၂၀၂၀ ပြည့်နှစ် ပါတီစုံဒီမိုကရေစီ အထွေထွေရွေးကောက်ပွဲတွင် ဖြစ်ပွားခဲ့သည့် မဲမသမာမှုနှင့် တရားမဲ့ပြုကျင့်မှုများအပေါ် စုံစမ်းစစ်ဆေးတွေ့ရှိချက်များ

Submitted by Anonymous (not verified) on Wed, 2025-01-22 18:33

၂၀၂၀ ပြည့်နှစ် ပါတီစုံဒီမိုကရေစီ အထွေထွေရွေးကေက်ပွဲတွင် ဖြစ်ပွားခဲ့သည့် မဲမသမာမှုနှင့် တရားမဲ့ပြုကျင့်မှုများ အပေါ် စုံစမ်းစစ်ဆေးတွေ့ရှိချက်များနှင့် စပ်လျဉ်း၍ ပြည်တွင်း/ပြည်ပမှ လေ့လာလိုသူများအနေဖြင့် ပြည်ထောင်စု ရွေးကောက်ပွဲကော်မရှင်က လွှင့်တင်ထားသည့် Website https://2020election.uec.gov.mm/ တွင်လည်းကောင်း၊ Mobile Application ကို အဆိုပါ Website တွင် Download ရယူ၍လည်းကောင်း လေ့လာဖတ်ရှုနိုင်ပါသည်။

Pages

သတင်းနှင့်ကြေငြာချက်များ

ရန်ကုန်တိုင်းဒေသကြီး၊ သစ်တောဦးစီးဌာနမှ "ရာသီဥတုပြောင်းလဲမှု၊ သဘာဝဘေးအန္တရာယ် နှင့် မီးခိုး/မြူငွေ့လျှော့ချရေးဆိုင်ရာ ပတ်ဝန်း ကျင်ထိန်းသိမ်းရေးအသိ ပညာပေးခြင်း အစီအစဉ်" ဟောပြောပွဲ(တိုင်းဒေသကြီးအဆင့်)ကျင်းပ

(၂၇-၁၁-၂၀၂၄)ရက်နေ့ နံနက် ၁၀:၃၀ နာရီကရန်ကုန်တိုင်းဒေသကြီး၊ သစ်တောဦးစီးဌာနမှရာသီဥတုပြောင်းလဲမှု၊ သဘာဝ ဘေးအန္တရာယ်နှင့်မီးခိုးမြူငွေ့လျော့ချရေးဆိုင်ရာ ပတ်ဝန်းကျင်ထိန်းသိမ်းရေး အသိပညာပေးဟောပြောပွဲ(တိုင်းဒေသကြီးအဆင့်)ကို နည်းပညာတက္ကသိုလ်(မှော်ဘီ)၌ ကျင်းပပြုလုပ်ခဲ့ပါသည်။
အခမ်းအနားတွင် နည်းပညာတက္ကသိုလ်(မှော်ဘီ) ပါမောက္ခချုပ် ဆရာမကြီး ဒေါက်တာကေသီလွင်က အဖွင့်အမှာစကားပြောကြားပြီး ရန်ကုန်တိုင်းဒေသကြီး၊သစ်တောဦးစီးဌာနမှ ဒုတိယညွှန်ကြားရေးမှူး ဦးလင်းထင်က ရာသီဥတုပြောင်းလဲမှုလျော့နည်းစေရေး အစီအစဉ်များ၊ သဘာဝဘေးအန္တရာယ်ကြိုတင်ကာကွယ်ရေး၊ မီးခိုးမြူငွေ့နှင့်လေထုညစ်ညမ်းမှုဖြစ်ပေါ်ရသည့်အကြောင်းအရင်းများ၊ ဆိုးကျိုးများနှင့် ဖြစ်ပေါ်လာစေနိုင်သောရောဂါများ၊ လူသားများနှင့် ပတ်ဝန်းကျင်အပေါ်အကျိုးသက်ရောက်မှုနှင့် သစ်တောဦးစီးဌာနက ဆောင်ရွက်နေသည့် လုပ်ငန်းအစီအစဉ်များစသည်တို့ကို ဆွေးနွေးဟောပြောခဲ့ပြီးဆရာ/ဆရာမများနှင့် ကျောင်းသား၊ကျောင်းသူများက ပြန်လည်ဆွေးနွေးခဲ့ကြပါသည်။

သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ ပြည်ထောင်စုဝန်ကြီး ဦးခင်မောင်ရီ ၂ဝ၂၄ ခုနှစ်၊ ပဉ္စမအကြိမ် အမျိုးသားအားကစားပွဲတော်တွင် ဝင်ရောက်ယှဉ်ပြိုင်မည့် ဝန်ကြီးဌာနကိုယ်စားပြု အားကစားသမားများ၏ လေ့ကျင့်နေမှုအား သွားရောက်ကြည့်ရှုအားပေး

သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန၊ ပြည်ထောင်စုဝန်ကြီး ဦးခင်မောင်ရီသည် ယနေ့နံနက်ပိုင်းတွင် တာဝန်ရှိသူများလိုက်ပါလျက် လယ်ဝေးမြို့နယ်၊ မိုးလုံလေလုံ အားကစားရုံသို့ သွားရောက်၍ ၂ဝ၂၄ ခုနှစ်၊ ပဉ္စမအကြိမ်၊အမျိုးသားအားကစားပွဲတော်တွင် ဝင်ရောက်ယှဉ်ပြိုင်မည့် ဝန်ကြီးဌာနကိုယ်စားပြု အမျိုးသားပိုက်ကျော်ခြင်းအသင်း အားကစားသမား၏ လေ့ကျင့်နေမှုအားလည်းကောင်း၊ ဝဏ္ဏသိဒ္ဓိအားကစားရုံရှိ အမျိုးသားဘောလီဘောအသင်း အားကစား သမားများနှင့် အမျိုးသား/အမျိုးသမီး ပြေးခုန်ပစ်အသင်း အားကစားသမားများ၏ လေ့ကျင့်နေမှုအားလည်းကောင်း ကြည့်ရှုအားပေးသည်။ ထို့နောက် အားကစားသမားများအား ရင်းရင်းနှီးနှီးတွေ့ဆုံ၍ အသင်းအဖွဲ့ စိတ်ဓာတ်၊ အားကစားစိတ်ဓာတ်ဖြင့် နိုင်ငံ့ဂုဏ်ဆောင်နိုင်သည့် အားကစားသမားများ ဖြစ်အောင် အလေးထား ကြိုးစားလေ့ကျင့်သွားရန် မှာကြားပြီး ထောက်ပံ့ငွေနှင့် ပစ္စည်းများ ပေးအပ်သည်။

သစ်တောဦးစီးဌာန၊ ညွှန်ကြားရေးမှူးချုပ်ရုံးအင်ကြင်းခန်းမ၌ ယာဥ်စည်းကမ်း၊ လမ်းစည်းကမ်း အသိပညာပေးရှင်းလင်းဟောပြောပွဲ အခမ်းအနားကျင်းပ

၂၂-၁၁-၂၀၂၄ ရက်၊ သောကြာနေ့ ၁၁း ၀၀ နာရီအချိန်တွင် သစ်တောဦးစီးဌာန၊ ညွှန်ကြားရေးမှူးချုပ်ရုံးအင်ကြင်းခန်းမ၌ ယာဥ်စည်းကမ်း၊ လမ်းစည်းကမ်း အသိပညာပေးရှင်းလင်းဟောပြောပွဲ အခမ်းအနားပြုလုပ်ရာ သစ်တောဦးစီးဌာန၊ ညွှန်ကြားရေးမှူးချုပ်ဒေါက်တာသောင်းနိုင်ဦး တက်ရောက်၍ အဖွင့်အမှာစကားပြောကြားပါသည်။ အစီအစဥ်အရ နေပြည်တော် ယာဥ်ထိန်းရဲတပ်ဖွဲ့ခွဲမှူးရုံးမှ ဒုတိယရဲမှူးမျိုးမြတ်စံ နှင့် ရဲအုပ်မင်းထွေးတို့က power point, video click တို့ဖြင့် ယာဥ်စည်းကမ်း၊ လမ်းစည်းကမ်း အသိပညာများအား အကျယ်တဝင့်ရှင်းလင်းဟောပြောပြီး တက်ရောက် လာသူများ၏ သိလိုသည်များမေးမြန်းမှုအပေါ်ပြန်လည်ရှင်းလင်းဖြေကြား၍ လက်ကမ်းစာစောင်များဖြန့်ဝေခဲ့ကြပါသည်။ အခမ်းအနားသို့ သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာနအောက်ရှိ ပတ်ဝန်းကျင်/သစ်တောရေးရာနှင့်သတ္တုရေးရာ ဦးစီးဌာန/လုပ်ငန်း၊ သစ်တောနှင့်ပတ်ဝန်းကျင်ဆိုင်ရာတက္ကသိုလ်တို့မှ အရာထမ်း၊ အမှုထမ်းများ၊ ဖယ်ရီ၊အခြားယာဥ်မောင်းများနှင့်မော်တော်ဆိုင်ကယ်အသုံးပြုသူဝန်ထမ်း စုစုပေါင်းအင်အား (၄၀၀) တက်ရောက်ကြောင်းသတင်းရရှိပါသည်။

သစ်တောဦးစီးဌာန၏ ခရိုင်သစ်တောအုပ်ချုပ်လုပ်ကိုင်မှု စီမံကိန်းရေးဆွဲရေး အစည်းအဝေးကျင်းပ

၂၀-၁၁-၂၀၂၄ ရက်၊ နံနက် ၀၉း၀၀ နာရီအချိန်တွင် သစ်တောဦးစီးဌာန၊ ညွှန်ကြားရေးမှူးချုပ်ရုံးအင်ကြင်းခန်းမ၌ ခရိုင်သစ်တောအုပ်ချုပ်လုပ်ကိုင်မှု စီမံကိန်းရေးဆွဲရေး (တတိယအကြိမ်) အစည်းအ​ဝေး ကျင်းပရာ ညွန်ကြားရေးမှူးချုပ်ကိုယ်စား ဒုတိယညွှန်ကြားရေးမှူးချုပ် ဦးဖေချစ် (မူဝါဒနှင့်စီမံကိန်း)မှ တက်ရောက်၍ အဖွင့်အမှာစကားပြောကြားခဲ့ပါသည်၊ အစည်းအဝေးသို့ ခရိုင်သစ်တောအုပ်ချုပ်လုပ်ကိုင်မှု စီမံကိန်းရေးဆွဲရေး ပင်မအဖွဲ့/အဖွဲ့ခွဲများမှ တာဝန်ရှိသူများနှင့်တိုင်းဒေသကြီး/ပြည်နယ် သစ်တောဦးစီးဌာနမှတာဝန်ရှိသူများက online virtual စနစ်ဖြင့်တက်ရောက်ကြပြီး အုပ်ချုပ်ရေးခရိုင်များ ပြင်ဆင်ပြောင်းလဲခြင်းနှင့်ပတ်သက်၍ ခရိုင်သစ်တောအုပ်ချုပ်လုပ်ကိုင်မှုစီမံကိန်းများလိုက်ပါပြင်ဆင်ရေးဆွဲရန်လို/မလို၊ အလုပ်တိုက်နယ်များ ပြင်ဆင်ဖွဲစည်းရန်နှင့်အသစ်ဖွဲစည်းရန်လို/မလို၊ အခြေခံကိန်းဂဏန်းအချက်အလက်များ up to date ဖြစ်စေရေး၊ FRA -2025နှင့်အညီ ခရိုင်မြေပုံရေးဆွဲရေး၊ စီမံကိန်းရေးဆွဲမည့် အချိန်ဇယား သတ်မှတ်အတည်ပြုရေးတို့ကို ဆွေးနွေးညှိနှိုင်း အတည်ပြုကြပါသည်၊ သစ်တောဦးစီးဌာန၊ ခရိုင်သစ်တောအုပ်ချုပ်လုပ်ကိုင်မှု စီမံကိန်းများကို ၁၉၉၆ ခုနှစ်မှစတင်၍ (၁၀)နှစ် တစ်ကြိမ် ပြန်လည်စတင်ရေးဆွဲဆောင်ရွက်ရာ တတိယ (၁၀)နှစ်တွက် ရေးဆွဲဆောင်ရွက်ခဲ့သည့် စီမံကိန်းမှာ ၂၀၂၅ ခုနှစ်တွင် သက်တမ်းကုန်ဆုံးမည်ဖြစ်ရာ ယခု ခရိုင်သစ်တောအုပ်ချုပ်လုပ်ကိုင်မှု စီမံကိန်းသည် ၂၀၂၆-၂၇ မှ ၂၀၃၅-၃၆ အထိ ရေးဆွဲဆောင်ရွက်မည့် စတုတ္ထမြောက် (၁၀) နှစ်စီမံကိန်းဖြစ်ကြောင်းသိရှိရပါသည်။

သာယာဝတီခရိုင် ၊ နတ်တလင်းမြို့နယ် ၊ တာပွန်မြို့ သစ်တောဦးစီး ဌာနမှ"ရာသီဥတုပြောင်းလဲမှု၊ သဘာဝဘေး အန္တရာယ် နှင့် မီးခိုး/မြူငွေ့လျှော့ချရေးဆိုင်ရာ ပတ်ဝန်း ကျင်ထိန်းသိမ်းရေးအသိ ပညာပေးခြင်း အစီအစဉ်" ဟောပြောပွဲကျင်းပ

(၁၉.၁၁.၂၀၂၄) ရက်နေ့ နေ့လည် (၁၃:၀၀) နာရီ အချိန်တွင် သာယာဝတီခရိုင် ၊ နတ်တလင်းမြို့နယ် ၊ တာပွန်မြို့ ၊ အ.ထ.က ကျောင်းတွင် "ရာသီဥတုပြောင်းလဲမှု၊ သဘာဝဘေးအန္တရာယ်နှင့် မီးခိုး /မြူငွေ့ လျှော့ချရေးဆိုင်ရာ ပတ်ဝန်းကျင်ထိန်းသိမ်းရေးအသိပညာပေးခြင်းအစီအစဥ် "အား ကျင်းပဆောင်ရွက်ခဲ့ရာ ကျောင်းအုပ်ဆရာမကြီး၊ ဆရာ/ဆရာမများ၊ Grade.11/10 ကျောင်းသား /ကျောင်းသူများ၊ ရပ်ကွက်အုပ်ချုပ်ရေးမှူးများ၊ ရပ်မိရပ်ဖများ၊ သစ်တောဦးစီးဌာနမှ ဝန်ထမ်းများ စုစုပေါင်း အင်အား (၂၂၂) ဦး တက်ရောက်ခဲ့ပါသည်။ အစီအစဥ်အရ နတ်တလင်းမြို့နယ် ၊ သစ်တောဦးစီးဌာန၊ ဦးစီးအရာရှိ ဦးအောင်လွင်စန်းမှ ရာသီဥတုပြောင်းလဲမှုလျော့ချရေးနှင့် သဘာဝဘေးအန္တရာယ်ဆိုင်ရာများ၊ တောအုပ်ကြီး ဦးမျိုးသက်ခိုင်မှ မီးခိုး/မြူငွေ့ လျှော့ချရေးနှင့် သက်ဆိုင်သော အကြောင်းအရာများအား ဟောပြောခဲ့ပြီး တက်ရောက်လာသူများ၏ သိလိုသည်များကို ပြန်လည်ဖြေကြားခဲ့ပါကြောင်း အစီရင်ခံ သတင်းရရှိပါသည်။

ရန်ကုန်တိုင်းဒေသကြီး၊ ရန်ကုန်မြောက်ပိုင်းခရိုင်၊ တိုက်ကြီးမြို့နယ်၊ သစ်တောဦးစီး ဌာနမှ"ရာသီဥတုပြောင်းလဲမှု၊ သဘာဝဘေး အန္တရာယ် နှင့် မီးခိုး/မြူငွေ့လျှော့ချရေးဆိုင်ရာ ပတ်ဝန်း ကျင်ထိန်းသိမ်းရေးအသိ ပညာပေးခြင်း အစီအစဉ်" ဟောပြောပွဲကျင်းပ

ရန်ကုန်တိုင်းဒေသကြီး၊ ရန်ကုန်မြောက်ပိုင်းခရိုင်၊ တိုက်ကြီးမြို့နယ်၊ သစ်တောဦးစီး ဌာနမှ(၁၉-၁၁-၂၀၂၄)ရက်နေ့ (၁၃း၀၀)နာရီတွင်၊ အခြေခံ ပညာအထက်တန်းကျောင်း (ခွဲ) မြို့မ(၃)၌ "ရာသီဥတုပြောင်းလဲမှု၊ သဘာဝဘေး အန္တရာယ် နှင့် မီးခိုး/မြူငွေ့လျှော့ချရေးဆိုင်ရာ ပတ်ဝန်း ကျင်ထိန်းသိမ်းရေးအသိ ပညာပေးခြင်း အစီအစဉ်" ကျင်းပပြုလုပ်ခဲ့ရာ တာဝန်ခံကျောင်းအုပ်ဆရာမကြီးမှ အဖွင့်အမှာစကားပြောကြားခဲ့ပြီး အဆိုပါဟောပြောပွဲတွင် တိုက်ကြီးမြို့နယ်၊ ဦးစီးအရာရှိ ဦးသန်းစိုးနိုင် မှ "ရာသီဥတုပြောင်းလဲမှု၊ သဘာဝဘေးအန္တရာယ် နှင့် မီးခိုး/မြူငွေ့ လျှော့ချရေး ခေါင်းစဉ်ဖြင့် ဆွေးနွေးဟောပြောခဲ့ပြီး တက်ရောက် လာသူများမှ သိရှိလိုသည့် မေးမြန်းချက်များအပေါ် ပြန်လည်ဖြေကြားဆောင်ရွက်ခဲ့ပြီး မီးခိုးမြူငွေ့လျော့ချရေးဆိုင်ရာ လက်ကမ်းစာစောင်များ ဖြန့်ဝေခဲ့ပါသည်။ ဟောပြောပွဲသို့ အခြေခံပညာအထက်တန်းကျောင်း(ခွဲ) မြို့မ(၃) တာဝန်ခံကျောင်းအုပ်ဆရာမကြီးနှင့် ဆရာမများ၊ မြို့နယ်သစ်တောဦးစီးဌာန၊ ဦးစီးအရာရှိ နှင့် ဝန်ထမ်းများ၊ ဌာနဆိုင်ရာတာဝန်ရှိသူများနှင့် ကျောင်းသား/ကျောင်းသူ (၁၀၅)ဦး တက်ရောက်ခဲ့ပါကြောင်းသတင်းရရှိပါသည်။

ဒိုက်ဦးမြို့နယ်၊ သစ်တောဦးစီးဌာနမှ ရာသီဥတုပြောင်းလဲမှု ၊ သဘာဝဘေးအန္တရာယ်နှင့် မီးခိုးမြူငွေ့လျော့ချရေးဆိုင်ရာအသိပညာပေးခြင်းအစီအစဥ်ဟောပြောပွဲကျင်းပ

ပဲခူးတိုင်းဒေသကြီး၊ ပဲခူးခရိုင်၊ ဒိုက်ဦးမြို့နယ်၊သစ်တောဦးစီးဌာနမှ (၁၉-၁၁-၂၀၂၄)ရက်နေ့၊ (၁၀:၀၀) နာရီတွင် ဒိုက်ဦးမြို့နယ်၊ အခြေခံပညာအထက်တန်းကျောင်း(ဗြတ်ကြီး‌ကျေးရွာ)၌ မီးခိုး/မြူငွေ့ လျှော့ချရေးနှင့် သဘာဝဘေးအန္တရာယ်ဆိုင်ရာ အသိပညာပေးဟောပြောပွဲ (မြို့နယ်အဆင့်)အား ပြုလုပ်ခဲ့ရာ ဒိုက်ဦးမြို့နယ် ဒုတိယမြို့နယ်ပညာရေးမှူးနှင့်တကွဆရာမ(၉)ဦး၊ ကျောင်းသူ/သား (၈၀)ဦး၊ သစ်တောဦးစီးဌာန ဝန်ထမ်း(၇)ဦး၊ ရပ်မိရပ်ဖ(၆)ဦး စုစုပေါင်း(၁၀၂)ဦး တက်ရောက်ခဲ့ကြပါသည်။ အစီအစဥ်အရ ဒိုက်ဦးမြို့နယ်၊ အခြေခံပညာအထက်တန်းကျောင်း(ဗျက်ကြီး‌) ကျောင်းအုပ်ဆရာမကြီးမှ အဖွင့်အမှာစကားပြောကြားခြင်း၊ ဒိုက်ဦးမြို့နယ် သစ်တောဦးစီးဌာန ဦးစီးအရာရှိ ဦးတင်လင်းအောင်မှ မီးခိုး/မြူငွေ့ လျှော့ချရေးနှင့် သဘာဝဘေးအန္တရာယ်ဆိုင်ရာ အသိပညာပေး ဟောပြောခဲ့ပြီး၊ ဗျက်ကြီးကျေးရွာအုပ်ချုပ်ရေးမှူး ဦးမင်းသိန်းမှ ပါဝင်ဆွေးနွေး ကျေးဇူးတင်စကားပြောကြားခဲ့ပြီး တက်ရောက်လာသူများ၏ သိရှိလိုသည့်မေးမြန်း ချက်များအပေါ် ပြန်လည်ဖြေကြားခဲ့ပါကြောင်းနှင့် သဘာဝဘေးအန္တရာယ်ဆိုင်ရာ အသိပညာပေး လက်ကမ်းစာစောင်များအား ဖြန့်ဝေပေးခဲ့ပါကြောင်း သတင်းရရှိပါသည်။

အမျိုးသားမြေအသုံးချမှုကောင်စီအတွင်းရေးမှူးများအဖွဲ့ အဋ္ဌမအကြိမ် အစည်းအဝေး ကျင်းပ

အမျိုးသားမြေ အသုံးချမှု ကောင်စီအတွင်းရေးမှူးများအဖွဲ့၏ အဋ္ဌမအကြိမ် အစည်းအဝေးကို ၁၉-၁၁-၂၀၂၄ ရက်၊ ၁၃း၃၀နာရီအချိန်တွင် သစ်တောဦးစီးဌာန၊ ညွှန်ကြားရေးမှူးချုပ်ရုံး အစည်းအဝေးခန်းမ၌ ကျင်းပပြုလုပ်ရာ အဖွဲ့ခေါင်းဆောင် သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန အမြဲတမ်းအတွင်းဝန် ဦးလှမောင်သိန်း တက်ရောက်အဖွင့်အမှာ စကားပြောကြားခဲ့ပါသည်။ အစည်းအဝေးသို့ သက်ဆိုင်ရာဌာနများမှ အဖွဲ့ဝင်များ၊ ကိုယ်စားလှယ်များ၊ သစ်တောဦးစီးဌာနမှတာဝန်ရှိသူများတက်ရောက်ကြပြီး အမျိုးသားမြေဥပဒေရေးဆွဲပြုစု ရေးနှင့် မြေစီမံခန့်ခွဲမှုဆိုင်ရာဥပဒေများ သဟဇာတဖြစ်ရေးလုပ်ငန်းကော်မတီ၊ မြေအသုံးချမှု စီမံကိန်းရေးဆွဲရေးနှင့် ပေါင်းစပ်ညှိနှိုင်းရေးလုပ်ငန်းကော်မတီ၊ စိုက်ပျိုးရေးဖွံ့ဖြိုးမှုမဟာဗျူဟာ အကောင်အထည်ဖော် ဆောင်ရွက်ရေးနှင့် ပေါင်းစပ်ညှိနှိုင်းရေးလုပ်ငန်းကော်မတီ၊ မြန်မာနိုင်ငံ အမျိုးသားမြေပုံစနစ်(One Map Myanmar) ရေးဆွဲ အကောင်အထည်ဖော်ရေး လုပ်ငန်း ကော်မတီနှင့် မြေအသုံးချမှုဆိုင်ရာနည်းပညာအကြံပေးအဖွဲ့တို့မှ အမျိုးသားမြေအသုံးချမှု ကောင်စီ ဆဌမအကြိမ် အစည်းအဝေးဆုံးဖြတ်ချက်များအပေါ် လိုက်နာဆောင်ရွက်မှု အခြေအနေ၊ လုပ်ငန်းကော်မတီအသီးသီး၏ လုပ်ငန်းဆောင်ရွက်တိုးတက်မှုအခြေအနေများကို ရှင်းလင်းတင်ပြကြရာ တက်ရောက်လာသူများက ကဏ္ဍအလိုက် ဝိုင်းဝန်းအကြံပြု ဆွေးနွေးခဲ့ ကြကြောင်း သိရှိရပါသည်။

Pages

more