Welcome to Forest Department
No front page content has been created yet.
သတင်းနှင့်ကြေငြာချက်များ
မြန်မာနိုင်ငံ၏ စိုက်ပျိုးရေးဂေဟစနစ်မတူညီသော ဒေသများတွင်ဒေသခံအခြေပြုသစ်တော ထိန်းသိမ်းကာကွယ်ခြင်း လုပ်ငန်းများအတွက် လေ့လာသင်ယူခြင်းနှင့် သတင်းအချက်အလက် မျှဝေခြင်းဆိုင်ရာ အလုပ်ရုံဆွေးနွေးပွဲကို (၂၂-၇-၂၀၁၉) ရက်နေ့၊ နံနက် (၀၉:၀၀) နာရီတွင် နေပြည်တော် ၊သင်္ဂဟဟိုတယ်၌ ကျင်းပပြုလုပ်ရာ ဒုတိယညွှန်ကြားရေးမှူးချုပ်၊ ဦးကျော်ကျော်လွင် တက်ရောက်အဖွင့် အမှာစကားပြောကြား ပါသည်။အမှာစကားပြောကြားရာတွင်…အလုပ်ရုံဆွေးနွေးပွဲကို သစ်တောဦးစီးဌာန၊ စိုက်ပျိုးရေးဦးစီးဌာနနှင့်FAO အဖွဲ့တို့ ပူးပေါင်း ဆောင်ရွက်လျက်ရှိသည့် “မြန်မာနိုင်ငံ၏ မတူညီသော ဂေဟစနစ်များတွင် ရေရှည် တည်တံ့သော စိုက်ပျိုးမြေနှင့် သစ်တောသယံဇာတစီမံအုပ်ချုပ်မှု နည်းစနစ်များဖော်ဆောင်ခြင်း စီမံကိန်း” အစီ အစဉ်ဖြင့်ကျင်းပဆောင်ရွက်ခြင်းဖြစ်ပါကြောင်း။ ဤစီမံကိန်းသည်FAO၏ ဦးဆောင်မှု နှင့် ဒေသခံ NGO, CSO များနှင့်ပူးပေါင်းပြီး မတူညီသည့်ဂေဟစနစ် (၃)ခုဖြစ်သည့်ကမ်းရိုးတမ်း၊ ကုန်းမြင့်နှင့် မြန်မာနိုင်ငံအလယ်ပိုင်းအပူပိုင်းဒေသများတွင် ရာသီဥတုပြောင်းလဲမှုနှင့် လိုက်လျောညီမှုရှိသည့် စိုက်ပျိုးရေးနည်းစနစ်များ၊ ဒေသခံပြည်သူတို့ ပူးပေါင်းပါဝင်ပြီး ရေရှည်တည်တံ့သည့် သစ်တော စီမံ အုပ်ချုပ်မှုနည်းစနစ်များကိုသရုပ်ပြဆောင်ရွက်လျက်ရှိပါကြောင်း၊စီမံကိန်းဧရိယာအနေနှင့်ကုန်းမြင့် ဒေသဖြစ်သည့် ချင်းပြည်နယ်တွင် မင်းတပ်မြို့နယ်နှင့်ကန်ပက်လက်မြို့နယ်၊ ဒီရေတောဧရိယာဖြစ် သည့် ဧရာဝတီတိုင်းဒေသကြီးမှလပွတ္တာမြို့နယ်နှင့် အပူပိုင်းဒေသဖြစ်သည့် မန္တလေးတိုင်းဒေသကြီး မှ ညောင်ဦးမြို့နယ်နှင့်ကျောက်ပန်းတောင်း မြို့နယ်တို့တွင် ဆောင်ရွက်နေပါကြောင်း၊
သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာန အနေဖြင့် မြန်မာ့ကျွန်း သစ်မူရင်းဒေသဖြစ်သော ပဲခူးရိုးမအတွင်း ၂၀၁၆-၁၇ ဘဏ္ဍာနှစ်မှစ၍ တရားဝင်သစ်ထုတ်လုပ်ခြင်းလုပ်ငန်း အား (၁၀)နှစ်ရပ်နားထားပြီး သစ်တောပြုစုထိန်း သိမ်းခြင်းလုပ်ငန်းများအား အရှိန်အဟုန်မြှင့်ဆောင်ရွက်နေ လျှက်ရှိသည့်အပြင် တရားမဝင်သစ်ခိုးထုတ်ခြင်း၊ တရားမဝင်တောရိုင်းတိရစ္ဆာန်များ သတ်ဖြတ်ခြင်းနှင့် ကျူးကျော်အခြေချနေထိုင်ခြင်းများအား ပြည်သူပူးပေါင်းပါဝင်မှုဖြင့် စီမံချက်ချအကောင် အထည်ဖော် ဆောင်ရွက်နေလျှက်ရှိပါသည်။ ပဲခူးရိုးမစိမ်းလန်းစိုပြည်ရေး ဧရိယာအတွင်းမှ (၁၅-၇-၂၀၁၉)ရက်နေ့မှ (၂၁-၇-၂၀၁၉) ရက်နေ့ထိ တစ်ပတ်တာကာ လအတွင်း တရားမဝင်ကျွန်း၊ သစ်မာ၊အခြား စုစုပေါင်း (၂၈.၀၁၀၂)တန်ဖမ်းဆီးရမိခဲ့ပါသည်။
၂၀-၇-၂၀၁၉ ရက်နေ့တွင် ရှမ်းပြည်နယ်(မြောက်ပိုင်း)၊ ကျောက်မဲခရိုင်၊ မဘိမ်းမြို့နယ်၊ သစ်တောဦးစီးဌာနမှ ဦးစီးအရာရှိ ဦးဆောင်သော သစ်တောဝန်ထမ်းများအဖွဲ့သည် မဘိမ်းမြို့နယ်၊ ရွှေလီမြစ်အတွင်း တရားမဝင် ကျွန်းသစ်(၂၀၄)လုံး (၁၄.၂၄၆၀)တန်အား ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်းရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိပါသည်။
၁၈-၇-၂၀၁၉ ရက်နေ့တွင် စစ်ကိုင်းတိုင်းဒေသကြီး၊ တမူးခရိုင်၊ တမူးမြို့နယ်၊ သစ်တောဦးစီးဌာနမှ ဦးစီးအရာရှိ ဦးဆောင်သော သစ်တောဝန်ထမ်းများ၊ ကျေးရွာအုပ်ချုပ်ရေးအဖွဲ့ဝင်များ ပါဝင်သောပူးပေါင်းအဖွဲ့သည် တမူးမြို့နယ်၊ အလှော်ကျေးရွာအနောက်တောင်ဘက် (၂)မိုင်ခန့်အကွာနေရာ၌ တရားမဝင်ကညင်ခွဲသား (၄၇) ချောင်း (၇.၈၅၁၆)တန်အား ဖမ်းဆီး ရမိခဲ့ပြီး ဆက်စပ်ပတ်သက်သော တရားခံများအား စုံစမ်းရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိပါသည်။
ပြည်သူပူးပေါင်းပါဝင်မှုဖြင့် လူထုအခြေပြုစောင့်ကြပ်ကြည့်ရှု သတင်းပို့စနစ် (CMRS) ဖြင့် သတင်းပေးပို့ချက်အရ ၁၈-၇-၂၀၁၉ ရက်နေ့တွင် ပဲခူးတိုင်းဒေသကြီး၊ သစ်တောဦးစီးဌာနမှ ညွှန်ကြားရေးမှူးရုံး ဦးစီးအရာရှိ ဦးဆောင်သော သစ်တောဝန်ထမ်းများ၊ သစ်တောလုံခြုံရေးရဲတပ်ဖွဲ့ဝင်များနှင့် မြန်မာနိုင်ငံရဲတပ်ဖွဲ့ဝင်များ ပါဝင်သော ပူးပေါင်းအဖွဲ့သည် ရေတာရှည်မြို့နယ်၊ သာဂရဘိနယ်၊ ငါးခုံးမချောင်းရွာနှင့် ဘုန်းကြီးကျောင်းအစပ်မှ တရားမဝင်ကျွန်းတံခါးရွက် (၃၆၇)ချပ် (၃.၆၈၃၈)တန်၊ ကိုးပင်-သာဂရကားလမ်း (၁/၅)မိုင် မြောက်ဘက် ကိုက် (၁၀၀)ခန့်အကွာမှ တရားမဝင်သစ်စက်(၁)လုံးနှင့် ဆက်စပ်ပစ္စည်းများ၊ သာဂရမြို့၊ အင်ဒိုင်းရပ် အမွန်(ခ)ဒေါ်ယူလေးခိုင်ခြံဝန်းအတွင်းမှ တရားမဝင် ထောက်ကြံ့ခွဲသား (၁၅)ချောင်း (၀.၀၈၇၂)တန် စုစုပေါင်း တရားမဝင် ကျွန်းတံခါးရွက်/ ထောက်ကြံ့ခွဲသား (၃၈၂)ချပ်/ ချောင်း (၃.၇၇၁)တန်၊ သစ်စက်(၁)လုံးနှင့် ဆက်စပ်ပစ္စည်းများအား ဖမ်းဆီးရမိခဲ့ပြီး ဆက်စပ်ပတ်သက်သူများအား ဥပဒေနှင့်အညီ ထိရောက်စွာအရေးယူနိုင်ရေး စုံစမ်းရှာဖွေဖော်ထုတ်လျက်ရှိပါသည်။
ပြည်သူလူထုပူးပေါင်းပါဝင်မှုဖြင့် လူထုအခြေပြုစောင့်ကြပ်ကြည့်ရှု့ သတင်းပို့စနစ်-CMRS ဖြင့် သတင်းပေးပို့ချက်အရ ၁၇-၇-၂၀၁၉ ရက်နေ့တွင် မန္တလေးတိုင်းဒေသကြီး၊ မန္တလေးခရိုင်၊ သစ်တောဦးစီးဌာနမှ လက်ထောက်ညွှန်ကြားရေးမှူး ဦးဆောင်သော သစ်တောဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ ရပ်ကွက်အုပ်ချုပ်ရေးအဖွဲ့ဝင်များပါဝင်သောပူးပေါင်းအဖွဲ့သည် မဟာအောင်မြေမြို့နယ်၊ သစ်တောဦးစီးဌာန၏ အုပ်ချုပ်မှုအောက်ရှိ ပြည်ကြီးတံခွန်မြို့နယ်၊ (ဈ)ရပ်ကွက်၊ ကနောင်မင်းသားကြီးလမ်းနှင့် ဧဝရတ်လမ်းကြား၊ ၅၉-လမ်း၊ အကွက်အမှတ်(H-191+192)ခြံဝန်းအတွင်းမှ တရားမဝင်ကျွန်း/ပိတောက်/တမလန်းသစ်/ ခွဲသား/ ဓါးရွေ (၇၅၈)လုံး/ချောင်း(၁၅.၈၀၆၂)တန်အား တရားခံ(၁)ဦးနှင့်အတူ ဖမ်းဆီးရမိခဲ့ပြီး တရားခံအား ဥပဒေနှင့်အညီ ထိရောက်စွာ အရေးယူနိုင်ရေး သက်ဆိုင်ရာရဲစခန်းတွင် အမှုဖွင့်လှစ်ဆောင်ရွက် လျက်ရှိပါသည်။
“ဌာနေတိုင်းရင်းသားများနှင့် ဒေသခံများထိန်းသိမ်းကာကွယ်သည့်နယ်မြေများ (ICCAs) နှင့် ဒေသခံအစုအဖွဲ့သဘာဝထိန်းသိမ်းရေးနယ်မြေများ(CCPAs)” ဆိုင်ရာဆွေးနွေးပွဲကို ၁၈-၇-၂၀၁၉ ရက်နေ့၊ နံနက် (၀၈ : ၃၀)နာရီတွင် တော်ဝင်နေပြည်တော်ဟိုတယ်၌ ကျင်းပပြုလုပ်ရာ သစ်တောဦးစီးဌာန၊ ဒုတိယညွှန်ကြားရေးမှူးချုပ်(စီမံခန့်ခွဲရေး) ဦးဇော်မင်း တက်ရောက်၍ အဖွင့်အမှာစကားပြောကြားပါသည်။ အဖွင့်အမှာစကားပြောကြားရာတွင် မြန်မာနိုင်ငံသည် ပထဝီအနေအထားအရ ကွဲပြား ခြားနားသည့် ဒေသကြီး(၃)ခုဖြစ်သည့် မြောက်ဘက်တွင် ဟိမဝန္တာဒေသ၊ အရှေ့ဘက်တွင် အင်ဒိုချိုင်းနားဒေသနှင့် တောင်ဘက်တွင် မလေးကျွန်းဆွယ်ဒေသတို့အကြား တည်ရှိသော ကြောင့် နိုင်ငံတွင်းတွင် မိုးရေချိန်နှင့် မြေမျက်နှာသွင်ပြင်ကွဲပြားခြားနားမှု၊ မြစ်ချောင်းများ ပေါများမှုကြောင့် အမျိုးအစားစုံသည့် သဘာဝသစ်တောများ၊ ဂေဟစနစ်များကို ဖြစ်ပေါ်တည် ရှိစေပြီး ဇီဝမျိုးစုံမျိုးကွဲအများအပြား၊ သဘာဝသယံဇာတများစွာ ပိုင်ဆိုင်ကြောင်း၊ ဇီဝမျိုးစုံမျိုးကွဲများ၊ သဘာဝအရင်းအမြစ်များသည် ပြည်သူများ စဉ်ဆက်မပြတ် ဖွံ့ဖြိုး တိုးတက်ရန်နှင့် ကမ္ဘာကြီးကို ခြိမ်းခြောက်နေသည့် ရာသီဥတုပြောင်းလဲမှုကို တိုက်ဖျက်ရန် အတွက် အရေးကြီးသည့့်နေရာတွင်ပါဝင်နေကြောင်း၊ ၂၀၁၈ ခုနှစ်၊ မေလ (၂၁) ရက်နေ့တွင် ပြဋ္ဌာန်းခဲ့သည့် ဇီဝမျိုးစုံမျိုးကွဲနှင့် သဘာဝထိန်းသိမ်းရေးနယ်မြေများ ကာကွယ်စောင့်ရှောက် ခြင်းဆိုင်ရာ ဥပဒေတွင် ဒေသခံများနှင့် ဌာနေတိုင်းရင်းသားများကိုယ်တိုင် စီမံအုပ်ချုပ်ထိန်း သိမ်းနိုင်မည့် “ဒေသခံအစုအဖွဲ့ သဘာဝထိန်းသိမ်းရေးနယ်မြေ” ပါဝင်လာပါသည်။
ဇီဝမျိုးစုံမျိုးကွဲနှင့်သဘာဝထိန်းသိမ်းရေးနယ်မြေများကာကွယ်စောင့်ရှောက်ခြင်းဆိုင်ရာ နည်းဥပဒေ(နောက်ဆုံးမူကြမ်း)အပေါ် ကျွမ်းကျင်သူများ အကြံပြုဆွေးနွေးပွဲကို ၁၇-၇-၂၀၁၉ ရက်နေ့၊ နံနက် (၀၉:၀၀) နာရီတွင် တော်ဝင်နေပြည်တော်ဟိုတယ်၌ ကျင်းပပြုလုပ်ရာ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာန ဒုတိယ ညွှန်ကြားရေးမှူးချုပ်(စီမံခန့်ခွဲရေး) ဦးဇော်မင်း တက်ရောက်၍ အဖွင့်အမှာစကားပြောကြားပါသည်။အမှာစကားပြောကြားရာတွင် ၂၀၁၈ ခုနှစ်၊ မေလ (၂၁)ရက်နေ့တွင် ပြည်ထောင်စု လွှတ်တော်မှ အတည်ပြုပြဋ္ဌာန်းလိုက်သည့် “ဇီဝမျိုးစုံမျိုးကွဲနှင့် သဘာဝထိန်းသိမ်းရေးနယ်မြေ များ ကာကွယ်စောင့်ရှောက်ခြင်းဆိုင်ရာဥပဒေ”အတွက် အထောက်အကူဖြစ်စေမည့် နည်း ဥပဒေကြမ်း” အား အတည်ပြုထုတ်ပြန်နိုင်ရန် အထက်အဆင့်သို့ မတင်ပြမီ နောက်ဆုံးသုံးသပ် ဆွေးနွေးပွဲဖြစ်ပါသည်။