သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

၁၀-၄-၂၀၂၀ ရက်နေ့တွင် ရန်ကုန်တိုင်းဒေသကြီး၊ မြောက်ပိုင်းခရိုင်၊ တိုက်ကြီးမြို့နယ်၊ သစ်တောဦးစီးဌာနမှ သစ်တောဝန်ထမ်းများ၊ သစ်တောလုံခြုံရေးရဲတပ်ဖွဲ့ဝင်များ၊ တပ်မတော်ခ.လ.ရ(၈၂)၊ ပုလဲမြို့သစ်၊ မင်္ဂလာဒုံမြို့နယ်မှ ဗိုလ်ကြီးကျော်စွာဗိုလ်ပါတပ်မတော်သားများပါဝင်သော ပူးပေါင်းအဖွဲ့သည် မဟာသင်္ကြန်ကာလတရားမဝင်သစ်နှင့် သစ်တောထွက်ပစ္စည်းများရှာဖွေဖော်ထုတ်ဖမ်းဆီးရေးစီမံချက် အကောင်အထည် ဖော်ဆောင်ရွက်လျက်ရှိရာ တိုက်ကြီးမြို့နယ်၊ ဥက္ကံတောင်နယ်မြေ၊ သပြေပင်ရေဆိပ် နေရာ၌ တရားမဝင်သံသေ/ဖက်ဝန်း/မှိုက်/ပျဉ်းမ/ဘိုင်/တောင်လက်ခုတ်သစ်(၃၁)လုံး(၉.၁၁၈)တန်နှင့် အခြားသားထင်း(၅.၃၈၅၆)တန်အား ဖမ်းဆီးရမိခဲ့ပြီး ဆက်စပ်ပတ်သက်သောတရားခံများအား စုံစမ်းရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိပါသည်။

၉-၄-၂၀ ၂၀၂၀ ရက်နေ့မှ ၁၀-၄-၂၀၂၀ ရက်နေ့ထိရွှေဘိုခရိုင်လက်ထောက်ညွှန်ကြားရေးမှူးဦးဆောင်သော သစ်တောရဲအပါအဝင် ခရိုင်နှင့် မြို့နယ်မှ သစ်တောဝန်ထမ်းများမှ တန့်ဆည်မြို့နယ်အတွင်းရှိပကာရွာ၊အိုက်မရွာ၊ခေါင်ယာရွာအတွင်းနှင့်ရွာမုံတောင်ကြိုးပြင်ကာကွယ်တော၊ပေါင်ကတောင်ကြိုးဝိုင်းအတွင်းတရားမဝင်သစ်ရှာဖွေခဲ့ရာ၆ဘီးကား၁စီး၊တုန်ဖုန်းကား၂စီး၊ သစ်စက် ၃လုံးနှင့်သစ်မျိုးစုံစုစုပေါင်း(၂၁၄၉)ချောင်း(၅၆.၇၈၀၈) တန်၊အင်မျော(၂၅၅ )လုံး၊သစ်စက်အင်ဂျင်(၃ )လုံးနှင့်ဆက်စပ်ပစ္စည်းများဖမ်းဆီးရမိခဲ့ပြီး ဆက်စပ်တရားခံ(၈ )ဦးကိုလည်း သက်ဆိုင်ရာနယ်မြေရဲစခန်းတွင် သစ်တောဥပဒေနှင့်အညီ ထိရောက်စွာ အရေးယူဆောင်ရွက်နိုင်ရန် အမှုဖွင့်လှစ်ဆောင်ရွက်ထားရှိခဲ့ပါသည်။
ပိုင်ရှင်မပေါ်ပေါက်သည့်အမှုများကိုလည်းဆက်လက် စုံစမ်းဖော်ထုတ်နိုင်ရန်အတွက် တိုင်ချက်ဖွင့်ထားရှိပြီး ဥပဒေနှင့်အညီ ထိရောက်စွာ အရေးယူဆောင်ရွက်နိုင်ရန် စီစဉ် ဆောင်ရွက်လျက်ရှိပါသည်။

၁၁-၄-၂၀၂၀ ရက်နေ့တွင် စစ်ကိုင်းတိုင်းဒေသကြီး၊ဟုမ္မလင်းမြို့နယ်၊သစ်တောဦးစီးဌာန ဦးစီးအရာရှိ ဦးဆောင်သော သစ်တောဝန်ထမ်းများ၊ ကျေးရွာအုပ်ချုပ်ရေးအဖွဲ့ဝင်များ၊အရန်မီးသတ်တပ်ဖွဲ့ဝင်များ ပါဝင်သော ပူးပေါင်းအဖွဲ့သည် မဟာသင်္ကြန်ကာလ တရားမဝင်သစ်နှင့်သစ်တောထွက်ပစ္စည်းများရှာဖွေဖော်ထုတ်ဖမ်းဆီးရေးစီမံချက် အကောင် အထည်ဖော်ဆောင်ရွက်လျက်ရှိရာ ဟုမ္မလင်းမြို့နယ်၊ ကက်သာကျေးရွာအုပ်စုတာမောင်ကျေးရွာအနီးချင်းတွင်းမြစ် ကမ်းဘေးနေရာတွင် တရားမဝင် ကျွန်းခွဲသား(၇၆)ချောင်း (၁.၀၆၇၀) တန် (၃')အောက် ကျွန်းသစ်လုံး(၁၃)လုံး
(၀.၂၉၀၀) တန်အားပိုင်ရှင်မဲ့ ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်းရှာဖွေဖော်ထုတ်၍ ဥပဒေနှင့်အညီ ထိရောက်စွာအရေးယူနိုင်ရေးစီစဉ်ဆောင်ရွက်လျက်ရှိပါသည်။