သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

(၇.၇.၂၀၂၆)ရက်နေ့၊နံနက် (၀၉:၃၀)နာရီအချိန်၊ ဧရာဝတီတိုင်းဒေသကြီး၊ ပုသိမ်ခရိုင်၊ ရေကြည်မြို့နယ်၊ ကျုံပျော်မြို့၊ အ.ထ.က(၂)၊ကျောင်း ခန်းမဆောင်တွင် ရေကြည်မြို့နယ် သစ်တောဦးစီးဌာနမှ တောအုပ်ကြီး ဦးပိုင်မင်းဝေမှ*မိုးရာသီသစ်ပင်စိုက်ပျိုးရေး၊ သစ်တော၊ ဇီဝမျိုးစုံမျိုးကွဲနှင့်ပတ်ဝန်းကျင် ထိန်းသိမ်းရေးဆိုင်ရာအသိပညာပေးဟောပြောပွဲ*ကို ကျင်းပ ဆောင်ရွက်ခဲ့ပါသည်။ အသိပညာပေးဟောပြောပွဲတွင်သစ်တောဝန်ထမ်း(၄)ဦး၊ ဆရာ၊ဆရာမ (၆)ဦး၊ ကျောင်းသား (၁၄၉)ဦး၊ ကျောင်းသူ (၁၄၄)ဦး၊ စုစုပေါင်း(၃၀၃)ဦး တက်ရောက်ခဲ့ပါသည်။(ကျား - ၁၅၃ဦး၊ မ - ၁၅၀ ဦး)အဆိုပါအခမ်းအနားတွင် တောအုပ်ကြီး ဦးပိုင်မင်းဝေမှ မြန်မာနိုင်ငံ၏ ဇီဝမျိုးစုံမျိုးကွဲ ကြွယ်ဝမှုအခြေအနေ၊ သဘာဝထိန်းသိမ်းရေး နယ်မြေများ ဖွဲ့စည်းတည်ထောင်ထားမှုအခြေအနေ၊ သစ်တောဖုံးလွှမ်းမှုအခြေအနေ၊ သစ်တောပြုန်းတီးမှုကို ဖြစ်ပေါ်စေသည့်အကြောင်း အရင်းများ၊ ရာသီဥတုပြောင်းလဲမှုဆိုင်ရာ အကြောင်းအရာများ၊ သစ်တောမြေပြင်ပ သစ်ပင်များ၏ အကျိုးကျေးဇူးများ၊ ပတ်ဝန်းကျင်ဆိုင်ရာ ပြဿနာများ နှင့် ဖြေရှင်းရမည့် နည်းလမ်းများ၊ ရေကြည်မြို့နယ်မှ ဆောင်ရွက်လျှက်ရှိသည့် ပြည်သူ လူထု ပူးပေါင်းပါဝင်သည့် သစ်တော သစ်ပင်စိုက်ပျိုး ထိန်းသိမ်းရေး လုပ်ငန်းများ၊ သစ်မျိုးများအလိုက်အသုံးဝင်ပုံများ စသည့်အကြောင်း အရာများကိုအသိပညာပေးဟောပြောခဲ့ပြီး Climate Change Video Clip ပြသခဲ့ပါကြောင်း နှင့် ဆွေးနွေး မေးမြန်းချက်များကိုလည်း ပြန်လည် ဖြေကြားခြင်းများ ဆောင်ရွက်ခဲ့ပါသည်။ဆက်လက်၍ သစ်ပင်စိုက်ပျိုးနည်းစနစ်များအကြောင်း လက်တွေ့ပြသခြင်းနှင့်အတူ ကျောင်းသား/ကျောင်းသူများကို ကျွန်း၊ ပျဥ်းကတိုး၊ မဟော်ဂနီစသည့် ပျိုးပင်များဖြန့်ဝေပေးအပ်ခဲ့ပြီး ကျောင်းဝန်းအတွင်းစုပေါင်းသစ်ပင်စိုက်ပျိုးခဲ့ပါကြောင်း သတင်းရရှိသည်။

ပဲခူးတိုင်းဒေသကြီး၊ နတ်တလင်းခရိုင်၊ ဇီးကုန်းမြို့နယ်၊ သစ်တောဦးစီးဌာနမှ ရက်(၁၀၀)အတွင်းဆောင်ရွက်မည့် လုပ်ငန်းစီမံချက်နှင့်အညီ မိုးရာသီသစ်ပင်စိုက်ပျိုးရေး သစ်တောဇီဝမျိုးစုံမျိုးကွဲနှင့် ပတ်ဝန်းကျင်ထိန်းသိမ်းရေးတရားမဝင်သစ်လျော့နည်းပပျောက်ရေးဆိုင်ရာအသိပညာပေးဟောပြောပွဲ အခမ်းအနားကို (၆.၇.၂၀၂၆)ရက်နေ့ နံနက်ပိုင်း (၀၉း၃၀) နာရီအချိန်တွင် ဇီးကုန်းမြို့နယ်၊ (မြို့မ) အ.ထ.က ကျောင်းတွင် ကျင်းပဆောင်ရွက်ခဲ့ရာ ကျောင်းအုပ်ဆရာကြီးပါ ဆရာ/ဆရာမ(၄)ဦး ကျောင်းသား(၆၀)ဦး ကျောင်းသူ (၇၁)ဦးနှင့် သစ်တောဦးစီးဌာနမှ ဝန်းထမ်း(၆) ဦး စုစုပေါင်း (၁၄၁)ဦး တက်ရောက်ခဲ့ကြပါသည်။ အဆိုပါအခမ်းအနားတွင် တောအုပ်ကြီး ဦးသိန်းဆိုင်မှ သဘာဝပတ်ဝန်းကျင်ထိန်းသိမ်းရေး တွင် သစ်တောများ၏ အရေးပါမှုနှင့် သစ်တောထိန်းသိမ်းရေးနည်းလမ်းများ သစ်တောဦးစီးဌာနအနေဖြင့် ဆောင်ရွက်လျက်ရှိသော လုပ်ငန်းများ သစ်ပင်စိုက်ပျိုးခြင်း၏ အကျိုးရလဒ်များ ဇိဝမျိုးစုံမျိုးကွဲ ထိန်းသိမ်းရေးတို့ကို အသိပညာပေးဆွေးနွေးဟောပြောခဲ့ပါကြောင်းနှင့် တက်ရောက်လာသူများမှ သိရှိလိုသည်များအပေါ် ပြန်လည်ရှင်းလင်းပြောကြားခြင်း များဆောင်ရွက်ခဲ့ပါကြောင်း သတင်းရရှိသည်။

(၉-၇-၂၀၂၆)ရက်နေ့(၁၃:၃၀)နာရီအချိန်တွင် သစ်တောဦးစီးဌာန၊မြန်အောင်မြို့နယ်မှ ရက်(၁၀၀) အတွင်း ဆောင်ရွက်မည့်လုပ်ငန်းစီမံချက်နှင့်အညီ ညောင်ခြေထောက်ကျေးရွာအုပ်စု၊ ညောင်ခြေထောက်ကျေးရွာ ဘုန်းကြီးကျောင်း ဓမ္မာရုံ၌“မိုးရာသီသစ်ပင်စိုက်ပျိုးရေး၊ သစ်တော၊ ဇီဝမျိုးစုံမျိုးကွဲနှင့် ပတ်ဝန်းကျင်ထိန်းသိမ်းရေးဆိုင်ရာ အသိပညာပေးဟောပြောပွဲ”ကျင်းပခဲ့ရာကျေးရွာအုပ်ချုပ်ရေးအဖွဲ့ပါ‌ဒေသခံပြည်သူ ကျား(၆၅) ဦး၊ မ(၆၃)ဦးနှင့် သစ်တောဝန်ထမ်း(၇)ဦး စုစုပေါင်း(၁၃၅)ဦး [ကျား - ၇၂ ဦး၊ မ - ၆၃ ဦး]တက်ရောက်ခဲ့ပါသည်။ အဆိုပါအသိပညာပေးဟောပြောပွဲတွင် တောအုပ်ကြီး ဦးကောင်းခန့်ကျော်က *သစ်ပင်စိုက်ပျိုးပြုစုထိန်းသိမ်းရေးနည်းစနစ်များ၊ ပြည်သူလူထုပူးပေါင်းပါဝင်သော သစ်တောပြုစုထိန်းသိမ်းရေးလုပ်ငန်းများ၊ ဇီဝမျိုးစုံမျိုးကွဲထိန်းသိမ်းရေး၊ ပတ်ဝန်းကျင်ဆိုင်ရာပြဿနာများနှင့် ဖြေရှင်းရမည့်နည်းလမ်းများ၊တရားမဝင်သစ်ထုတ်လုပ်မှုလျော့နည်းပပျောက်ရေးနှင့် တောဆင်ရိုင်းအန္တရာယ်ကာကွယ်ရေး*တို့အား အသိပညာပေးဆွေးနွေးဟောပြောခဲ့ပြီး သိရှိလိုသည့်မေးမြန်းချက်များအပေါ် ပြန်လည်ဖြေကြားခြင်းများဆောင်ရွက်ခဲ့ပါကြောင်းနှင့် ဒေသခံများစိုက်ပျိုးရန် ပျိုးပင်များဖြန့်ဝေခဲ့ပါကြောင်းသတင်းရရှိသည်။ ည