သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

(၂၁-၄-၂၀၂၀)ရက်နေ့တွင် ရန်ကုန်တိုင်းဒေသကြီး၊ ရန်ကုန်မြောက်ပိုင်းခရိုင်၊ လှည်းကူးမြို့နယ် သစ်တောဦးစီးဌာနမှ ဦးစီးအရာရှိ ဦးဆောင်သော သစ်တောဝန်ထမ်းများအဖွဲ့သည် စစ်ဆေးရေးဌာန၏ သတင်းချပြချက်အရ လှည်းကူးမြို့နယ် ဖောင်ကြီး၊ မင်းကုန်း၊ ဥတုကျေးရွာများအနီးတဝိုက် တရားမဝင် သစ်နှင့် သစ်တောထွက်ပစ္စည်းများ သယ်ယူခြင်း၊စုပုံခြင်းများမရှိရေးနယ်မြေအတွင်း လှည့်လည် စစ်ဆေးခြင်း ဆောင်ရွက်ရာ စံပြကျေးရွာနှင့် ဥတိုကျေးရွာ(၄)နေရာတို့မှ တရားမဝင် ကျွန်း/ ပျဉ်းကတိုး / ထောက်ကြံ့/ တောင်သင်္ဘော ခွဲသား (၁၈၃)ချောင်း (၆.၀၈၇၆)တန်အား တရားခံ(၁)ဦးနှင့်အတူ ဖမ်းဆီးရမိခဲ့ပြီး တရားခံအား ဥပဒေနှင့်အညီ ထိရောက်စွာအရေးယူနိုင်ရေး သက်ဆိုင်ရာရဲစခန်းတွင် အမှုဖွင့်လှစ်ဆောင်ရွက်လျက် ရှိပါသည်။

ပြည်သူပူးပေါင်းပါဝင်မှုဖြင့် လူထုအခြေပြုစောင့်ကြပ်ကြည့်ရှု့ သတင်းပို့စနစ်-CMRS ဖြင့် သတင်းပေးပို့ချက်အရ ၂၁-၄-၂၀၂၀ ရက်နေ့တွင် ပဲခူးတိုင်းဒေသကြီး၊ ပဲခူးခရိုင်၊ သစ်တောဦးစီးဌာန လက်ထောက်ညွှန်ကြားရေးမှူး ဦးဆောင်သော သစ်တောဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ ရပ်ကွက်အုပ်ချုပ်ရေးအဖွဲ့ဝင်များပါဝင်သော ပူးပေါင်းအဖွဲ့သည် ပဲခူးမြို့နယ်၊ ရပ်ကွက်ကြီး(၄)၊ ရာဇာဓိရာဇ်လမ်းမဘေးနေရာ၌ မော်တော်ယာဉ်အမှတ် (MON 1M/4086) FORLAND (၆)ဘီး (ခေါင်းပြာရောင်)ယာဉ်ပေါ်မှ တရားမဝင်ပျဉ်းကတိုး(၂၄)ချောင်း (၃.၀၅၁၀)တန်အား ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်းရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး သက်ဆိုင်ရဲစခန်းတွင်အမှုဖွင့်လှစ်ထားရှိပြီးဖြစ်ပါသည်။

(၂၀-၄-၂၀၂၀)ရက်နေ့ (၁၅း၅၅)နာရီအချိန်တွင် ရှမ်းပြည်နယ်(တောင်ပိုင်း)၊ တောင်ကြီးခရိုင်၊ ရပ်စောက်မြို့နယ်၊ သစ်တောဦးစီးဌာနမှ သစ်တောဝန်ထမ်းများ၊ ရပ်ကွက်အုပ်ချုပ်ရေးအဖွဲ့ဝင်များပါဝင်သော ပူးပေါင်းအဖွဲ့သည် ရပ်စောက်မြို့နယ်၊ အင်တောမြို့အနောက်ဘက်(၂) မိုင်ခန့်အကွာ ဒီးဒုတ်ချောင်းအနီး နေရာမှ တရားမဝင်အင်ကြင်းခွဲသား (၁၆၃) ချောင်း (၃. ၂၁၂၆) တန်အား ဖမ်းဆီးရမိခဲ့ပြီး
ဖမ်းဆီးပစ္စည်းများအား အင်တော (၁) ဘိနယ် စခန်းသို့ သယ်သူသိမ်းဆည်း၍ ဆက်စပ်တရားခံများအား စုံစမ်းရှာဖွေဖော်ထုတ်၍ ဥပဒေနှင့်အညီထိရောက်စွာအရေးယူဆောင်ရွက်သွားမည်ဖြစ်ပါသည်။