သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

သစ်တောဦးစီးဌာန၊ (၉/၂၀၂၅-၂၀၂၆)ကြိမ်မြောက် ဦးစီးရုံးချုပ်နှင့် တိုင်းဒေသကြီး/ ပြည်နယ် လုပ်ငန်းညှိနှိုင်း အစည်းအဝေးကို (၁၄-၁-၂၀၂၆)ရက် ဗုဒ္ဓဟူးနေ့၊ နံနက် (၀၉:၀၀)နာရီတွင် ညွှန်ကြားရေးမှူးချုပ်ရုံး၊ အင်ကြင်း ခန်းမ၌ကျင်းပရာ သစ်တောဦးစီးဋ္ဌာန၊ ညွှန်ကြားရေးမှူးချုပ် ဒေါက်တာသောင်းနိုင်ဦး တက်ရောက်၍အဖွင့်အမှာ စကားပြောကြားသည်။ ဦးစွာ သစ်တောဦးစီးဋ္ဌာန၊ ညွှန်ကြားရေးမှူးချုပ်မှ ၂၀၂၅-၂၀၂၆ ဘဏ္ဍာနှစ် တတိယ (၃)လပတ်တွင် တိုင်းဒေသကြီး/ ပြည်နယ်အများစုမှ အခွန်တော်လျာထားချက်ထက် ကျော်လွန်ကောက်ခံနိုင်ကြောင်း၊ အလားတူ စတုတ္ထ(၃)လပတ်တွင်လည်း ပြည့်မီကျော်လွန်စေလိုကြောင်း၊ မိမိတို့တာဝန်ယူသည့်ဒေသ၏ သစ်တောဖုံးလွမ်းမှုများအား စိစစ်၍ တိုးတက်အောင်ပြုစုထိန်းသိမ်းရမှာဖြစ်ကြောင်း၊ ကုန်ဆုံးတော့မည့် ၂၀၂၅-၂၆ ဘဏ္ဍာနှစ်အတွင်း သစ်တောလုပ်ငန်းများကို စောလျင်စွာ အချိန်မီပြီးစီးအောင်ဆောင်ရွက်ရမည်ဖြစ်ကြောင်း၊ တရားမဝင်သစ်ဖမ်းဆီး မှုများကို CMRS သတင်းရယူ၍ ဆောင်ရွက်သလို ဝန်ထမ်းများပါဝင်ပတ်သက်မှုမရှိအောင် သတိပြုစေလိုကြောင်း နှင့်ဝန်ထမ်းတစ်ဦးချင်းမှစ မိမိတို့တာဝန်များကျေပွန်အောင်ဆောင်ရွက် ရမည်ဖြစ်ကြောင်း အမှာစကားပြောကြားသည်။ အစီအစဉ်အရ ပြည်ထောင်စုနယ်မြေ၊ နေပြည်တော်/ တိုင်းဒေသကြီး/ ပြည်နယ်တာဝန်ခံများက ယခု (၃)လ ပတ်တွင် ဆက်လက်ဆောင်ရွက်မည့် အစီအမံများ၊ ဦးစီးရုံးချုပ်ရှိ ဋ္ဌာနခွဲများမှ ညွှန်ကြားရေးမှူးများက မိမိတို့၏ ဌာနခွဲအလိုက် လုပ်ငန်းဆောင်ရွက်မှုများကို ရှင်းလင်းတင်ပြရာ ဒုတိယညွှန်ကြားရေးမှုးချုပ်များမှ ဖြည့်စွက် ဆွေးနွေးပြောကြားပြီး တက်ရောက်လာသူများမှ ဝိုင်းဝန်းဆွေးနွေးခဲ့ကြောင်းသတင်းရရှိသည်။ အဆိုပါ လုပ်ငန်းညှိနှိုင်းအစည်းအဝေးသို့ ဒုတိယညွှန်ကြားရေးမှူးချုပ်များ၊ ညွှန်ကြားရေးမှူးချုပ်ရုံး၊ ဋ္ဌာနခွဲများ မှ ညွှန်ကြားရေးမှူးများနှင့် ဒုတိယညွှန်ကြားရေးမှူးများတက်ရောက်ကြပြီး တိုင်းဒေသကြီး/ ပြည်နယ် တာဝန်ခံ များမှ online စနစ်ဖြင့်တက်ရောက်ကြသည်။

သစ်တောဦးစီးဋ္ဌာနနှင့် အာရှဒေသသစ်တောကဏ္ဍဆိုင်ရာပူးပေါင်းဆောင်ရွက်ရေးအဖွဲ့ (Asian Forest Cooperation Organization- AFoCO)တို့ပူးပေါင်းအကောင်ထည်ဖော်ဆောင်ရွက်လျက်ရှိသည့် သစ်မဟုတ်သော သစ်တောထွက်ပစ္စည်းများဆိုင်ရာပြည်သူအခြေပြု အသေးစားစီးပွားရေးလုပ်ငန်း များ ဖွံ့ဖြိုးတိုးတက်စေရန်ရည်ရွယ်၍"လဲလူးအိုင် ဝါးလက်မှုထုတ်ကုန် သမဝါယမအသင်းဖွဲ့စည်းခြင်းနှင့် လှည့်ပတ်ရန်ပုံငွေပေးအပ်ခြင်းအခမ်းအနား"ကို ၁၃-၁-၂၀၂၆ ရက် (အင်္ဂါနေ့)နံနက် (၁၁:၀၀) နာရီ တွင်သစ်တောသုတေသနဋ္ဌာနခွဲ၊ စုဝေးခန်းမ၌ ကျင်းပရာသစ်တောဦးစီးဌာန၊ ညွှန်ကြားရေးမှူးချုပ် ဒေါက်တာသောင်းနိုင်ဦး တက်ရောက်အမှာစကားပြောကြားသည်။ အဆိုပါအခမ်းအနားသို့ သစ်တောဦးစီးဋ္ဌာန၊ ညွှန်ကြား ရေးမှူးချုပ်ဒေါက်တာသောင်းနိုင်ဦး၊ ဒုတိယညွှန်ကြားရေးမှူးချုပ်များ၊ ညွှန်ကြားရေးမှူးများ၊ အရာထမ်း၊ အမှုထမ်းများနှင့်သမဝါယမဦးစီးဋ္ဌာနမှ တာဝန်ရှိသူများ တက်ရောက်သည်။အခမ်းအနားပထမပိုင်းအစီအစဥ်တွင် သစ်တောဦးစီးဋ္ဌာန၊ ညွှန်ကြားရေးမှူးချုပ် ဒေါက်တာသောင်းနိုင်ဦးမှ အဖွင့်မှာစကားမြွက်ကြားပြီး လှည့်ပတ်ရန်ပုံငွေပေးအပ်ခြင်းနှင့် မှတ်တမ်းတင်ဓာတ်ပုံရိုက်ကူးခြင်းတို့ဆောင်ရွက်ပြီးနောက် နေ့ခင်းစာဖြင့်တည်ခင်းဧည့်ခံသည်။အခမ်းအနားဒုတိယပိုင်းအစီအစဥ်တွင် သမဝါယမဦးစီးဋ္ဌာန၊ ဦးစီးအရာရှိ ဦးစန်းလွင် (မြို့နယ်အဆင့် ဖွဲ့စည်းရေးကော်မတီဥက္ကဋ္ဌ)မှ အသင်းဖွဲ့စည်းရေးဆိုင်ရာများရှင်းလင်းပြောကြားပြီး၊သစ်တောဦးစီးဋ္ဌာန၊ ဒုတိယညွှန်ကြားရေးမှူးဒေါက်တာအိအိဆွေလှိုင်မှ သစ်မဟုတ်သည့်သစ်တောထွက်ပစ္စည်းများဆိုင်ရာ ပြည်သူအခြေပြု အသေးစားစီးပွားရေးလုပ်ငန်းများ သရုပ်ပြတည်ထောင်ခြင်းစီမံကိန်း၏ ဒေသတွင်းနိုင်ငံများတွင် ဆောင်ရွက်လျှက်ရှိသည့် အသင်းအဖွဲ့များ၏ အကျိုးခံစားခွင့်များ ခွဲဝေပေးမှုပုံစံများအား ရှင်းလင်းပြောကြားခဲ့သည်။ထို့နောက်အခမ်းအနားအစီအစဉ်များအတိုင်း လဲလူးအိုင်ဝါးလက်မှုထုတ်ကုန်သမဝါယမအသင်းဖွဲ့စည်းခြင်းနှင့်မြို့နယ်သမဝါယမအသင်းစု ဥက္ကဋ္ဌရွေးချယ်ခြင်းနှင့်ကိုယ်စားလှယ်ရွေးချယ်ခြင်းတို့ကိုဆက်လက်ဆောင်ရွက်ခဲ့ကြောင်းသတင်းရရှိသည်။

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာနအနေဖြင့် မြန်မာ့ကျွန်း သစ်မူရင်းဒေသဖြစ်သော ပဲခူးရိုးမအတွင်း ၂၀၁၆-၁၇ ဘဏ္ဍာနှစ်မှစ၍ တရားဝင်သစ်ထုတ်လုပ်ခြင်းလုပ်ငန်းအား (၁၀)နှစ်ရပ်နားထားပြီး သစ်တောပြုစုထိန်းသိမ်းခြင်းလုပ်ငန်းများအား အရှိန်အဟုန်မြှင့်ဆောင်ရွက်နေလျှက်ရှိသည့် အပြင် တရားမဝင်သစ်ခိုးထုတ်ခြင်း၊ တရားမဝင်တောရိုင်းတိရစ္ဆာန်များ သတ်ဖြတ်ခြင်းနှင့် ကျူးကျော်အခြေချနေထိုင် ခြင်းများအား ပြည်သူပူးပေါင်းပါဝင်မှုဖြင့် စီမံချက်ချအကောင်အထည်ဖော် ဆောင်ရွက်နေလျှက်ရှိပါသည်။ ပဲခူးရိုးမ စိမ်းလန်းစိုပြည်ရေး ဧရိယာအတွင်းမှ (၂၉-၁၂-၂၀၂၅)ရက်နေ့မှ (၄-၁-၂၀၂၆) ရက်နေ့ထိ တစ်ပတ်တာကာလအတွင်း တရားမဝင်ကျွန်း၊ သစ်မာ၊ အခြား စုစုပေါင်း (၃.၁၆၇၀)တန်ဖမ်းဆီးရမိခဲ့ပါသည်။