သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

(၁၂.၅.၂၀၂၆)ရက်နေ့၊(၁၃:၀၀)နာရီအချိန်၊‌ပေါင်မြို့နယ်၊သပြေကုန်းကျေးရွာအုပ်စု၊ ကားတဲကျေးရွာဘုန်းတောကြီးကျောင်း၌"သစ်တောထိန်းသိမ်းရေး၊ တောမီးကာကွယ်ရေးနှင့် မီးခိုး/မြူငွေ့လျှော့ချရေး ဆိုင်ရာအသိပညာပေးခြင်းဟောပြောပွဲ´´ကျင်းပပြုလုပ်ရာဟောပြောပွဲသို့ သပြေကုန်းကျေးရွာအုပ်စု၊ ကားတဲကျေးရွာသူ/သားများ ကျား(၃၀)ဦး မ(၄၂)ဦးနှင့် ပေါင်မြို့နယ်မှ သစ်တောဝန်ထမ်း(၄)ဦး၊ စုစုပေါင်း ကျား(၃၄)ဦး၊ မ(၄၂)ဦး၊(၇၆)ဦး တက်ရောက်ခဲ့ကြပြီး အဆိုပါဟောပြောပွဲတွင် ပေါင်မြို့နယ် သစ်တောဦးစီးဌာနမှ တောအုပ်ကြီးဦးဇော်လွင်ဦးမှ သစ်တောထိန်းသိမ်းရေး၊ တောမီးကာကွယ်ရေးနှင့် မီးခိုး/မြူငွေ့လျော့ချရေးခေါင်းစဥ်ဖြင့် ဆွေးနွေးဟောပြောခြင်း၊ လက်ကမ်းစာစောင်ဖြန့်ဝေခြင်းများ ဆောင်ရွက်ကာ တက်‌ရောက်သည့်‌ ရွာသူ/သားများကသိရှိလိုသည့်မေးမြန်းချက်များအပေါ် ပြန်လည်ဖြေကြားခြင်းများ ဆောင်ရွက်ခဲ့ပါကြောင်း သတင်းရရှိသည်။

တနင်္သာရီတိုင်းဒေသကြီး၊ သစ်တောဦးစီးဌာန၊ ကော့သောင်းခရိုင်၊ ဘုတ်ပြင်းမြို့နယ်မှ သစ်တောထိန်းသိမ်းရေး၊ တောမီးကာကွယ်ရေးနှင့် ရေချွေတာရေး၊ မီးခိုးမြူငွေ့လျှော့ချရေး ဆိုင်ရာမြို့နယ်အဆင့်အသိပညာပေးဟောပြောပွဲ အခမ်းအနားကို (၁၂-၅-၂၀၂၆)ရက်နေ့၊ နေ့လည် (၁၄:၀၀)နာ ရီ၌ ဘုတ်ပြင်းမြို့နယ်၊ ထောင်ကမက်ကျေးရွာအုပ်စု၊ အောက်လိပ်ကျေးရွာ၊ ဘုန်းတော်ကြီးကျောင်းခန်းမတွင်ကျင်းပဆောင်ရွက်ခဲ့ရာ ဘုတ်ပြင်းမြို့နယ်၊ ထောင်ကမက်ကျေးရွာအုပ်စု၊ ရပ်မိရပ်ဖ ဦးဟန်သန်းနှင့်၊ ဒေသခံများ၊ အမျိုးသား(၂၉) ဦး/အမျိုးသမီး(၄၆)ဦး၊ စုစုပေါင်း(၇၅)ဦး သစ်တော ဦးစီးဌာနမှ ဝန်ထမ်းများ(၄)ဦး၊စုစုပေါင်း(၇၉)ဦးတက်ရောက်ခဲ့ကြပါသည်။ အခမ်းအနားတွင် ဘုတ်ပြင်းမြို့နယ်၊ ထောင်ကမက် ကျေးရွာအုပ်ချုပ်ရေးမှူး ဉီးမျိုးလွင်က အဖွင့်အမှာစကားပြောကြားခဲ့ပြီး ဘုတ်ပြင်း မြို့နယ်၊သစ်တောဦးစီးဌာန၊ဉီးစီးအရာရှိ၊ ဦးစောလူးသယ်ရွှေမှ သစ်တောထိန်းသိမ်းရေး၊ တောမီးကာ ကွယ်ရေးနှင့် ေရချွေတာ ရေး၊မီးခိုးမြူငွေ့လျော့ချရေးဆိုင်ရာ အကြောင်းအရာများကို တက်ရောက်လာသူများ သို့သက်ဆိုင်ရာဌာနအလိုက် အသိပညာပေးဆွေးနွေးဟောပြော ခြင်းဆောင်ရွက်ခဲ့ပါသည်။ အဆိုပါဟောပြောပွဲတွင် တက်ရောက်လာသူများအား မီးခိုးမြူငွေ့လျှော့ချရေးဆိုင်ရာ လက်ကမ်းစာစောင်များဖြန့်ဝေပေးခြင်း၊ သစ်တောထိန်းသိမ်းရေး၊ သစ်ပင်စိုက်ပျိုးခြင်းကြောင့် သဘာဝဘေးဒဏ်များမှ ကာကွယ်ပေးခြင်းဆိုင်ရာ Video Clipပြသခြင်း၊သိရှိလိုသည်များအပေါ် ပြန်လည် ရှင်းလင်းဖြေကြားခြင်း၊ ဆောင်ရွက်ခဲ့ပါကြောင်းသတင်းရရှိသည်။

ကချင်ပြည်နယ်၊ သစ်တောဦးစီးဌာန မြစ်ကြီးနားခရိုင်၊ မြစ်ကြီးနားမြို့နယ်(၁၁.၅.၂၀၂၆)ရက်နေ့ (၁၁:၃၀) နာရီ အချိန်တွင် ပလန(၂) ကံ့ကော်မြိုင် ကျေးရွာတွင်သစ်တော မြေပြင်ပတွင် စိုက်ပျိုးထားသော ကျွန်းနှင့် သစ်မာပင်များအား မှတ်ပုံတင်ဆောင်ရွက်နိုင်ရေးနှင့် သစ်တောဥပဒေဆိုင်ရာ အကြောင်းအရာများ အသိပညာပေးဟောပြောပွဲ"အား ဦးစီးအရာရှိ ဦးသက်ထွန်းဦးမှ ဦးဆောင်ဟောပြောခဲ့ပြီး ဆက်လက်၍ "FireHotspot ဖြစ်ပေါ်မှု လျှော့ချရေးနှင့် နယ်နိမိတ်ဖြတ်ကျော် မီးခိုးမြူငွေ့ညစ်ညမ်းမှု တားဆီးရေး အသိပညာပေးဟောပြောပွဲ"အား တောအုပ်ကြီး ဦးအုန်းကိုကိုဝင်းမှ ဦးဆောင်ဟော ပြောခဲ့ပါသည်။ ပလန(၂) ကံ့ကော်မြိုင် ကျေးရွာမှ ဒေသခံပြည်သူ ကျား (၁၁)ဦး၊ မ (၅၂)ဦး၊ ပေါင်း (၆၃)ဦး တက်ရောက်ခဲ့ ပါကြောင်း သတင်းရရှိသည်။