သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

မွန်ပြည်နယ်အစိုးရအဖွဲ့၏ ကြီးကြပ်လမ်းညွှန်မှုအရ ပေါင်မြို့နယ်၊ အလှပ်ကျေးရွာ အုပ်စု၊ ဆယ်အိမ်စုရပ်၊ ပင်လယ်ကမ်းခြေတွင်“၂၀၂၆ ခုနှစ်၊ အပြည်ပြည်ဆိုင်ရာဒီရေတောဂေဟစနစ်ထိန်းသိမ်းရေးနေ့အထိမ်းအမှတ်သစ်ပင်စိုက်ပျိုးပွဲ”အား ၂၆-၇-၂၀၂၆ ရက်၊ တနင်္ဂနွေနေ့ နံနက်(၈:၀၀) နာရီတွင် ကျင်းပပြုလုပ်ခဲ့ရာ မွန်ပြည်နယ်အစိုးရအဖွဲ့ ပြည်နယ်ဝန်ကြီးချုပ်၊ မွန်ပြည် နယ်လွှတ်တော်ဥက္ကဌ၊ ပြည်နယ်တရားလွှတ်တော်တရားသူကြီးချုပ်၊ မွန်ပြည်နယ် လွှတ်တော်ဒုဥက္ကဌ၊ ပြည်နယ်အစိုးရအဖွဲ့ဝင်ဝန်ကြီးများ၊ ပြည်နယ်စာရင်းစစ်ချုပ်၊ ပြည်နယ်အဆင့် ဌာနဆိုင်ရာအကြီးအကဲများ၊ ပြည်နယ်သစ်တောဦးစီးဌာန ညွှန်ကြားရေးမှူး၊ ပြည်နယ်လက်ထောက် ညွှန်ကြားရေးမှူး၊ သထုံမြို့နယ် ဦးစီးအရာရှိနှင့် သစ်တောဝန်ထမ်းများ၊ ခရိုင်/မြို့နယ် စီမံအုပ်ချုပ်ရေးအဖွဲ့နှင့် ခရိုင်/မြို့နယ်အဆင့် ဌာနဆိုင်ရာများ၊ အခြေခံပညာကျောင်းများမှ ဆရာ/ ဆရာမများနှင့် ကျောင်းသား/ကျောင်းသူများ၊ အမျိုးသမီးရေးရာအဖွဲ့၊ မိခင်နှင့်ကလေး စောင့်ရှောက်ရေးအသင်း၊ လူမှုကူညီရေးအသင်းအဖွဲ့များ၊ ရပ်ကွက်အုပ်ချုပ်ရေးအဖွဲ့နှင့် ဒေသခံပြည်သူများ စုစုပေါင်း အင်အား (၇၁၉)ဦးခန့် တက်ရောက်ခဲ့ကြပြီး ဗြူးရွှေဝါ၊ သမဲ့စသည့် သစ်မျိုး(၂)မျိုးဖြင့် စုစုပေါင်းပင်ရေ (၁၂၁၀)ပင်အားစိုက်ပျိုးခဲ့ပါကြောင်း သတင်းရရှိသည်။

(၂၄.၇.၂၀၂၆)ရက်နေ့၊ (၀၉:၃၀)နာရီအချိန်၊‌ပေါင်မြို့နယ်၊အလှပ်ကျေးရွာ အခြေခံပညာအထက် တန်းကျောင်း ၊တော်ဝင်သဇင်ခန်းမ၌ "အပြည်ပြည်ဆိုင်ရာဒီရေတောဂေဟစနစ်ထိန်းသိမ်းရေးနေ့အထိမ်းအမှတ်"ဒီရေတောများအကြောင်းသိကောင်းစရာ"ခေါင်းစဉ်ဖြင့်အသိပညာပေးဟောပြောပွဲ´´ကျင်းပပြုလုပ်ရာ ဟောပြောပွဲသို့ ကျောင်းအုပ်ဆရာ မကြီးနှင့် ဆရာ/ဆရာမများ၊ကျောင်းသား/သူများစုစုပေါင်းကျား(၁၅၀)ဦး မ(၂၀၀)ဦးနှင့်ပေါင်မြို့နယ်မှသစ်တောဝန်ထမ်း (၂)ဦး၊စုစုပေါင်း လူဦးရေကျား/မ၊(၃၅၂)ဦး တက်ရောက်ခဲ့ကြပြီး အဆိုပါဟောပြောပွဲတွင် ပေါင်မြို့နယ်သစ်တောဦးစီးဌာနမှ တောအုပ်ကြီးဦးဇော်လွင်ဦးမှ ဒီရေတောများ၏အခြေအနေနှင့် အသုံးဝင်ပုံများ၊ဒီရေတောကမ်းရိုး တန်း သယံဇာတများဆုံးရှုံးပျက်စီးရသည့်ကြောင်းအရင်းများနှင့် ကမ်းရိုးတမ်းဂေဟစနစ်ထိန်းသိမ်းရေးလုပ်ငန်းများဆောင်ရွက်နေမှုအခြေအနေများအားအကျယ်တဝင့်ဆွေး နွေးဟောပြောခြင်း၊လက်ကမ်းစာစောင်ဖြန့်ဝေခြင်းများဆောင်ရွက်ကာ တက်‌ရောက်သည့်‌ ကျောင်းသား/သူများကသိရှိလိုသည့်မေးမြန်းချက်များအပေါ် ပြန်လည်ဖြေကြားခြင်းများ ဆောင်ရွက်ခဲ့ပါကြောင်းသတင်းရရှိသည်။

၂၀၂၆ ခုနှစ်၊ အပြည်ပြည်ဆိုင်ရာ ဒီရေတောဂေဟစနစ်ထိန်းသိမ်းရေးနေ့အထိမ်းအမှတ်အခမ်းအနားကို(၂၄-၇-၂၀၂၆)ရက်နေ့၊ နံနက်(၀၉း၀၀)အချိန်တွင် သစ်တောဦးစီးဌာန၊ ညွှန်ကြားရေးမှူးချုပ်ရုံး၊ အင်ကြင်းခန်းမ၌ကျင်းပရာ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ ဒုတိယဝန်ကြီး ဒေါက်တာသောင်းနိုင်ဦး တက်ရောက်အမှာစကားပြောကြား သည်။ဒုတိယဝန်ကြီးက အမှာစကားပြောကြားရာတွင် ယနေ့ကျင်းပသည့် ၂၀၂၆ခုနှစ် အပြည်ပြည် ဆိုင်ရာ ဒီရေတောဂေဟစနစ်ထိန်းသိမ်းရေးနေ့ ကို “Raise Awareness of the Importance of Mangrove Ecosystem for Sustainable Conservation, Management and Uses” “ဒီရေတောများ သားစဉ်မြေးဆက်ထိန်းသိမ်းအသုံးပြုနိုင်ရေး ပြည်သူလူထု အသိပညာမြှင့်တင်ပေး”ဟူသောဆောင်ပုဒ် ဖြင့်နှစ်စဉ် ကျင်းပခဲ့ခြင်းဖြစ်ကြောင်း၊ မြန်မာနိုင်ငံသည် ဒီရေတောဧရိယာဧက ၁.၂၆ သန်းခန့်ဖြင့် ကမ္ဘာပေါ်တွင် သတ္တမမြောက်ဒီရေတောဧရိယာ အများဆုံးပိုင်ဆိုင်သည့်နိုင်ငံဖြစ်ပြီး အာဆီယံဒေသမှာ တတိယမြောက် ဒီရေတောဧရိယာအများဆုံး ပိုင်ဆိုင်သောနိုင်ငံဖြစ်ကြောင်းနှင့် ဒီရေတာများသည် လေထုထဲရှိ ကာဗွန်ဒိုင်အောက်ဆိုဒ်ကို အများဆုံးစုပ်ယူပေးသော ကာဗွန်သိုလှောင်ရုံကြီးများဖြစ်ကြပြီး သဘာဝဘေး အန္တရာယ်ကာကွယ်ရေး၊ ရာသီဥတုပြောင်းလဲမှုလျှော့ချရေးတို့တွင် အလွန်အရေးပါကြောင်း ပြောကြားသည်။ ထို့ပြင် နိုင်ငံအတွင်းရှိဒီရေတောအမျိုးအစားနှင့် အခြေအနေများအပေါ်မူတည်ပြီး စီမံအုပ်ချုပ်ခြင်း မဟာဗျူဟာ(၃)ရပ်ဖြစ်သော အဏ္ဏဝါအမျိုးသားဥယျာဉ်များနှင့်သဘာဝထိန်းသိမ်းရေးနယ်မြေများတိုးချဲ့ တည်ထောင်ခြင်း၊ ကြိုးဝိုင်း/ကြိုးပြင်ကာကွယ်တောများ သတ်မှတ်ဖွဲ့စည်းခြင်းနှင့် ဒီရေတောဂေဟစနစ်များ ပြန်လည်တည်ထောင်ခြင်းတို့ဖြင့် အစဉ်တစိုက်စီမံအုပ်ချုပ်ခြင်းနှင့်အတူ မဟာဗျူဟာတစ်ရပ် ဆောင်ရွက်တိုင်း လူမှုစီးပွားဘဝဖွံ့ဖြိုးတိုးတက်ရေးကိုပါ ချိတ်ဆက်ဆောင်ရွက်လျက် ရှိပါကြောင်းနှင့် ထိုသို့ဆောင်ရွက် ခြင်းကြောင့် ကမ္ဘာလူသားများသာယာဝပြောရေး၊ စားရေရိက္ခာဖူလုံရေး နှင့် သဘာဝဘေး အန္တရာယ်များကို ကြံ့ကြံ့ခံတုန့်ပြန်နိုင်စွမ်း မြှင့်တင်ပေးရေးတို့အတွက် အရေးပါသော ကမ္ဘာ့ဒီရေတောများနှင့် ဇီဝမျိုးစုံ မျိုးကွဲများ၊ ငါး၊ ပုစွန်၊ ဂဏန်း စသည့်သတ္တဝါများ၊ ၎င်းတို့၏နေရင်း ဒေသများ စနစ်တကျထိန်းသိမ်း တည်ထောင်နိုင်ဖို့၊ ပြည်သူလူထုအကြား ဒီရေတောထိန်းသိမ်းရေးအသိများ ပိုမိုနိုးကြားသိမြင် လာစေမှာဖြစ်ကြောင်း ပြောကြားသည်။ ထို့နောက် အစီအစဉ်အရ အပြည်ပြည်ဆိုင်ရာဒီ‌ရေတောဂေဟစနစ် ထိန်းသိမ်းရေးနေ့ အထိမ်းအမှတ် Video clip အားပြသပြီး နောက် ဒုတိယဝန်ကြီးသည် အပြည်ပြည်ဆိုင်ရာဒီ‌ရေတောဂေဟစနစ် ထိန်းသိမ်းရေးနေ့အထိမ်းအမှတ် ပိုစတာများအား လှည့်လည်ကြည့်ရှုသည်။