Welcome to Forest Department
No front page content has been created yet.
သတင်းနှင့်ကြေငြာချက်များ
ပြည်သူလူထုပူးပေါင်းပါဝင်မှုဖြင့် လူထုအခြေပြုစောင့်ကြပ်ကြည့်ရှု့ သတင်းပို့စနစ်-CMRS ဖြင့် သတင်းပေးပို့ချက်အရ မကွေးတိုင်းဒေသကြီး၊ သစ်တောဦးစီးဌာန၊ ညွှန်ကြားရေးမှူး၏ သတင်းချပြချက်ဖြင့် ၂-၅-၂၀၁၉ ရက်နေ့တွင် သရက်ခရိုင်၊ သစ်တောဦးစီးဌာနမှ လက်ထောက်ညွှန်ကြားရေးမှူး ဦးဆောင် သော သစ်တောဝန်ထမ်းများ၊ သစ်တောလုံခြုံရေးရဲတပ်ဖွဲ့ဝင်များ၊ မြန်မာနိုင်ငံရဲတပ်ဖွဲ့ဝင်များ၊ ကျေးရွာအုပ်ချုပ်ရေးအဖွဲ့ဝင်များပါဝင်သောပူးပေါင်းအဖွဲ့သည် မင်းတုန်းမြို့နယ်၊ မင်းတုန်းရိုးမ ကြိုးဝိုင်း၊ အကွက်အမှတ်(၈) ကျောက်ကြီးချောင်းဖျား၊ နေရာတွင် တရားမဝင်ကျွန်းခွဲသား (၁၉) ချောင်း (၃.၀၀၁၈)တန်အား ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်းရှာဖွ ေဖော်ထုတ်၍ ဥပဒေနှင့်အညီ ထိရောက်စွာအရေးယူနိုင်ရေး စီစဉ်ဆောင်ရွက်လျက်ရှိပါသည်။
ပြည်သူလူထုပူးပေါင်းပါဝင်မှုဖြင့် လူထုအခြေပြုစောင့်ကြပ်ကြည့်ရှု့ သတင်းပို့စနစ်-CMRS ဖြင့် သတင်းပေးပို့ချက်အရ ၃၀-၄-၂၀၁၉ ရက်နေ့တွင် မြောက်ပိုင်းခရိုင်၊ လှည်းကူးမြို့နယ်၊ သစ်တောဦးစီးဌာနမှ ဦးစီးအရာရှိ ဦးဆောင်သော သစ်တောဝန်ထမ်းများ၊ သစ်တောလုံခြုံရေး ရဲတပ်ဖွဲ့ဝင်များ၊ ကျေးရွာအုပ်ချုပ်ရေးအဖွဲ့ဝင်များ ပါဝင်သောပူးပေါင်းအဖွဲ့သည် လှည်းကူးမြို့နယ်၊ မင်းကုန်းကျေးရွာအုပ်စု၊ စံပြကျေးရွာ(က)လမ်း အမှတ်(၂/၃၄) ဦးလှဦး၏ နေအိမ်ခြံဝင်း မှ တရားမဝင် ကျွန်းခွဲသား (၇၀၇)ချောင်း စုစုပေါင်း (၁.၅၃၅၄) တန်တို့အား ဖမ်းဆီးရမိပြီး၊ တရားခံများအား သက်ဆိုင်ရာရဲစခန်းတွင် အမှုဖွင့်လှစ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက် ရှိပါသည်။
၃၀.၄.၂၀၁၉ ရက်နေ့တွင် ရခိုင်ပြည်နယ်၊ သံတွဲခရိုင်၊ တောင်ကုန်မြို့နယ်၊ သစ်တောဦးစီးဌာနမှ ဦးစီးအရာရှိ ဦးဆောင်သော သစ်တောဝန်ထမ်အဖွဲ့သည် တောင်ကုတ်မြို့နယ်၊ ညောင်ဖောက်ကျေးရွာ အနောက်ဘက်(၂)ဖာလုံခန့်အကွာနေရာမှ တရားမဝင်တောင်စကိုင်းခွဲသား (၁၈)ချောင်း (၅.၇၄၂၆)တန်အား ဖမ်းဆီးရမိခဲ့ပြီး ဥပဒေနှင့်အညီ ဆက်စပ်ပတ်သက်သော တရားခံများအား စုံစမ်းဖော်ထုတ်၍ ဥပဒေနှင့်အညီထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိပါသည်။
၂၉-၄-၂၀၁၉ ရက်နေ့တွင် မုံရွာ/ယင်းမာပင်ခရိုင်၊ မုံရွာမြို့နယ် သစ်တောဦးစီးဌာနမှ လ/ထ ညွှန်မှူး ဦးဆောင်သော သစ်တောဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ ကျေးရွာအုပ်ချုပ်ရေးအဖွဲ့ဝင်များ ပါဝင်သောပူးပေါင်းအဖွဲ့သည် မုံရွာမြို့နယ်၊ အလုံ-ထန်းတောရပ်တွင် မော်တော်ယာဉ် (၃)စီးပေါ်မှ တရားမဝင် ပိတောက်ခွဲသား(၄၁)ချောင်း စုစုပေါင်း (၄.၁၅၀၀) တန်တို့အား ဖမ်းဆီးရမိပြီး၊ ဆက်စပ်ပတ်သက်သော တရားခံများအား ရှာဖွေစုံစမ်းဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက် ရှိပါသည်။
Training Needs Assessment (TNA) Follow-up Workshop ကို (၂-၅-၂၀၁၉)ရက်နေ့၊ မြန်မာနိုင်ငံသစ်တောကျောင်း ပြင်ဦးလွင်၌ ကျင်းပရာ သစ်တောဦးစီးဌာန၊ ညွှန်ကြားရေးမှူး(လေ့ကျင့်/သုတေ) တက်ရောက်၍ အဖွင့်အမှာစကားပြောကြားပါသည်။
အမှာစကားပြောကြားရာတွင် သစ်တောပညာရေး သင်ရိုးညွှန်းတမ်းများ အဆင့်မြှင့် တင်ရေး လိုအပ်ချက်များ လေ့လာဆန်းစစ်ခြင်း၏ ရလဒ်များပေါ်အခြေခံပြီး ရှေ့ဆက် ဆောင်ရွက်ကြမည့်ကိစ္စများကို ရင်းနှီးပွင့်လင်းစွာ တိုင်ပင်ဆွေးနွေးကြရန် ဖြစ်ပါသည်။
၂၉-၄-၂၀၁၉ ရက်နေ့တွင် စစ်ကိုင်းတိုင်းဒေသကြီး၊ မုံရွာ/ယင်းမာပင်ခရိုင်၊ သစ်တောဦးစီးဌာနမှ ဦးစီးအရာရှိ ဦးဆောင်သော ခရိုင်စစ်ကြောင်းအဖွဲ့သည် ကနီမြို့နယ်၊ မုံရွာ-ယာကြီး-ကလေးဝကားလမ်း(၃၅/၅)မိုင်အနီးနေရာ၌ ယာဉ်အမှတ်(၉ဌ/၅၁၉၅၇) (လေးလုံးထိုးထော်လာဂျီ)(အနီရောင်)ယာဉ်ပေါ်မှ တရားမဝင်ပိတောက်ခွဲသား(၂၀) ချောင်း (၃.၁၄၆၆)တန်နှင့်တရားခံ(၁)ဦးအား ဖမ်းဆီး ရမိခဲ့ပြီး ဥပဒေနှင့်အညီ ထိရောက်စွာ အရေးယူနိုင်ရေး သက်ဆိုင်ရာရဲစခန်းတွင် အမှုဖွင့်လှစ် ဆောင်ရွက်လျက်ရှိပါသည်။
နေပြည်တော်ကောင်စီနယ်မြေ/ တိုင်းဒေသကြီး/ ပြည်နယ်၊ သစ်တောဦးစီး ဌာနများမှ ပေးပို့လာ သောစာရင်းများအရ တရားမဝင် ကျွန်း(၂၀၄.၅၂၂၈)တန်၊ သစ်မာ(၁၅၆.၂၉၉၆)တန်၊ အခြား (၃၇၀.၁၉၃၄)တန်၊ စုစုပေါင်း(၇၃၁.၀၂၆၈) တန်၊ တရားခံ(၇၇)ဦး၊ ယာဉ်/ယန္တရား(၃၀)စီး ဖမ်းဆီးရမိခဲ့ပါသည်။
ဖမ်းဆီးရမိမှုများအနက် အများဆုံးဖမ်းဆီးရမိမှုမှာ ရှမ်းပြည်နယ်(တောင်ပိုင်း)၊ တောင်ကြီးခရိုင်၊ ရပ်စောက်မြို့နယ်၊ အင်တော(၁)ဘိနယ်၊ ကျိုင်းခမ်းကျေးရွာ မြောက်ဘက်(၇)မိုင်ခန့်အကွာနေရာမှ တရားမဝင်အင်ကြင်/အင် သစ်လုံး/ခွဲသား/ လုံးပတ်၃ပေအောက်သစ် စုစုပေါင်း(၈၀.၃၃၆၈)တန်၊ အင်ဂျင်(၃)လုံးတို့အား ပိုင်ရှင်မဲ့ ဖမ်းဆီးရမိခဲ့ပါသည်။
၃၀.၄.၂၀၁၉ ရက်နေ့တွင် မန္တလေးတိုင်းဒေသကြီး၊ မန္တလေးခရိုင်၊ မဟာအောင်မြေမြို့နယ်၊ သစ်တော ဦးစီးဌာနမှ ဦးစီးအရာရှိ ဦးဆောင်သော သစ်တောဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ မန္တလေးမြို့တော်စည်ပင်သာယာရေးကော်မတီမှ စည်ပင်သာယာရဲတပ်ဖွဲ့ဝင်များ၊ ကျေးရွာအုပ်ချုပ်ရေး အဖွဲ့ဝင်များပါဝင်သောပူးပေါင်းအဖွဲ့သည် အမရပူရမြို့နယ်၊ မြစ်ငယ်-ထုံးဘို-ပြင်ဦးလွင်ဖြတ်လမ်း၊ မိုင်တိုင်အမှတ်(၀/၀) နေရာ၌ မော်တော်ယာဉ်အမှတ်(ဒ/၂၈၇) (အပြာရောင်) (၆)ဘီးယာဉ်ပေါ်မှ တရားမဝင်အင်ခွဲသား (၂၄၃) ချောင်း (၅.၄၄၇၆)တန်ဖမ်းဆီး ရမိခဲ့ပြီး ဆက်စပ်ပတ်သက်သော တရားခံများအား စုံစမ်းဖော်ထုတ်၍ ဥပဒေနှင့်အညီ ထိရောက်စွာအရေးယူနိုင်ရေး စီစဉ်ဆောင်ရွက်လျက်ရှိပါသည်။