သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

သစ်တောဦးစီးဋ္ဌာနနှင့် အာရှဒေသသစ်တောကဏ္ဍဆိုင်ရာပူးပေါင်းဆောင်ရွက်ရေးအဖွဲ့ (Asian Forest Cooperation Organization- AFoCO)တို့ပူးပေါင်းအကောင်ထည်ဖော်ဆောင်ရွက်လျက်ရှိသည့် သစ်မဟုတ်သော သစ်တောထွက်ပစ္စည်းများဆိုင်ရာပြည်သူအခြေပြု အသေးစားစီးပွားရေးလုပ်ငန်း များ ဖွံ့ဖြိုးတိုးတက်စေရန်ရည်ရွယ်၍"လဲလူးအိုင် ဝါးလက်မှုထုတ်ကုန် သမဝါယမအသင်းဖွဲ့စည်းခြင်းနှင့် လှည့်ပတ်ရန်ပုံငွေပေးအပ်ခြင်းအခမ်းအနား"ကို ၁၃-၁-၂၀၂၆ ရက် (အင်္ဂါနေ့)နံနက် (၁၁:၀၀) နာရီ တွင်သစ်တောသုတေသနဋ္ဌာနခွဲ၊ စုဝေးခန်းမ၌ ကျင်းပရာသစ်တောဦးစီးဌာန၊ ညွှန်ကြားရေးမှူးချုပ် ဒေါက်တာသောင်းနိုင်ဦး တက်ရောက်အမှာစကားပြောကြားသည်။ အဆိုပါအခမ်းအနားသို့ သစ်တောဦးစီးဋ္ဌာန၊ ညွှန်ကြား ရေးမှူးချုပ်ဒေါက်တာသောင်းနိုင်ဦး၊ ဒုတိယညွှန်ကြားရေးမှူးချုပ်များ၊ ညွှန်ကြားရေးမှူးများ၊ အရာထမ်း၊ အမှုထမ်းများနှင့်သမဝါယမဦးစီးဋ္ဌာနမှ တာဝန်ရှိသူများ တက်ရောက်သည်။အခမ်းအနားပထမပိုင်းအစီအစဥ်တွင် သစ်တောဦးစီးဋ္ဌာန၊ ညွှန်ကြားရေးမှူးချုပ် ဒေါက်တာသောင်းနိုင်ဦးမှ အဖွင့်မှာစကားမြွက်ကြားပြီး လှည့်ပတ်ရန်ပုံငွေပေးအပ်ခြင်းနှင့် မှတ်တမ်းတင်ဓာတ်ပုံရိုက်ကူးခြင်းတို့ဆောင်ရွက်ပြီးနောက် နေ့ခင်းစာဖြင့်တည်ခင်းဧည့်ခံသည်။အခမ်းအနားဒုတိယပိုင်းအစီအစဥ်တွင် သမဝါယမဦးစီးဋ္ဌာန၊ ဦးစီးအရာရှိ ဦးစန်းလွင် (မြို့နယ်အဆင့် ဖွဲ့စည်းရေးကော်မတီဥက္ကဋ္ဌ)မှ အသင်းဖွဲ့စည်းရေးဆိုင်ရာများရှင်းလင်းပြောကြားပြီး၊သစ်တောဦးစီးဋ္ဌာန၊ ဒုတိယညွှန်ကြားရေးမှူးဒေါက်တာအိအိဆွေလှိုင်မှ သစ်မဟုတ်သည့်သစ်တောထွက်ပစ္စည်းများဆိုင်ရာ ပြည်သူအခြေပြု အသေးစားစီးပွားရေးလုပ်ငန်းများ သရုပ်ပြတည်ထောင်ခြင်းစီမံကိန်း၏ ဒေသတွင်းနိုင်ငံများတွင် ဆောင်ရွက်လျှက်ရှိသည့် အသင်းအဖွဲ့များ၏ အကျိုးခံစားခွင့်များ ခွဲဝေပေးမှုပုံစံများအား ရှင်းလင်းပြောကြားခဲ့သည်။ထို့နောက်အခမ်းအနားအစီအစဉ်များအတိုင်း လဲလူးအိုင်ဝါးလက်မှုထုတ်ကုန်သမဝါယမအသင်းဖွဲ့စည်းခြင်းနှင့်မြို့နယ်သမဝါယမအသင်းစု ဥက္ကဋ္ဌရွေးချယ်ခြင်းနှင့်ကိုယ်စားလှယ်ရွေးချယ်ခြင်းတို့ကိုဆက်လက်ဆောင်ရွက်ခဲ့ကြောင်းသတင်းရရှိသည်။

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာနအနေဖြင့် မြန်မာ့ကျွန်း သစ်မူရင်းဒေသဖြစ်သော ပဲခူးရိုးမအတွင်း ၂၀၁၆-၁၇ ဘဏ္ဍာနှစ်မှစ၍ တရားဝင်သစ်ထုတ်လုပ်ခြင်းလုပ်ငန်းအား (၁၀)နှစ်ရပ်နားထားပြီး သစ်တောပြုစုထိန်းသိမ်းခြင်းလုပ်ငန်းများအား အရှိန်အဟုန်မြှင့်ဆောင်ရွက်နေလျှက်ရှိသည့် အပြင် တရားမဝင်သစ်ခိုးထုတ်ခြင်း၊ တရားမဝင်တောရိုင်းတိရစ္ဆာန်များ သတ်ဖြတ်ခြင်းနှင့် ကျူးကျော်အခြေချနေထိုင် ခြင်းများအား ပြည်သူပူးပေါင်းပါဝင်မှုဖြင့် စီမံချက်ချအကောင်အထည်ဖော် ဆောင်ရွက်နေလျှက်ရှိပါသည်။ ပဲခူးရိုးမ စိမ်းလန်းစိုပြည်ရေး ဧရိယာအတွင်းမှ (၂၉-၁၂-၂၀၂၅)ရက်နေ့မှ (၄-၁-၂၀၂၆) ရက်နေ့ထိ တစ်ပတ်တာကာလအတွင်း တရားမဝင်ကျွန်း၊ သစ်မာ၊ အခြား စုစုပေါင်း (၃.၁၆၇၀)တန်ဖမ်းဆီးရမိခဲ့ပါသည်။

သစ်တောဦးစီးဌာန၊ ညွှန်ကြားရေးမှူးချုပ်ရုံး၊ အင်ကြင်းခန်းမ၌ ၇-၁-၂၀၂၆ ရက် ၁၀:၃၀ နာရီ အချိန်တွင် ခရိုင်အုပ်ချုပ်လုပ်ကိုင်မှုစီမံကိန်းနှင့်ပတ်သက်၍ ရှင်းလင်းတင်ပြခြင်း အစည်းအဝေး ကျင်ပရာ ညွှန်ကြားရေးမှူး ချုပ် ဒေါက်တာသောင်းနိုင်ဦး တက်ရောက်၍ အမှာစကားပြောကြားသည်။အစည်းအဝေးသို့ ဦးစီးရုံးချုပ်မှ ညွှန်ကြားရေးမှူးများ၊ Review Team အဖွဲ့များ၊ ဒုတိယ ညွှန်ကြားရေးမှူးများ၊ လက်ထောက်ညွှန်ကြားရေးမှူးများ တက်ရောက်ပြီး တိုင်းဒေသကြီး/ ပြည်နယ် တာဝန်ခံ ညွှန်ကြားရေးမှူးများနှင့် ခရိုင်လက်ထောက်ညွှန်ကြားရေးမှူးများက Online စနစ်ဖြင့် တက်ရောက်သည်။ဦးစွာ ညွှန်ကြားရေးမှူးချုပ်မှ ခရိုင်သစ်တောအုပ်ချုပ်လုပ်ကိုင်မှု စီမံချက်သည် ခရိုင်မှူးများ၏ မိမိခရိုင်အတွင်း ဆောင်ရွက်မည့် သစ်တောလုပ်ငန်း လမ်းညွှန်ဖြစ်ပါကြောင်း မြေပြင်ကွင်းဆင်း ဆောင်ရွက်ရာတွင် အခက်အခဲများအကြား ရေးဆွဲသူ စိစစ်သူများ အကြိမ် ကြိမ်ဆွေးနွေးရပါကြောင်း၊ ယခု မူကြမ်းအဆင့်မှ အပြီးသတ်စီမံချက်ထိ အချိန်မီ ပြီးစီးအောင် ဝိုင်းဝန်းကြိုးပမ်းကြစေလိုကြောင်း နှင့် အကောင်းဆုံးစီမံချက်ဖြစ်ပေါ်ရေးတွက် နည်းပညာအကူအညီများရယူ၍ စိန်ခေါ်မှုများကို ဖြေရှင်းရမည်ဖြစ်ကြောင်း ပြောကြားပြီး Review Team(၆ )အဖွဲ့မှ အဖွဲ့​ခေါင်းဆောင်များမှ ခရိုင်သစ်တော အုပ်ချုပ်လုပ်ကိုင်မှုစီမံကိန်း (၂၀၂၆-၂၀၂၇ မှ ၂၀၃၅-၂၀၃၆ ထိ) ဒုတိယနှစ် (၃၀) ၏ ပထမ ၁၀ နှစ် စီမံကိန်း ဒုတိယ(မူကြမ်း) နမူနာခရိုင်များ ပြုစုရေးဆွဲထားမှုအပေါ် အသေးစိတ် ပြင်ဆင်မှုအခြေအနေ များအား ရှင်းလင်းတင်ပြရာ ဒုတိယညွှန်ကြားရေးမှူးချုပ်များနှင့် တက်ရောက်လာသူများက ဝိုင်းဝန်းဆွေးနွေး အကြုံပြုသည်။သစ်တောဦးစီးဌာနနှင့် ခရိုင်သစ်တောအုပ်ချုပ်လုပ်ကိုင်မှု စီမံကိန်းများကို ခရိုင် (၇၁) ခရိုင်တွင် ပြုစုရေးဆွဲလျက်ရှိရာ စီမံကိန်းပါအတိုင်း ၂၀၂၆-၂၀၂၇ ခုနှစ် ဘဏ္ဍာနှစ်မှ စတင်အကောင်အထည်ဖော် ဆောင်ရွက်သည်ဖြစ်ကြောင်းသိရသည်။