သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

၂၅-၆-၂၀၂၆ရက်နေ့၊ နေ့လည်(၂:၀၀)နာရီအချိန် မုဒုံမြို့နယ်၊ မြို့မ(၁)ရပ်ကွက်၊ အမှတ်(၁)အခြေခံပညာအထက်တန်းကျောင်းအစည်းအဝေးခန်းမတွင် မိုးရာသီသစ်ပင်စိုက်ပျိုးရေး၊ သစ်တော၊ ဇီဝမျိုးစုံမျိုးကွဲနှင့် ပတ်ဝန်းကျင်ထိန်းသိမ်းရေးဆိုင်ရာအသိပညာပေးဟောပြောပွဲကျင်းပပြုလုပ်ရာ ဟောပြောပွဲသို့ ကျောင်းအုပ်ဆရာကြီး ဦးမျိုးဦး နှင့် ဆရာမများ၊ ကျောင်းသား/ကျောင်းသူများ၊ ကျောင်းအကျိုးဆောင်အဖွဲ့နှင့် သစ်တောဝန်ထမ်းများ ကျား(၈၇)ဦး၊ မ(၁၀၈)ဦး၊ စုစုပေါင်း(၁၉၅)ဦးတက်ရောက်ခဲ့ကြပြီး မုဒုံမြို့နယ်၊ သစ်တောဦးစီးဌာန၊ ဦးစီးအရာရှိ ဦးရဲဝင်းမှ မိုးရာသီသစ်ပင်စိုက်ပျိုးခြင်းခေါင်းစဉ်ဖြင့်လည်းကောင်း၊ တောအုပ်ကြီး ဦးဟိန်းထွဋ်ဘုန်းမှ သစ်တော၊ ဇီဝမျိုးစုံမျိုးကွဲနှင့် ပတ်ဝန်းကျင်ထိန်းသိမ်းရေးခေါင်းစဉ်ဖြင့်လည်းကောင်းဆွေးနွေးဟောပြောခြင်း၊ Video Clip ပြသခြင်း၊ ကျောင်းသူ/ကျောင်းသားများ၏ မေးမြန်းမှုကိုဖြေကြားခြင်း၊ မန်ဂျန်ရှားပျိုးပင်(၅၀)ပင်၊ ကျွန်:(၁)ပင်၊ မဟော်ဂနီ(၃)ပင်၊ အော်ရီရှား(၆)ပင်၊ စုစုပေါင်း(၆၀)ပင်အား ဖြန့်ဝေပေးခြင်း၊ စိုက်ပျိုးရန်သရုပ်ပြရှင်းလင်းခြင်းနှင့် ကျောင်းဝင်းအတွင်း ကျောင်းသူ/ကျောင်းသားများမှ လက်တွေ့စိုက်ပျိုးခြင်းများဆောင်ရွက်ခဲ့ပါကြောင်း နှင့် နိုင်ငံပိုင်သတင်းစာတွင်ဖော်ပြပါရှိရေးဆောင်ရွက်ခဲ့ပါကြောင်းသတင်းရရှိသည်။

ပဲခူးတိုင်းဒေသကြီး၊ ပြည်ခရိုင်၊ ပြည်မြို့နယ်မသစ်တောဦးစီးဌာနမှ အစိုးရဌာနဆိုင်ရာများ၏ ရက်(၁၀၀) အတွင်း ဆောင်ရွက်မည့် လုပ်ငန်းစီမံချက်နှင့်အညီ "မိုးရာသီသစ်ပင်စိုက်ပျိုးရေး၊သစ်တော၊ ဇီဝမျိုးစုံမျိုးကွဲနှင့်ပတ်ဝန်းကျင်ထိန်းသိမ်းရေးဆိုင်ရာ အသိပညာပေးဟောပြောပွဲအခမ်းအနားကို(၂၆-၆-၂၀၂၆ )ရက်နေ့ ၊နံနက်(၁၀:၀၀)နာရီအချိန်တွင် ပြည်မြို့နယ်၊ မှော်ဇာ ကျေးရွာအုပ်စု၊ လင်းရွာကျေးရွာ၊ အမကမူလွန်ကျောင်းတွင်ကျင်းပဆောင်ရွက်ခဲ့ရာကျောင်းဆရာမ(၆)ဦး၊ ကျောင်းဆရာ(၂)ဦး ကျောင်းသား(၄၆)ဦး၊ ကျောင်းသူ (၃၃) ဦး နှင့် သစ်တောဦးစီးဌာနမှ ဝန်ထမ်း(၄)ဦး၊ စုစုပေါင်း(၉၁)ဦးတို့တက်ရောက်ခဲ့ကြပါသည်။အခမ်းအနားတွင် တောအုပ်ကြီး ဦးခင်မောင်ဌေးမှ မိုးရာသီသစ်ပင်စိုက်ပျိုးရေး၊ သစ်တောပြုစုထိန်းသိမ်းရေး၊ ဇီဝမျိုးစုံမျိုးကွဲနှင့် သဘာဝပတ်ဝန်းကျင် ထိန်းသိမ်းရေးအကြောင်းတို့ကို တက်ရောက်လာသူများထံသို့ အသိပညာပေး ဆွေးနွေးဟောပြောခဲ့ပါကြောင်းနှင့် တက်ရောက်လာသူများမှ သိရှိလိုသည်များအပေါ် ပြန်လည်ရှင်းလင်းဖြေကြားခြင်းများဆောင်ရွက်ခဲ့ပြီး လက်ကမ်းစာကြောင်းများဖြန့်ဝေပေးခဲ့ပါကြောင်းသတင်းရရှိသည်။

(၂၆.၆.၂၀၂၆)ရက်နေ့၊နံနက်(၁၀:၃၀)နာရီအချိန်၊ ဧရာဝတီတိုင်းဒေသကြီး၊ ပုသိမ်ခရိုင်၊ ရေကြည်မြို့နယ်၊ ရေကြည်မြို့၊ အ.ထ.က(ရေကြည်)၊တေဇာသီရိခန်းမဆောင်တွင် ရေကြည်မြို့နယ် သစ်တောဦးစီးဌာနမှ ဦးစီးအရာရှိ ဦးတင်ထူးနိုင်မှမိုးရာသီသစ်ပင်စိုက်ပျိုး ရေး၊ သစ်တော၊ ဇီဝမျိုးစုံမျိုးကွဲနှင့်ပတ်ဝန်းကျင် ထိန်းသိမ်းရေးဆိုင်ရာ အသိပညာပေးဟောပြောပွဲကို ကျင်းပ ဆောင်ရွက်ခဲ့ပါသည်။ အသိပညာပေးဟောပြောပွဲတွင်သစ်တောဝန်ထမ်း(၅)ဦး၊ ဆရာ၊ဆရာမ (၈)ဦး၊ ကျောင်းသား(၁၃၀)ဦး၊ ကျောင်းသူ(၁၂၀)ဦး၊ စုစုပေါင်း(၂၆၃)ဦး တက်ရောက်ခဲ့ပါသည်။(ကျား - ၁၃၅ဦး၊ မ - ၁၂၈ ဦး) အဆိုပါ အခမ်းအနားတွင် ဦးစီးအရာရှိ ဦးတင်ထူးနိုင်မှ မြန်မာနိုင်ငံ၏ ဇီဝမျိုးစုံမျိုးကွဲ ကြွယ်ဝမှုအခြေအနေ၊ သဘာဝထိန်းသိမ်းရေး နယ်မြေများ ဖွဲ့စည်းတည်ထောင်ထားမှုအခြေအနေ၊ သစ်တော ဖုံးလွှမ်းမှု အခြေအနေ၊ သစ်တောပြုန်းတီးမှုကို ဖြစ်ပေါ်စေသည့်အကြောင်း အရင်းများ၊ ရာသီဥတု ပြောင်းလဲမှု ဆိုင်ရာ အကြောင်းအရာများ၊ သစ်တောမြေပြင်ပ သစ်ပင်များ၏ အကျိုးကျေးဇူးများ၊ ပတ်ဝန်ကျင်ဆိုင်ရာ ပြဿနာများ နှင့် ဖြေရှင်းရမည့် နည်းလမ်းများ၊ ရေကြည်မြို့နယ်မှ ဆောင်ရွက်လျှက်ရှိသည့် ပြည်သူ လူထု ပူးပေါင်းပါဝင်သည့် သစ်တော သစ်ပင်စိုက်ပျိုး ထိန်းသိမ်းရေး လုပ်ငန်းများစသည့် အကြောင်းအရာများကို အသိပညာပေး ဟောပြောခဲ့ပါကြောင်းနှင့် ဆွေးနွေး မေးမြန်းချက်များကိုလည်း ပြန်လည် ဖြေကြားခြင်းများဆောင်ရွက်ခဲ့ပါသည်။ ဆက်လက် ၍ “စိမ်းလန်းအနာဂါတ်မြေကမ္ဘာသစ်ပင်စိုက်ပျိုးမှ လှပမှာ”စာစီစာကုံး ခေါင်းစဉ်ဖြင့် ဆုရရှိသည့် အလယ်တန်းအဆင့်၊ အထက်တန်းအဆင့် ကျောင်းသူ/ သားများကို ကျောင်းသုံးစာအုပ်များနှင့်ဆုလက်ဆောင်များအမှတ်တရပေးအပ်ခဲ့ပါကြောင်းသတင်းရရှိသည်။