သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

မန္တလေးတိုင်းဒေသကြီး၊ ညောင်ဦးခရိုင်၊ ညောင်ဦးမြို့နယ်သစ်တောဦးစီးဌာနမှ(၂၈-၄-၂၀၂၆)ရက် နေ့ (၀၉:၃၀)နာရီအချိန်တွင်ညောင်ဦးမြို့၊‌ အထွေထွေအုပ်ချုပ်ရေးမှူးရုံး၊ အနော်ရထာခန်းမ၌ သစ်တောပြုစု ထိန်းသိမ်းရေး၊ တောမီးကာကွယ်ရေးနှင့် မီးခိုးမြူငွေ့လျော့ချရေးဆိုင်ရာအသိပညာပေးဟောပြောပွဲ (မြို့နယ်အဆင့်)ကျင်းပရာ ဌာနဆိုင်ရာမှဝန်ထမ်းများ၊ ကုန်းတန်းကြီးကျေးရွာ၊ကျောက်စစ်ကန်ကျေးရွာ၊မြေနဲလေးကျေးရွာမှ ပြည်သူများ၊ သစ်တောဝန်ထမ်းများ စုစုပေါင်း(၇၀)ဦးတက်ရောက်ပါသည်။ အခမ်းအနားတွင် ညောင်ဦးမြို့နယ်သစ်တောဦးစီးဌာန၊ မြို့နယ်သစ်တောဦးစီးဌာနမှူးရုံး၊ ဦးစီးအရာရှိ ဦးသန့်ဇင်_၆ မှ သစ်တောသစ်ပင်များမှ ရရှိသည့်အကျိုးကျေးဇူးများ၊ သစ်တောပြုန်းတီး ခြင်း အကြောင်းအရင်းများ၊ သစ်တောပြုန်းတီးခြင်းကြောင့် ခံစားရမည့်ဆိုးကျိုးများ၊ သစ်တောသစ်ပင် ထိန်းသိမ်းရေးနှင့် သစ်တောများမီးလောင်မှုမရှိစေရန် ဆောင်ရွက်ရမည့်အချက်များ၊ မီးခိုးမြူငွေ့ လျော့ချ ရေးဆိုင်ရာဗဟုသုတများနှင့် သစ်ပင်စိုက်ပျိုး ရေး၊သစ်တောထိန်းသိမ်းရေးလုပ်ငန်းများတွင် ပူးပေါင်း ပါဝင်ဆောင်ရွက်ကြရန် အသိပညာပေး ဟောပြောခဲ့ပါသည်။

ထားဝယ်မြို့နယ်၊သစ်တောဦးစီးဌာနမှ သစ်တောထိန်းသိမ်းရေး၊တောမီးကာကွယ်ရေးနှင့်မီးခိုးမြူငွေ့လျှော့ချရေးဆိုင်ရာအသိပညာပေးဟောပြောပွဲကို(၂၈-၄-၂၀၂၆)ရက်နေ့၊ နံနက်(၁၁:၀၀)နာရီ၌ ထားဝယ်မြို့နယ်၊ပုလုကုန်းကျေးရွာရှိ ရာဘာသစ်ပါးလွှာစက်ရုံ၌ ကျင်းပဆောင်ရွက်ခဲ့ရာ စက်ရုံဝန်ထမ်းများ ကျား(၆)ဦး၊မ(၃၀)ဦး၊ စုစုပေါင်း (၃၆)ဦးတက်ရောက်ခဲ့ကြပါသည်။ ထားဝယ်မြို့နယ်၊ သစ်တောဦးစီးဌာန၊ဦးစီးအရာရှိဦးရဲဝင်းအောင်မှ သစ်တောထိန်းသိမ်းရေး၊တောမီးကာကွယ်ရေးနှင့် မီးခိုးမြူငွေ့လျှော့ချရေး ခေါင်းစဉ်ဖြင့် အကြောင်းအရာများကို တက်ရောက်လာသူများသို့အသိပညာပေးဆွေးနွေးဟောပြောခဲ့ပါသည်။ဆက်လက်၍ ဟောပြောပွဲတွင်တက်ရောက်လာသူများမှ သိရှိလိုသည်များကိုဦးစီးအရာရှိ ဦးရဲဝင်းအောင်မှ ပြန်လည်ဖြေကြားခဲ့ပါကြောင်းနှင့် တက်ရောက်သူများအားအသိပညာပေးလက်ကမ်းစာစောင်များကို ဖြန့်ဝေခဲ့ပါကြောင်း သတင်းရရှိသည်။

စစ်ကိုင်းတိုင်းဒေသကြီး၊ ရွှေဘိုခရိုင်၊ တန့်ဆည်မြို့နယ်၊ သစ်တောဦးစီးဌာနမှ မြို့/မှူး ဦးကျော်မျိုးသူ-၂နှင့်ဝန်ထမ်းများမှ (၂၈-၄-၂၀၂၆)ရကျနေ့၊ နံနက်(၁၀းဝဝ)နာရီအချိန်တွင် ရွှေဘိုမြို့၊ အ.ထ.က(၃) စာသင်ကျောင်း၌ မီခိုးမြူငွေ့လျှော့ချရေးဆိုင်ရာ အသိပညာပေးပြောဟောပွဲအား ကျင်းပပြုလုပ်ခဲ့ရာ ဆရာ/ဆရာမများ နှင့် ကျောင်းသား/ ကျောင်းသူ စုစုပေါင်း(၇၉)ဦး တက်ရောက်ခဲ့ပါသည်။ မြို့/မှူး ဦးကျော်မျိုးသူ-၂ မှ မီးခိုးမြူငွေ့ဖြစ်ပေါ်ပုံ အကြောင်းအရင်း၊ မီးခိုးမြူငွေ့ညစ်ညမ်းမှုကြောင့် ဖြစ်ပေါ်လာနိုင်သည့်ဆိုးကျိုးများ၊ ရောဂါများနှင့် မီးခိုးမြူငွေ့လျော့ချရေးဆိုင်ရာနည်းလမ်းများကို တက်ရောက်လာသူများအား အသိပညာပေး ဆွေးနွေးဟောပြောသွားခဲ့ပါကြောင်း သတင်းရရှိသည်။