Welcome to Forest Department
No front page content has been created yet.
သတင်းနှင့်ကြေငြာချက်များ
၂၃.၃.၂၀၁၉ ရက်နေ့တွင် ရေးမြို့နယ်၊ သစ်တောဦးစီးဌာနမှ ဦးစီးအရာရှိနှင့်ဝန်ထမ်းများ၊ မြန်မာ နိုင်ငံရဲတပ်ဖွဲ့ဝင်များ၊ ကျေးရွာအုပ်ချုပ်ရေးမှူးတို့ပါဝင်သော ပူးပေါင်းအဖွဲ့သည် အစင်-ဖယ်ဝီးသွား ကားလမ်းနံဘေး၊ အစင်ကျေးရွာမှ တရားမဝင် ကောင်းမှုခွဲသား (၈၂)ချောင်း (၂၄.၇၁၇၀)တန်အား ပိုင်ရှင်မဲ့ဖမ်းဆီးရမိခဲ့ပြီး၊ တရားခံများအား စုံစမ်းဖေါ်ထုတ်၍ ဥပဒေနှင့်အညီထိရောက်စွာ အရေးယူ နိုင်ရေးဆောင်ရွက်လျက်ရှိပါသည်။
၂၁.၃.၂၀၁၉ ရက်နေ့တွင် ပဲခူးမြို့နယ်၊ သစ်တောဦးစီးဌာနမှ တောအုပ်နှင့်ဝန်ထမ်းများ၊ မြန်မာ နိုင်ငံရဲတပ်ဖွဲ့ဝင်များ၊ ကျေးရွာအုပ်ချုပ်ရေးမှူးတို့ပါဝင်သော ပူးပေါင်းအဖွဲ့သည် ရန်ကုန်-မော်လမြိုင် ကားလမ်း၊ မိုင်တိုင်အမှတ် (၆)မိုင်(၄)ဖာလုံ၊ စစ်တောင်းတံတား၊ မုပ္ပလင်ရွှေသံလွင်တိုးဂိတ်အနီးမှ ယာဉ်အမှတ်၊ YGN-6L/2668(DYNA (၆)ဘီး အဖြူရောင်)ယာဉ်ပေါ်မှ တရားမဝင် ကျွန်းခွဲသား (၃၃၅)ချောင်း (၁.၂၅၆၆)တန်၊ တရားခံ (၂)ဦး ဖမ်းဆီးရမိခဲ့ပြီး၊ တရားခံများအား ဥပဒေနှင့်အညီ ထိရောက်စွာ အရေးယူနိုင်ရေး အမှုဖွင့်ဆောင်ရွက်ပြီးဖြစ်ပါသည်။
၂၁.၃.၂၀၁၉ ရက်နေ့တွင် ကနီမြို့နယ်၊ သစ်တောဦးစီးဌာနမှ ဦးစီးအရာရှိနှင့်ဝန်ထမ်းများ၊ တိုင်းဒေသကြီးလွှတ်တော်ကိုယ်စားလှယ်အဖွဲ့၊ မြန်မာနိုင်ငံရဲတပ်ဖွဲ့ဝင်များ၊ အထွေထွေအုပ်ချုပ် ရေးမှူးအဖွဲ့ တို့ပါဝင်သော ပူးပေါင်းအဖွဲ့သည် စဖိုကြီးကျေးရွာအနီး၊ ချင်းတွင်းမြစ်ကမ်းဘေး စက်လှေ(၁)စီးနှင့် ဖောင်(၄)ဖောင်ပေါ်မှ တရားမဝင် ကျွန်း/အင် သစ်/ခွဲသား စုစုပေါင်း (၁၅၆၆) လုံး/ ချောင်း (၃၂.၄၃၂၅)တန်အား ပိုင်ရှင်မဲ့ဖမ်းဆီးရမိခဲ့ပြီး၊ တရားခံများအား စုံစမ်းဖေါ်ထုတ်၍ ဥပဒေနှင့် အညီထိရောက်စွာ အရေးယူ နိုင်ရေးဆောင်ရွက်လျက်ရှိပါသည်။
သစ်တောဦးစီးဌာနနှင့် ကိုရီးယားသမ္မတနိုင်ငံ၊ AFoCO Secretariat တို့အကြား ပူးပေါင်းဆောင်ရွက်လျက်ရှိသည့် ရန်ကုန်တိုင်းဒေသကြီး၊ မှော်ဘီမြို့နယ်၊ အာရှဒေသ သစ်တော ပူးပေါင်းဆောင်ရွက်မှုအဖွဲ့၏ ဒေသအဆင့်လေ့ကျင့်ပညာပေးရေး သင်တန်း ကျောင်း (AFoCO RETC)တွင် ၂၀၁၈ ခုနှစ်မှစ၍ သင်တန်းများ ဖွင့်လှစ်ကျင်းပ လျက်ရှိပြီး “လူမှုစီးပွား အထောက်အကူပြုသင်တန်းအစီအစဉ်” အရ တိုင်းဒေသကြီး/ ပြည်နယ် အသီးသီးမှ စိတ်ပါဝင်စားသူ သင်တန်းသားများအား ဖိတ်ကြား၍ လူမှုစီးပွား ဖွံ့ဖြိုးတိုးတက်ရေး ပညာပေး အစီအစဉ်များ ကျင်းပပြုလုပ်လျက်ရှိပါသည်၊“လူမှုစီးပွား အထောက်အကူပြုသင်တန်း” အရ “ဝါးဖြင့် ဈေးကွက်ဝင် ပရိဘောဂ ပြု လုပ်ခြင်း” သင်တန်းကို ၂၀၁၉ ခုနှစ်၊ မတ်လ (၁၈)ရက်နေ့မှ (၂၂)ရက်နေ့အထိ ဖွင့် လှစ်ကျင်းပခဲ့ပါသည်။ အစီအစဉ်အရ သင်တန်းသူ/သင်တန်းသားများမှ မှတ်ပုံတင်စာရင်းရေးသွင်းခဲ့ပြီး အမှတ်တရ လက်ဆောင်များ လက်ခံခြင်း၊ သင်တန်းဖွင့်ပွဲအခမ်းအနား၌ လေ့ကျင့်နှင့် သုတေသနဖွံ့ဖြိုးရေးဌာန၊ ညွှန်ကြားရေးမှူး၊ ဦးစိုးမြင့်ဦးက အဖွင့်အမှာစကား ပြော ကြားခြင်း၊ အခမ်းအနားအား လေ့ကျင့်ရေးနှင့် သုတေသနဖွံ့ဖြိုးရေးဌာနမှ တာဝန်ရှိသူများ၊ မြန်မာနိုင်ငံ ကြိမ်နှင့်ဝါး လုပ်ငန်းရှင်များအသင်းမှ သင်တန်းဆရာများ၊ သင်တန်းသား/ သင်တန်းသူများ၊ သင်တန်းကျောင်းမှ ဝန်ထမ်းများ စသည် တို့ဖြင့် ၂၀၁၉ ခုနှစ်၊ မတ်လ ၁၈ ရက်နေ့ နံနက် ၉:၀၀ နာရီတွင် ကျင်းပခဲ့ခြင်း၊သင်တန်းကျောင်းနှင့် ပတ်သက်သည့် ဗီဒီယိုမှတ်တမ်းဖိုင်အား Projector ဖြင့် ပြသ ခြင်း၊သင်တန်းအား ပုလိက သစ်မာနှင့် ဝါးစိုက်ခင်းလုပ်ကိုင်နေသူများ၊ ဒေသ ခံပြည်သူ အစု အဖွဲ့ပိုင် သစ်တောမှ အဖွဲ့ဝင်များ ဝါးပရိဘောဂပြုလုပ်ရန် စိတ်ပါဝင်စားသော ကချင် ပြည်နယ်မှ (၂)ဦး၊ စစ်ကိုင်းတိုင်းဒေသကြီးမှ (၁)ဦး၊ ပဲခူးတိုင်းဒေသကြီးမှ (၄)ဦး၊ ရခိုင် ပြည်နယ်မှ (၅)ဦး၊ ရန်ကုန်တိုင်းဒေသကြီးမှ (၁၆)ဦးနှင့် ဧရာ၀တီတိုင်းဒေသကြီးမှ (၃) ဦးတို့မှ စုစုပေါင်းပြည်သူ(၃၁)ဦး တက်ရောက်ခဲ့ခြင်း၊ သင်တန်းသား/သူများမှ ရန်ကုန်တိုင်းဒေသကြီး၊ အင်းစိန်မြို့နယ်၊ ၁၀ မိုင်ရှိ “Sir Boni ဝါးလက်မှုပစ္စည်းစက်ရုံ”နှင့် ထန်းတပင်မြို့နယ်၊ ပုသိမ်လမ်းပေါ်ရှိ ဝါးဖြင့် တည် ဆောက်ထားသော စန္ဒယောစားသောက်ဆိုင်သို့ လက်တွေ့ကွင်းဆင်းလေ့လာခဲ့ခြင်း၊
သင်တန်းဆင်းလက်မှတ်များ ပေးအပ်ခြင်းနှင့် စုပေါင်းမှတ်တမ်းတင်ဓာတ်ပုံ ရိုက်ကူး ခြင်းများ ဆောင်ရွက်ခဲ့ပါသည်။
သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာန အနေဖြင့် မြန်မာ့ကျွန်း သစ်မူရင်းဒေသဖြစ်သော ပဲခူးရိုးမအတွင်း ၂၀၁၆-၁၇ ဘဏ္ဍာနှစ်မှစ၍ တရားဝင်သစ်ထုတ်လုပ်ခြင်းလုပ်ငန်း အား (၁၀)နှစ်ရပ်နားထားပြီး သစ်တောပြုစုထိန်း သိမ်းခြင်းလုပ်ငန်းများအား အရှိန်အဟုန်မြှင့်ဆောင်ရွက်နေ လျှက်ရှိသည့်အပြင် တရားမဝင်သစ်ခိုးထုတ်ခြင်း၊ တရားမဝင်တောရိုင်းတိရစ္ဆာန်များ သတ်ဖြတ်ခြင်းနှင့် ကျူးကျော်အခြေချနေထိုင်ခြင်းများအား ပြည်သူပူးပေါင်းပါဝင်မှုဖြင့် စီမံချက်ချအကောင် အထည်ဖော် ဆောင်ရွက်နေလျှက်ရှိပါသည်။ ပဲခူးရိုးမစိမ်းလန်းစိုပြည်ရေး ဧရိယာအတွင်းမှ (၁၈-၃-၂၀၁၉)ရက်နေ့မှ (၂၄-၃-၂၀၁၉) ရက်နေ့ထိ တစ်ပတ်တာကာ လအတွင်း တရားမဝင်ကျွန်း၊ သစ်မာ၊အခြား စုစုပေါင်း (၁၉၂.၈၇၀၄)တန်ဖမ်းဆီးရမိခဲ့ပါသည်။
သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာန၊ ညွှန်ကြားရေးမှူးချုပ်ရုံး၊ ဧည့်ခန်းမ၌ ၂၅-၃-၂၀၁၉ ရက်နေ့ နံနက်(၁ဝ:ဝဝ) နာရီအချိန်တွင် သစ်တောဦးစီးဌာန၊ ဒုတိယညွှန်ကြားရေးမှူးချုပ် (စီမံခန့်ခွဲရေး) ဉီးဇော်မင်းနှင့် တာဝန်ရှိသူများအား Fukuoka မြို့တော်ဝန်ရုံး ကိုယ်စားလှယ်များမှ လာရောက်တွေဆုံ၍ Fukuoka မြို့တော်ဝန်ရုံးအဖွဲ့နှင့် သစ်တောဉီးစီးဌာနတို့ နှစ်နိုင်ငံအကြား ချစ်ကြည်ရေးနှင့် တိရစ္ဆာန်ရုံများအချင်းချင်း အပြန်အလှန် အကူအညီပေးရေး ညှိနှိုင်းအစည်းအဝေးကျင်းပခဲ့ပါသည်။
ြည်သူပူးပေါင်းပါဝင်မှုဖြင့် လူထုအခြေပြု စောင့်ကြပ်ကြည့်ရှုသတင်းပို့စနစ်-CMRS ဖြင့် သတင်းပေးပို့မှုနှင့် ညွှန်ကြားရေးမှူးချုပ်ရုံးချပြသတင်းအရ ၂၂.၃.၂၀၁၉ ရက်နေ့တွင် ကချင်ပြည်နယ်၊ သစ်တောဦးစီးဌာမှ လက်ထောက်ညွှန်ကြားရေးမှူး ဦးဆောင်သောဝန်ထမ်းများ၊ ကျေးရွာအုပ်ချုပ်ရေးအဖွဲ့ဝင်များ ပါဝင်သော ပူးပေါင်း အဖွဲ့သည် မြစ်ကြီးနားမြို့နယ်၊ နောင်နန်းကျေးရွာ SANYOSEP ကျမ်းစာသင်ကျောင်းအနီးဝန်းကျင် မှ အခြားသစ်/ခွဲခြမ်း စုစုပေါင်း (၃၇)လုံး/ခြမ်း (၃၆.၅၄၄၀)တန်အား ပိုင်ရှင်မဲ့ ဖမ်းဆီးရမိခဲ့ပြီး၊ တရားခံများအား စုံစမ်းဖေါ်ထုတ်၍ ဥပဒေနှင့်အညီ ထိရောက်စွာအရေးယူနိုင်ရေး ဆောင်ရွက်လျက် ရှိပါသည်။ရှိပါသည်။
ပြည်သူပူးပေါင်းပါဝင်မှုဖြင့် လူထုအခြေပြုစောင့်ကြပ်ကြည့်ရှုသတင်းပို့စနစ်-CMRS ဖြင့် သတင်းပေးပို့ ချက်အရ ၂၂.၃.၂၀၁၉ ရက်နေ့ (၁၁:၁၀) အချိန် တောင်ငူမြို့နယ်၊ သစ်တောဦးစီးဌာနမှ ဝန်ထမ်းများ၊ မြန်မာနိုင်ငံ ရဲတပ်ဖွဲ့ဝင်များ၊ ရပ်ကွက်အုပ်ချုပ်ရေးအဖွဲ့ဝင်များ ပါဝင်သော ပူးပေါင်းအဖွဲ့သည် အမှတ် (၁၈) ရပ်ကွက် ၊ ငွေတောင်ဦး ကျောင်းတိုက် အတွင်း ဝင်ရောက်ရှာဖွေရာNissan (၁၀)ဘီး ယာဉ် အမှတ် MDY- 8L- 3285 ပေါ်တွင် တရားမဝင် ကျွန်းခွဲသား/ ပျဉ်းကတိုးခွဲသား/ ကျွန်းတံခါးရွက်/ ပျဉ်းကတိုးပွတ်လုံး/ ပျဉ်းကတိုးကျည်းဘောင် စုစုပေါင်း (၆.၅၄၉၆)တန်၊ တရားခံ(၂)ဦး ဖမ်းဆီးရမိခဲ့ပြီး၊ တရားခံများအား ဥပဒေနှင့်အညီ အရေးယူနိုင်ရေး အမှုဖွင့်ဆောင်ရွက်လျက်ရှိပါသည်။