သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

ပတ်ဝန်းကျင်ထိန်းသိမ်းရေးနှင့် သစ်တောရေးရာဝန်ကြီးဌာန၊ ပြည်ထောင်စုဝန်ကြီး ဦးဝင်းထွန်းသည် ယနေ့ နံနက်(၀၈:၄၅)နာရီအချိန်တွင် နေပြည်တော် အမရဟိုတယ်၌ ကျင်းပ ပြုလုပ်သော (၁၃)ကြိမ်မြောက်အာဆီယံသစ်ထောက်ခံချက်ပြုရေးလုပ်ငန်း အဖွဲ့အစည်းအဝေးသို့ တက်ရောက်၍ အဖွင့်အမှာစကားပြောကြားခဲ့ပါသည်။

လက်ပံတောင်းတောင်ကြေးနီစီမံကိန်း စုံစမ်းစစ်ဆေးရေးကော်မရှင်၏ အပြီးသတ်အစီ ရင်ခံစာပါ အပိုဒ် ၈၂ (က)၊ အပိုဒ်ခွဲ (၂၉) တွင် စစ်ကိုင်းတိုင်းဒေသကြီး၊ ဆားလင်းကြီးမြို့နယ်၊ ကံကုန်းကျေးရွာ အနီးရှိမြန်မာ့စီးပွားရေးဦးပိုင်လီမိတက်၏ မိုးကြိုးဆာလ်ဖျူရစ် အက်ဆစ် စက်ရုံ သည် အန္တရာယ် ရှိသောဓာတုပစ္စည်းစက်ရုံ( Hazardous Chemical Plant)ဖြစ်ပြီး ပတ်ဝန်းကျင် ထိန်းသိမ်း ကာကွယ်နိုင်ရန် နိုင်ငံတကာအသိအမှတ်ပြု ISO Certificates များ ရယူထားခြင်း မရှိ သည့်အတွက် သက်ဆိုင်ရာ စက်မှုဝန်ကြီးဌာန၏ ခွင့်ပြုချက်ရယူရန်နှင့် နိုင်ငံတကာ ပြဌာန်းချက် များ၊ စံချိန်စံညွှန်းများနှင့်အညီ ISO Certificates များရယူရန်လိုအပ်ကြောင်း အကြံပြုခဲ့သည်။

ပတ်ဝန်းကျင်ထိန်းသိမ်းရေးနှင့် သစ်တောရေးရာဝန်ကြီးဌာန၊ သစ်တော ဦးစီးဌာနသည် မြန်မာနိုင်ငံတစ်ဝှမ်းရှိ အဖိုးတန်သစ်တောသစ်ပင်များ မပြုန်းတီးစေရန်နှင့် သစ်တောသယံဇာတ များကို ပြည်သူလူထုအတွက် ထိရောက်စွာအသုံးချနိုင်ရေးအတွက် အသိပညာပေးဟောပြောပွဲများ ပြုလုပ်ခြင်း၊ ကြိုတင်သတင်းရယူဖော်ထုတ်ခြင်း၊ စစ်ကြောင်းဖွဲ့၍ နယ်မြေရှင်းလင်းခြင်းတို့အား နိုင်ငံတစ်ဝှမ်းလုံးတွင်အချိန်နှင့်တပြေးညီ ပြုလုပ်လျက်ရှိပါသည်။ ထို့အပြင် တရားမဝင် သစ်နှင့် သစ်တောထွက်ပစ္စည်းများ လက်ဝယ်ထားရှိခြင်းများနှင့် သယ်ယူရောင်းချခြင်းများအားလည်း ထိရောက်စွာဖော်ထုတ် အရေးယူဆောင်ရွက်လျက်ရှိပါသည်။