Welcome to Forest Department
No front page content has been created yet.
သတင်းနှင့်ကြေငြာချက်များ
ပဲခူးတိုင်းဒေသကြီး၊ ပဲခူးခရိုင်၊ ဒိုက်ဦးမြို့နယ်၊ သစ်တောဦးစီးဌာန ၂၀၂၄ ခုနှစ် မိုးရာသီ သစ်ပင်စိုက်ပျိုးပွဲတော်အား ဒိုက်ဦးမြို့နယ်၊ ဘိုင်းဒါးတည်ဆောက်ရေးဝန်း၌ (၂၀-၆-၂၀၂၄)ရက်နေ့၊ နံနက်(၈:၀၀)နာရီတွင် ကျင်းပပြုလုပ်ခဲ့ရာ အဆိုပါအခမ်းအနားသို့ မြို့နယ် အုပ်ချုပ်ရေးမှူး၊ ဌာနဆိုင်ရာ၊ တပ်ရင်းတပ်ဖွဲ့၊ အမျိုးသမီးရေးရာ၊ မိခင်နှင့်ကလေးစောင့်ရှောက်ရေး၊ ဆရာ/ဆရာမ ကျောင်းသား/ကျောင်းသူအပါအဝင် ပြည်သူလူထု စုစုပေါင်း (၁၅၀)ဦးတို့မှ ကျွန်း၊ ကံ့ကော်၊ ခရေ၊ စိန်ပန်းကြီး၊ ပိတောက်၊ ပျဉ်းကတိုး၊ မန်ဂျန်ရှား၊ ယမနေ စုစုပေါင်း သစ်ပင်(၁၂၀၀)ပင်အား စုပေါင်းစိုက်ပျိုးခဲ့ပါကြောင်းသိရှိရပါသည်။
ရန်ကုန်တိုင်းဒေသကြီး၊ ထန်းတပင်မြို့နယ် ၂၀၂၄ခုနှစ်၊ မိုးရာသီစုပေါင်း သစ်ပင် စိုက်ပျိုးပွဲကို ဇွန်လ(၂၁)ရက်နေ့၊ နံနက်ပိုင်းက ကျောင်းကုန်းကျေးရွာတွင်ကျင်းပပြုလုပ်ရာ မြို့နယ်စီမံအုပ်ချုပ်ရေးအဖွဲ့ဝင်များ၊ မြို့နယ်အဆင့်ဌာနဆိုင်ရာတာဝန်ရှိသူများ၊ သစ်တော ဦးစီးဌာနဝန်ထမ်းများ၊မီးသတ်တပ်ဖွဲ့ဝင်များ၊ မိခင်နှင့်ကလေး စောင့်ရှောက်ရေးအသင်းဝင် များ၊ အမျိုးသမီးရေးရာအဖွဲ့ဝင်များ၊ ကြက်ခြေနီတပ်ဖွဲ့ဝင်များ၊ ဆရာ၊ ဆရာမများ၊ ကျောင်းသား/ကျောင်းသူများ၊ ရပ်ကွက်/ကျေးရွာ အုပ်ချုပ်ရေးမှူးများနှင့် ဒေသခံပြည်သူ (၂၅၂)ဦးတို့က ပိတောက်(၅၀)ပင်၊ မဟောဂနီ(၇၅)ပင်၊ ခရေ(၉၅)ပင်၊ ထိုင်ဝမ်ဘန်ဒါ(၃၀) ပင်၊ မန်ဂျန်ရှား(၃၉၆)ပင်၊ မအူ(၃၀)ပင်၊ ပျဉ်းမ(၅၀)ပင်နှင့် ပျဉ်းကတိုး(၃)ပင်၊ စုစုပေါင်း ပျိုးပင်(၇၂၉)ပင်ကို တပျော်တပါး စိုက်ပျိုးခဲ့ကြပါကြောင်းသိရှိရပါသည်။
(၂၀.၆.၂၀၂၄)ရက်နေ့၊ (၀၉:၀၀)နာရီအချိန်တွင် တွံတေးခရိုင်၊ ကော့မှူးမြို့နယ်၊ ငှက်အော်စမ်း ကျေးရွာအုပ်စု၊ လူငယ်သင်တန်းကျောင်းတွင် ၂၀၂၄ခုနှစ် မိုးရာသီသစ်ပင် စိုက်ပျိုးပွဲတော် (ပထမအကြိမ်)ကျင်းပပြုလုပ်ရာ အခမ်းအနားသို့ ကော့မှူးမြို့နယ်စီမံ အုပ်ချုပ်ရေးအဖွဲ့၊ ဥက္ကဋ္ဌ ဦးကျော်ဒေဝနှင့်အဖွဲ့ဝင်များ၊ မြို့နယ်အဆင့်ဌာနဆိုင်ရာများ၊ မြို့နယ်ထွေ/အုပ်မှ ဝန်ထမ်းများ၊သစ်တောဦးစီးဌာနဝန်ထမ်းများ၊ မြို့နယ်မိခင်နှင့် ကလေး စောင့်ရှောက်ရေးအသင်းဝင်များ၊ အမျိုးသမီးရေးရာအဖွဲ့ဝင်များ၊ ကြက်ခြေနီတပ်ဖွဲ့ ဝင်များ၊ စုစုပေါင်းအင်အား (၃၀၀)ဦးခန့် တက်ရောက်ခဲ့ကြပြီး (၂)ပေနှင့်အထက် မန်ဂျန်ရှား ပျိုးပင်(၈၀၀)ပင်၊ စိန်ပန်းပျိုးပင်(၂၀၀)ပင်၊ ပျဉ်းမပျိုးပင်(၂၀၀)ပင်၊ ပျိုးပင်စုစုပေါင်း (၁၂၀၀)ပင် တပျော်တပါး စိုက်ပျိုးခဲ့ကြကြောင်း သိရှိရပါသည်။
စစ်ကိုင်းတိုင်းဒေသကြီး၊ ကလေးခရိုင်၊ ကလေးမြို့နယ်၊ သစ်တောဦးစီးဌာန မှ(၂၁.၆.၂၀၂၄) ရက်နေ့၊ နံနက်(၀၈:၃၀)နာရီအချိန်တွင် အပြည်ပြည်ဆိုင်ရာ ရာသီဥတု ပြောင်းလဲမှုနေ့ အထိမ်းအမှတ် အေးသာယာကျေးရွာ တောင်ဘက် သစ်ချောက်မိုင်းကြိုးဝိုင်း အတွင်း တစ်ရွာ(၂)ဧကစိုက်ခင်း သစ်ပင်စိုက်ပျိုးပွဲကို ကျင်းပဆောင်ရွက်ရာ ခရိုင်/မြို့နယ် သစ်တောဝန်ထမ်းများ၊ အေးသာယာကျေးရွာတာဝန်ခံနှင့် ကျေးရွာသူကျေးရွာသားများ၊ စုစုပေါင်း(၈၀)ဦး တက်ရောက်ခဲ့ပြီး အမြင့်(၂)ပေအထက်ရှိသော မဲဇလီ(၂၀၀၀)ပင်၊ တမာ(၄၂၀)ပင် စုစုပေါင်း (၂၄၂၀)ပင်တို့အား စုပေါင်းစိုက်ပျိုးခဲ့ကြကြောင်းသိရှိရပါသည်။
(၂၀.၆.၂၀၂၄)ရက်နေ့တွင်၊ မိုင်းရှူးခရိုင်၊ကျေးသီးမြို့နယ်၊ မိုင်းနောင်မြို့၊ နားလင်လိုင် ကျေးရွာ၊ နားကန်း အခြေခံပညာမူလတန်းကျောင်းဝင်းအတွင်း မြို့နယ်သစ်တောဦးစီးဌာနမှ ဦးဆောင်၍ (၂၀၂၄)ခုနှစ်၊ မိုးရာသီလူထုစုပေါင်း သစ်ပင်စိုက်ပျိုးပွဲကျင်းပရာ မိုင်းနောင် တပ်နယ်မှ ဒုတိယစစ်ဆင်ရေးကွပ်ကဲရေးမှူး ဗိုလ်မှူးကြီး ဇော်ဇော်ထွန်း ပါအရာရှိစစ်သည် (၂၀)ဦး၊ မိုင်းနောင်မြို့အုပ်ချုပ်ရေးမှူးပါဌာနဆိုင်ရာ(၇၀)ဦး၊ ဆရာ၊ ဆရာမ၊ ကျောင်းသား၊ ကျောင်းသူ(၁၀၀)ဦး၊ ရှမ်းစာပေယဥ်ကျေးမှုအသင်းနှင့်နမ့်ခုံး ပရဟိအသင်းမှ(၂၀)ဦး၊ စုစုပေါင်း (၂၁၀)ဦးခန့်ဖြင့် စိန်တံချူ(၂၃၀)ပင်၊ စိန်ပန်းပြာ(၁၀၀)ပင်၊ ချယ်ရီ(၁၀၀)ပင်၊ ခရေ(၁၅)ပင်၊ ကံ့ကော်(၁၅)ပင်၊ စုစုပေါင်း(၄၆၀)ပင် စိုက်ပျိုးခဲ့ကြောင်းသိရှိရပါသည်။
(၂၀.၆.၂၀၂၄)ရက်နေ့(၀၈:၀၀)နာရီအချိန်တွင် မိုင်းဖြတ်မြို့နယ်၊ ၂၀၂၄ခုနှစ်၊ မိုးရာသီ သစ်ပင်စိုက်ပျိုးပွဲ(မြို့နယ်အဆင့်)ကိုမိုင်းဖြတ်မြို့နယ်အထွေထွေအုပ်ချုပ်ရေးဦးစီးဌာနပိုင်၀င်းအတွင်းကျင်းပရာ၊ စကခ(၁၈)စစ်ဆင်ရေးကွပ်ကဲရေးမှူးအဖွဲ့နှင့် မြို့နယ်အုပ်ချုပ်ရေးမှူးပါ ဌာနဆိုင်ရာများရပ်မိ/ရပ်ဖနှင့် ကျောင်းသားကျောင်းသူများ စုစုပေါင်း(၁၉၈)ဦးမှ ကျွန်း(၁၅၀)၊မန်ဂျန်ရှား(၂၀၀)၊ မဲဇလီ(၁၅၀)၊ ပန်းမဲဇလီ(၁၅၀)၊ ငုစပ်(၆၀)၊ စိန်ပန်းနီ(၅၀)၊ ခရေ(၃၀)၊ ကံ့ကော်(၂၀)၊စုစုပေါင်း(၈၁၀)ပင်အားစိုက်ပျိုးခဲ့ပါကြောင်းသိရှိရပါသည်။
(၂၀.၆.၂၀၂၄)ရက်နေ့၊ နံနက် (၀၈:၀၀) နာရီအချိန်တွင် ရှမ်းပြည်နယ်(တောင်ပိုင်း)၊ ဓနုကိုယ်ပိုင်အုပ်ချုပ်ခွင့်ရဒေသ၊ ပင်းတယမြို့နယ်၊ ထယ်သွန်းကျေးရွာ၊ ကုံလုံစဉ့်စံကျောင်းအနီး၌ ၂၀၂၄ ခုနှစ်၊ မိုးရာသီစုပေါင်းသစ်ပင်စိုက်ပျိုးပွဲအခမ်းအနား ကျင်းပပြုလုပ်ခဲ့ပါသည်။ အခမ်းအနား သို့ ဓနုကိုယ်ပိုင်အုပ်ချုပ်ခွင့်ရဒေသစီမံအုပ်ချုပ်ရေးအဖွဲ့ ဥက္ကဌ ဦးအာကာလင်း၊ ဒေသစီမံအုပ်ချုပ် ရေးအဖွဲ့ဝင်များ၊ ဒေသအဆင့်ဌာနဆိုင်ရာများ၊ မြို့နယ်စီမံအုပ်ချုပ်ရေးအဖွဲ့ဝင်များ၊ မြို့နယ် အဆင့် ဌာနဆိုင်ရာတာဝန်ရှိသူများ၊ ဒေသခံပြည်သူများ၊ ကျောင်းသား/သူများ စုစုပေါင်း(၅၄၀) ဦးခန့် တက်ရောက်ခဲ့ပါသည်။ ဓနုကိုယ်ပိုင်အုပ်ချုပ်ခွင့်ရဒေသစီမံအုပ်ချုပ်ရေးအဖွဲ့ ဥက္ကဌ ဦးအာကာလင်းက အဖွင့်အမှာစကားပြောကြားခဲ့ပြီး စိုက်ပျိုးရန် သစ်ပင်များ ပေးအပ်ခြင်း၊ တက်ရောက်လာသူများက သစ်ပင်စိုက်ပျိုးမည့် နေရာများတွင် နေရာယူ၍ ထင်းရှူး (၁၉၀)ပင်၊ စိန်ပန်းနီ (၉၀)ပင်၊ စိန်ပန်းပြာ(၁၉၀)ပင်၊ လင်းလွန်း(၁၉၀)ပင်၊ မျောက်ငို(၂၆၀)ပင် စုစုပေါင်း (၉၂၀)ပင်တို့အား စုပေါင်းစိုက်ပျိုးခဲ့ကြောင်းသိရှိရပါသည်။
သစ်တောဦးစီးဌာန၊ ညွှန်ကြားရေးမှူးချုပ်ရုံး၊ CF Unit ၁/ ၂၀၂၄ ကြိမ်မြောက်အစည်းအဝေးကို (၁၉-၆-၂၀၂၄) ရက်နေ့၊ နံနက်ပိုင်းတွင် သစ်တောဦးစီးဌာန၊ အင်ကြင်းခန်းမ၊ နေပြည်တော်၌ ကျင်းပြုလုပ်ရာ သစ်တောဦးစီးဌာန၊ ဒုတိယညွှန်ကြားရေးမှူးချုပ် (မူဝါဒနှင့်စီမံကိန်း) ဦးဖေချစ် တက်ရောက်၍ အဖွင့်အမှာစကား ပြောကြားပါသည်။ ဒုတိယညွှန်ကြားရေးမှူးချုပ်(မူဝါဒနှင့်စီမံကိန်း)က ဦးစီးရုံးချုပ် CF Unit ကို ဒုတိယညွှန်ကြားရေးမှူးချုပ်(မူဝါဒနှင့်စီမံကိန်း)ဥက္ကဌအဖြစ် ဦးဆောင်၍ ညွှန်ကြားရေးမှူးများ၊ ဒုတိယညွှန်ကြားရေးမှူးများပါဝင်သည့် အဖွဲ့ဝင်(၃၄)ဦးဖြင့် ဖွဲ့စည်းထားရှိပြီးဖြစ်၍၊ အဖွဲ့ဝင်အားလုံး ပိုမိုပူးပေါင်းပါဝင်ဖို့လိုအပ်ပါကြောင်း၊ ဒေသခံပြည်သူ့အစုအဖွဲ့ပိုင် သစ်တောစိုက်ခင်းများ အောင်မြင်ရန်လိုအပ်သလို သဘာဝတောထိန်းလုပ်ငန်းများ သတ်မှတ်ရာသီအလိုက် လုပ်ငန်းများ မှန်ကန်စွာဆောင်ရွက်ရန်လိုအပ်ပါကြောင်း၊ CF Unit အဖွဲ့၏တာဝန်ဝတ္တရားများသတ်မှတ်ထားပြီးဖြစ်၍ အဖွဲ့ဝင်များအားလုံးအလေးထား အားထည့်ဆောင်ရွက်ရန် လိုအပ်ပါကြောင်း အဖွင့်အမှာစကားပြောကြားပါသည်။