(၁၇.၁.၂၀၂၄) ရက်နေ့တွင်သစ်တောဦးစီးဌာန၊ ညွှန်ကြားရေးမှူးချုပ်ရုံး၊ အင်ကြင်း ခန်းမ၌ သစ်တောဦးစီးဌာနနှင့် မီးသတ်ဦးစီးဌာနတို့ ပူးပေါင်း၍ မီးဘေးအန္တရာယ် ကြိုတင် ကာကွယ်ရေး၊ မီးဘေးလုံခြုံရေးအသိပညာပေးဆွေးနွေးပွဲနှင့် မီးငြိမ်းသတ်ရေးဆိုင်ရာ သရုပ်ပြလုပ်ငန်းများ ဆောင်ရွက်ခဲ့ရာ မီးသတ်ဦးစီးဌာန၊ ဥတ္တရသီရိခရိုင်၊ လက်ထောက် ညွှန်ကြားရေးမှူး၊ ဦးအောင်အောင်ထွန်းနှင့် ဥတ္တရသီရိမြို့နယ်၊ မြို့နယ်ဦးစီးအရာရှိ၊ ဦးစိုးသက်နောင်တို့မှ မီးလောင်မှုဖြစ်ပွားသည့် အခြေခံအကြောင်းတရားများ၊ မီးဘေး အန္တရာယ်ကြိုတင်ကာကွယ်နိုင်ရေးဆောင်ရွက်မှုများ၊ မီးငြိမ်းသက်ခြင်းဆိုင်ရာ အခြေခံ အသိပညာများကို ဟောပြောရှင်းလင်းတင်ပြခဲ့ပြီး လက်တွေ့မီးငြိမ်းသတ်ရေး မြေပြင် သရုပ်ပြခြင်းများဆောင်ရွက်ခဲ့ရာ သစ်တောဦးစီးဌာန၊ ညွှန်ကြားရေးမှူးချုပ် ဒေါက်တာ သောင်းနိုင်ဦး၊ ဒုတိယ ညွှန်ကြားရေးမှူးချုပ်များ၊ ညွှန်ကြားရေးမှူးများနှင့် သစ်တောဦးစီး ရုံးချုပ်မှ အရာထမ်း၊ အမှုထမ်းများ တက်ရောက်ခဲ့ကြပါသည်။

သစ်တောဦးစီးဌာန၊ ညွှန်ကြားရေးမှူးချုပ်ရုံး၊ အင်ကြင်းခန်းမတွင် သစ်တောဦးစီးဌာနနှင့် ကိုရီးယားပြည်သူ့သမ္မတနိုင်ငံ၊ အာရှသစ်တောကဏ္ဍဆိုင်ရာ ပူးပေါင်းဆောင်ရွက်ရေးအဖွဲ့ (Asian Forest Cooperation Organization – AFoCO) တို့ ပူးပေါင်း၍ ဆောင်ရွက်လျက်ရှိသော “ပဲခူးတိုင်းဒေသကြီးအတွင်း တည်ထောင်ထားရှိသည့် ကျွန်းစိုက်ခင်းများတွင် ကျရောက်တတ် သည့် ဖျက်ပိုးနှင့်ရောဂါများအား ဘက်ပေါင်းစုံ ကာကွယ်နှိမ်နင်းခြင်း နည်းလမ်းများဖြင့် စီမံ အုပ်ချုပ်ခြင်း စီမံကိန်း (FD-AFoCO IPDM Project)” ၏ ၂၀၂၃ ခုနှစ် ၏ လုပ်ငန်းဆောင်ရွက် ပြီးစီးမှုအခြေအနေ၊ ရန်ပုံငွေသုံးစွဲခြင်းနှင့် ၂၀၂၄ ခုနှစ် လုပ်ငန်း လျာထားချက်နှင့် ရန်ပုံငွေ လျာထားချက်ဆိုင်ရာ ကိစ္စရပ်များကို ဆွေးနွေးတင်ပြနိုင်ရန်အတွက် “စတုတ္ထအကြိမ် စီမံကိန်း လုပ်ငန်းကြီးကြပ်မှုကော်မတီ (PSC) အစည်းအဝေး” ကို ၂၀၂၄ ခုနှစ်၊ ဇန်နဝါရီလ ၁၅ ရက်နေ့၊ နံနက် (၀၉:၃၀) နာရီမှ (၁၁:၀၀) နာရီအထိ ကျင်းပပြုလုပ်ခဲ့ပြီး သစ်တောဦးစီးဌာန၊ ညွှန်ကြားရေးမှူးချုပ် ဒေါက်တာသောင်းနိုင်ဦး၊ ဒုတိယ ညွှန်ကြားရေးမှူးချုပ် (စီမံခန့်ခွဲရေး) ဦးကျော်ဇေယျ၊ AFoCO Secretariat Office မှ ကိုယ်စားလှယ် (၄) ဦး၊ သစ်တောဦးစီးရုံးချုပ်မှ စီမံကိန်းလုပ်ငန်းကြီးကြပ်မှုကော်မတီ အဖွဲ့ဝင် ညွှန်ကြားရေးမှူးများ၊ FD-AFoCO IPDM Project မှ တာဝန်ရှိသူများ စုစုပေါင်း (၁၇) ဦး ပါဝင်တက်ရောက်ခဲ့ပါသည်။

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာနအနေဖြင့် မြန်မာ့ကျွန်းသစ်မူရင်း ဒေသဖြစ်သော ပဲခူးရိုးမအတွင်း ၂၀၁၆-၁၇ ဘဏ္ဍာနှစ်မှစ၍ တရားဝင်သစ်ထုတ်လုပ်ခြင်း လုပ်ငန်းအား (၁၀)နှစ်ရပ်နား ထားပြီး သစ်တောပြုစုထိန်းသိမ်းခြင်းလုပ်ငန်းများအား အရှိန်အဟုန်မြှင့် ဆောင်ရွက်နေလျှက်ရှိသည့်အပြင် တရားမဝင် သစ်ခိုးထုတ်ခြင်း၊ တရားမဝင်တောရိုင်းတိရစ္ဆာန်များ သတ်ဖြတ်ခြင်းနှင့် ကျူးကျော်အခြေချနေထိုင်ခြင်းများအား ပြည်သူ ပူးပေါင်းပါဝင်မှုဖြင့် စီမံချက်ချအကောင်အထည်ဖော်ဆောင်ရွက်နေလျှက်ရှိပါသည်။ ပဲခူးရိုးမစိမ်းလန်းစိုပြည်ရေး ဧရိယာ အတွင်းမှ (၁၁-၃-၂၀၂၄)ရက်နေ့မှ (၁၇-၃-၂၀၂၄) ရက်နေ့ထိ တစ်ပတ်တာကာလအတွင်း တရားမဝင်ကျွန်း၊ သစ်မာ၊ အခြား စုစုပေါင်း (၁၉.၄၂၃၄) တန်ဖမ်းဆီးရမိခဲ့ပါသည်။