Welcome to Forest Department
No front page content has been created yet.
သတင်းနှင့်ကြေငြာချက်များ
ပြည်ထောင်စုသမ္မတမြန်မာနိုင်ငံတော်အစိုးရ၊ သယံဇာတနှင့် သဘာဝပတ်ဝန်းကျင်ထိန်း သိမ်းရေးဝန်ကြီးဌာနသည် ၂၀၁၈ ခုနှစ်၊ သစ်တောဥပဒေပုဒ်မ-၆၊ ပုဒ်မခွဲ(င)အရ အပ်နှင်းထား သောလုပ်ပိုင်ခွင့်များကို ကျင့်သုံးလျက် စစ်ကိုင်းတိုင်းဒေသကြီး၊ ကသာခရိုင်၊ ကသာမြို့နယ် အတွင်းကျရောက်နေသည့် ဧရိယာအကျယ်အဝန်း ၁,၃၄၈ ဧကရှိသော နယ်မြေကို “ကျောက် တောင်(၂) ကြိုးပြင်ကာကွယ်တော”အဖြစ် အမိန့်ကြော်ငြာစာအမှတ်(၁၄/၂၀၂၄)အရ ၁၃၈၅ ခုနှစ်၊ တပို့တွဲလဆန်း(၆)ရက် (၂၀၂၄ ခုနှစ်၊ ဖေဖော်ဝါရီလ ၁၅ ရက်)မှစ၍ သတ်မှတ်ကြောင်း ကြေညာ လိုက်သည်။
သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာနသည် ကိုရီးယားနိုင်ငံ၊ အာရှဒေသသစ်တောကဏ္ဍဆိုင်ရာ ပူးပေါင်းဆောင်ရွက်ရေးအဖွဲ့(Asian Forest Cooperation Organization-AFoCO)အထောက်အပံ့ဖြင့် သစ်တောမှီခိုနေထိုင်သူများ၏ လူမှု ဘဝဖွံ့ဖြိုးတိုးတက်စေရေးအတွက် သစ်တောထိန်းသိမ်းခြင်းနှင့် ဒေသခံပြည်သူအခြေပြု စီးပွား ရေးလုပ်ငန်းများဖွံ့ဖြိုးမှုဆိုင်ရာ စံပြသစ်တောတည်ထောင်ခြင်းစီမံကိန်း (FD-AFoCO Model Forest Project) ၂၀၂၀ ပြည့်နှစ်၊ ဒီဇင်ဘာလမှစတင်၍ ၂၀၂၄ ခုနှစ်၊ စက်တင်ဘာလအထိ (၄)နှစ်အကောင်အထည်ဖော်ဆောင်ရွက်လျက်ရှိရာ ထာဝစဉ်တည်တံ့စေသော သစ်တောစီမံ အုပ်ချုပ်မှုကို အထောက်အကူပြုစေရေးနှင့် သစ်တောဝန်ထမ်းများ၏ စွမ်းဆောင်ရည်တိုးတက် မြင့်မားစေရေးအတွက် သစ်တောဦးစီးဌာန၊ ပဲခူးတိုင်းဒေသကြီး၊ ညွှန်ကြားရေးမှူးရုံးတွင် (၁၇-၂-၂၀၂၄) ရက်နေ့မှ (၂၁-၂-၂၀၂၄)ရက်နေ့အထိ ကွန်ပျူတာကိုင် တွယ်အသုံးပြုလျက်ရှိသော သစ်တောဝန်ထမ်း(၂၀)ဦးဖြင့် ဖွင့်လှစ်ပို့ချမည့် GIS ကိုင်တွယ်အသုံးချခြင်း၊ Global Mapper နှင့် ArcGIS Software များအသုံးပြု၍ မြေပုံထုတ်လုပ်ခြင်းသင်တန်းဖွင့်ပွဲအခမ်းအနားကို (၁၇-၂-၂၀၂၄)ရက်နေ့၊ နံနက်(၁၀:၃၀)နာရီတွင် ကျင်းပပြုလုပ်ခဲ့ရာ သစ်တောဦးစီးဌာန၊ ညွှန်ကြားရေးမှူးချုပ်၊ ဒေါက်တာသောင်းနိုင်ဦးက Online မှတစ်ဆင့် သင်တန်းဖွင့်ဩဝါဒ စကားပြောကြားခဲ့ပြီး လေ့ကျင့်ရေးနှင့် သုတေသနဖွံ့ဖြိုးရေးဌာန၊ ညွှန်ကြားရေးမှူး၊ ဦးတင့်ခိုင်၊ ပဲခူးတိုင်းဒေသကြီး၊ ညွှန်ကြားရေးမှူး၊ ဦးချစ်ဦး(၂) နှင့် လက်ထောက်ညွှန်ကြားရေးမှူးများ၊ ဦးစီးအရာရှိများ၊ သင်တန်းဆရာများ၊ သင်တန်းသားများအပါအဝင် စုစုပေါင်း(၃၄)ဦး ပါဝင်တက် ရောက်ကြကြောင်း သိရှိရသည်။
မကွေးတိုင်းဒေသကြီး၊ မင်းဘူး(စကု)မြို့နယ်အတွင်းရှိ မန်းရွှေစက်တော်ဘုရားပွဲတော် ဖွင့်ပွဲအခမ်းအနားကို (၁၄-၂-၂၀၂၄)ရက်နေ့တွင် ကျင်းပဆောင်ရွက်ခဲ့ရာ အဆိုပါ ဘုရားပွဲတော် ကာလအတွင်း ဘုရားဖူးလာပြည်သူများ သစ်တောနှင့် ဇီဝမျိုးစုံမျိုးကွဲများထိန်းသိမ်းခြင်းဆိုင်ရာ ဗဟုသုတတိုးပွားစေရန်ရည်ရွယ်၍ သစ်တောဦးစီးဌာန၊ ရွှေစက်တော်တောရိုင်းတိရစ္ဆာန်ဘေးမဲ့ တောမှ ဇီဝမျိုးစုံမျိုးကွဲနှင့် ပတ်ဝန်းကျင်ထိန်းသိမ်းရေးလူထုပညာပေးပြခန်း ပြသဆောင်ရွက် လျက်ရှိပါသည်။ အဆိုပါ သစ်တောဦးစီးဌာနပြခန်းသို့ ဘုရားဖူးလာပြည်သူများဝင်ရောက်၍ စိတ်ဝင်တစားကြည့်ရှုကြကြောင်း သိရှိရသည်။
ပြည်ထောင်စုသမ္မတမြန်မာနိုင်ငံတော်အစိုးရ၊ သယံဇာတနှင့် သဘာဝပတ်ဝန်းကျင်ထိန်း သိမ်းရေးဝန်ကြီးဌာနသည် ၂၀၁၈ ခုနှစ်၊ သစ်တောဥပဒေပုဒ်မ-၆၊ ပုဒ်မခွဲ(င)အရ အပ်နှင်းထား သောလုပ်ပိုင်ခွင့်များကို ကျင့်သုံးလျက် မွန်ပြည်နယ်၊ ကျိုက်ထိုခရိုင်၊ ကျိုက်ထိုမြို့နယ်အတွင်း ကျရောက်နေသည့်ဧရိယာအကျယ်အဝန်း ၂,၂၇၅ ဧက ရှိသောနယ်မြေကို “ကျိုက်ပိရွှေသောင်ကွင်း ဒီရေတောကြိုးပြင်ကာကွယ်တော”အဖြစ် အမိန့်ကြော်ငြာစာအမှတ်(၁၃/၂၀၂၄)အရ ၁၃၈၅ ခုနှစ်၊ တပို့တွဲလဆန်း(၆)ရက်၊ (၂၀၂၄ ခုနှစ်၊ ဖေဖော်ဝါရီလ ၁၅ ရက်)မှစ၍ သတ်မှတ်ကြောင်း ကြေညာလိုက်သည်။
ပြည်ထောင်စုသမ္မတမြန်မာနိုင်ငံတော်အစိုးရ၊ သယံဇာတနှင့် သဘာဝပတ်ဝန်းကျင်ထိန်း သိမ်းရေးဝန်ကြီးဌာနသည် ၂၀၁၈ ခုနှစ်၊ သစ်တောဥပဒေပုဒ်မ-၆၊ ပုဒ်မခွဲ(င)အရ အပ်နှင်းထားသော လုပ်ပိုင်ခွင့်များကို ကျင့်သုံးလျက် တနင်္သာရီတိုင်းဒေသကြီး၊ ဘုတ်ပြင်းခရိုင်၊ ဘုတ်ပြင်းမြို့နယ် အတွင်းကျရောက်နေသည့်ဧရိယာအကျယ်အဝန်း ၄,၄၃၅ ဧကရှိသောနယ်မြေကို “ထင်းမယ်ကြိုးပြင် ကာကွယ်တော”အဖြစ် အမိန့်ကြော်ငြာစာအမှတ်(၁၂/၂၀၂၄)အရ ၁၃၈၅ ခုနှစ်၊ တပို့တွဲလဆန်း(၆) ရက် (၂၀၂၄ ခုနှစ်၊ ဖေဖော်ဝါရီလ ၁၅ ရက်)မှစ၍ သတ်မှတ်ကြောင်း ကြေညာလိုက်သည်။
မုတ္တမပင်လယ်ကွေ့စီမံကိန်းနှင့်ပတ်သက်၍ ၂၀၂၄ ခုနှစ်၊ ဖေဖော်ဝါရီလ (၁၄) ရက်နေ့၊ နံနက် (၁၀:၀၀) နာရီအချိန်၊ မွန်ပြည်နယ်၊ သစ်တောဦးစီးဌာန၊ ညွှန်ကြားရေးမှူးရုံး အစည်းအဝေး ခန်းမတွင် သစ်တောဦးစီးဌာန၊ ပြည်နယ်/ခရိုင်/ မြို့နယ် တာဝန်ခံများအား ၂၀၂၄ ခုနှစ်တွင် မွန် ပြည်နယ်ရှိ စီမံကိန်းမြို့နယ်များအတွင်း သစ်တောကဏ္ဍဆိုင်ရာလုပ်ဆောင်မည့် လုပ်ငန်းအခြေ အနေများကို စီမံကိန်းတာဝန်ရှိသူများမှ လာရောက်တွေ့ဆုံ ရှင်းလင်းတင်ပြခဲ့ပါသည်။ စီမံကိန်း တာဝန်ရှိသူများမှ မုတ္တမပင်လယ်ကွေ့ စီမံကိန်းနှင့်ပတ်သက်၍ စီမံကိန်းဆိုင်ရာ အချက်အလက် များ၊ စီမံကိန်းမှ သစ်တောကဏ္ဍဆိုင်ရာ ဆောင်ရွက်ပြီးစီးခဲ့မှုအခြေအနေများအား ရှင်းလင်းဆွေး နွေးတင်ပြခဲ့ရာ ရှင်းလင်းဆွေးနွေးတင်ပြမှုများအပေါ် မွန်ပြည်နယ်၊ သစ်တောဦးစီးဌာန၊ ညွှန်ကြားရေးမှူးက လိုအပ်သည်များအား ပေါင်းစပ်ညှိနှိုင်းဆောင်ရွက်ပေးသွားမည်ဖြစ်ပါကြောင်း ဖြည့်စွက်ဆွေးနွေးခဲ့ပါသည်။
သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာနအနေဖြင့် မြန်မာ့ကျွန်းသစ်မူရင်း ဒေသဖြစ်သော ပဲခူးရိုးမအတွင်း ၂၀၁၆-၁၇ ဘဏ္ဍာနှစ်မှစ၍ တရားဝင်သစ်ထုတ်လုပ်ခြင်း လုပ်ငန်းအား (၁၀)နှစ်ရပ်နား ထားပြီး သစ်တောပြုစုထိန်းသိမ်းခြင်းလုပ်ငန်းများအား အရှိန်အဟုန်မြှင့် ဆောင်ရွက်နေလျှက်ရှိသည့်အပြင် တရားမဝင် သစ်ခိုးထုတ်ခြင်း၊ တရားမဝင်တောရိုင်းတိရစ္ဆာန်များ သတ်ဖြတ်ခြင်းနှင့် ကျူးကျော်အခြေချနေထိုင်ခြင်းများအား ပြည်သူ ပူးပေါင်းပါဝင်မှုဖြင့် စီမံချက်ချအကောင်အထည်ဖော်ဆောင်ရွက်နေလျှက်ရှိပါသည်။ ပဲခူးရိုးမစိမ်းလန်းစိုပြည်ရေး ဧရိယာ အတွင်းမှ (၅-၂-၂၀၂၄)ရက်နေ့မှ (၁၁-၂-၂၀၂၄) ရက်နေ့ထိ တစ်ပတ်တာကာလအတွင်း တရားမဝင်ကျွန်း၊ သစ်မာ၊ အခြား စုစုပေါင်း (၅၇.၉၄၆၈) တန်ဖမ်းဆီးရမိခဲ့ပါသည်။
နေပြည်တော်၊ ပြည်နယ်နှင့် တိုင်းဒေသကြီး သစ်တောဦးစီးဌာနများမှ ပေးပို့လာသော စာရင်းများအရ တရားမဝင် ကျွန်း (၃၅.၀၇၈၈)တန်၊ သစ်မာ (၆.၈၈၆၇)တန်၊ အခြား (၁၀၁.၆၆၁၃)တန်၊ စုစုပေါင်း (၁၄၃.၆၂၆၈)တန်၊ ယာဉ်/ ယန္တရား (၁၄)စီး၊ တရားခံ (၂၃) ဦး ဖမ်းဆီးရမိခဲ့ပါသည်။ ဖမ်းဆီးရမိမှုများအနက် အများဆုံးဖမ်းဆီးရမိမှုမှာ ၆-၂-၂၀၂၄ ရက်နေ့၊ နေပြည်တော်၊ ဥတ္တရခရိုင်၊ တပ်ကုန်းမြို့နယ်၊ ဗျင်ကျယ်ဘိနယ်၊ အဆုံဇီးကုန်းကျေးရွာ၊ ရန်ကုန်-မန္တလေး လမ်းဟောင်း၊ မိုင်တိုင်အမှတ်(၂၄၆/၂)အနီး၊ ကင်းသာလမ်းခွဲအနီးရှိ ဦးနေထွန်းစိုး ၏ နေအိမ်ခြံဝင်းအတွင်းနှင့် ၎င်းခြံဝင်းကပ်လျက်ရှိ ယာကွင်းစပ်အတွင်း/ ဦးသောင်းရှိန် ၏ သစ်ခွဲသားအရောင်းဆိုင် တို့မှ တရားမဝင် အခြားသစ်လုံး/ခွဲသား/ခွဲခြမ်း (၁၅၆၉) လုံး/ချောင်း/ခြမ်း (၃၉.၇၁၇၉)တန်၊ (၆)ဘီးယာဉ် (၁)စီး၊ အင်ဂျင် (၁)လုံး၊ လွှဝိုင်း (၃)ဝိုင်း၊ တရားခံ (၂)ဦး ဖမ်းဆီးရမိပါသည်။