သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

ရှမ်းပြည်နယ်(မြောက်ပိုင်း)၊လားရှိုးခရိုင် ၊ တန့်ယန်းမြို့နယ်၊ သစ်တောဦးစီးဌာနမှကြီးမှူး၍ (၂၇-၄-၂၀၂၆)ရက်နေ့ နံနက် (၁၀:၀၀)နာရီအချိန် တန့်ယန်းမြို့နယ်၊ အမှတ်(၇)ရပ်ကွက်၊ ရပ်ကွက်အုပ်ချုပ်ရေးမှူးရုံး၌ "သစ်တောထိန်းသိမ်းရေး၊ ရေသယံဇာတထိန်းသိမ်းရေး၊ တောမီးကာကွယ်ရေးနှင့် မီးခိုးမြူငွေ့လျှော့ချရေးဆိုင်ရာ အသိပညာပေးဟောပြောပွဲ " ကျင်းပပြုလုပ်ခဲ့ရာ တန့်ယန်းမြို့နယ်၊ သစ်တောဦးစီးဌာနမှ မြို့နယ်ဦးစီးဌာနမှူး ဦးအိုက်ပေါင်းအောင်က" သစ်တောထိန်းသိမ်းရေးဆိုင်ရာ" သိကောင်းစရာများကိုဟောပြောပို့ချခဲ့ပါကြောင်း၊ မိုင်းဘတ်ဘိနယ် တာဝန်ခံ တောအုပ် ဦးအောင်းဝင်းမှ "တောမီးကာကွယ်ခြင်းနှင့်မီးခိုးမြူငွေ့လျော့ချရေးဆိုင်ရာ" သိကောင်းစရာများဟောပြောခဲ့ပါကြောင်း၊တန့်ယန်းမြို့နယ်၊ မီးသတ်ဦးစီးဌာနမှ မြို့နယ်ဦးစီးမှူး ဦးဝေဖြိုးလွင်က "တောမီးလောင်ကျွမ်းခြင်းကာကွယ်ရေးနှင့် မီးငြိမ်းသတ်ရေးဆိုင်ရာ"သိကောင်းစရာများဟောပြောခဲ့ပါကြောင်း၊ တန့်ယန်းမြို့နယ်၊ စိုက်ပျိုးရေးဦးစီးဌာန၊ မြို့နယ်ဦးစီးမှူးဦးလှစိုးဝင်းက "ရေသယံဇာတထိန်းသိမ်းရေး၊ ရွှေ့ပြောင်းတောင်ယာလျော့နည်းပပျောက်ရေး၊ မီးခိုးမြူငွေလျော့ချရေးဆိုင်ရာ" အသိပညာများအား ဟောပြောပို့ချခဲ့ပါကြောင်းနှင့် တက်ရောက်လာသူ ဒေသခံပြည်သူများက သိလိုသည်များကိုမေးမြန်းခဲ့ရာ သက်ဆိုင်ရာဌာနများမှ ပြန်လည်ဖြေကြားခဲ့ပါသည်။ ဟောပြောပွဲသို့ ကျား (၁၅)ဦး၊ မ (၂၅)ဦးစုစုပေါင်း (၄၀) ဦးတက်ရောက်ခဲ့ပါကြောင်းသတင်းရရှိသည်။

ပဲခူးတိုင်းဒေသကြီး၊ ပဲခူးခရိုင်၊ ဒိုက်ဦးမြို့နယ်၊ သစ်တောဦးစီးဌာနမှ အစိုးရဌာနဆိုင်ရာများ၏ ရက်(၁၀၀)အတွင်း ဆောင်ရွက်မည့် လုပ်ငန်းစီမံချက်နှင့်အညီ သစ်တောထိန်းသိမ်းရေး၊ တောမီးကာကွယ်ရေးနှင့် မီးခိုးမြူငွေ့လျှော့ချရေးဆိုင်ရာ အသိပညာပေးဟောပြောပွဲ အခမ်းအနားကို (၂၇-၄-၂၀၂၆)ရက်နေ့၊ နံနက် (၁၀:၀၀)နာရီ၌ ဒိုက်ဦးမြို့နယ်၊ သပြေတန်းကျေးရွာအုပ်စု၊ ကွင်းမြောင်ဘုန်းတော်ကြီးကျောင်းတွင် ကျင်းပဆောင်ရွက်ခဲ့ရာ သပြေတန်းကျေးရွာအုပ်စု အုပ်ချုပ်ရေးမှူးနှင့် ရပ်မိရပ်ဖ(၅)ဦး၊ ကျောင်းသားကျောင်းသူ(၁၅)ဦးဒေသခံပြည်သူ(၅၅)ဦးနှင့် သစ်တောဦးစီးဌာနမှ ဝန်ထမ်းများ (၇)ဦး၊ စုစုပေါင်း (၈၂)ဦးတက်ရောက်ခဲ့ကြပါသည်။အခမ်းအနားတွင် ဒိုက်ဦးမြို့နယ်၊ သစ်တောဦးစီးဌာန ဦးစီးအရာရှိ ဦးတင်လင်းအောင်မှ သစ်တောသစ်ပင်စိုက်ပျိုးပြုစုထိန်းသိမ်းရေး ဆိုင်ရာများ၊ သစ်တောသစ်ပင်များ၊ ဇီဝမျိုးစုံမျိုးကွဲများနှင့် ဂေဟစနစ်များအကြောင်း၊ရာသီဥတုပြောင်းလဲမှု လျှော့ချရေးတွင် သစ်တောများ၏ အရေးပါမှုနှင့် အကျိုးကျေးဇူးများ ကိုလည်းကောင်း၊တောအုပ်ကြီး ဦးနေငြိမ်းချမ်းမှ တောမီးကာကွယ်ရေးနှင့် မီးခိုးမြူငွေ့လျှော့ချရေးဆိုင်ရာ အကြောင်းအရာများကို လည်းကောင်း တက်ရောက်လာသူများသို့ အသိပညာပေးဆွေးနွေးဟောပြောခဲ့ပါသည်။ ထို့နောက် တက်ရောက်လာသူများမှ သိရှိလိုသည်များအပေါ် ပြန်လည်ရှင်းလင်းဖြေကြားခြင်း မီးခိုးမြူငွေ့လျှော့ချရေးဆိုင်ရာ လက်ကမ်းစာစောင်များ ဖြန့်ဝေပေးခြင်း ကျင်းပဆောင်ရွက်ခဲ့ပါကြောင်း သတင်းရရှိသည်။

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာန၊ AFoCO RETC စီမံကိန်း သင်တန်းကျောင်းသည် AFoCO အဖွဲ့ဝင်နိုင်ငံများမှ သင်တန်းသားများ ဖိတ်ကြား၍ ကာလတိုပုံမှန်သင်တန်းနှင့် သစ်တောဆိုင်ရာ တိုးချဲ့ပညာပေးအစီအစဉ်များ ဖွင့်လှစ်ကျင်းပခြင်းအပြင် သစ်တောမှီခိုသူ ဒေသခံပြည်သူများ၏ လူမှုစီးပွား အထောက်အကူ ပြု သင်တန်းများနှင့် သင်တန်းကျောင်းဝန်ထမ်းများ၏ စွမ်းဆောင်ရည်မြှင့်တင်သည့် သင်တန်း များကို နှစ်စဉ် စီစဉ်ဖွင့်လှစ်လျက်ရှိပါသည်။AFoCO RETC ၏ ၂၀၂၆-၂၀၂၇ ဘဏ္ဍာနှစ်၊ သင်တန်းအစီအစဉ်များအရ ပထမဆုံး အစီ အစဉ်အဖြစ် စီစဉ်ဆောင်ရွက်သည့် ဝန်ထမ်းစွမ်းဆောင်ရည်မြှင့်တင်ခြင်း အစီအစဉ်၏ ‘ပတ်ဝန်း ကျင်စိမ်းလန်းစိုပြည်ရေးနှင့် မြေယာရှုခင်းပြုပြင် ထိန်းသိမ်းရေးသင်တန်း’၏ သင်တန်းဖွင့်ပွဲ အခမ်းအနားကို ၂၀၂၆ ခုနှစ်၊ ဧပြီလ ၂၇ ရက်နေ့၊ နံနက် ၀၉:၀၀ နာရီတွင် AFoCO RETC သင်တန်းကျောင်း၌ ကျင်းပခဲ့ရာ သင်တန်းကျောင်းမှ လက်ထောက်ညွှန်ကြားရေးမှူး၊ သင်တန်း ဆရာအဖြစ် စိုက်ပျိုးရေးဦးစီးဌာနမှ ဦးဖေချမ်း၊ ညွှန်ကြားရေးမှူး (ငြိမ်း)နှင့် သင်တန်းသားများ၊ သင်တန်းကျောင်းမှ တာဝန်ရှိသူများ၊ စုစုပေါင်း(၂၀)ခန့် တက်ရောက်ခဲ့ပြီး ဦးသိန်းသန်းထွန်း၊ လက်ထောက်ညွှန်ကြားရေးမှူး၊ AFoCO RETC သင်တန်းကျောင်းမှ ကြိုဆိုနှုတ်ခွန်းဆက် စကားအား လည်းကောင်း၊ စိုက်ပျိုးရေးဦးစီးဌာနမှ ဦးဖေချမ်း၊ ညွှန်ကြားရေးမှူး (ငြိမ်း)မှ သင်တန်းအဖွင့်အမှာစကားအား လည်းကောင်း ပြောကြားခဲ့ပါကြောင်း သိရှိရပါသည်။သင်တန်းကို (၁) သင်တန်းသားဝန်ထမ်းများက အလှစိုက်ပန်းပင်နှင့် မြက်ခင်းစိုက်ပျိုး ထိန်းသိမ်းခြင်းဆိုင်ရာ ဗဟုသုတနှင့် အတွေးအမြင်များ ရရှိစေရန်၊ (ခ) သင်တန်းသားများအား အပင်ပြုစုစောင့်ရှောက်ခြင်း၊ မြေဆီလွှာ စီမံခန့်ခွဲခြင်း၊ ရေသွင်းစနစ်၊ ပိုးမွှားနှိမ်နှင်းခြင်းနှင့် ရေရှည်တည်တံ့စေသော လုပ်ထုံးလုပ်နည်းများဆိုင်ရာ အခြေခံ ကျွမ်းကျင်မှုများ တတ်မြောက် စေရန်နှင့် (ဂ) မိမိတို့၏ ရုံး/သင်တန်းကျောင်း မြေယာရှုခင်းများကို ကောင်းမွန်စွာ ထိန်းသိမ်း တတ်စေရန် ရည်ရွယ်၍ စီစဉ်ဖွင့်လှစ်ရခြင်း ဖြစ်ပါကြောင်း သိရှိရပါသည်။အဆိုပါ သင်တန်းကို RETC သင်တန်းကျောင်း၌ စာတွေ့/လက်တွေ့ သင်ကြားပို့ချမည် ဖြစ်ကာ သင်တန်းကာလမှာ ၂၇-၄-၂၀၂၆ မှ ၂၉-၄-၂၀၂၆ ထိ (၃)ရက်ကြာ ဖြစ်ပါသည်။ ထို့ပြင် ကွင်းဆင်းလေ့လာရေး ခရီးစဉ်အဖြစ် ရန်ကုန်မြို့၊ မြေပဒေသာကျွန်းသို့ သွားရောက်လေ့လာ မည်ဖြစ်ပါကြောင်း သတင်းရရှိပါသည်။