သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

(၃၀.၆.၂၀၂၅)ရက်နေ့၊ (၀၈:၀၀ )အချိန်တွင် သန်လျင်ခရိုင်၊ သုံးခွမြို့နယ်၊ သုံးခွအနောက်ကျေးရွာအုပ်စု၊ မြို့ရှောင်လမ်း မိုင်တိုင် ၄/၄နှင့်၄/၅ ကြားတွင် မြို့နယ်သစ်တောဦးစီးဌာနနှင့် မြို့နယ်လမ်းဦးစီးဌာန (လမ်းအထူးအဖွဲ့- ၁၄) တို့၏ မိုးရာသီ သစ်ပင်စိုက်ပျိုးပွဲ ကျင်းပပြုလုပ်ခဲ့ရာ အခမ်းအနားသို့ သုံးခွမြို့နယ် လုံခြုံရေး စစ်ကြောင်းမှူး ဒုတိယဗိုလ်မှူးကြီး ဟန်ထက်အောင်၊ မြို့နယ်စီမံ အုပ်ချုပ်ရေးအဖွဲ့ ဥက္ကဌ ဗိုလ်မှူးလင်းမောင်သက် နှင့်အဖွဲ့ဝင်များ၊ မြို့နယ် အုပ်ချုပ်ရေးမှူး ဦးထွန်းစောဝေ၊ မြို့နယ်အမျိုးသမီးရေးရာအဖွဲ့ဝင်များ၊ မြို့နယ်မိခင်နှင့်ကလေးစောင့်ရှောက် ရေးအသင်း အဖွဲ့ဝင်များ၊ မြို့နယ်အဆင့်ဌာနဆိုင်ရာအကြီးအကဲများ၊ မြို့နယ်အထွေထွေအုပ်ချုပ်ရေး ဦးစီးဌာန ဝန်ထမ်းများ၊ ကျောင်းသားကျောင်းသူများ၊ စုစုပေါင်းအင်အား (၂၄၇)ဦးခန့် တက်ရောက်ခဲ့ကြပါသည်။အဆိုပါအခမ်းအနားတွင် မြို့နယ်သစ်တောဦးစီးဌာန တာဝန်ခံတောအုပ်ကြီး ဦးအာကာဝင်း က ပျိုးပင် များပေးအပ်ခဲ့ပြီး အခမ်းအနား တက် ရောက်လာသူများ က မန်ဂျန်ရှား (၅၀၀)ပင်၊ မဟော်ဂနီ(၃)ပင်၊ ခရေ(၂)ပင်၊ ပျဉ်းကတိုး (၂)ပင်၊ စုစုပေါင်း (၅၀၇)ပင် စိုက်ပျိုးခဲ့ကြပြီး (၀၉၀၀)အချိန်တွင် အခမ်းအနား ပြီးမြောက်ခဲ့ပါကြောင်း သတင်းရရှိပါသည်။

ရန်ကုန်တိုင်းဒေသကြီး အစိုးရအဖွဲ့က ကြီးမှူး၍ ၂၀၂၅ ခုနှစ်၊ ဇူလိုင်လ (၃)ရက်နေ့တွင် ကျရောက်မည့် မြန်မာအမျိုးသမီးများနေ့ အထိမ်းအမှတ် မိုးရာသီ သစ်ပင်စိုက်ပျိုးပွဲကို ယနေ့ နံနက်ပိုင်းက မင်္ဂလာဒုံမြို့နယ်၊ လှော်ကား ရေဝေရေလဲ ဒေသ၌ကျင်းပသည်။အခမ်းအနားသို့ ရန်ကုန်တိုင်းဒေသကြီး အစိုးရအဖွဲ့ ဝန်ကြီးချုပ် ဦးစိုးသိန်း၊ ရန်ကုန်တိုင်းဒေသကြီး မိခင် နှင့်ကလေးစောင့် ရှောက်မှုကြီးကြပ်ရေးအဖွဲ့ နာယက၊ ရန်ကုန်တိုင်းဒေသကြီး ဝန်ကြီးချုပ်၏ ဇနီး ဒေါ်မော်မော်သန်း၊ ရန်ကုန်တိုင်းဒေသကြီး တရားလွှတ်တော် တရားသူကြီးချုပ် ဒေါ်စန္ဒာသွယ်၊ ရန်ကုန်တိုင်းဒေသကြီးအစိုးရအဖွဲ့ဝင်များနှင့် ၎င်းတို့၏ဇနီးများ၊ ရန်ကုန်မြို့တော် စည်ပင်သာယာ ရေးကော်မတီမှ ကော်မတီဝင်များနှင့် ဌာနမှူးများ၊ ရန်ကုန်တိုင်းဒေသကြီး အမျိုးသမီးရေးရာ အဖွဲ့နှင့် မိခင်နှင့်ကလေးစောင့်ရှောက်မှု ကြီးကြပ်ရေးအဖွဲ့တို့မှ တာဝန်ရှိသူများ၊ တိုင်း/ခရိုင်/ မြို့နယ်အဆင့် ဌာနဆိုင်ရာ အကြီးအကဲများနှင့် တာဝန်ရှိသူများ တက်ရောက်ကြသည်။ထို့နောက် ရန်ကုန်တိုင်းဒေသကြီးအစိုးရအဖွဲ့ ဝန်ကြီးချုပ် ဦးစိုးသိန်းက အဖွင့်အမှာစကားပြောကြားပြီး သစ်ပင်များ စုပေါင်းစိုက်ပျိုးကြပါသည်။ယနေ့အခမ်းအနားတွင်ကျွန်း(၄၀၀၀) ပင်၊ ပျဉ်းကတိုး(၂၂၀၀)ပင်၊ မဟော် ဂနီ (၄၀၀၀)ပင်၊ သရက်(၂၀၀)ပင်၊ ပိန္နဲ(၂၀၀)ပင်နှင့် ဒူးရင်း(၂၀၀) ပင် စုစုပေါင်း(၁၀၈၀၀)ပင် စိုက်ပျိုးခဲ့ပါကြောင်း သတင်းရရှိပါသည်။

(၂၈.၆.၂၀၂၅) ရက်နေ့၊ နံနက် (၈:၀၀) နာရီတွင် ၂၀၂၅ ခုနှစ်၊ မိုးရာသီ (တတိယအကြိမ်)သစ်ပင်စိုက်ပျိုးပွဲတော်အား၊ မကွေးမြို့၊ မကွေးတက္ကသိုလ်အရှေ့ဘက်၊ အောင်စေတနာရပ်တွင် မကွေးတိုင်းဒေသကြီး ဝန်ကြီးချုပ်သီရိပျံချီ ဦးတင့်လွင်နှင့်ဇနီး၊ အနောက်ပိုင်းလေတပ်ကွပ်ကဲမှု ဌာနချုပ်မှူး၊
တိုင်းတရားသူကြီးချုပ်၊မကွေးတိုင်းဒေသကြီးအစိုးရအဖွဲ့ဝင် ဝန်ကြီးများ၊ တိုင်း/ခရိုင်/မြို့နယ် အဆင့် ဌာနဆိုင်ရာများ၊ အမျိုးသမီးရေးရာအဖွဲ့၊ မိခင်နှင့်ကလေးစောင့်ရှောက်မှုကြီးကြပ်ရေးအဖွဲ့၊ မကွေးတက္ကသိုလ်မှ ကျောင်းသား/သူများ၊ ဒေသခံပြည်သူများ စုစုပေါင်း (၇၀၀) ဦးဖြင့် တမာ(၂၀၀)ပင်၊ ခရေ(၂၀၀)ပင်၊ ပန်းမယ်ဇလီ(၁၀၀)ပင်၊ ဆီသပြေ(၅၅)ပင်၊ စိန်တံချူ(၁၂၅)ပင်၊ ကုလားကုက္ကိုလ်(၉၀)ပင်၊ မယ်ဇယ်(၈၅)ပင်၊ မယ်ဇလီ(၁၁၅)ပင်၊ ရေတမာ(၁၃၀)ပင်၊ ဖျောက်ဆိပ်(၁၀၀)ပင်၊ စုစုပေါင်း (၁၂၀၀) ပင်တို့ကို ပတ်ဝန်းကျင်စိမ်းလန်းစိုပြည်စေရန်ရည်ရွယ်၍ သစ်ပင်စိုက်ပျိုး ပွဲတော်ကျင်းပပြုလုပ်စိုက်ပျိုးခဲ့ပါကြောင်းသတင်းရရှိပါသည်။