောပြောပွဲသို့ ကျား (၃၅)ဦး၊ မ (၂၅)ဦးစုစုပေါင်း (၆၀)ဦးတက်ရောက်ခဲ့ပါကြောင်း သတင်းရရှိပါသည်။

(၁၁:၀၀)နာရီအချိန်ခန့်တွင်မိုးညှင်းမြို့နယ်၊ (၇)မိုင်ကျေးရွာအုပ်စုဇီးကုန်းကျေးရွာ၊ ဘုန်းတော်ကြီးကျောင်းဓမ္မာရုံတွင်သစ်တောထိန်းသိမ်းရေး၊ ရေသယံဇာတထိန်းသိမ်းရေးနှင့် မီးခိုးမြူငွေ့လျှော့ချရေး ဆိုင်ရာအသိပညာပေးဟောပြောပွဲနှင့် သစ်တောမြေနှင့် သစ်တောမြေပြင်ပတွင် စိုက်ပျိုးထားသော သစ်တောသစ်ပင်များ မှတ်ပုံတင်စာရင်းရေးသွင်းနိုင်ရန် အသိပညာပေးဟောပြောပွဲကျင်းပပြုလုပ်ခဲ့ရာ မိုးညှင်းမြို့နယ်၊ သစ်တောဦးစီးဌာနမှူးရုံးမှ တောအုပ်ကြီး ဦးစိုးညွန့်အောင်မှ " သစ်တောထိန်းသိမ်းရေး၊ ရေသယံဇာတထိန်းသိမ်းရေးနှင့် မီးခိုးမြူငွေ့လျှော့ချရေးဆိုင်ရာ" သိကောင်းစရာများကို ဟောပြောပို့ချခဲ့ ပါ‌ကြောင်း၊ မြို့နယ်သစ်တောဦးစီးဌာနမှူးရုံးမှ တောအုပ် ဦးကျော်စွာဟိန်းမှ "သစ်တောမြေနှင့် သစ်တောမြေပြင်ပတွင် စိုက်ပျိုးထားသော သစ်တောသစ်ပင်များ စာရင်းရေးသွင်းနိုင် ရေးဆိုင်ရာများအား ရှင်းလင်းဟောပြောခဲ့ပါကြောင်း၊ တက်ရောက်လာသူ ပြည်သူများက သိလိုသည်များကိုမေးမြန်းခဲ့ရာ တောအုပ်ကြီးမှပြန်လည်ဖြေကြားခဲ့ရာ(၁၂:၃၀)နာရီချိန်တွင်ပြီးစီးခဲ့ပါသည်။ ဟောပြောပွဲသို့ ကျား(၁၇)ဦး၊ မ(၂၈)ဦး သစ်‌တောဦးစီးဌာနမှ (၅)ဦး၊ စုစုပေါင်း(၅၀)ဦး တက််ရောက်ခဲ့ပါကြောင်း သတင်းရရှိသည်။

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ ပြည်ထောင်စုဝန်ကြီး ဦးဆန်းဦးသည် မေလ ၁၆ ရက်နေ့ မွန်းလွှဲပိုင်းတွင် မန္တလေးတိုင်းဒေသကြီး၊ ပြင်ဦးလွင်မြို့ရှိ မြန်မာနိုင်ငံသစ်တောကျောင်းသို့ ရောက်ရှိရာ ကျောင်းအုပ်ကြီးမှ မြန်မာနိုင်ငံသစ်တောကျောင်း သမိုင်းနှင့် လက်ရှိ သင်တန်းများ ဖွင့်လှစ်ထားမှု အခြေအနေအား တင်ပြရာ ပြည်ထောင်စုဝန်ကြီးမှ လိုအပ်သည်များ လမ်းညွှန်မှာကြားခဲ့သည်။ဆက်လက်၍ မြန်မာနိုင်ငံသစ်တောကျောင်းရှိ ကျွန်းရတနာခန်းမတွင် အခြေခံသစ်တောပညာ သင်တန်း တက်ရောက်နေသော သင်တန်းသားများနှင့် တွေ့ဆုံရာတွင် ပြည်ထောင်စုဝန်ကြီးက သင်တန်းသားများအား သစ်တောကျောင်း ဆောင်ပုဒ်နှင့်အညီ စိတ်ဓါတ်၊ စည်းကမ်း၊ ဝီရိယ၊ ပညာ၊ ဇွဲတို့ဖြင့် ကြိုးစားလိုက်နာ ဆောင်ရွက်သွားရန်၊ သင်တန်းနည်းပြများ သင်ကြားပြသမှုအပေါ် ဂရုတစိုက်လေ့လာ မှတ်သားနာယူသွားကြရန်၊ ကျောင်းစည်းကမ်းများကို လိုက်နာ၍ မိမိတို့ ရည်မှန်းချက်တာဝန်များကို အောင်မြင်အောင် ဆောင်ရွက်သွားကြရန်၊ တာဝန်များ ထမ်းဆောင်ရာတွင် ရိုးသား၊ ကြိုးစားပြီး မိမိလုပ်ငန်းအပေါ် အလေးထားဆောင်ရွက်သည့် အလေ့အကျင့်များ ရရှိရေး ဆောင်ရွက်သွားကြရန်နှင့် သစ်တောသစ်ပင်များသည် သက်ရှိသတ္တဝါအားလုံး အသက်ရှင် ရပ်တည်ရန် အဓိကအထောက်အကူပေးလျက်ရှိခြင်း၊ လူသားများအတွက် ထာဝစဉ်သန့်ရှင်းပြီး ကောင်းမွန်မျှတသော ပတ်ဝန်းကျင်ကို ဖော်ဆောင်ပေးနိုင်ခြင်းများအတွက် သစ်တောသစ်ပင်များကို ဂရုတစိုက် ကာကွယ်ထိန်းသိမ်းတတ်စေရေး စနစ်တကျ လေ့လာသင်ကြားရန် လိုအပ်ကြောင်းပြောကြားခဲ့သည်။ထို့နောက် ပြည်ထောင်စုဝန်ကြီးသည် မြန်မာနိုင်ငံသစ်တောကျောင်းဝန်းအတွင်း ၂၀၂၆-၂၀၂၇ဘဏ္ဍာရေးနှစ်တွင် တည်ဆောက်မည့် နှစ်ထပ်သင်တန်းသား အိပ်ဆောင်(၁)လုံး၊ နှစ်ထပ် စာသင်ဆောင်(၁)လုံးနှင့် စုဝေးခန်းမ(၁)လုံးတို့၏ မြေလျာထားမှုအခြေအနေများ သွားရောက် ကြည့်ရှု စစ်ဆေးခဲ့ကြောင်း သတင်းရရှိပါသည်။