Welcome to Forest Department
No front page content has been created yet.
သတင်းနှင့်ကြေငြာချက်များ
၂၈.၆.၂၀၁၉ ရက်နေ့ နံနက်(၁၀:၀၀)နာရီအချိန် မှော်ဘီမြို့၊ ဗဟိုသစ်တောလုပ်ငန်းဖွံ့ဖြိုးမှု လေ့ကျင့်ပညာပေးရေးဌာန၊ သင်တန်းခန်းမတွင် သင်တန်းကျောင်း ကျောင်းအုပ်ကြီးမှ သင်တန်း ကျောင်းသို့ လာရောက်လေ့လာသော Mr.Shingo Onishi ဦးဆောင်၍ Yangon Japanese School (YJS)မှ ကျောင်းအုပ်ကြီး Mr.Yukiyasu Osakabe နှင့်တကွ ဆရာ/ဆရာမ (၄)ဦးနှင့် ကျောင်းသား/ ကျောင်းသူ(၁၇)ဦး စုစုပေါင်း(၂၂)ဦးအဖွဲ့အား သင်တန်းကျောင်းနှင့် ပတ်သက်သည့် အချက် အလက်များကို ရှင်းလင်းတင်ပြခဲ့ပြီး အဆိုပါရှင်းလင်းတင်ပြမှုနှင့် ဧည်ခံကြိုဆိုမှုအပေါ် YJS ကျောင်းမှ ကျောင်းသား/ကျောင်းသူကလေး(၃)ဦးက ကျေးဇူးတင်စကား ပြန်လည်ပြောကြား ခဲ့ပါသည်။၂၈.၆.၂၀၁၉ရက်နေ့၊ နံနက်(၁၁:၀၀)နာရီအချိန်တွင် YJS ကျောင်းမှ ဆရာ/ဆရာမနှင့် ကျောင်းသား/ကျောင်းသူများအဖွဲ့သည် သင်တန်းကျောင်းရှိ သစ်နမူနာပြခန်း၊ စာသင်ခန်း၊ ပုံဆွဲခန်း၊ စာကြည့်တိုက်၊ ကျွန်းတစ်သျှူးခန်း၊ သစ်ခွတစ်သျှူးခန်းတို့အား ကြည့်ရှုလေ့လာ၍ လေ့ကျင့်ရေးသစ်တောတွင် ဒိုချပ်ကင်သဘာဝမြေဩဇာပြုလုပ်ခြင်းအား လက်တွေ့ပြုလုပ်ခဲ့ကြ ပါသည်။၂၉.၆.၂၀၁၉ရက်နေ့၊ နံနက်(၀၈:၀၀)နာရီတွင် Mr.Shingo Onishi ဦးဆောင်၍ Yangon Japanese School မှ ကျောင်းအုပ်ကြီး Mr.Yukiyasu Osakabe နှင့်တကွ ဆရာ/ဆရာမ(၄)ဦးနှင့် ကျောင်းသား/ကျောင်းသူ(၁၇)ဦး စုစုပေါင်း(၂၂)ဦးတို့သည် CFDTCဝန်ထမ်းများ၊ ဝန်ထမ်းမိသားစု များ၏ သားငယ်သမီးငယ် ကျောင်းသား/ကျောင်းသူများနှင့်အတူ လေ့ကျင့်ရေးသစ်တောအတွင်း သစ်မျိုးစုံ (၁၄၅၀)ပင်အား စုပေါင်းစိုက်ပျိုးခဲ့ကြပါသည်။
၂၄.၆.၂၀၁၉ရက်နေ့တွင် ရန်ကုန်တိုင်းဒေသကြီး၊ မြန်မာနိုင်ငံကြိမ်ဝါးအသင်းမှ ဝါးလက်မှု ပညာရှင် ဦးသက်ဇော်နှင့်အဖွဲ့၏ ဝါးလက်မှုပစ္စည်းများလက်တွေ့ပြုလုပ်ခြင်းအား သင်တန်းသားများ ကိုယ်တိုင် လက်တွေ့လေ့လာသင်ယူခဲ့ကြပါသည်။
၂၅.၆.၂၀၁၉ရက်နေ့တွင် ရန်ကုန်တိုင်းဒေသကြီး၊ မြန်မာနိုင်ငံကြိမ်ဝါးအသင်းမှ ဝါးလက်မှု ပညာရှင် ဦးသက်ဇော်နှင့်အဖွဲ့၏ ဝါးလက်မှုပစ္စည်းများ ဆေးဆိုးခြင်းလက်တွေ့ပြုလုပ်ခြင်းအား သင်တန်းသားများ ကိုယ်တိုင် လက်တွေ့လေ့လာသင်ယူခဲ့ကြပါသည်။ ဆက်လက်၍ သင်တန်းသားများမှ သင်တန်းအပြီးဆန်းစစ်ခြင်းများ ဖြေဆိုခဲ့ကြပါသည်။၂၆.၆.၂၀၁၉ရက်နေ့ နံနက်(၉:၀၀)နာရီတွင် သင်တန်းဆင်းပွဲအခမ်းအနား ကျင်းပခဲ့ရာ မန္တလေးခရိုင် သစ်တောဦးစီးဌာနမှ လက်ထောက်ညွှန်ကြားရေးမှူး ဦးထွန်းလတ် မှ သင်တန်းဆင်း အမှာစကားပြောကြားခဲ့ပါသည်။ ၄င်းနောက် သင်တန်းအတွင်းရေးမှူး ဦးအေးချမ်းအောင်မှ သင်တန်းပြီးမြောက်ကြောင်း အစီရင်ခံစာအား ဖတ်ကြားခဲ့ပြီး မန္တလေးခရိုင် သစ်တောဦးစီးဌာနမှ လက်ထောက်ညွှန်ကြားရေးမှူး ဦးထွန်းလတ် သင်တန်းသားခေါင်းဆောင်အား သင်တန်းဆင်းလက်မှတ် များပေးအပ်ခဲ့ပါသည်။
သစ်တောဦးစီးဌာနနှင့် ကိုရီးယားသမ္မတနိုင်ငံ၊ AFoCO Secretariat တို့အကြား ပူးပေါင်း ဆောင်ရွက်လျက်ရှိသည့် ရန်ကုန်တိုင်းဒေသကြီး၊ မှော်ဘီမြို့နယ်၊ အာရှဒေသ သစ်တော ကဏ္ဍ ပူးပေါင်းဆောင်ရွက်မှု လေ့ကျင့်ပညာပေးရေး သင်တန်းကျောင်း (AFoCO RETC) တွင် ၂၀၁၈ ခုနှစ်မှစ၍ ပြည်တွင်း/ပြည်ပ သင်တန်းများ ဖွင့်လှစ်ကျင်းပ လျက်ရှိပါသည်။ ၂၀၁၉ ခုနှစ်အတွင်း ဖွင့်လှစ်ပို့ချသွားမည့် သင်တန်းအစီအစဉ်အနက် “သစ်တောမီး စီမံ ထိန်းချုပ်ခြင်း သင်တန်း” [AFoCO Regular Training Course on “Forest Fire Management]ကို ၂၀၁၉ ခုနှစ်၊ ဇွန်လ ၂၄ ရက်မှ ၂၈ ရက်နေ့အထိ ဖွင့်လှစ်ကျင်းပခဲ့ပြီး သင်တန်းဖွင့်ပွဲအခမ်းအနားသို့ သယံဇာတနှင့်် သဘာဝပတ်ဝန်းကျင်ထိန်းသိမ်းရေးဝန်ကြီး ဌာန၊ အမြဲတမ်းအတွင်းဝန် ဦးခင်မောင်ရီ တက်ရောက်ကာ အဖွင့်အမှာစကားပြောကြားခဲ့ ပါသည်၊ သစ်တောမီး ပညာရပ်များဖြစ်သည့် သစ်တောမီးလောင်ကျွမ်းခြင်း အလေ့အထများနှင့် သတင်းအချက်အလက်စနစ်များကို သိမြင်နားလည်မှု မြင့်တက်လာစေရန်၊ သစ်တောမီး ထိန်းချုပ်ခြင်းနှင့် မီးငြိမ်းသတ်ခြင်း အကောင်းဆုံးနည်းစနစ်များကို လေ့လာသိရှိစေရန်၊ ခေတ်အလိုက် ပေါင်းစပ်သစ်တောမူဝါဒနှင့် အစီအစဉ်များတွင် အမျိုးသားအဆင့်နှင့် ဒေသ တွင်းအဆင့် စွမ်းဆောင်ရည်မြှင့်တင်ရန် ရည်ရွယ်လျက် ဤသင်တန်းအစီအစဉ်ကို ဖွင့်လှစ် ခဲ့ခြင်းဖြစ်ပါသည်၊ကွင်းဆင်းလေ့လာရေး ခရီးစဉ်အဖြစ် မင်းလှမြို့နယ်၊ မုက္ခာကြိုးဝိုင်း၊ အကွက်အမှတ်(၅၀) အတွင်းရှိ ၂၀၁၇ ခုနှစ်၊ စီးပွားရေးကျွန်းစိုက်ခင်းသို့ သွားရောက်လေ့လာခဲ့၍ မီးငြှိမ်းသတ်နည်း စနစ်များကို လက်တွေ့သရုပ်ပြ ဆောင်ရွက်ခဲ့ပါသည်၊ ဒေသအဆင့်လေ့ကျင့်ပညာပေးရေး သင်တန်းကျောင်း (AFoCO RETC)၏ “ဒေသခံ ပြည်သူ ဖွံ့ဖြိုးရေး ပညာပေးအစီအစဉ်” အရ သစ်တောကဏ္ဍဆိုင်ရာ တိုးချဲ့ပညာပေး အစီ အစဉ်(၂၁)ကြိမ်အဖြစ် ၂၆-၆-၂၀၁၉ ရက်နေ့တွင် “ဒေသခံပြည်သူ ဖွံ့ဖြိုးမှု ပညာပေး အစီ အစဉ်” အရ တိုက်ကြီးမြို့နယ်၊ မြို့မအခြေခံ ပညာအထက်တန်းကျောင်းမှ ကြီးကြပ်သူ ဆရာ/ဆရာမများနှင့်် ကျောင်းသား/ ကျောင်းသူများအား ဖိတ်ကြား၍ ကျင်းပခဲ့ပါသည်၊အစီအစဉ်အရ လေ့လာရေးခရီး လာရောက်ကြသည့် ဆရာ/ ဆရာမများနှင့် ကျောင်းသား/ ကျောင်းသူများသို့ ဦးနေမျိုးဝင်း(ဦးစီးအရာရှိ)၊ ဒေါ်အိစန္ဒီဆက်(ဦးစီးအရာရှိ)နှင့် ကိုရီးယားသမ္မတနိုင်ငံမှ အလုပ်သင် Mr. Cho Hyun Min (Internship)တို့က လူမှုဝန်းကျင် နှင့် ကောင်းမွန်သောသဘာဝ ပတ်ဝန်းကျင်အတွက် သစ်တောများ၏ အရေးပါပုံ၊ သစ်တော များကို ထိန်းသိမ်းရန်အရေးကြီးပုံနှင့်် AFoCO RETC သင်တန်းကျောင်းတည်ထောင်ခြင်း စီမံကိန်းအကြောင်းအရာများကို Projector ဖြင့် ရှင်းလင်းပို့ချခြင်း၊
တက်ရောက်လာကြသည့် ဆရာ/ဆရာမများမှ သိရှိလိုသည်များကို ပြန်လည်ဆွေးနွေး မေးမြန်းခြင်းအား သင်တန်းကျောင်းမှ တာဝန်ရှိသူများက ပြန်လည်ဖြေကြားခြင်း၊ သင်တန်းကျောင်းနှင့် ပတ်သက်သည့် ဗီဒီယိုမှတ်တမ်းဖိုင်အား Projector ဖြင့် ပြသခြင်း နှင့် လေ့လာသူ ဆရာ/ဆရာမများအား သင်တန်းကျောင်းမှ တာဝန်ရှိသူများက သင်တန်း ကျောင်းအတွင်းသို့ လှည့်လည်ပြသခဲ့ပြီး မေးမြန်းသည်များကို ပြန်လည် ဖြေကြားခြင်း၊ဆက်လက်၍ ပျိုးဥယျာဉ်နှင့် လေ့ကျင့်ရေးသစ်တောသို့ သွားရောက်လေ့လာခြင်း၊ သင်တန်းကျောင်း ဝန်ထမ်းများက သစ်ပင်များ ပျိုးထောင်ခြင်း၊ မြေဆွေးရောစပ်ခြင်း၊ စိုက်ပျိုးသင့်သည့် အချိန်ကာလနှင့် သစ်ပင်စိုက်ပျိုးနည်း စနစ်များကို လက်တွေ့ ရှင်းလင်း ပြသခဲ့ပြီး ဆရာ/ ဆရာမများနှင့် ကျောင်းသား/ကျောင်းသူများက အဖွဲ့လိုက် သစ်ပင်များ လက်တွေ့ စိုက်ပျိုးခြင်း၊
အမှတ်တရ လက်ဆောင်များ ပေးအပ်ခြင်းနှင့် စုပေါင်းမှတ်တမ်းတင်ဓာတ်ပုံ ရိုက်ကူးခြင်း များ ဆောင်ရွက်ခဲ့ပါသည်။
၂၀၁၈ -၂၀၁၉ ခုနှစ်၊ ပညာသင်နှစ် တက္ကသိုလ်ဝင်တန်းစာမေးပွဲတွင် ထူးချွန်စွာအောင်မြင်ခဲ့ ကြသော သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာနမှ ဝန်ထမ်း သား/သမီးများ အားပညာရည်ချွန်ဆုချီးမြှင့်ပွဲအခမ်းအနားကို(၁-၇-၂၀၁၉)ရက်နေ့၊နံနက်(၀၈:၃၀)နာရီတွင် သစ်တော ဦးစီးဌာန၊အင်ကြင်းခန်းမ၌ ကျင်းပပြုလုပ်ရာသယံဇာတနှင့် သဘာဝပတ်ဝန်းကျင်ထိန်းသိမ်းရေး ဝန်ကြီးဌာန၊ ပြည်ထောင်စုဝန်ကြီး ဦးအုန်းဝင်းတက်ရောက် အမှာစကားပြောကြားရာတွင် -
သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာနအနေနှင့် ပညာရည်ချွန်ဆု ချီးမြှင့်ပွဲ အခမ်းအနားများကို ၂၀၀၄ ခုနှစ်ကစတင်ပြီး နှစ်စဉ်ကျင်းပဆောင်ရွက်လာခဲ့ကြောင်း၊ ယခု ပညာသင်နှစ်တွင် (၆)ဘာသာ ဂုဏ်ထူးရှင်(၃)ဦး ၊ (၅) ဘာသာ ဂုဏ်ထူးရှင် (၁၇) ဦး၊ (၄)ဘာသာ ဂုဏ်ထူးရှင် (၁၆) ဦး၊ (၃)ဘာသာဂုဏ်ထူးရှင် (၂၀) ဦး၊ (၂) ဘာသာ ဂုဏ်ထူးရှင် (၃၄) ဦးနှင့် (၁) ဘာသာ ဂုဏ်ထူးရှင် (၈၂)ဦး ၊ ဂုဏ်ထူးရှင်စုစုပေါင်း(၁၇၂) ဦး အပါအဝင် အောင်မြင်သူ ပေါင်း(၇၃၀)ဦး ဖြစ်ပါသည်။
သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာန အနေဖြင့် မြန်မာ့ကျွန်း သစ်မူရင်းဒေသဖြစ်သော ပဲခူးရိုးမအတွင်း ၂၀၁၆-၁၇ ဘဏ္ဍာနှစ်မှစ၍ တရားဝင်သစ်ထုတ်လုပ်ခြင်းလုပ်ငန်း အား (၁၀)နှစ်ရပ်နားထားပြီး သစ်တောပြုစုထိန်း သိမ်းခြင်းလုပ်ငန်းများအား အရှိန်အဟုန်မြှင့်ဆောင်ရွက်နေ လျှက်ရှိသည့်အပြင် တရားမဝင်သစ်ခိုးထုတ်ခြင်း၊ တရားမဝင်တောရိုင်းတိရစ္ဆာန်များ သတ်ဖြတ်ခြင်းနှင့် ကျူးကျော်အခြေချနေထိုင်ခြင်းများအား ပြည်သူပူးပေါင်းပါဝင်မှုဖြင့် စီမံချက်ချအကောင် အထည်ဖော် ဆောင်ရွက်နေလျှက်ရှိပါသည်။ ပဲခူးရိုးမစိမ်းလန်းစိုပြည်ရေး ဧရိယာအတွင်းမှ (၂၄-၆-၂၀၁၉)ရက်နေ့မှ (၃၀-၆-၂၀၁၉) ရက်နေ့ထိ တစ်ပတ်တာကာ လအတွင်း တရားမဝင်ကျွန်း၊ သစ်မာ၊အခြား စုစုပေါင်း (၇၄.၈၃၈၈)တန်ဖမ်းဆီးရမိခဲ့ပါသည်။
၂၇.၆.၂၀၁၉ ရက်နေ့တွင် ရှမ်းပြည်နယ်(အရှေ့ပိုင်း)၊ တာချီလိတ်ခရိုင်၊ တာချီလိတ်မြို့နယ် သစ်တောဦးစီးဌာနမှ သစ်တောဝန်ထမ်းများ၊ (ခလရ-၃၃၁)မှတပ်ဖွဲ့ဝင်များ၊ အကောက်ခွန်ဦးစီး ဌာနအဖွဲ့၊ မြန်မာနိုင်ငံရဲတပ်ဖွဲ့ဝင်များ ပါဝင်သောပူးပေါင်းအဖွဲ့သည် တာချီလိတ်မြို့နယ်၊ ဟွေရဲပူးပေါင်း စစ်ဆေးရေးစခန်းအနီးတွင် ယာဉ်အမှတ်(ဘ-၂၁၄၉)ပေါ်မှ တရားမဝင်သစ် ပိတောက်/ ပိတောက်စကွဲယား (၁၀)လုံး/တုံး (၆.၅၃၀၈)တန် ယာဉ်(၁)စီးနှင့် အတူ တရားခံ(၁)ဦး ဖမ်းဆီးရမိခဲ့ပြီး ဥပဒေနှင့်အညီ ထိရောက်စွာ အရေးယူနိုင်ရေး သက်ဆိုင်ရာရဲစခန်းတွင် အမှုဖွင့်လှစ် ဆောင်ရွက်လျက်ရှိပါသည်။
၂၇.၆.၂၀၁၉ ရက်နေ့တွင် မန္တလေးတိုင်းဒေသကြီး၊ ပြင်ဦးလွင်ခရိုင်၊ ပြင်ဦးလွင်မြို့နယ် နှင့် (၁၆)မိုင်စစ်ဆေးရေးဂိတ်တို့ သစ်တောဦးစီးဌာနမှ သစ်တောဝန်ထမ်းများ၊ အကောက်ခွန်ဦးစီးဌာနမှ ဝန်ထမ်းများပါဝင်သောပူးပေါင်းအဖွဲ့သည် ပြင်ဦးလွင်မြို့နယ်၊ မန္တလေး-ပြင်ဦးလွင်(အတက်လမ်း) မိုင်တိုင်(၁၇/၃)နှင့်(၁၇/၄)အတွင်း ယာဉ်(MDY/7M-9644)ပေါ်မှ တရားမဝင်သစ် ပိတောက် ခွဲသား (၆၁) ချောင်း (၁.၇၁၉၂)တန် ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်းရှာဖွေဖော်ထုတ်၍ ဥပဒေနှင့်အညီ အရေးယူနိုင်ရေး စီစဉ်ဆောင်ရွက်လျက်ရှိပါသည်။
ပြည်သူလူထုပူးပေါင်းပါဝင်မှုဖြင့် လူထုအခြေပြုစောင့်ကြပ်ကြည့်ရှု့ သတင်းပို့စနစ်-CMRS ဖြင့် သတင်းပေးပို့ချက်အရ ၂၆-၆-၂၀၁၉ ရက်နေ့တွင် မန္တလေးတိုင်းဒေသကြီး၊ ပြင်ဦးလွင်ခရိုင်၊ ပြင်ဦးလွင်မြို့နယ်၊ သစ်တောဦးစီးဌာနမှ သစ်တောဝန်ထမ်းများ၊ မူးယစ်ဆေးဝါးနှိမ်နင်းရေးတပ်ဖွဲ့မှ တပ်ဖွဲ့ဝင်များ၊ ရပ်ကွက်အုပ်ချုပ်ရေးအဖွဲ့ဝင်များပါဝင်သော ပူးပေါင်းအဖွဲ့သည် ပြင်ဦးလွင်မြို့နယ်၊ မန္တလေး-လားရှိုးကားလမ်း၊ X-Ray ဂိတ်အတွင်း မော်တော်ယာဉ်အမှတ်-(YGN 1C/1655) CROWN (နက်ပြာရောင်)ယာဉ်ပေါ်မှ တရားမဝင်တမလန်းစကွဲယား (၂၃) တုံး (၀.၅၆၈၈)တန်၊ ကျောက်စိမ်းတုံး(၁၅၀)တုံး(၁၂၄.၂၅)ပိဿာတို့အား တရားခံ(၁)ဦးနှင့်အတူ ဖမ်းဆီးရမိခဲ့ပြီး တရားခံအား ဥပဒေနှင့်အညီ ထိရောက်စွာ အရေးယူနိုင်ရေး သက်ဆိုင်ရာရဲစခန်းတွင် အမှုဖွင့်လှစ်ဆောင်ရွက်လျက်ရှိပါသည်။
ပြည်သူလူထုပူးပေါင်းပါဝင်မှုဖြင့် လူထုအခြေပြုစောင့်ကြပ်ကြည့်ရှု့ သတင်းပို့စနစ်-CMRS ဖြင့် သတင်းပေးပို့ချက်အရ ၂၅-၆-၂၀၁၉ ရက်နေ့တွင် စစ်ကိုင်းတိုင်းဒေသကြီး၊ ကလေးခရိုင်၊ ကလေးဝမြို့နယ်၊ သစ်တောဦးစီးဌာနမှ သစ်တောဝန်ထမ်းများ၊ သစ်တောလုံခြုံရေးရဲတပ်ဖွဲ့ဝင်များ ပါဝင်သောပူးပေါင်းအဖွဲ့သည် ကလေးဝမြို့နယ်၊ ဂုံဂါးရွာတောင်ဘက်နှင့် သင်္ဃန်းချောင်းဘေး နေရာတို့မှ တရားမဝင် အင်ခွဲသား (၁၀၃) ချောင်း (၉.၂၉၉၄)တန် ဖမ်းဆီးရမိခဲ့ပြီး ဆက်စပ် ပတ်သက်သော တရားခံများအား စုံစမ်းဖော်ထုတ်၍ ဥပဒေနှင့်အညီ ထိရောက်စွာအရေးယူနိုင်ရေး စီစဉ်ဆောင်ရွက်လျက်ရှိပါသည်။