(၃၁-၁၀-၂၀၂၄) ရက်နေ့ ၊ ကြာသပတေးနေ့ ၊ နံနက် (၀၉:၀၀) နာရီ အချိန်၊ သစ်တောဦးစီးဌာန၊ ညွှန်ကြားရေးမှူးချုပ်ရုံးအစည်းအဝေးခန်းမ၌ ပြင်ဦးလွင်မြို့ ၊ မြန်မာနိုင်ငံသစ်တောကျောင်း အခြေခံသစ်တောပညာသင်တန်းအမှတ်စဉ် (၁၁၇) သင်တန်းဆင်းပွဲ အခမ်းအနားအောင်မြင်စွာ ကျင်းပနိုင်ရေးအတွက် ကျောင်းအုပ်ချုပ်ရေးအဖွဲ့ အစည်းအဝေးကျင်းပရာ ဥက္ကဋ္ဌ၊ သစ်တောဦးစီး ဌာန၊ ညွှန်ကြားရေးမှူးချုပ်၊ ဒေါက်တာသောင်းနိုင်ဦး တက်ရောက်၍ အဖွင့်အမှာစကားပြောကြား ပါသည်။ ဆက်လက်၍ မြန်မာနိုင်ငံသစ်တောကျောင်း၊ ကျောင်းအုပ်ကြီးမှ သင်တန်းအမှတ်စဉ် (၁၁၇)၏ သင်တန်းကာလတွင်းဆောင်ရွက်မူများ ၊ သင်တန်းဆင်းပွဲ ကျင်းပမည့်အစီအမံများကိုလည်းကောင်း၊ ဒုတိယကျောင်းအုပ်ကြီးမှ သင်တန်းသားများ အရည်အချင်းစစ်ဆေးခြင်း ရမှတ်များ၊ ထူးချွန်ဆုရွေးချယ်ခြင်းများကို အသီးသီးရှင်းလင်းတင်ပြရာ တက်ရောက်လာကြသည့် ကျောင်းအုပ်ချုပ်ရေးအဖွဲ့ဝင်များက ဝိုင်းဝန်းဆွေးနွေး အတည်ပြုကြပါသည်။အစည်းအဝေးသို့ ကျောင်းအုပ်ချုပ်ရေးအဖွဲ့ဝင်များ၊ မြန်မာနိုင်ငံသစ်တောကျောင်းမှ ကျောင်းအုပ်ကြီးနှင့် တာဝန်ရှိသူများ တက်ရောက်ကြောင်း သတင်းရရှိပါသည်။

သစ်တောဦးစီးဌာနနှင့် ဂျပန်နိုင်ငံ Fukuoka တိရစ္ဆာန်ဥယျာဥ်တို့အကြား နှစ်နိုင်ငံချစ်ကြည်ရေး တိရစ္ဆာန်လဲလှယ်ရေးအစီအစဥ်ဆိုင်ရာ လုပ်ငန်းညှိနှိုင်းအစည်းအဝေး(Virtual)ကို (၃၀.၁၀.၂၀၂၄) ရက်၊ မွန်းလွဲ (၁၃:၀၀) နာရီတွင် သစ်တောဦးစီးဌာန၊ ညွှန်ကြားရေးမှူးချုပ်ရုံး၊ အစည်းအဝေး ခန်းမ၌ ကျင်းပပြုလုပ်ရာ သစ်တောဦးစီးဌာန၊ ဒုတိယညွှန်ကြားရေးမှူး ချုပ်(စီမံခန့်ခွဲရေး)၊ ဦးကျော်ဇေယျတက်ရောက်အဖွင့်အမှာစကားပြောကြားသည်။ အစည်းအဝေးတွင် မြန်မာ့သစ်လုပ်ငန်းမှ ဒေါက်တာဇော်မင်းဦးနှင့် တိရစ္ဆာန်ဆေးကုဆရာဝန်များအဖွဲ့မှ မြန်မာနိုင်ငံအတွက် လက်ခံရယူမည့် တိရစ္ဆာန်များရွေးချယ်ခြင်းနှင့်ပတ်သက်၍ ဆွေးနွေးခြင်းနှင့် ဂျပန်နိုင်ငံ Fukuoka တိရစ္ဆာန်ဥယျာဥ်မှတာဝန်ရှိသူများမှ မြန်မာနိုင်ငံအတွက်ပေးပို့ရမည့် တိရစ္ဆာန်များအား တရုတ်နိုင်ငံသို့ သွားရောက်ရွေးချယ်မည့်အစီအစဥ်၊ တိရစ္ဆာန်အမျိုးအစားအလိုက် ရောဂါစစ်ဆေးဆောင်ရွက်မည့်အခြေအနေများ၊ မြန်မာနိုင်ငံသို့ပို့ဆောင်မည့် အစီအစဥ်များနှင့်ပတ်သက်သည့် ကိစ္စရပ်များ ဆွေးနွေးဆောင်ရွက်ခဲ့ကြကြောင်း သတင်းရရှိပါသည်။

မြန်မာနိုင်ငံအမျိုးသားမြေပုံစနစ် (One Map Myanmar) Geo Database ဆိုင်ရာ စွမ်းဆောင် ရည်မြှင့်တင်ရေး သင်တန်းဖွင့်ပွဲအခမ်းအနားကို ယနေ့နံနက်ပိုင်းတွင် နေပြည်တော်ရှိ မြေတိုင်းဦးစီး ဌာနရုံးတွင် ကျင်းပပြုလုပ်ရာ သယံဇာတနှင့်သဘာဝပတ်ဝန်းကျင် ထိန်းသိမ်းရေးဝန်ကြီးဌာန၊ ပြည်ထောင်စုဝန်ကြီး ဦးခင်မောင်ရီ၊ ဒုတိယဝန်ကြီး ဦးမင်းသူ၊ အမြဲတမ်းအတွင်းဝန်နှင့် ဌာနအကြီး အမှူးများ၊ တပ်မတော်သတင်းအချက်အလက်နှင့် နည်းပညာသုတေသနဌာနမှတာဝန်ရှိသူများ၊ တပ်မတော် (ကြည်း၊ရေ၊လေ) သတင်းနည်းပညာဌာနမှ တာဝန်ရှိသူများ၊ သင်တန်းသားများ တက် ရောက်ကြသည်။
ဦးစွာပြည်ထောင်စုဝန်ကြီး ဦးခင်မောင်ရီက မြန်မာနိုင်ငံအမျိုးသားမြေပုံစနစ်အား မြေအသုံးမှု နှင့် ဆက်စပ်သည့် ဌာန/လုပ်ငန်းများ၏ မြေပြင်ဆိုင်ရာ သတင်းအချက်အလက် ကိန်းဂဏန်းများ ကောက်ယူစုစည်း၍ ပွင့်လင်းမြင်သာသော မြေအသုံးချ စီမံအုပ်ချုပ်မှုနှင့် ဆုံးဖြတ်ချက်များ ဆောင်ရွက်နိုင်ရန်၊ တိကျသော သတင်းအချက်အလက်များ စနစ်တကျသိမ်းဆည်းခြင်းနှင့် မြေပုံထုတ်လုပ်ခြင်း နည်းပညာများ ဖွံ့ဖြိုးတိုးတက်လာစေရန် ရည်ရွယ်ချက်ဖြင့် အကောင် အထည်ဖော် ဆောင်ရွက်နေခြင်းဖြစ်ကြောင်း၊ စီမံကိန်းဆောင်ရွက်ရာတွင် ဆက်စပ်ဝန်ကြီးဌာနနှင့် အဖွဲ့အစည်း များမှ ကိုယ်စားလှယ်များဖြင့် အမျိုးသားမြေပုံစနစ် ရေးဆွဲအကောင်အထည်ဖော်ရေး ကော်မတီ၊ နည်းပညာလုပ်ငန်းအဖွဲ့နှင့် အဖွဲ့ငယ်များဖွဲ့စည်း၍ အရှိန်အဟုန်ဖြင့် ဆောင်ရွက်လျက် ရှိကြောင်း၊ စီမံကိန်းကာလအတွင်း အထောက်အကူပြု နည်းပညာဆိုင်ရာ သင်တန်းများအား ဖွင့်လှစ်ပို့ချပေးခဲ့ကြောင်း၊ သက်ဆိုင်ရာဌာနများက မြေပြင်သတင်းအချက်အလက်များကို တစ်နေရာ တည်းတွင် စုစည်း၍ Geo Database တည်ဆောက်ရာတွင် “စံ” ပုံစံကိုက်ညီမှုရှိစေရန် ယခုသင်တန်း အား ပို့ချရခြင်းဖြစ်ကြောင်း၊ One Map Myanmar Geoportal Platform အား ယခုဘဏ္ဍာနှစ်အတွင်း ပြီးစီးအောင် ဆောင်ရွက်သွားမည်ဖြစ်ပြီး ဌာနများမှ ထပ်မံပေးပို့သည့် နောက်ဆုံးရအချက်အလက် များကိုလည်း ဆက်လက်ထည့်သွင်း ဆောင်ရွက်သွားမည်ဖြစ်ကြောင်း၊ သင်တန်းသားများအနေဖြင့် သင်တန်းမှ ပို့ချသည့် စာတွေ့လက်တွေ့များကို ကြိုးစားလေ့လာ၍ မိမိတို့ဌာနနှင့် သက်ဆိုင်သည့် အချက် အလက်များအား စနစ်တကျထည့်သွင်းနိုင်အောင် ဆောင်ရွက်သွားရန်နှင့် မိမိဌာနတွင်လည်း ပြန်လည်မျှဝေပေးရန် တိုက်တွန်းပါကြောင်းဖြင့် ပြောကြားသည်။ထို့နောက် ပြည်ထောင်စုဝန်ကြီးသည် နယ်နမိတ်တိုင်းတာရေး ကိရိယာများပြသထားမှု ပြခန်းနှင့် သင်တန်းသားများအား Geo Database ထည့်သွင်းခြင်း လက်တွေ့သင်ကြားပို့ချမည့် ပထဝီဝင် ဆိုင်ရာသတင်းအချက်အလက်စနစ် - GIS အခန်းတို့အား လှည်လည်ကြည့်ရှုစစ်ဆေးသည်။
ယခုသင်တန်းအား ဝန်ကြီးဌာနများနှင့် တိုင်းဒေသကြီး/ပြည်နယ်များရှိ ဦးစီးဌာန/ လုပ်ငန်း/ အဖွဲ့ (၅၁) ဌာနမှ သင်တန်းသား ၈၆ ဦး အား အမျိုးသားမြေပုံစနစ်တွင်အသုံးပြုမည့် GIS နည်းပညာနှင့်ပတ်သက်သည့် အချက်အလက်များ ပြင်ဆင်ဖြည့်စွက်ခြင်း၊ မှန်/မမှန်စစ်ဆေးခြင်း၊ “စံ” ပုံစံများ၊ Webpage၊ Dashboard နှင့် User Interface တည်ဆောက်ခြင်းများကို သင်တန်းကာလ ရက်သတ္တပတ်နှစ်ပတ်ကြာ စာတွေ့လက်တွေ့ ပို့ချသွားမည်ဖြစ်ကြောင်း သိရသည်