Welcome to Forest Department
No front page content has been created yet.
သတင်းနှင့်ကြေငြာချက်များ
၉-၄-၂၀ ၂၀၂၀ ရက်နေ့မှ ၁၀-၄-၂၀၂၀ ရက်နေ့ထိရွှေဘိုခရိုင်လက်ထောက်ညွှန်ကြားရေးမှူးဦးဆောင်သော သစ်တောရဲအပါအဝင် ခရိုင်နှင့် မြို့နယ်မှ သစ်တောဝန်ထမ်းများမှ တန့်ဆည်မြို့နယ်အတွင်းရှိပကာရွာ၊အိုက်မရွာ၊ခေါင်ယာရွာအတွင်းနှင့်ရွာမုံတောင်ကြိုးပြင်ကာကွယ်တော၊ပေါင်ကတောင်ကြိုးဝိုင်းအတွင်းတရားမဝင်သစ်ရှာဖွေခဲ့ရာ၆ဘီးကား၁စီး၊တုန်ဖုန်းကား၂စီး၊ သစ်စက် ၃လုံးနှင့်သစ်မျိုးစုံစုစုပေါင်း(၂၁၄၉)ချောင်း(၅၆.၇၈၀၈) တန်၊အင်မျော(၂၅၅ )လုံး၊သစ်စက်အင်ဂျင်(၃ )လုံးနှင့်ဆက်စပ်ပစ္စည်းများဖမ်းဆီးရမိခဲ့ပြီး ဆက်စပ်တရားခံ(၈ )ဦးကိုလည်း သက်ဆိုင်ရာနယ်မြေရဲစခန်းတွင် သစ်တောဥပဒေနှင့်အညီ ထိရောက်စွာ အရေးယူဆောင်ရွက်နိုင်ရန် အမှုဖွင့်လှစ်ဆောင်ရွက်ထားရှိခဲ့ပါသည်။
ပိုင်ရှင်မပေါ်ပေါက်သည့်အမှုများကိုလည်းဆက်လက် စုံစမ်းဖော်ထုတ်နိုင်ရန်အတွက် တိုင်ချက်ဖွင့်ထားရှိပြီး ဥပဒေနှင့်အညီ ထိရောက်စွာ အရေးယူဆောင်ရွက်နိုင်ရန် စီစဉ် ဆောင်ရွက်လျက်ရှိပါသည်။
၁၁-၄-၂၀၂ဝ ရက်နေ့၌ ဟင်္သာတခရိုင် အင်္ဂပူမြို့နယ်၊ ဦးစီးအရာရှိ ဦးဆောင်သော သစ်တော၀န် ထမ်းများနှင့် ထူးကြီးနယ်မြေ ရဲတပ်ဖွဲ့စခန်းမှ ဒုတပ်ကြပ်တို့ပါဝင်သော ပူးပေါင်းအဖွဲ့သည် အင်္ဂပူမြို့ နယ်၊ ထူးကြီး-အင်္ဂပူလမ်း ထူးကြီးမြို့အနီး၌ ဦးရန်နောင် မောင်းနှင်လာသောTE (ခေါင်းစိမ်း) ၃ခ/ ၆၂၆၅ ကားပေါ်မှ တရားမဝင် အခြားခွဲသား(၄၈) ချောင်း (၄.၃၀၇၆) တန် ဖမ်းဆီးရမိခဲ့ပါသည်။
သစ်ပိုင်ရှင်/ယာဉ်ပိုင်ရှင်/ယာဉ်မောင်း ဦးရန်နောင် (ထန်းတောရပ်၊ကြံခင်းမြို့)၊ယာဉ်နောက်လိုက် ဦးရန် အောင်(ချောင်းဂွကျေးရွာ)၊သစ်တင်/ချလုပ်သားများ ဖြစ်သော ဦးညွန့်ဝင်း (မြစ်ကျိုးကျေးရွာ)၊ ဦးသက် ဝေအောင် (မြစ်ကျိုး ကျေးရွာ)၊ ဦးသက်ဝေဖြိုး (ချောင်းဂွကျေး ရွာ) တို့အား သစ်တောဥပဒေ ပုဒ်မ၄၁(က)ဖြင့် ထူးကြီးနယ် မြေရဲတပ်ဖွဲ့စခန်းတွင်အမှု ဖွင့်လှစ်ပြီး ဥပဒေနှင့်အညီ ထိရောက်စွာ အရေးယူဆောင်ရွက်သွားပါမည်။
၁၁-၄-၂၀၂၀ ရက်နေ့တွင် စစ်ကိုင်းတိုင်းဒေသကြီး၊ဟုမ္မလင်းမြို့နယ်၊သစ်တောဦးစီးဌာန ဦးစီးအရာရှိ ဦးဆောင်သော သစ်တောဝန်ထမ်းများ၊ ကျေးရွာအုပ်ချုပ်ရေးအဖွဲ့ဝင်များ၊အရန်မီးသတ်တပ်ဖွဲ့ဝင်များ ပါဝင်သော ပူးပေါင်းအဖွဲ့သည် မဟာသင်္ကြန်ကာလ တရားမဝင်သစ်နှင့်သစ်တောထွက်ပစ္စည်းများရှာဖွေဖော်ထုတ်ဖမ်းဆီးရေးစီမံချက် အကောင် အထည်ဖော်ဆောင်ရွက်လျက်ရှိရာ ဟုမ္မလင်းမြို့နယ်၊ ကက်သာကျေးရွာအုပ်စုတာမောင်ကျေးရွာအနီးချင်းတွင်းမြစ် ကမ်းဘေးနေရာတွင် တရားမဝင် ကျွန်းခွဲသား(၇၆)ချောင်း (၁.၀၆၇၀) တန် (၃')အောက် ကျွန်းသစ်လုံး(၁၃)လုံး
(၀.၂၉၀၀) တန်အားပိုင်ရှင်မဲ့ ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်းရှာဖွေဖော်ထုတ်၍ ဥပဒေနှင့်အညီ ထိရောက်စွာအရေးယူနိုင်ရေးစီစဉ်ဆောင်ရွက်လျက်ရှိပါသည်။
၁၁-၄-၂၀၂ဝ ရက်နေ့၌ ၊ သာပေါင်းမြို့နယ်မှဦးစီးအရာရှိ ဦးဆောင်သော သစ်တော၀န်ထမ်းများ အဖွဲ့သည် သာပေါင်းမြို့နယ်၊ သစ်ဖြူချောင်းနှင့် ချောင်း လက်တက် တစ်လျှောက်မှ တရားမဝင် အခြားခွဲသား (၈၁)ချောင်း (၂၁.၃၉၇၈) တန်၊ ကညင်သစ်လုံး(၄)လုံး (၀.၈၃၃၆) တန်၊ စုစုပေါင်း (၂၂.၂၃၁၄) တန် အား ဖမ်းဆီးရမိခဲ့ပြီး ဥပဒေနှင့်အညီ ထိရောက်စွာ အရေးယူဆောင်ရွက်သွားပါမည်။
၁၁-၄-၂၀၂ဝ ရက်နေ့၌ ဧရာဝတီတိုင်းဒေသကြီး၊ မြန်အောင်မြို့နယ်၊ သစ်တောဦးစီးဌာနမှ ဦးစီးအရာရှိ ဦးဆောင်သော သစ်တော၀န်ထမ်းများအဖွဲ့သည် မဟာသင်္ကြန်ကာလတရားမဝင်သစ်နှင့်သစ်တောထွက်ပစ္စည်းများရှာဖွေဖော်ထုတ်ဖမ်းဆီးရေးစီမံချက်အကောင်အထည်ဖော်ဆောင်ရွက်လျက်ရှိရာ မြန်အောင်မြို့နယ်၊ မျှင်ဝါးတောင်ကြိုးဝိုင်းအကွက်အမှတ်(၇၃)အတွင်းမှ တရားမဝင်အခြား သစ်လုံး (၁၃)လုံး(၄.၃၇၂၂)တန်အား ဖမ်းဆီးရမိခဲ့ပြီး မျှင်ဝါးတောင် ဘိနယ် သစ်တောစခန်းသို့ သယ်ယူသိမ်းဆည်း၍ ဆက်စပ်ပတ်သက်သော တရာခံများအား စုံစမ်းရှာဖွေဖော်ထုတ်၍ ဥပဒေနှင့်အညီ အရေးယူနိုင်ရေး စီစဉ်ဆောင်ရွက်လျက်ရှိပါသည်။
ပြည်သူပူးပေါင်းပါဝင်မှုဖြင့် လူထုအခြေပြုစောင့်ကြပ်ကြည့်ရှု့ သတင်းပို့စနစ်-CMRS ဖြင့် သတင်းပေးပို့ချက် အရ (၁၁. ၄. ၂၀၂၀)ရက်နေ့တွင်မကွေးတိုင်းဒေသကြီး၊ ဂန့်ဂေါမြို့နယ်
သစ်တောဦးစီးဌာနမှ သစ်တောဝန်ထမ်းများ၊သစ်တောလုံခြုံရေးရဲတပ်ဖွဲ့ဝင်များ၊ မြန်မာနိုင်ငံရဲတပ်ဖွဲ့၊ ကျောရဲကင်းစခန်းမှူးပါ ရဲတပ်ဖွဲ့ဝင်များ၊ကျေးရွာအုပ်ချုပ်ရေးအဖွဲ့ဝင်များပါဝင်သော ပူးပေါင်းအဖွဲ့သည် ဂန့်ဂေါမြို့နယ်အတွင်းနယ်မြေရှင်းလင်းခြင်းဆောင်ရွက်ရာ ကျောတိုးချဲ့(၂)ကြိုးဝိုင်း၊အကွက်အမှတ်(၄၃)အတွင်း တရားမဝင်ပျဥ်းကတိုးခွဲသား(၁)ချောင်း၊(၀.၀၃၅၀)တန်၊သစ်ယာခွဲသား(၂)ချောင်း၊(၀.၀၆၂၄)တန်၊အင်ကြင်းခွဲသား(၂)ချောင်း၊(၀.၀၁၈၈)တန်၊သပြေခွဲသား(၅)ချောင်း၊(၀.၀၃၂၄)တန် စုစုပေါင်း (၀.၁၄၈၆)တန်နှင့် အဆိုပါနေရာနှင့်(၂၁၀)ပေခန့်အကွာတွင်HERO, ANBO(125)၊နံပါတ်ပြားမပါ၊နက်+နီရောင် မော်တော်ဆိုင်ကယ်(၁)စီးအားပိုင်ရှင်မဲ့ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်းရှာဖွေဖော်ထုတ်၍ ဥပဒေနှင့်အညီအရေးယူနိုင်ရေး စီစဉ်ဆောင်ရွက်လျက်ရှိပါသည်။
၈-၄-၂၀၂၀ ရက်နေ့တွင် ပဲခူးတိုင်းဒေသကြီး၊ သစ်တောဦးစီးဌာန ညွှန်ကြားရေးမှူး ဦးဆောင်သည့် သစ်တော ဝန်ထမ်းများ၊ အမှတ်(၈၄)ခြေလျင်တပ်ရင်းမှ ဗိုလ်ကြီး ဟိန်းထက်ဦး ဦးစီး တပ်ဖွဲ့ဝင်များ၊ သစ်တောလုံခြုံ ရေးရဲတပ်ဖွဲ့ဝင်များ၊ သစ်ထုတ်ရေးဒေသဝန်ထမ်းများပါဝင်သောပူးပေါင်းအဖွဲ့သည် ရေတာရှည်မြို့နယ်၊ အနောက်ဆွာကြိုးဝိုင်းအတွင်းမှ တရားမဝင် ကျွန်း/ပျဉ်းကတိုးခွဲသား (၂၉.၂၄၈၆)တန်အား ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်းရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူ နိုင်ရေး စီစဉ်ဆောင်ရွက်လျက်ရှိပါသည်။
၁၀-၄-၂၀၂၀ ရက်နေ့၊ (၂၁:၃၀) အချိန်ခန့်တွင် တောင်ငူမြို့နယ်၊ သစ်တောဦးစီး ဌာနမှ သစ်တောဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များနှင့် ရပ်ကွက်အုပ်ချုပ်ရေးအဖွဲ့ဝင်များပါဝင်သော ပူးပေါင်းအဖွဲ့သည် တောင်ငူမြို့နယ်အမှတ်(၄) ရပ်ကွက်၊ ရွှေညာမြေလမ်း၊ နတ်စင်ရှေ့မှ တရားမဝင် ပျဉ်းကတိုး(လျှာထိုး) (၃၄၄)ချောင်း၊ (၀.၄၂၆၆) တန်အား တင်ဆောင်ထားသည့် PORTER -2 (YGN-4F/2578)အား တရားခံ(၁)ဦး(သစ်ပိုင်ရှင်/ ယာဉ်ပိုင်ရှင်/ ယာဉ်မောင်း)နှင့်အတူဖမ်းဆီး ရမိခဲ့ပြီး ဖမ်းဆီးရမိသည့် သစ်များအား မြို့နယ် သစ်တောရုံးဝန်းအတွင်းသို့ သယ်ယူသိမ်းဆည်းထားပြီး တရားခံအား ဥပဒေနှင့်အညီ ထိရောက်စွာအရေးယူနိုင် ရေးသက်ဆိုင်ရာရဲစခန်းတွင် အမှုဖွင့်လှစ်ဆောင်ရွက်သွားမည်ဖြစ်ပါသည်။