Welcome to Forest Department
No front page content has been created yet.
သတင်းနှင့်ကြေငြာချက်များ
၂၀၁၉ ခုနှစ်၊ ဇူလိုင်လ (၂၂) ရက်နေ့မှ (၂၄) ရက်နေ့အထိ တရုတ်ပြည်သူ့သမ္မတနိုင်ငံ၊ ချီဖိန်းမြို့၊ အာရှ-ပစိဖိတ် သစ်တောများစဉ်ဆက်မပြတ် စီမံအုပ်ချုပ်ရေးနှင့် ပြန်လည်တည်ထောင် ရေးကွန်ယက်(APFNet)သင်တန်းကျောင်းတွင်ကျင်းပသော အာရှ-ပစိဖိတ် သစ်တောကဏ္ဍ ပူးပေါင်းဆောင်ရွက်မှုဆိုင်ရာ ဆွေးနွေးပွဲသို့ သယံဇာတနှင့် သဘာဝပတ်ဝန်းကျင်ထိန်းသိမ်းရေး ဝန်ကြီးဌာန ဒုတိယဝန်ကြီး ဒေါက်တာရဲမြင့်ဆွေ တက်ရောက်၍ အဖွင့်မိန့်ခွန်းပြောကြားခဲ့ပါသည်။အဖွင့်မိန့်ခွန်းပြောကြားရာတွင် အာရှ-ပစိဖိတ် သစ်တောများစဉ်ဆက်မပြတ် စီမံအုပ်ချုပ် ရေးနှင့် ပြန်လည်တည်ထောင်ရေးကွန်ယက် (APFNet)၏ President ဖြစ်သူ Mr.Shucong Zhao ၊ Executive Director ဖြစ်သူ Dr. Lu De တို့နှင့် တွေ့ဆုံ၍ သစ်တောများပြန်လည်တည်ထောင်ရေး လုပ်ငန်းများ၊ ဂေဟစနစ်ပြည်လည်တည်ထောင်ရေး လုပ်ငန်းများ၊ စဉ်ဆက်မပြတ် သစ်တောစီမံ အုပ်ချုပ်မှုလုပ်ငန်းများနှင့် ကျေးလက်ဒေသဖွံ့ဖြိုးတိုးတက်ရေးလုပ်ငန်းများတွင် ပိုမိုပူးပေါင်း ဆောင်ရွက်ရေး၊ မဟာသိပ္ပံနှင့် ပါရဂူဘွဲ့ပညာသင်ဆုများ အထောက် အပံ့ရရှိရေး၊ စဉ်ဆက်မပြတ် သစ်တောစီမံအုပ်ချုပ်ခြင်းဆိုင်ရာ လူ့စွမ်းအားအရင်းအမြစ် ဖွံ့ဖြိုးတိုးတက်ရေးလုပ်ငန်းများတွင် ပိုမိုပူးပေါင်းဆောင်ရွက်နိုင်ရေးကိစ္စရပ်များ ဆွေးနွေးခဲ့ကြောင်း၊
သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာန အနေဖြင့် မြန်မာ့ကျွန်း သစ်မူရင်းဒေသဖြစ်သော ပဲခူးရိုးမအတွင်း ၂၀၁၆-၁၇ ဘဏ္ဍာနှစ်မှစ၍ တရားဝင်သစ်ထုတ်လုပ်ခြင်းလုပ်ငန်း အား (၁၀)နှစ်ရပ်နားထားပြီး သစ်တောပြုစုထိန်း သိမ်းခြင်းလုပ်ငန်းများအား အရှိန်အဟုန်မြှင့်ဆောင်ရွက်နေ လျှက်ရှိသည့်အပြင် တရားမဝင်သစ်ခိုးထုတ်ခြင်း၊ တရားမဝင်တောရိုင်းတိရစ္ဆာန်များ သတ်ဖြတ်ခြင်းနှင့် ကျူးကျော်အခြေချနေထိုင်ခြင်းများအား ပြည်သူပူးပေါင်းပါဝင်မှုဖြင့် စီမံချက်ချအကောင် အထည်ဖော် ဆောင်ရွက်နေလျှက်ရှိပါသည်။ ပဲခူးရိုးမစိမ်းလန်းစိုပြည်ရေး ဧရိယာအတွင်းမှ (၂၂-၇-၂၀၁၉)ရက်နေ့မှ (၂၈-၇-၂၀၁၉) ရက်နေ့ထိ တစ်ပတ်တာကာ လအတွင်း တရားမဝင်ကျွန်း၊ သစ်မာ၊အခြား စုစုပေါင်း (၆၃.၃၂၉၂)တန်ဖမ်းဆီးရမိခဲ့ပါသည်။
၂၇-၇-၂၀၁၉ ရက်နေ့၌ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာန၊ ဒုတိယညွှန်ကြားရေးမှူးချုပ် (မူဝါဒနှင့်စီမံကိန်း) ဦးကျော်ကျော်လွင်ဦးဆောင်၍ သစ်တောဦးစီးဌာနမှ အရာထမ်းများ၊ အမှုထမ်းများ၊ သစ်တောနှင့် ပတ်ဝန်းကျင်ဆိုင် ရာတက္ကသိုလ်မှ ဆရာ/ဆရာမများနှင့် တတိယနှစ်၊ စတုတ္ထနှစ်၊ နောက်ဆုံးနှစ် ကျောင်းသူ/ကျောင်းသားများ ပါဝင်၍ မိတ္ထီလာခရိုင်၊ ဝမ်းတွင်းမြို့နယ်၊ ရိုးစုံကျေးရွာရှိ ဦးအုန်းညွန့်ပါ (၁၂၀)ဦး၏ ရိုးစုံဒေသခံပြည်သူအစုအဖွဲ့ပိုင်သစ်တော(၅၅၀)ဧကသို့ ကွင်းဆင်းလေ့လာခဲ့ကြသည်။ ဆက်လက်၍ မန္တလေးတိုင်းဒေသကြီး၊ မိတ္ထီလာခရိုင်၊ သာစည်မြို့နယ်ရှိ ရွှေနတ်တောင်အဆိုပြုကြိုးပြင်ကာကွယ်တောအတွင်း အပူပိုင်းဒေ သစိမ်းလန်းစိုပြည်ရေးဦးစီးဌာနမှ ဆောင်ရွက်လျက်ရှိသော ၂/၂၀၁၈ အခြားစိုက်ခင်း (၂၅)ဧက အားလေ့လာခဲ့ပါသည်။ ဆက်လက်၍ ကျောင်းသား/ကျောင်းသူများသည် မန္တလေးတိုင်းဒေသကြီး၊ မိတ္ထီလာခရိုင်၊ ဝမ်းတွင်းမြို့နယ်ရှိ မယ်ညိုတောင်ကြိုးဝိုင်း အတွင်း အပူပိုင်းဒေသစိမ်းလန်း စိုပြည်ရေးဦးစီးဌာနမှ Asian Development Bank (ADB)နှင့် Nippon Koei Co.,Ltd တို့ဖြင့် ပူးပေါင်းဆောင်ရွက်လျက်ရှိသည့် Rural Productivity and Ecosystem Services Enhanced in Central Dry Zone Forest စီမံကိန်း၏ လုပ်ငန်းဆောင်ရွက်နေမှုများအား လေ့လာခဲ့ပါသည်။
၂၃-၇-၂၀၁၉ ရက်နေ့တွင် နေပြည်တော်ကောင်စီနယ်မြေ၊ ဥတ္တရခရိုင်၊ ဥတ္တရသီရိမြို့နယ်၊ သစ်တောဦးစီးဌာနမှ ဦးစီးအရာရှိ ဦးဆောင်သောသစ်တောဝန်ထမ်းများ၊ သစ်တောလုံခြုံရေး ရဲတပ်ဖွဲ့ဝင်များ၊ ကျေးရွာအုပ်ချုပ်ရေးမှူးအဖွဲ့ဝင်များ ပါဝင်သောပူးပေါင်းအဖွဲ့သည် ပလွေး(၇၆) ဂွေးချိုချောင်းဘေးမှ တရားမဝင် သံသေ/ချဉ်ယုတ်/ကျွန်းဓါးရွေ(၁၄၅)ချောင်း (၆.၃၇၁၀)တန်အား ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်းရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက် ရှိပါသည်။
၂၃-၇-၂၀၁၉ ရက်နေ့တွင် နေပြည်တော်ကောင်စီနယ်မြေ၊ ဒက္ခိဏခရိုင်၊ ပျဉ်းမနားမြို့နယ် သစ်တောဦးစီးဌာနမှ ဦးစီးအရာရှိ ဦးဆောင်သော သစ်တောဝန်ထမ်းများ၊ အထွေထွေအုပ်ချုပ်ရေး ဦးစီးဌာနမှ ဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ သာသနာရေးဦးစီးမှူးနှင့် ရပ်ကွက် အုပ်ချုပ်ရေးအဖွဲ့ဝင်များ ပါဝင်သောပူးပေါင်းအဖွဲ့သည် ပျဉ်းမနားမြို့နယ်၊ ရွာကောက်အုပ်စု၊ ပန်းခင်း(၃)လမ်း၊ နန္ဒဝန်ကျောင်းဝန်းအတွင်း တရားမဝင်ပိတောက်/ပျဉ်းကတိုး/ကညင်ခွဲသား (၂၈၃)ချောင်း(၁၃.၂၃၀၈)တန်အား ပိုင်ရှင်(စုံစမ်းဆဲ) ဖမ်းဆီးရမိခဲ့ပြီး တရားခံအား ဥပဒေနှင့်အညီ ထိရောက်စွာ အရေးယူနိုင်ရေး သက်ဆိုင်ရာရဲစခန်းတွင် အမှုဖွင့်လှစ် ဆောင်ရွက်လျက် ရှိပါသည်။
၂၃-၇-၂၀၁၉ ရက်နေ့တွင် မကွေးတိုင်းဒေသကြီး၊ ဂန့်ဂေါခရိုင်၊ ဂန့်ဂေါမြို့နယ် သစ်တောဦးစီးဌာနမှ သစ်တောဝန်ထမ်းများ၊ သစ်တောလုံခြုံရေးရဲတပ်ဖွဲ့ဝင်များ၊ မြန်မာနိုင်ငံရဲတပ်ဖွဲ့ဝင်များ၊ ရပ်ကွက်အုပ်ချုပ်ရေးအဖွဲ့ဝင်များ ပါဝင်သောပူးပေါင်းအဖွဲ့သည် ဂန့်ဂေါမြို့နယ်၊ တဇန်းကျေးရွာ၏ အရှေ့ဘက်(၂)မိုင်ခန့်အကွာ စစ်နှီးကြိုးဝိုင်းအကွက်(၃၇)အတွင်း တရားမဝင် ကျွန်းသစ်(၂၀)လုံး (၅.၂၆၅၄)တန်အား ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်းရှာဖွေ ဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက် ရှိပါသည်။
၂၄-၇-၂၀၁၉ ရက်နေ့တွင် စစ်ကိုင်းတိုင်းဒေသကြီး၊ သစ်တောဦးစီးဌာန၊ တိုင်းစစ်ကြောင်းအဖွဲ့မှ သစ်တောဝန်ထမ်းများ၊ သစ်တောလုံခြုံရေးရဲတပ်ဖွဲ့ဝင်များ ပါဝင်သောပူးပေါင်းအဖွဲ့သည် ကလေးဝမြို့နယ်၊ ပလ္လင်ကြိုးဝိုင်းအတွင်း တရားမဝင် ကညင်/သစ်ယာ/အင်သစ် (၁၈)လုံး (၁၉.၆၂၀၀)တန်အား ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်း ရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက် ရှိပါသည်။
ညွှန်ကြားရေးမှူးချုပ်ရုံး၊ ဧည့်ခန်းမ၌ ၂၅-၇-၂၀၁၉ ရက်နေ့၊ နေ့လည်(ဝ၂:ဝဝ)နာရီ အချိန်တွင်သစ်တောဦးစီးဌာန၊ ညွှန်ကြားရေးမှူးချုပ်ဒေါက်တာညီညီကျော်နှင့် တာဝန် ရှိသူများအား Biplove Choudhary, Unit Chief, Sustainable and Inclusive Growth Unit၊ Pem Wangdi, Programme Specialist, Sustainable and Inclusive Growth Unit နှင့် ကိုယ်စားလှယ်များမှ လာရောက်တွေ့ဆုံ၍ GEF ရန်ပုံငွေဖြင့် ဆောင်ရွက်မည့် Reducing Climate Vulnerability of Coastal Communities of Myanmar through an Ecosystem-based Approach စီမံကိန်းအဆိုပြုလွှာ အားအပြီးသတ်ရေးဆွဲထားသည့် တိုးတက်မှုအခြေအနေနှင့် အဆိုပါစီမံကိန်းလုပ်ငန်း များတွင် သစ်တောဦးစီးဌာနက ဆောင်ရွက်လျက် ရှိသည့် ဒီရေတောနှင့် ကမ်းရိုးတန်းထိန်းသိမ်းရေးလုပ်ငန်းများပါရှိသည့်အတွက် သစ်တောဦးစီးဌာန၊ ညွှန်ကြားရေးမှူးချုပ်အားတင်ပြရန်၊ Co-financing Letter/ သစ်တောဦးစီးဌာနမှ ပူးပေါင်းထည့်ဝင်ပေးစေလိုသည့် in-kind contribution ်များနှင့်ပတ်သက်၍ ဆွေးနွေးခဲ့ပါသည်။