သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

ပဲခူးတိုင်းဒေသကြီး၊ သာယာဝတီခရိုင်၊လက်ပံတန်းမြို့နယ် သစ်တောဦးစီးဌာနမှအစိုးရဌာနဆိုင်ရာများ၏ ရက်(၁၀၀)အတွင်းဆောင်ရွက်မည့်လုပ်ငန်းစီမံချက်နှင့်အညီ "မိုးရာသီသစ်ပင်စိုက်ပျိုးရေး၊သစ်တော၊ ဇီဝမျိုးစုံမျိုးကွဲနှင့် ပတ်ဝန်းကျင်ထိန်းသိမ်းရေးဆိုင်ရာအသိပညာပေးဟောပြောပွဲအခမ်းအနားကို(၂၄.၆.၂၀၂၆)ရက်နေ့ ၊နံနက်(၁၀:၀၀)နာရီအချိန်တွင် လက်ပံတန်းမြို့ နယ်၊ နတ်စင်ကုန်းကျေးရွာအုပ်စု၊ တာဆိပ်ကျေးရွာ၊ အခြေခံပညာအထက်တန်းကျောင်း၊ အ.ထ.က (၂)တွင်ကျင်းပဆောင် ရွက်ခဲ့ရာ ကျောင်းဆရာမ(၁၀) ဦး၊ ကျောင်းသား(၅၀) ဦး၊ ကျောင်းသူ(၆၀)ဦးနှင့် သစ်တောဦးစီးဌာနမှ ဝန်ထမ်း( ၅ )ဦး၊ စုစုပေါင်း(၁၂၅ )ဦးတို့တက်ရောက်ခဲ့ကြပါသည်။အခမ်းအနားတွင် တောအုပ်ကြီး ဦးအေးကျော်မှ မိုးရာသီသစ်ပင်စိုက်ပျိုးရေး၊ သစ်တောဦးစီးဌာနမှ မိုးရာသီတွင် ပျိုးပင်များအား အခမဲ့ ဖြန့်ဝေပေးနေမှု အခြေအနေ၊ သစ်တောဦးစီးဌာနမှ ဆောင်ရွက်လျက်ရှိသည့် လုပ်ငန်းများအားဆွေးနွေးဟောပြောခဲ့ပြီး၊ တောအုပ်ကြီး ဦးရဲနောင်သွင်မှ ဇီဝမျိုးစုံမျိုးကွဲများ အကြောင်းအရာနှင့် ပတ်ဝန်းကျင်ထိန်းသိမ်းရေးဆိုင်ရာ အကြောင်းအရာများတို့ကို တက်ရောက်လာသူများထံသို့ အသိပညာပေးဆွေးနွေးဟောပြောခဲ့ပါကြောင်းနှင့် တက်ရောက်လာသူများမှ သိရှိလိုသည်များအပေါ် ပြန်လည်ရှင်းလင်းဖြေကြားခြင်းများ ဆောင်ရွက်ခဲ့ပါကြောင်းသတင်းရရှိသည်။

သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ ဒုတိယဝန်ကြီးဒေါက်တာသောင်းနိုင်ဦးသည်(၂၃-၆-၂၀၂၆)ရက်နေ့၊ နေ့လယ်ပိုင်းတွင် ရန်ကုန်တိုင်းဒေသကြီး၊ ပတ်ဝန်းကျင်ထိန်းသိမ်းရေးဦးစီးဌာန၊ အစည်းအဝေးခန်းမ၌ သစ်အခြေခံစက်မှုလုပ်ငန်းဖွံ့ဖြိုးတိုးတက်ရေးဆွေးနွေးပွဲကျင်းပပြုလုပ်ရာအစည်းအဝေးသို့ သစ်တောဦးစီးဌာနနှင့် မြန်မာ့သစ်လုပ်ငန်းတို့မှတာဝန်ရှိသူများ၊ မြန်မာနိုင်ငံသစ်တောထွက်ပစ္စည်းနှင့် သစ်လုပ်ငန်းရှင်များအသင်း၊ မြန်မာနိုင်ငံသစ်အခြေခံပရိဘောဂလုပ်ငန်းရှင်များအသင်း၊ မြန်မာနိုင်ငံသစ်အခြေခံလက်မှုအနုပညာရှင်များအသင်း၊ မြန်မာနိုင်ငံ ကြိမ်/ဝါးလုပ်ငန်းရှင်များအသင်းတို့မှ ဥက္ကဌ၊ ဒုတိယဥက္ကဌနှင့် ဗဟိုအလုပ်အမှုဆောင်များတက်ရောက်ခဲ့ကြသည်။အဆိုပါ ဆွေးနွေးပွဲတွင်ဒုတိယဝန်ကြီး မှသစ်အခြေခံစက်မှုလုပ်ငန်းများ ဖွံ့ဖြိုး တိုးတက်ရန်အတွက် အစိုးရကဏ္ဍနှင့် ပုဂ္ဂလိကကဏ္ဍများ ဟန်ချက်ညီရန်အရေးကြီးကြောင်း၊ သစ်အခြေခံစက်မှုလုပ်ငန်းများဖွံ့ဖြိုးတိုးတက်ရန်မှာပုဂ္ဂလိကအခန်းကဏ္ဍပိုမိုအားကောင်း လာရန် လိုအပ်ကြောင်း၊ သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာနအနေဖြင့်လည်း သစ်အခြေခံစက်မှုလုပ်ငန်းများ ဖွံ့ဖြိုးတိုးတက်ရန်အတွက်အားပေးကူညီ ခြင်း၊ ခေတ်စနစ်နှင့်အညီလုပ်ထုံးလုပ်နည်းများ ဖြေလျော့ခြင်းဆောင်ရွက်ပေးခဲ့ကြောင်း ဆွေးနွေးပြောကြားပြီး ပုဂ္ဂလိကကဏ္ဍမှ ဆွေးနွေးတင်ပြချက်များအပေါ် သစ်တောဦးစီးဌာနနှင့် မြန်မာ့သစ်လုပ်ငန်းမှ တာဝန်ရှိသူများက ပြန်လည်ရှင်းလင်းဆွေးနွေး၍ ဒုတိယဝန်ကြီးမှ လိုအပ်သည်များကိုဖြည့်စွက်ပြောကြားသည်။ ဆက်လက် ၍ဒုတိယဝန်ကြီးသည် ရန်ကုန်တိုင်းဒေသကြီး အလုံမြို့မအမြဲတမ်းပျိုးဥယျာဉ်သို့ ပျိုးထောင်ထားရှိမှုနှင့်ဖြန့်ဝေထားရှိမှု အခြေအနေများအားရောက်ရှိစစ်ဆေးရာတာဝန်ရှိသူများမှ ရှင်းလင်းတင်ပြပြီး ဒုတိယဝန်ကြီးမှလိုအပ်သည်များ လမ်းညွှန်မှာကြားခဲ့ကြောင်းသတင်းရရှိသည်။

မကွေးတိုင်းဒေသကြီး၊ မကွေးခရိုင်၊ တောင်တွင်းကြီးမြို့နယ်၊သစ်တောဦးစီးဌာနမှူးရုံးမှကြီးမှူး၍(၂၄-၆-၂၀၂၆)ရက်နေ့(၀၉:၀၀)နာရီအချိန် တောင်တွင်းကြီးမြို့၊ အမှတ်(၁)အခြေခံပညာအထက်တန်းကျောင်းခန်းမတွင်"မိုးရာသီသစ်ပင်စိုက်ပျိုးရေး၊သစ်တော၊ ဇီဝမျိုးစုံမျိုးကွဲနှင့်ပတ်ဝန်းကျင်ထိန်းသိမ်းရေး"ဆိုင်ရာအသိပညာပေးဟောပြောပွဲကျင်းပပြုလုပ်ခဲ့ရာတောင်တွင်းကြီးမြို့နယ်၊သစ်တောဦးစီးဌာနမှူးရုံးမှ ဦးမြင့်သန်းကို(ဦးစီးအရာရှိ)မှ သစ်တောသစ်ပင်များမှရရှိနိုင်သည့်အကျိုးကျေးဇူးများ၊သစ်တော၊ ဇီဝမျိုးစုံမျိုးကွဲနှင့် ပတ်ဝန်းကျင်ထိန်းသိမ်းဆိုင်ရာသိကောင်းစရာများအားလည်းကောင်းအသိပညာပေးဟောပြောဆွေးနွေးခဲ့​ပြီး၊​ ဦးထွန်းထွန်းဝင်း(တောအုပ်​ကြီး)မှ ၂၀၂၆-ခုနှစ် မိုးရာသီကာလတွင် သစ်တောစိုက်ခင်းများတည်ထောင်ခြင်း၊စာသင်ကျောင်း ပတ်ဝန်းကျင်စိမ်းလန်းစိုပြည်ရန်​ ကျောင်းသား၊ကျောင်းသူများမှ ပူးပေါင်းပါဝင် ဆောင်ရွက်သွားရန်​ဟောပြောဆွေးနွေးခဲ့ပြီး၊သစ်ပင်စိုက်ပျိုးပုံနည်းစနစ်သရုပ်ပြ၍ စာသင်ကျောင်းဝန်းအတွင်း ယင်းမာ၊ရေတမာ၊စိန်ပန်း၊သပြေဘူတ ပျိုးပင်(၄၀)ပင်အားစိုက်ပျိုးခဲ့ပါသည်။ တက်ရောက်လာသော ကျောင်းသား၊ကျောင်းသူများ သိလိုသည်များကို မေးမြန်းခဲ့ရာ တာဝန်ရှိသူများမှရှင်းလင်းဖြေကြားခဲ့သည်။ဟောပြောပွဲသို့ တောင်တွင်းကြီးမြို့နယ်၊သစ်တောဦးစီးဌာနမှူးရုံးမှဝန်ထမ်း(၅)ဦး ၊ အထက(၁)မှ ဆရာ(၃)ဦး၊ဆရာမ(၇)ဦး၊ ကျောင်းသား(၅၁) ဦး၊ကျောင်းသူ (၇၃) ဦး၊ စုစုပေါင်း(၁၃၉)ဦးတက််ရောက်ခဲ့ပါကြောင်းသတင်းရရှိသည်။