၂၀၂၀ ပြည့်နှစ် ပါတီစုံဒီမိုကရေစီ အထွေထွေရွေးကောက်ပွဲတွင် ဖြစ်ပွားခဲ့သည့် မဲမသမာမှုနှင့် တရားမဲ့ပြုကျင့်မှုများအပေါ် စုံစမ်းစစ်ဆေးတွေ့ရှိချက်များ

Submitted by Anonymous (not verified) on Wed, 2025-01-22 18:33

၂၀၂၀ ပြည့်နှစ် ပါတီစုံဒီမိုကရေစီ အထွေထွေရွေးကေက်ပွဲတွင် ဖြစ်ပွားခဲ့သည့် မဲမသမာမှုနှင့် တရားမဲ့ပြုကျင့်မှုများ အပေါ် စုံစမ်းစစ်ဆေးတွေ့ရှိချက်များနှင့် စပ်လျဉ်း၍ ပြည်တွင်း/ပြည်ပမှ လေ့လာလိုသူများအနေဖြင့် ပြည်ထောင်စု ရွေးကောက်ပွဲကော်မရှင်က လွှင့်တင်ထားသည့် Website https://2020election.uec.gov.mm/ တွင်လည်းကောင်း၊ Mobile Application ကို အဆိုပါ Website တွင် Download ရယူ၍လည်းကောင်း လေ့လာဖတ်ရှုနိုင်ပါသည်။

Pages

သတင်းနှင့်ကြေငြာချက်များ

ဒုတိယအကြိမ်မြောက်အပူပိုင်းဒေသအပင်မျိုးခွဲခြားခြင်းနှင့်သစ်တောစီမံအုပ်ချုပ်မှုသင်တန်းဖွင့်ပွဲ

ဒုတိယအကြိမ်မြောက် အပူပိုင်းဒေသအပင်မျိုးခွဲခြားခြင်းနှင့် သစ်တောစီမံအုပ်ချုပ်မှု သင်တန်းဖွင့်ပွဲအခမ်းအနားကို ၁၇-၉-၂၀၁၈ ရက်နေ့၊ နေ့လယ် (၁၄:၀၀)နာရီတွင် Grand Amara Hotel ၌ ကျင်းပပြုလုပ်ခဲ့ရာ သစ်တောဦးစီးဌာန၊ ညွှန်ကြားရေးမှူးချုပ် ဒေါက်တာညီညီကျော် တက်ရောက်၍ အဖွင့်အမှာစကားပြောကြားပါသည်။ 

REDD+ လုပ်ငန်းစွမ်းဆောင်ရည်မြှင့်တင်ရေး သင်တန်းဖွင့်ပွဲ အခမ်း အနား

REDD+ လုပ်ငန်းစွမ်းဆောင်ရည်မြှင့်တင်ရေးသင်တန်းဖွင့်ပွဲအခမ်းအနားကို ၁၇-၉-၂၀၁၈ ရက်နေ့၊ နံနက်(၀၈:၃၀)နာရီတွင် သစ်တောသုတေသနဌာန၊ ရေဆင်း (စုဝေးခန်းမ)၌ ကျင်းပပြုလုပ်ခဲ့ရာ သစ်တောဦးစီးဌာန၊ ညွှန်ကြားရေးမှူးချုပ် ဒေါက်တာညီညီကျော် တက်ရောက်၍ အဖွင့်အမှာ စကားပြောကြားပါသည်။  

နေပြည်တော်ကောင်စီနယ်မြေနှင့် စစ်ကိုင်းတိုင်းဒေသကြီးတို့အတွင်း တရားမဝင်ကျွန်း/ သစ်မာ/ အခြား ဖမ်းဆီးရမိ

နေပြည်တော်ကောင်စီနယ်မြေ/ တိုင်းဒေသကြီး/ ပြည်နယ်၊ သစ်တောဦးစီးဌာနများမှ ပေးပို့လာသော စာရင်းများအရ တရားမဝင်ကျွန်း (၁၀၀.၅၈၀၂)တန်၊ သစ်မာ(၄၃.၉၇၆၂) တန်၊ အခြား(၅၇.၆၇၇၆)တန်၊ စုစုပေါင်း(၂၀၂.၂၃၄၀)တန်၊ တရားခံ(၂၉)ဦး၊ ယာဉ်/ယန္တရား (၃၄) စီး ဖမ်းဆီးရမိခဲ့ပါကြောင်း၊ ဖမ်းဆီးရမိမှုများအနက် အများဆုံး ဖမ်းဆီးရမိမှုမှာ ၁၀-၉-၂၀၁၈ ရက်နေ့၌ စစ်ကိုင်း  တိုင်းဒေသကြီး၊ ကသာခရိုင်၊ အင်းတော်မြို့နယ်၊ ကျွန်းတောရွာအနီးတွင် တရားမဝင် ကျွန်းသစ်/ခွဲသား(၁၇၀)လုံး/ချောင်း (၂၅.၂၅၇၄)တန်၊ အင်ဂျင်(၃)လုံး၊ လွှဝိုင်း (၃)ဝိုင်းနှင့် ဆက်စပ်ပစ္စည်းများ ဖမ်းဆီးရမိခဲ့ပါကြောင်း။

မြန်မာနိုင်ငံသစ်တောများ ပြန်လည်တည်ထောင်ရေးစီမံကိန်း၊ သစ်မျိုးသန့်ပြန့်ပွားရေးသင်တန်း အမှတ်စဉ်(၁၃) သင်တန်းဆင်းပွဲ အခမ်းအနား

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန ၊ သစ်တောဦးစီးဌာန မြန်မာနိုင်ငံသစ်တောများ ပြန်လည်တည်ထောင်ရေးစီမံကိန်း၊ သစ်မျိုးသန့်ပြန့်ပွားရေးသင်တန်း အမှတ်စဉ်(၁၃) သင်တန်းဆင်းပွဲအခမ်းအနားကို ၁၄-၉-၂၀၁၈ ရက်နေ့၊ (၁၅:ဝ၀) နာရီအချိန်တွင် သစ်တောသုတေသနဌာန၊ ရေဆင်း(စုဝေးခန်းမ)၌ ကျင်းပပြုလုပ်ရာ သစ်တောဦးစီးဌာန၊ ဒုတိယညွှန်ကြားရေးမှူးချုပ်  (စီမံခန့်ခွဲရေး)ဦးဇော်မင်း တက်ရောက် အမှာစကားပြောကြားပြီး သင်တန်းဆင်းလက်မှတ်များချီးမြင့်ခဲ့ပါသည်။

Integrated Coastal Resources Management (ICRM) ဆိုင်ရာ အလုပ်ရုံဆွေးနွေးပွဲနှင့် နိုင်ငံအဆင့်ပင်လယ်ကမ်းရိုးတန်းသယံဇာတစီမံအုပ်ချုပ်လုပ်ကိုင်မှု အကြံပေးကော်မတီတတိယအကြိမ်အစည်း အဝေးကျင်းပပြုလုပ်

သစ်တောဦးစီးဌာနနှင့် အပြည်ပြည်ဆိုင်ရာ ပူးပေါင်းဆောင်ရွက်ရေးအဖွဲ့ IUCN တို့ ပူးပေါင်းကျင်းပသည့် “Integrated Coastal Resources Management” ဆိုင်ရာ အလုပ်ရုံ ဆွေးနွေးပွဲကို ၆-၉-၂၀၁၈ နှင့် ၇-၉-၂၀၁၈ ရက်နေ့တို့တွင် နေပြည်တော်ရှိ Horizon Lake View Resort တွင် ကျင်းပပြုလုပ်ခဲ့ပြီး ပြည်ထောင်စု ဝန်ကြီးကိုယ်စား အမြဲတမ်းအတွင်းဝန်( သယံဇာတနှင့် သဘာဝပတ်ဝန်းကျင် ထိန်းသိမ်းရေး ဝန်ကြီးဌာန) မှ တက်ရောက်အဖွင့်အမှာ စကားပြောကြားခဲ့ပါသည်။ 

(၂/၂၀၁၈) ကြိမ်မြောက် နိုင်ငံအဆင့်တောရိုင်းတိရစ္ဆာန်နှင့် သစ်ပင်ပန်းမန်များ တရားမဝင် ကူးသန်းရောင်းဝယ်မှုအား ဥပဒေအရ ထိရောက်စွာတားဆီးရေး လုပ်ငန်းအဖွဲ့ အစည်းအဝေးကျင်းပပြုလုပ်

(၂/၂၀၁၈) ကြိမ်မြောက် နိုင်ငံအဆင့်တောရိုင်းတိရစ္ဆာန်နှင့် သစ်ပင်ပန်းမန်များ တရားမဝင် ကူးသန်းရောင်းဝယ်မှုအား ဥပဒေအရ ထိရောက်စွာတားဆီးရေးလုပ်ငန်းအဖွဲ့ အစည်းအဝေးကို ၁၂-၉-၂၀၁၈ ရက်နေ့၊ နံနက် (၉:၃၀)နာရီ၌ သစ်တောဦးစီးရုံးချုပ်၊ အစည်းအဝေးခန်းမတွင် ကျင်းပပြုလုပ်ခဲ့ရာ သစ်တောဦးစီးဌာန၊ ညွှန်ကြားရေးမှူးချုပ် ဒေါက်တာညီညီကျော် တက်ရောက်၍ အဖွင့်အမှာစကား ပြောကြားပါသည်။အစည်းအဝေးသို့ သစ်တောဦးစီးဌာန၊ ပြည်ထောင်စုရှေ့နေချုပ်ရုံး၊ အထွေထွေအုပ်ချုပ်ရေးဦးစီးဌာနတို့မှ ညွှန်ကြားရေးမှူးများ၊ သစ်တောဦးစီးဌာန၊ ကုန်သွယ်ရေးဦးစီးဌာန၊ ငါးလုပ်ငန်းဦးစီးဌာန၊ နိုင်ငံဖြတ်ကျော်မှုခင်းဌာနတို့မှ ဒုတိယညွှန်ကြားရေးမှူးများ၊ WWF နှင့် WCS တို့မှ တာဝန်ခံများနှင့် ဖိတ်ကြားထားသူများ တက်ရောက်ကြပါသည်။

အင်းလေးကန်အား ရမ်ဆာထိန်းသိမ်းရေးနယ်မြေ (Ramsar Site) အဖြစ်သတ်မှတ်ခြင်းခံရ

ရှမ်းပြည်နယ်(တောင်ပိုင်း)၊ ညောင်ရွှေမြို့နယ်ရှိ မြန်မာနိုင်ငံ၏ အထင်ကရ အင်းလေးကန်အား ရမ်ဆာရေဝပ်ဒေသထိန်းသိမ်းရေးကွန်ဗင်းရှင်းမှ ၂၀၁၈ ခုနှစ် ဩဂုတ်လ ၁၀ ရက်နေ့တွင် မြန်မာနိုင်ငံ၏ ၅ ခု မြောက် နိုင်ငံတကာအရေးပါသည့် ရေဝပ်ဒေသ သို့မဟုတ် ရမ်ဆာထိန်းသိမ်းရေးနယ်မြေ (Wetland of International Importance- Ramsar Site) (Site No. 2356) အဖြစ် တရားဝင် အသိအမှတ်ပြု သတ်မှတ်လိုက်ကြောင်း အဆိုပါကွန်ဗင်းရှင်း၏ အင်တာနက်စာမျက်နှာတွင် စက်တင်ဘာလ ၇ ရက်နေ့က ထုတ်ပြန် ကြေညာထားကြောင်း သိရှိရသည်။ 

တရုတ်ပြည်သူ့သမ္မတနိုင်ငံ State Academy of Forestry Administration - STAFA ကိုယ်စားလှယ်အဖွဲ့လာရောက်တွေ့ဆုံ

ဒုတိယညွှန်ကြားရေးမှူးချုပ်(စီမံခန့်ခွဲရေး) ဦးဇော်မင်း ဦးဆောင်သော သစ်တောဦးစီးဌာနမှ တာဝန်ရှိသူများအား တရုတ်ပြည်သူ့သမ္မတနိုင်ငံ State Academy of Forestry Administration - STAFA ကိုယ်စားလှယ်အဖွဲ့သည်  ၁၁-၉-၂၀၁၈ ရက်နေ့၊ နံနက်(ဝ၉း၃၀)နာရီအချိန်၌သစ်တောဦးစီးရုံးချုပ်၊ အစည်းအဝေးခန်းမတွင် လာရောက်တွေ့ဆုံ၍ သစ်တောဦးစီးဌာနမှ ဆောင်ရွက်လျက်ရှိသည့် ဒေသခံပြည်သူအစုအဖွဲ့ပိုင်သစ်တောလုပ်ငန်းဆိုင်ရာ ဏ္ဍရပ်များတွင် ပူးပေါင်းဆောင်ရွက်နိုင်မည့် အစီအစဉ်များ၊ ကျေးလက်ဒေသဆင်းရဲမွဲတေမှု လျော့ချရေးဆိုင်ရာ ကဏ္ဍရပ်များတွင်းပူးပေါင်းဆောင်ရွက်နိုင်မည့် အစီအစဉ်တို့ကို ဆွေးနွေးခဲ့ပါသည်။ 

Pages

more