သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ ပြည်ထောင်စုဝန်ကြီး ဦးဆန်းဦးသည် ဒုတိယဝန်ကြီး ဒေါက်တာသောင်းနိုင်ဦး၊ ဦးခင်လတ်ကြီး၊ အမြဲတမ်းအတွင်းဝန်နှင့် တာဝန်ရှိသူများလိုက်ပါ၍(၁၈-၆-၂၀၂၆)ရက်နေ့၊ နံနက်ပိုင်းတွင် ပြည်ထောင်စုနယ်မြေ နေပြည်တော်၊ အောက်ဆင်သေကြိုးဝိုင်းရှိ ဂေဟစနစ်ဖြည့်တင်းရေးစိုက်ခင်းတည်ထောင်ထားသောကုမ္ပဏီများမှ ၂၀၂၅ခုနှစ်တွင် စိုက်ပျိုးထားသည့် စိုက်ခင်းအခြေအနေများကို သွားရောက်ကြည့်ရှုစစ်ဆေးရာ ကုမ္ပဏီနှင့် တာဝန်ရှိသူများ၏ ရှင်းလင်းတင်ပြချက်များအပေါ် ပြည်ထောင်စုဝန်ကြီးက အပင်များဆက်လက်ရှင်သန် အောင်မြင်အောင် ပြုစုထိန်းသိမ်းစောင့်ရှောက်သွားရေးနှင့် စီမံချက်ပါအတိုင်း ပြည့်မှီအောင် ဆက်လက် စိုက်ပျိုးသွားရန်မှာကြားသည်။ထို့နောက် ပြည်ထောင်စုဝန်ကြီးနှင့် အဖွဲ့သည် ကျေးရွာထင်းစိုက်ခင်းအား ကြည့်ရှု စစ်ဆေးရာ ပြည်ထောင်စုဝန်ကြီးက ကျေးရွာထင်းစိုက်ခင်းများ တည်ထောင်ရာတွင် ကျေးရွာအလိုက် အိမ်ခြေအရေအတွက်ပေါ် မူတည်၍ စိုက်ခင်းဧကများသတ်မှတ်တည်ထောင် စိုက်ပျိုးသွားရန်နှင့် သစ်တောစိုက်ခင်းများကို တည်ထောင်စိုက်ပျိုးသည့်အပြင်ရှိထားပြီးသော သဘာဝတောများကိုလည်း ပြုစုထိန်းသိမ်းစောင့်ရှောက်သွားရန် မှာကြားသည်။မွန်းလွဲပိုင်းတွင် ရုံးအမှတ်၂၈၊ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ ပြည်ထောင်စုဝန်ကြီးရုံးတွင်ကျင်းပပြုလုပ်သောနိုင်ငံတကာဒီရေတောစင်တာတည်ထောင်ခြင်းဆိုင်ရာသဘောတူညီချက်(Establishment Agreement of the International Mangrove Center-IMC)တွင် လက်မှတ်ရေးထိုးခြင်းအခမ်းအနားကို Online ဖြင့် ကျင်းပပြုလုပ်ရာ Interim Secretariat of the IMC မှ ညွှန်ကြားရေးမှူးချုပ် Professor Boa Daming ကအဖွင့်အမှာစကားပြောကြားသည်။

ပဲခူးတိုင်းဒေသကြီး၊ သာယာဝတီခရိုင်၊ ကြို့ပင်ကောက်မြို့နယ်၊ သစ်တောဦးစီးဌာနမှ ရက်(၁၀၀)အတွင်းဆောင်ရွက်မည့်လုပ်ငန်းစီမံချက်နှင့်အညီ မိုးရာသီသစ်ပင်စိုက်ပျိုးရေးနှင့် သစ်တောပြုစုထိန်းသိမ်းခြင်း၊ ဇီဝမျိုးစုံမျိုးကွဲထိန်း သိမ်းရေး၊ သဘာဝပတ်ဝန်းကျင်ထိန်းသိမ်းရေးနှင့်တရားမဝင်သစ်လျော့နည်းပပျောက်ရေးဆိုင်ရာအသိပညာပေးဟောပြောပွဲအခမ်းအနားကို (၁၈-၆-၂၀၂၆)ရက်နေ့နံနက်( ၁၁:၀၀)နာရီအချိန်တွင်ကြို့ပင်ကောက်မြို့နယ်၊ရွာသစ်ကျေးရွာဘုန်းတော်ကြီးကျောင်းတွင်ကျင်းပဆောင် ရွက်ခဲ့ရာရွာသစ်ကျေးရွာမှ အမျိုးသား(၂၅)ဦး၊ အမျိုးသမီး(၆၀)ဦးနှင့်သစ်တောဦးစီးဌာနမှဝန်ထမ်း(၃)ဦး၊စုစုပေါင်း(၈၈)ဦးတက်ရောက်ခဲ့ပါသည်။‎အခမ်းအနားတွင်ဦးစီးအရာရှိ ဦးတင်မြတ်မှ သစ်ပင်စိုက်ပျိုးခြင်းနှင့်သစ်တောထိန်းသိမ်းရေးဆိုင်ရာများအသိပညာပေးဟောပြောခြင်း၊ဇီဝမျိုးစုံမျိုးကွဲနှင့်ပတ်ဝန်းကျင်ထိန်းသိမ်းရေးဆိုင်ရာများအသိပညာပေးဟောပြောခြင်းနှင့်တရားမဝင်သစ်ထုတ်လုပ်မှုလျော့နည်းပပျောက်ရေးဆိုင်ရာများဆွေးနွေးဟောပြောခဲ့ပါသည်။ထို့နောက်တက်ရောက်လာသူများမှသိရှိလိုသည်များကိုရှင်းလင်းပြောကြားခြင်းဆောင်ရွက်ခဲ့ပါကြောင်းသတင်းရရှိသည်။

တနင်္သာရီတိုင်း​ဒေသကြီး၊မြိတ်ခရိုင်၊မြိတ်မြို့မြို့နယ်၊သစ်​တောဦးစီးဌာနမှ မိုရာသီသစ်ပင်စိုက်ပျိုး​ရေး၊ ဇီဝမျိုးစုံမျိုးကွဲနှင့်ပတ်ဝန်းကျင်ထိန်းသိမ်း​ရေးဆိုင်ရာအသိပညာ​ပေး​ဟော​ပြောပွဲအခမ်းအနားကို(၁၈.၆.၂၀၂၆)ရက်​နေ့နံနက်(၀၉း၃၀)နာရီအချိန်၌ မြိတ်မြို့နယ်၊ နောက်လယ်​ရပ်ကွက်၊အ.ထ.က(၅)​ကျောင်းတွင်ကျင်းပ​ဆောင်ရွက်ခဲ့ရာ သစ်တောဝန်ထမ်းများ၊ ကျောင်းအုပ် ဆရာကြီးနှင့်ဆရာမများ၊ ကျောင်းသား/​ကျောင်းသူများ ကျား(၄၅)ဦး၊မ(၅၉)ဦး၊ စုစု​ပေါင်း(၁၀၄)ဦးတက်​ရောက်ခဲ့ပါသည်။ အခမ်းအနားတွင် မြိတ်မြို့နယ် သစ်​တောဦးစီးဌာန၊ ဦးစီးအရာရှိ ဦးဝေယံမြင့်ချိုမှ သစ်ပင်များ၏ အကျိုး​ကျေးဇူးများ၊ သစ်​တော၊ ဇီဝမျိုးစုံမျိုးကွဲနှင့်ပတ်ဝန်းကျင်ထိန်းသိမ်း​ရေးဆိုင်ရာအ​ကြောင်းအရာများအား တက်​ရောက်လာသူများကို အသိပညာ​ပေးဟော​ပြောခြင်း ဆောင်ရွက်ခဲ့ပါသည်။ဆက်လက်၍‌ တောအုပ်ကြီး ဦးကျော်မြင့်ထွန်းမှ မိုးရာသီသစ်ပင်စိုက်ပျိုး‌ရေးနှင့်ပတ်သက်သည့် အကြောင်းအရာများ‌ကို ဟောပြောပို့ချပြီးတက်​ရောက်လာသူများအား သစ်ပင်စိုက်ပျိုး၊ပြုစု ခြင်းလက်ကမ်းစာ‌စောင်များဖြန့်ဝေပေးပြီး ကျောင်းဝင်းအတွင်း ထိုင်ဝမ်ဗန်ဒါနှင့်မန်ဂျန်ရှားပျိုးပင်များအားသရုပ်ပြစိုက်ပျိုး ပြသခဲ့ပါ​ကြောင်းသတင်းရရှိသည်။