မွန်ပြည်နယ်၊ မော်လမြိုင်-သထုံခရိုင်သစ်တောဦးစီးဌာနမှ ၁၁-၁၁-၂၀၂၄ ရက်နေ့၊ နံနက်(၁၀:၀၀) နာရီအချိန်၌ သထုံခရိုင်၊ပေါင်မြို့၊ ပေါင်းရပ်ကွက်၊ အခြေခံပညာအထက်တန်းကျောင်း တွင် " မီးခိုး/မြူငွေ့လျှော့ချရေး၊ သဘာဝဘေးအန္တရာယ်ကြိုတင်ကာကွယ်ရေးနှင့်လျော့နည်းစေရေးဆိုင်ရာ" ခရိုင်အဆင့် အသိပညာပေး ဟောပြောပွဲ ကျင်းပပြုလုပ်ရာ ဟောပြောပွဲသို့ ကျောင်းအုပ်ဆရာမကြီး နှင့် ဆရာ/ဆရာမများ၊ ကျောင်းသား/သူများ၊ရပ်ကွက်အုပ်ချုပ်ရေးအဖွဲ့ဝင်များ၊ သစ်တောဦးစီးဌာနမှ တာဝန်ရှိသူများ စုစုပေါင်း (၁၄၃) ဦး တက်ရောက်ခဲ့ကြ ပြီး အဆိုပါဟောပြောပွဲတွင် မော်လမြိုင်-သထုံခရိုင်၊ သစ်တောဦးစီးဌာန၊ လက်ထောက်ညွှန်ကြားရေးမှူး ဦးအောင်ဇော်ထူးမှ ရာသီဥတုပြောင်းလဲမှု လျှော့ချရေးနှင့် သဘာဝပတ်ဝန်းကျင် ထိန်းသိမ်းရေးဆိုင်ရာ ခေါင်းစဉ်ဖြင့် လည်းကောင်း၊သထုံမြို့နယ်၊သစ်တောဦးစီးဌာန၊ဦးစီးအရာရှိဦးစိုးမင်းအောင်မှ လေထုညစ်ညမ်းခြင်းနှင့် မီးခိုးမြူငွေ့အန္တရာယ်လျှော့ချရေးခေါင်းစဉ်ဖြင့်လည်းကောင်း၊ပေါင်မြို့နယ်တာဝန်ခံတောအုပ်ကြီးဦးဇော်လွင်ဦးမှမြန်မာ့ဒီရေတောများအကြောင်းခေါင်းစဉ်ဖြင့်လည်းကောင်းအသီးသီး ဆွေးနွေးဟောပြောခဲ့ကြပြီး တက်ရောက်လာသူများမှ သိရှိလိုသည့် မေးမြန်းချက်များအပေါ် ပြန်လည်ဖြေကြား ဆောင်ရွက်ခဲ့ကြကြောင်း နှင့်ဆက်လက်၍ ဟောပြောပွဲသို့ တက်ရောက်လာသည့် ဆရာ/ဆရာမများနှင့် ကျောင်းသား/ သူများအား သစ်ပင်စိုက်ပျိုးခြင်းဆိုင်ရာအသိပညာပေးလက်ကမ်းစာစောင်များ ဖြန့်ဝေခဲ့ကြကြောင်းသတင်းရရှိပါသည်။

ပဲခူးတိုင်းဒေသကြီး၊ ပဲခူးခရိုင်၊ သစ်တောဦးစီးဌာနမှ (၁၂-၁၁-၂၀၂၄)ရက်နေ့ နံနက် (၀၉:၀၀)နာရီအချိန်တွင် ပဲခူးမြို့၊ အမှတ်(၂)၊ အခြေခံပညာအထက်တန်းကျောင်း၌ ခရိုင်အဆင့်၊ မီးခိုးမြူလျော့ချရေးနှင့် သဘာဝဘေးအန္တရာယ်ဆိုင်ရာ အသိပညာပေးဟောပြောပွဲကျင်းပရာ ပဲခူးခရိုင်၊ လက်ထောက်ညွှန်ကြားရေးမှူး၊ ဦးဇော်ဇော်အောင်က " မီးခိုး/ မြူငွေ့ လျော့ချရေးနှင့် သဘာဝဘေးအန္တရာယ်ဆိုင်ရာ အကြောင်းအရာများနှင့် သစ်တောပြုစုထိန်းသိမ်းခြင်းဆိုင်ရာ အကျိုးကျေးဇူးများကို ရှင်းလင်းဆွေးနွေးဟောပြောခဲ့ပြီး အဆိုပါဟောပြောပွဲသို့ ပဲခူးမြို့၊ အ.ထ.က(၂)မှ ကျောင်းအုပ်ကြီးနှင့် ဆရာ/ဆရာမ (၁၃)ဦး၊ ကျောင်းသား/ကျောင်းသူ (၁၇၆)ဦး၊ သစ်တောဦးစီးဌာနမှ ဝန်ထမ်း (၇)ဦး၊ ပတ်ဝန်းကျင်ထိန်းသိမ်းရေးဦးစီးဌာနမှ ဝန်ထမ်း(၁)ဦး၊ စုစုပေါင်း (၁၉၇)ဦး တက်ရောက်ခဲ့ကြကြောင်းသတင်းရရှိပါသည်။

(၃၀-၉-၂၀၂၄) ရက်၊ တနင်္လာနေ့ ၁၀း၀၀ နာရီတွင် သစ်တောဦးစီးဌာန၊ ညွှန်ကြားရေးမှူးချုပ်ရုံး၊ အင်ကြင်းခန်းမ၌ ပြည်တွင်း/ပြည်ပနိုင်ငံများမှ သင်တန်း/အလုပ်ရုံဆွေးနွေးပွဲများ တက်ရောက်ခဲ့ကြသည့် ဝန်ထမ်းများ၏ အတွေ့အကြုံနှင့် ဗဟုသုတများ ပြန်လည်မျှဝေခြင်းဆိုင်ရာ Knowledge Sharing Presentation အစီအစဉ်ကျင်းပခဲ့ရာ ဦးတင်မိုး(ဒုတိယညွှန်ကြားရေးမှူး၊ ဝန်းကျင်/သားငှက်ဌာန)မှ သဘာပတိအဖြစ် ဆောင်ရွက်ခဲ့ပါသည်။အစီအစဉ်အရ ဒုတိယညွှန်ကြားရေးမှူး ဦးခိုင်ညွန့်မှ ပြည်ထဲရေးဝန်ကြီးဌာန၊ မီးသတ်ဦးစီးဌာနတွင် တက်ရောက်ခဲ့သည့် မီးဘေးလုံခြုံရေးဆိုင်ရာ စီမံခန့်ခွဲမှုအထူးသင်တန်း အမှတ်စဥ်(၆) တက်ရောက်ခဲ့မှု နှင့်တရုတ်ပြည်သူ့သမ္မတနိုင်ငံတွင်ပြုလုပ်သည့် အတန်းအစားကျဆင်းနေသည့်သစ်တောများအား ကောင်းမွန်လာစေရန် ပြန်လည်တည်ထောင်ခြင်းနှင့်စီမံအုပ်ချုပ်ခြင်း၊ အာရှနှင့်ပစိဖိတ်ဒေသတွင်သစ်တောများပြန်လည်တည်ထောင်ခြင်းလုပ်ငန်းများတိုးမြှင့်ဆောင်ရွက်ရန်အတွက်အခွင့်အလမ်းနှင့်စိန်ခေါ်မှုများဆိုင်ရာ အလုပ်ရုံဆွေးနွေးပွဲ တက်ရောက်ခဲ့သည့် တောအုပ်ကြီး ဦးမောင်ဖြိုး တို့မှသင်တန်း အတွေ့အကြုံများအား အသီးသီးရှင်းလင်းတင်ပြခဲ့ကြရာ တက်ရောက်လာသူများ၏ မေးခွန်းမေးမြန်းမှုများအပေါ် ပြန်လည်ဆွေးနွေးဖြေကြားခဲ့ကြောင်း သိရှိရပါသည်။