သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

၂၉-၆-၂၀၂၆ ရက်နေ့ နံနက်(၀၈:၃၀)နာရီအချိန်တွင် တမူးမြို့၊ စော်ဘွား(၁၁)ရပ်ကွက် ဇေလူရည်ချွန် ကိုယ်ပိုင်အထက်တန်ူကျောင်းတွင် ကျင်းပဆောင်ရွက်ခဲ့ရာ အခမ်းအနားသို့ ‌တမူးမြို့ ဇေလူရည်ချွန်ကိုယ်ပိုင်အထက်တန်းကျောင်းမှ ကျောင်းသား/သူ (၇၀)ဦး၊ ဆရာ/ဆရာမ(၅)ဦး သစ်တောဦးစီးဌာနမှ ၀န်ထမ်း(၁၂)ဦး စု‌စုပေါင်း (၈၇)ဦးတက်ရောက်ခဲ့ကြပါသည်။အဆို ပါအခမ်းအနားတွင် တမူးခရိုင်၊ သစ်တောဦးစီးဌာန လက်ထောက်ညွှန်ကြားရေးမှူး ဦးထွန်းကျော်းစိုးမှ မိုးရာသီကာလတွင် သစ်‌ေတာစိုက်ခင်းများတည်ထောင်ခြင်း ၊ လူထုဖြန့်ပျိုးပင်များဖြန့်ဝေစိုက်ပျိုးခြင်း၊ စိုက်ပျိုးသည် ပျိုးပင်များအား ရှင်သန်ကြီးထွားမှုကောင်းမွန်စေရန် ပြုစုထိန်းသိမ်းခြင်းနည်းလမ်းများအားရှင်းလင်းပြောကြားခြင်း၊ သစ်တောသစ်ပင်များ၏ အကျိုးကျေးဇူးများ သစ်တောသစ်ပင်များမရှိက ကြုံတွေ့နိုင်သည့် အခက်အခဲဒုက္ခများအား ရှင်းလင်းပြောကြားခြင်း၊ ဆက်လက်၍ ဇီ၀မျိုးစုံမျိုးကွဲများထိန်းသိမ်းရေးနှင့်ပတ်သက်၍ ရှင်းလင်းပြောကြားခြင်း၊ ဇီဝမျိုးစုံမျိုးကွဲများဖြစ်သည့် တိရစ္ဆာန်နှင့် သစ်ပင်ပန်းမန်များကို ကာကွယ်ထိန်းသိမ်းမှုမပြုလုပ်ပါက မျိုးသုဉ်းပျောက်ကွယ်နိုင်‌ေကြာင်းရှင်းလင်းပြောကြားခြင်း၊ ဇီဝမျိုးစုံမျိုးကွဲ ထိန်းသိမ်းရေး လုပ်ငန်းများတွင် ပြည်သူလူထုပူးပေါင်းပါဝင်ဆောင်ရွက်ရေးမှာ အဓိက အခန်းကဏ္ဍဖြစ်ပြောကြားခြင်း၊ CITES အကြောင်း ပြောကြားခြင်းများဆောင်ရွက်ခဲ့ပါကြောင်းနှင့် တက်ရောက်လာသူ ကျောင်းသူကျောင်းသားများ၏ သိရှိလိုသည့်များ‌ေမးမြန်းမှုအပေါ် ပြန်လည်ရှင်းလင်းဖြေကြားခြင်းများ ဆောင်ရွက်ခဲ့ပါကြောင်း၊ဆက်လက်၍ တရားမဝင်သစ်ထုတ်လုပ်မှုလျော့ပပျောက်ရေး နှင့်ပတ်သက်၍ အသိပာပေးပြောကြားခြင်း၊ သစ်တောဥပဒေ များရှင်းလင်းပြောကြားခြင်း၊ တရားမဝင်သစ်ဖမ်းဆီးရေးတွင် ပြည်သူများ ဝိုင်းဝန်းကူညီ သတင်းပေးပြောကြာရန်ပြောကြားခြင်းဆောင်ရွက်ခဲ့ပါကြောင်း သတင်းရရှိသည်။

ရန်ကုန်တိုင်းဒေသကြီး၊ ထန်းတပင်မြို့နယ်၊ ထိန်နှစ်ပင်ကျေးရွာအုပ်စု၊ ပက်အင်းကြီးကျေးရွာဘုန်းတော်ကြီးကျောင်းတွင်(၂၇.၆.၂၀၂၆)ရက်နေ့၊ (၁၂:၀၀)နာရီအချိန်တွင်“မိုးရာသီသစ်ပင်စိုက်ပျိုးရေး၊ သစ်တော၊ ဇီဝမျိုးစုံမျိုးကွဲနှင့်ပတ်ဝန်းကျင်ထိန်းသိမ်းရေးဆိုင်ရာအသိပညာပေးဟောပြောပွဲ”ကျင်းပခဲ့ရာ ထန်းတပင်မြို့နယ်၊ သစ်တောဦးစီးဌာနမှ မြို့နယ်ဦးစီးဌာနမှူးပါ သစ်တောဝန်ထမ်း(၇)ဦး၊ ပက်အင်းကြီးကျေးရွာမှ အမျိုးသား (၃၆)ဦး အမျိုးသမီး(၅၂)ဦး၊ စုစုပေါင်းအမျိုးသား(၄၃)ဦး၊ အမျိုးသမီး(၅၂)ဦး၊ စုစုပေါင်း(၉၅)ဦးတို့ တက်ရောက်ခဲ့ပါသည်။ ဆွေးနွေးပွဲတွင် သစ်တောဦးစီးဌာန၊ ထန်းတပင်မြို့နယ်၊ မြို့နယ်ဦးစီးဌာနမှူး ဦးနိုင်လင်းထွန်းမှ သစ်တောသစ်ပင်များအကြောင်း၊ ဇီဝမျိုးစုံမျိုးကွဲများနှင့် ဂေဟစနစ်များအကြောင်း၊ သစ်တော များကပေးစွမ်းနိုင်သည့် ဂေဟစနစ်ဆိုင်ရာအကျိုးကျေးဇူးများ၊ ရာသီဥတုပြောင်းလဲမှု လျှော့ချရေးတွင် သစ်တောသစ်ပင်များ၏အရေးပါမှု ၊ သဘာဝပတ်ဝန်းကျင်ထိန်းသိမ်းရေးအတွက် သစ်တောများထိန်းသိမ်းရေး၊ သစ်ပင်များထပ်မံ စိုက်ပျိုးရေးနှင့် သစ်တောမှပေးစွမ်းနိုင်သော အကျိုးကျေးဇူးများကို တက်ရောက်လာကြသည့် ကျေးရွာနေပြည်သူများကိုအသိပညာပေးဟောပြောခဲ့ပြီး လက်ကမ်းစာစောင်များ ဖြန့်ဝေခဲ့ပါကြောင်းသတင်းရရှိပါသည်။

စစ်ကိုင်းတိုင်းဒေသကြီး၊ စစ်ကိုင်းခရိုင်၊ စစ်ကိုင်းမြို့နယ်၊ သစ်တောဦးစီးဌာနမှ အစိုးရဌာနဆိုင်ရာများ၏ ရက်(၁၀၀)အတွင်း ဆောင်ရွက်ရမည့် လုပ်ငန်းစီမံချက်နှင့်အညီ “မိုးရာသီသစ်ပင်စိုက်ပျိုးရေး၊ သစ်တော၊ ဇီဝမျိုးစုံမျိုးကွဲနှင့်ပတ်ဝန်းကျင်ထိန်းသိမ်းရေးဆိုင်ရာအသိပညာပေးဟောပြောပွဲ” အခမ်းအနားကို ‌‌ (၂၇.၆.၂၀၂၆) ရက်နေ့၊ နံနက်(၁၀:၃၀)နာရီ အချိန်တွင် စစ်ကိုင်းမြို့၊ ရွာထောင်ရပ်ကွက်၊ အမှတ်-၃၊ အခြေခံပညာအထက်တန်းကျောင်းတွင် ကျင်းပခဲ့ရာ ကျောင်းသူ(၄၂)ဦး၊ကျောင်းသား(၁၆)ဦး၊ မြို့နယ် သစ်တောဝန်ထမ်း (၆)ဦး၊ စုစုပေါင်း(၆၄)ဦး တက်ရောက်ခဲ့ပါသည်။ ဆွေးနွေး‌ဟောပြောပွဲတွင် မြို့နယ်သစ်တောဦးစီးဌာန၊ မြို့နယ်ဦးစီးဌာနမှူး ဦးရဲထက်အောင်-၁ မှ သဘာ၀ပတ်၀န်းကျင်ထိန်းသိမ်းရေးတွင် သစ်တောများ၏ အရေးပါမှုနှင့် သစ်တောထိန်းသိမ်းရေးနည်းလမ်းများ သစ်တောဦးစီးဌာနအနေဖြင့် ဆောင်ရွက်လျက်ရှိသောလုပ်ငန်းများ၊ သစ်ပင်စိုက်ပျိုးခြင်းနည်း စနစ်များ၊ သစ်ပင်စိုက်ပျိုးခြင်း၏အကျိုးရလဒ်များ၊ ဇီ၀မျိုးစုံမျိုးကွဲများထိန်းသိမ်းရေးတို့ကို အသိပညာ ပေးဆွေးနွေး ဟောပြောခဲ့ပါကြောင်းနှင့် ကျောင်းသူ/ကျောင်းသားများမှ မေးမြန်းသည့်သိရှိလိုသည့်များအပေါ် ပြန်လည်ရှင်းလင်းဖြေကြားခြင်း၊ လက်ကမ်းစာဆောင်များဖြန့်ဝေခြင်းများဆောင်ရွက်ခဲ့ပြီး၊ တမာ(၅)ပင်၊ ပိတောက်(၅)ပင်၊ မယ်ဇယ်(၅)ပင်၊ စုစုပေါင်း(၁၅)ပင် ဖြန့်ဝေပေးခြင်းနှင့် သရုပ်ပြစိုက်ပျိုးခြင်းများ ဆောင်ရွက်ခဲ့ပါကြောင်း သတင်းရရှိပါသည်။