သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

တနင်္သာရီတိုင်းဒေသကြီး၊ သစ်တောဦးစီးဌာန၊ ကော့သောင်းခရိုင်၊ဘုတ်ပြင်းမြို့နယ်မှမိုးရာသီသစ်ပင်စိုက်ပျိုး၊ဇီဝမျိုးစုံမျိုးကွဲနှင့်ပတ်ဝန်းကျင်ထိန်းသိမ်းရေးဆိုင်ရ မြို့နယ်အဆင့် အသိပညာပေးဟောပြောပွဲ အခမ်းအနားကို(၁၅-၈-၂၀၂၆)ရက်နေ့၊ နံနက်(၀၉:၀၀)နာရီ၌ ဘုတ်ပြင်းမြို့၊အထက်တန်းကျောင်းတွင် ကျင်းပဆောင်ရွက်ခဲ့ရာ ဘုတ်​ပြင်းမြို့၊ကျောင်း အုပ်ဆရာမကြီးဒေါ်သီသီဦးနှင့်၊ ဆရာ/ဆရာမများ​(၃၇)ဦး၊​ကျောင်းသား(၉၄)ဦး/ကျောင်းသူ( ၁၄၃)ဦး၊ စုစုပေါင်း(၂၇၄)ဦး၊သစ်တောဦးစီးဌာနမှ ဝန်ထမ်းများ(၅)ဉီး၊စုစုပေါင်း(၂၇၉)ဦးတက်ရောက်ခဲ့ကြပါသည်။အခမ်းအနားတွင်ဘုတ်ပြင်းမြို့နယ်၊သစ်တောဦးစီးဌာန၊ ဉီးစီးအရာရှိ၊ ဦး​စောလူးသယ်​ရွှေမှ မိုးရာသီသစ်ပင်စိုက်ပျိုးရေး၊ဇီဝမျိုးစုံမျိုးကွဲနှင့်ပတ်ဝန်းထိန်းသိမ်းရေးဆိုင်ရာအသိပညာပေးအကြောင်းအရာများ၊သစ်တောသစ်ပင်အသုံးဝင်ပုံများ ၊ဉီးကြည်ဉီး၊အုပ်ချုပ်ရေးမှူး၊လန်ပိအဏ္ဏာဝါအမျိုးသားဉယျာဉ်မှပလပ်စတစ်သုံးစွဲမှုလျော့ချရေး၊သဘာဝပတ်ဝန်းကျင်ထိန်းသိမ်းရေးဆိုင်ရာအကြောင်းအရာများကို တက်ရောက်လာသူများသို့အသိပညာပေးဆွေးနွေးဟောပြော ခြင်းဆောင်ရွက်ခဲ့ပါသည်။အဆိုပါဟောပြောပွဲတွင်တက်ရောက်လာသူများအား မိုးရာသီသစ်ပင်စိုက်ပျိုး​ရေး၊ဇီဝမျိုးစုံမျိုးကွဲနှင့်ပတ်ဝန်းကျင်ထိန်းသိမ်း​ရေးဆိုင်ရာ လက်ကမ်းစာစောင်များဖြန့်ဝေပေးခြင်း၊သစ်တောထိန်းသိမ်းရေး၊သစ်ပင်စိုက်ပျိုးခြင်း​​ကြောင့်သဘာဝ​ဘေးဒဏ်များမှကာကွယ်ပေးခြင်းဆိုင်ရာများ၊သိရှိလိုသည်များအပေါ် ပြန်လည်ရှင်းလင်းဖြေကြားခြင်း၊ ဘုတ်ပြင်းမြို့၊အထက်တန်းကျောင်းသို့ဗလာစာအုပ်များနှင့်ဘောပင်များပေးလှူခြင်းဆောင်ရွက်ခဲ့ပါကြောင်း သတင်းရရှိသည်။

(၃၇)ကြိမ်မြောက် အာဆီယံပတ်ဝန်းကျင်ဆိုင်ရာ အဆင့်မြင့်အရာရှိကြီးများအစည်းအဝေး ဖွင့်ပွဲအခမ်းအနားကို (၁၁-၈-၂၀၂၆)ရက်နေ့၊ နံနက်ပိုင်းတွင် နေပြည်တော်ရှိ PARKROYAL Hotel ၌ ကျင်းပရာ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန ပြည်ထောင်စုဝန်ကြီး ဦးဆန်းဦး၊ ဒုတိယဝန်ကြီး ဒေါက်တာသောင်းနိုင်ဦးနှင့် ဌာနဆိုင်ရာ တာဝန်ရှိသူများနှင့်အတူ Online မှ ASOEN ဥက္ကဋ္ဌအဖြစ် တာဝန်ထမ်းဆောင်နေသည့် ဖိလစ်ပိုင်နိုင်ငံ၊ ပတ်ဝန်းကျင်နှင့် သဘာဝသယံဇာတ ဝန်ကြီးဌာန၊ မူဝါဒ၊ စီမံကိန်းနှင့် နိုင်ငံတကာရေးရာဌာန၏ ဒုတိယဝန်ကြီး H.E. Attorney. Jonas R. Leones၊ အာဆီယံ အဖွဲ့ဝင်နိုင်ငံများမှ ပတ်ဝန်းကျင်ဆိုင်ရာ အဆင့်မြင့်အရာရှိကြီးများ၊ လုပ်ငန်းအဖွဲ့ ဥက္ကဋ္ဌများ၊ အာဆီယံအတွင်းရေးမှူးချုပ်ရုံး၊ အာဆီယံဇီဝ မျိုးစုံမျိုးကွဲဗဟိုဌာနနှင့် အာဆီယံအထူးပြု မိုးလေဝသဗဟိုဌာနတို့မှ ကိုယ်စားလှယ်များတက်ရောက်ကြသည်။ အခမ်းအနားတွင် ဦးစွာ ပြည်ထောင်စုဝန်ကြီး ဦးဆန်းဦးက ရာသီဥတုပြောင်းလဲမှု၊ ပလတ်စတစ်ညစ်ညမ်းမှု၊ ဇီဝမျိုးစုံမျိုးကွဲဆုံးရှုံးမှုနှင့် နယ်စပ်ဖြတ်ကျော် မီးခိုးမြူငွေ့ပြဿနာ အပါအဝင် ကြုံတွေ့နေရသော သဘာဝပတ်ဝန်းကျင်ဆိုင်ရာ စိန်ခေါ်မှုများကို အာဆီယံအဖွဲ့ဝင် နိုင်ငံများနှင့် ဆက်စပ်ဗဟိုဌာနများ ပူးပေါင်း၍ လက်တွဲဖြေရှင်းဆောင်ရွက်သွားမည်ဟု မျှော်လင့်ပါကြောင်း၊ ASOEN ဥက္ကဋ္ဌတာဝန်အား ဖိလစ်ပိုင်နိုင်ငံမှ စင်ကာပူနိုင်ငံသို့ လွှဲပြောင်းပေးမှုကို ဂုဏ်ပြုကြိုဆို ပါကြောင်း၊ အစည်းအဝေး ဆွေးနွေးချက်များမှတစ်ဆင့် ၂၀၂၅ ခုနှစ်အလွန် အာဆီယံပတ်ဝန်းကျင်ဆိုင်ရာ မဟာဗျူဟာ စီမံချက်ကို ပိုမိုခိုင်မာစွာဖော်ဆောင်နိုင်ရန် မျှော်လင့်ပါကြောင်းနှင့် ဒေသတွင်း ရေရှည်တည်တံ့ ခိုင်မြဲသောအနာဂတ်အတွက် တက်ကြွစွာပူးပေါင်းဆွေးနွေးကြရန် တိုက်တွန်း နှိုးဆော်လိုပါကြောင်း ပြောကြားပါသည်။ဆက်လက်၍ ASOEN ဥက္ကဋ္ဌ ဒုတိယဝန်ကြီး H.E. Attorney. Jonas R. Leones က အဖွင့်အမှာ စကားပြောကြား၍ အစည်းအဝေးကို ဖွင့်လှစ်ပေးခဲ့ပြီး (၃၇)ကြိမ်မြောက် အာဆီယံပတ်ဝန်းကျင် ဆိုင်ရာ အဆင့်မြင့်အရာရှိကြီးများ အစည်းအဝေးနှင့် ဆက်စပ်အစည်းအဝေးများ (37th ASOEN and Related Meetings)ကို မြန်မာနိုင်ငံက အိမ်ရှင်အဖြစ် တာဝန်ယူ၍ Virtual စနစ်ဖြင့် ၂၀၂၆ ခုနှစ်၊ ဩဂုတ်လ ၁၀ ရက်နေ့မှ ၁၃ ရက်နေ့အထိကျင်းပလျက်ရှိကြောင်းသတင်းရရှိပါသည်။

နေပြည်တော်၊ ပြည်နယ်နှင့်တိုင်းဒေသကြီး သစ်တောဦးစီးဌာနများမှ ပေးပို့လာသော စာရင်းများအရ တရားမဝင် ကျွန်း(၈.၁၇၃၆)တန်၊ သစ်မာ(၄.၅၂၄၄)တန်၊ အခြား(၄၈.၆၃၈၅)တန်၊ စုစုပေါင်း(၆၁.၃၃၆၅)တန်၊ ယာဉ်/ယန္တရား(၆)စီး၊ တရားခံ(၂၁)ဦးဖမ်းဆီးရမိခဲ့ပါသည်။ဖမ်းဆီးရမိမှုများအနက် အများဆုံးဖမ်းဆီးရမိမှုမှာ ၂၉-၇-၂၀၂၆ ရက်နေ့တွင် ရှမ်းပြည် နယ်(တောင်ပိုင်း)၊ လွိုင်လင်ခရိုင်၊ လွိုင်လင်မြို့နယ်၊ ကျေးသီးဘိနယ်၊ကျေးသီးမြို့ ရှောင်ကွင်းလမ်းမှ တရားမဝင် အင်ခွဲသား(၉၁၇)ချောင်း (၁၆.၈၃၆၆)တန်၊ ကျွန်းပြတင်းတံခါးဆိုဒ်စုံ (၁၉၇)ချပ် (၂.၂၈၇၀)တန်၊ စုစုပေါင်း တရားမဝင်သစ်(၁၉.၁၂၃၆)တန်၊ (၁၂)ဘီးယာဉ်(၁)စီး၊ တရားခံ(၃)ဦးဖမ်းဆီးရမိမှုဖြစ်ပါသည်။