၁၁-၄-၂၀၂၀ ရက်နေ့တွင် ပဲခူးတိုင်းဒေသကြီး၊ သာယာဝတီခရိုင်၊ လက်ပံတန်းမြို့နယ်၊ သစ်တောဦးစီးဌာနမှ ဦးစီးအရာရှိ ဦးဆောင်သော သစ်တောဝန်ထမ်းများ၊ သဘာဝဝန်းကျင်နှင့်သားငှက်တိရစ္ဆာန်ထိန်းသိမ်းရေး ဌာနမှ သစ်တောဝန်ထမ်းများပါဝင်သော ပူးပေါင်းအဖွဲ့သည် မဟာသင်္ကြန်ကာလတရားမဝင်သစ်နှင့် သစ်တောထွက်ပစ္စည်းများရှာဖွေဖော်ထုတ်ဖမ်းဆီးရေးစီမံချက် အကောင်အထည် ဖော်ဆောင်ရွက်လျက်ရှိရာ လက်ပံတန်းမြို့နယ်၊ မြောက်ဇာမရီကြိုးဝိုင်းအကွက်အမှတ်(၇၅)အတွင်း တရားမဝင်ကျွန်းသစ်(၁၉)လုံး (၅.၈၃၀၀)တန်အားဖမ်းဆီးရမိခဲ့ပြီး ဆက်စပ်ပတ်သက်သောတရားခံများအား စုံစမ်းရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိပါသည်။

၁၁-၄-၂၀၂၀ ရက်နေ့တွင် သင်္ကြန်စစ်ကြောင်းစီမံချက်အရ ပခုက္ကူခရိုင်၊ သစ်တောဦးစီးဌာနမှ လက်ထောက်ညွှန်ကြားရေးမှူး ဦးဆောင်မှုဖြင့်ပေါက်မြို့နယ်၊သစ်တောဦးစီးဌာနမှမြို့/မှူးပါ သစ်တောဝန်ထမ်း(၅)ဦး၊ ကျောက်ထစ်ကျေးရွာ၊ ရာအိမ်မှူး တို့ပါဝင်သောပူးပေါင်းအဖွဲ့သည် ထီးလင်းမြို့နယ်၊ ဂန့်ဂေါမြို့နယ်နှင့် ပေါက်မြို့နယ် နယ်စပ်နေရာများနှင့်ကျောကြိုးဝိုင်းအတွင်းနယ်မြေရှင်း လင်းခြင်းဆောင်ရွက်ရာ ကျောကြိုးဝိုင်း၊ အကွက်အမှတ်(၂၈)တွင် တရားမဝင်အင်ခွဲသား(၅) ချောင်း(၀.၇၉၉၈)တန်၊ ထောက်ကြံ့ခွဲသား (၁) ချောင်း(၀.၂၀၀၀)တန်နှင့်သပြေခွဲသား(၁)ချောင်း (၀.၀၆၀၀)တန် စုစုပေါင်း (၇)ချောင်း (၁.၀၅၉၈) တန်အား ဖမ်းဆီးရမိခဲ့ပါသည်။
ထို့နောက် ကျောကြိုးဝိုင်းအကွက်အမှတ်(၂၅) အတွင်း တရားမဝင်သစ်ယာခွဲသား(၂)ချောင်း (၀.၁၄၀၀)တန်၊ ထောက်ကြံ့ခွဲသား(၉) ချောင်း (၀.၉၈၀၈)တန် စုစုပေါင်း(၁၁) ချောင်း (၁.၁၂၀၈) တန် အားဖမ်းဆီးရမိခဲ့ပြီး ဥပဒေနှင့်အညီ ထိရောက်စွာ အရေးယူဆောင်ရွက်သွားပါမည်။

၉-၄-၂၀ ၂၀၂၀ ရက်နေ့မှ ၁၀-၄-၂၀၂၀ ရက်နေ့ထိရွှေဘိုခရိုင်လက်ထောက်ညွှန်ကြားရေးမှူးဦးဆောင်သော သစ်တောရဲအပါအဝင် ခရိုင်နှင့် မြို့နယ်မှ သစ်တောဝန်ထမ်းများမှ တန့်ဆည်မြို့နယ်အတွင်းရှိပကာရွာ၊အိုက်မရွာ၊ခေါင်ယာရွာအတွင်းနှင့်ရွာမုံတောင်ကြိုးပြင်ကာကွယ်တော၊ပေါင်ကတောင်ကြိုးဝိုင်းအတွင်းတရားမဝင်သစ်ရှာဖွေခဲ့ရာ၆ဘီးကား၁စီး၊တုန်ဖုန်းကား၂စီး၊ သစ်စက် ၃လုံးနှင့်သစ်မျိုးစုံစုစုပေါင်း(၂၁၄၉)ချောင်း(၅၆.၇၈၀၈) တန်၊အင်မျော(၂၅၅ )လုံး၊သစ်စက်အင်ဂျင်(၃ )လုံးနှင့်ဆက်စပ်ပစ္စည်းများဖမ်းဆီးရမိခဲ့ပြီး ဆက်စပ်တရားခံ(၈ )ဦးကိုလည်း သက်ဆိုင်ရာနယ်မြေရဲစခန်းတွင် သစ်တောဥပဒေနှင့်အညီ ထိရောက်စွာ အရေးယူဆောင်ရွက်နိုင်ရန် အမှုဖွင့်လှစ်ဆောင်ရွက်ထားရှိခဲ့ပါသည်။
ပိုင်ရှင်မပေါ်ပေါက်သည့်အမှုများကိုလည်းဆက်လက် စုံစမ်းဖော်ထုတ်နိုင်ရန်အတွက် တိုင်ချက်ဖွင့်ထားရှိပြီး ဥပဒေနှင့်အညီ ထိရောက်စွာ အရေးယူဆောင်ရွက်နိုင်ရန် စီစဉ် ဆောင်ရွက်လျက်ရှိပါသည်။